泰極料理 (已結業)

呢度本身係食韓燒，有一日經過原來已經變左做泰國餐廳。 裝修都幾整潔，今次就同老公一家去食晚飯。我地五個人都食左好多野：炭燒豬頸肉，蝦醬炒牛河，黃金炒鮮魷，香芒炒雞柳，芒果糯米飯，蛋煎蠔餅。。。豬頸肉係好香口，又大份，我地都好中意，個牛河有別於一般干炒牛河，多左入蝦醬香味，幾唔錯！但個鮮魷就差少少，有d硬同難咬，唔啱老人家食；香芒炒雞柳幾清，蛋煎蠔餅都好惹味，個甜品芒果糯米飯就正常味道。整體算係唔錯，家庭小聚一流

啱啱個weekend同兩個friend三支公無地方去, 又唔想出去元朗咁遠, 就嚟試吓呢間新開既泰國野, 之前聽過呢間開得算夜又有酒飲, 係天水圍區算難得. 抱住大無謂既心態夜晚十一點幾去試下, 點知出奇地唔錯噃!!! 我地三個人初初都係飲酒吹水為主, 但見到隔離枱食個魚鍋好似好正咁, 結果就跟住叫, 跟D食開既街坊叫, 絕對無錯, 我地飲酒吹水到零晨一點打烊先走, 超正!!!夜晚食宵夜唔洗去到俊宏軒果邊或者老麥lu

朋友家住天水圍, 一班friend要gathering, 本來諗住係天水圍好難搵到個地方又可以食得好又可以舒舒服服咁坐吓吹吓水. 我地6個人因為有小朋友又唔食得辣, 有個朋友介紹呢間fusion中泰菜既餐廳, 初初諗住泰國菜又酸又辣, 有啲窄. 點知嚟到食落幾好喎. 我地叫咗個魽魚鍋用檸檬湯底, 酸酸甜甜咁, 連小朋友都鐘意食, 超正. 最好食係個生菜包, 我地落Order時叫咗小辣, 味道對我地嚟講就啱啱好, 個個都搶住食, 個老闆仲好貼心咁送多幾塊生菜比我地添. 叫咗半隻海南雞, 不過不失, 雞肉算好滑. 係個小食拼盤可能凍咗感覺一般. 整體環境, 食物同服務都不錯, 下次會再來!

天水圍出名無野食架喇！見開左咁多餐廳，都諗住去試下，支持下，希望d 想做下小生意、開間小餐店既會get inspired 開返間，咁我地都會多d選擇！但係乜料，呢間好似打fusion泰菜好似唔太惦。菜式一：酸辣鳳爪 **2/5個汁唔酸唔辣，d肉好老。呢碟咁易整都咁。菜式二：海南雞飯 **2/5好生，食左半碟無食，仲有個飯都唔似雞油，似淨係落左黃薑。菜式三：冬陰公魚 * 1/5條魚佢係炸完再放落個湯到，所以條魚係吸唔到d汁既味架！想試就試啦！

-香草檸檬魚鍋- 沒特別，魚沒什麼味道，反而配菜更入味。-鳯爪-可以，個人覺得有點辣-辣椒膏炒蝦-惹味串燒及小食拼盤-沒特別，個人不喜歡沙爹醬加花生碎-牛肉-算新鮮

叫左個生菜包，鳳爪，蝦醬炒飯，馬拉椰菜苗，冬陰功湯生蝦老實講個鳳爪，生菜包仲衰過天瑞泰式肥阿姨椰菜苗唔知以為油浸個冬陰功湯，用芽菜，垃圾蟹柳，"觀"頭鮑片，全部低價材料個生菜包，啲生菜仲有炒完肉碎啲油住炒飯炒到勁乾。。。講真真係得個鳳爪係正常，但好食仲有一段距離

一班人聚會，呢間餐廳唔錯。有小食、串燒、火鍋、小菜、仲可以自帶海鮮加工。坐底叫左啲小食、串燒、燒蠔食住先，個臭豆腐好正，好快就清晒一碟，送酒一流。個燒茄子好得意，係紫色既茄子加泰國青茄子，呢個外面小少見咁樣燒。我哋叫左個椰子雞鍋，個湯好香椰汁，食完啲雞可以攞埋個湯打邊，我哋只加左菇同菜，啲姑菇吸左椰汁好香甜。我哋自帶瀨尿蝦，個蝦整得好香口，食到大家。我見隔離枱叫左鍋魚，個賣相都好似幾好味，下次有機會要試下先。味道唔可以話好正宗既泰國菜，但味道都唔錯，同埋態度都幾好。啲野食一上枱就掛住食，只照得一張食物相

兩個人食了幾樣野，長話短說，意見如下，拼盤: 完全吾得，雞翼同蝦餅有翻炸感覺，好似D野一早整定求其翻炸兩下就上枱，魚餅很薄，味道感覺怪怪，臭豆付吾夠熱，明白一般拼盤不會有臭豆付，但既然做得就應該比D heart。。。串烧: 毫無沙爹味同燒烤應有香味生蝦: 蝦肉白色不通透，感覺吾夠鲜炒金边粉: 味道不錯，個人認為是全枱最佳生啤: 味道稍淡，但個人認為問題不大店舖環境尚可以，感覺都舒服。員工服務亦可以，但食物質素就只能用惨不忍睹呢形容。。。作為一間泰菜館，好難想像個拼盤質素和味道如此差。。。如果這拼盤是我在商場D小食舖食到我會預左係咁上下，但在一間地舖內食到恕我未能接受。。？

已光顧此店多回了，從未失準。第一次來是家庭三代聚餐，屋企人都嘴挑為食，’搞手’推薦這裹，眾人都跨區來了，其實就在天水圍地鐵站下，也算就腳。一到就被歡樂的環境氣氛吸引住了，全場如green house 的落地玻璃窗好開陽，巨型亮麗牆畫更提供了好多合照打卡位，隨意點影都靚。因我家長者小孩多，本來也担心泰國菜會否只顧重囗味或太辣，怎料菜單亦有驚喜，是特色fusion菜，非單一傳統泰菜囗味。例如長老們激讚的南乳吊燒雞脆囗肉滑，美極煎大蝦入味，炸豆腐香囗不油腻，椰子雞煲鮮甜，椰菜苗爽囗，仲有啱較重囗味一族的麻香辣口水雞，三色椒抄鵝腸，香茅牛雜煲等，甜品揀咗芒果糯米飯，甜度剛好的漿汁大滿足，大小孩子搶食追加。招呼也很好，老闆好nice, 認真地跟進我們對餸菜的要求(減棘之類)。覺得厨師很會用不同香料帶出食材原味，細問親友原來大厨曾在各名店主理，對各國料理均拿手，食家親友是跟着味覺追棒他來到的。餐廳開到零晨一點，設VIP房，有生啤，聽聞這裹火鍋亦不俗，下次會約老友試吓。誠推大家，無論是家庭聚餐，約三五知己悠閒吹水，或獨自來hea歎下午茶，都係好選擇。上次假日去好旺場，如約人最好先book 枱啦。

底食又坐得舒服! 仲有Hoegaarden! 聚腳吹水好地方! 服務態度好👍！臭豆腐, 蝦餅, 海南雞, 香葉檸檬湯魚鍋, 食完仲可以另叫打邊爐！貢丸驚喜地好食! 三色椒鵝腸非常出色!

噚晩OT回來以為無啖好食，原來呢間新開的泰菜開到零晨一點！我點了香葉肉碎生菜包和菠蘿炒飯真心推介呢個香葉肉碎超好味又唔油，生菜新鮮翠綠仲有菠蘿炒飯吃得出是用鮮菠蘿炒，炒得香噴噴好入味！老闆態度親切，仲介紹我多幾個朋友可以試下熱賣的椰子雞煲，用成個椰子和鮮雞煲出來！我見隔離枱又真係吃緊喎，下次要同屋企人一齊來試下先！

地點好方便，食物好味上菜快。環境好好坐得好舒服。炸豬皮好脆好好味，唔會油膩。另外其他泰國小食都好有水準。嘢飲方面，一坐低要左杯凍啡，茶餐廳質素，好飲。之後飲左杯推薦嘅Hoegarden 果味生啤，夾埋小食，好開胃。整體成個感覺好好。會再幫襯。

今晚三個人去試新開業不久泰國菜，價格偏貴，甜點芒果糯米飯，太細份芒果又酸，賣相勉強，泰式生蝦算新鮮，但醬料晤多得，炒蜆……殼多過肉，又唔救鑊氣，出面大排檔都好食過佢……諗住試過生菜包肉碎，應該唔會差得去邊，點知中伏，肉碎太咸，蝦醬炒牛河，冇蝦醬味，最後將肉碎混埋D牛河一齊先剛剛好！臭豆腐不過不失！

今晚去試下樓下新的泰國菜餐廳，價錢稍高於街坊價，不過最後無加一的，最終三人叫三樣野，$236，還好。我個人認為泰式炒金邊粉是試驗水準的基準，他們都算有心機，三碟之中最後出，熱騰騰的，貌相和味道也非常好。第一碟出的是跟油飯的豬脾肉，汁的味道惹味而肉亦很嫩滑。飯本來可以選白飯或油飯，這油飯很好不油膩。第二碟是芒果炒雞柳，芒果非常甜，份量適中。啤酒是生啤，所以價錢有點貴，本想飲菜單有的hoegaarden beer rose，不過無，所以我無飲⋯

繼韓國野轉營都做唔住，變左泰國餐廳。抱住一試無妨既心態。2公婆叫左一個小食拼盤，木瓜沙律，黃金炒鮮魷，沙嗲牛肉串燒，椰青首先，講下個拼盤，有春卷、炸魚、炸蝦餅、臭豆腐、炸雞翼春卷就正常食得，但個雞醬整到好稀，超市現成都仲有d味。炸魚就......幾乎食唔到魚肉。炸蝦餅唔錯。臭豆腐，我老公食左一舊就已經唔食。炸雞翼呢，過左火、柴哂皮😔木瓜沙律真係木瓜同幾隻蝦仔，連個汁都唔多掂黃金鮮魷太Hea .係咁易炸一炸鮮魷，揾隻鹹蛋黃炒2下，食落去舊魷魚係冇咩味😂串燒真係估佢唔到咁難食😂仲衰過街邊走鬼小販。個沙嗲醬都唔知可唔可以叫沙嗲，因為係冇味既🤦🏻‍♀️個牛肉好似醃左好耐，鹹到條脷都損埋咁濟諗左一陣叫唔叫埋個芒果糯米飯做甜品啦但見到隔離枱個糯米飯仲出緊煙.....我打消左個念頭😜試過一次就算。唔會再有第二次....