泰沾麵

营业中

休息中

嚟緊12月尾先有得去泰國🥺先同朋友喺香港食間正宗泰國菜先🥳我哋去咗AIRSIDE 泰沾麵之前有幾個朋友食過都話好好味餐廳間中有不同優惠，更加抵食！我哋嗌咗幾個特色菜式，特別係招牌泰式沾麵$108，日式沾麵食得多，泰式真係第一次，將爽滑米粉，浸進香辣濃郁咖喱 （青咖喱雞湯和紅咖喱魚湯兩款湯汁）啖啖咖喱香味，可配埋伴上酸菜、芽菜、雞蛋一齊食，多重口感🤤其他菜式都好好味✨啖啖蟹肉炒飯$138真係有好多蟹肉，厚身鮮甜，加入蛋絲，濃郁蛋香味，飯粒炒得乾身有鑊氣✨滴不留招牌船麵 （和牛$138/豚肉 $118）我哋食咗和牛，濃郁湯底，和牛軟腍，肉質柔嫩✨即燒豬頸肉$88燒到外脆內軟，豬頸肉保持嫩滑香口，配合埋秘製醬汁更加惹味✨青芒果大蝦沙律$118超大隻蝦，爽口彈牙，芒果鮮甜，酸辣鮮甜又醒胃✨青木瓜沙律$78粗條青木瓜，配埋惹味蝦乾有咬口，味道酸酸辣辣，最啱開胃小菜✨芒果熱情果沙冰 $55足料差唔多滿瀉，鮮甜芒果，透心涼✨蝶豆花香茅梳打$42紫色超靚，淡淡香茅味，配上梳打水，清爽，啱晒食完辣嘢飲

我真係勁鍾意食泰國菜，食極都唔厭，啟德airside呢一間聽聞好出色，所以要去試吓！餐廳嘅裝修型格得嚟又好有泰國feel，坐得都幾舒服！仲有一大排落地玻璃窗，日頭嚟影相應該都幾靚！平日嘅夜晚嚟都好full，建議大家book定位呀！之前喺泰國都有食過三臭炒粉絲，一試難忘，三臭其實係臭草、臭豆同醃蒜，一啲都唔臭㗎，一上枱果陣仲勁香口添！上面啲蝦大大隻之餘仲好彈牙，超推介！仲有佢哋嘅燒大頭蝦都係好吸引，係即刻燒出嚟，啲蝦膏多到直接用匙羹咁食，食完真係好滿足😋😋

ASURA·泰沾麵具有濃厚泰北特色嘅泰菜-泰沾麵，落戶在Airside已經好耐，今次係我第一次食。餐廳環境好有泰式風技格，玻璃外牆，景觀開揚。用綠色植物點綴，好chill。牆壁上有大型塗鴉，令人感覺很有氣氛。做為鎮店招牌嘅就係泰式沾麵！老實講，船麵就食得多，呢款米線撈汁嘅食法就幾罕見，同日式沾麵差唔多，佢都係準備好一碟米線，再另裝一碗汁，唔同於日式嘅系佢用各式咖喱加入海鮮或者豬牛肉，食法亦相似，將米線沾汁食。紅咖喱虎蝦沾麵，系用咗酸菜、芽菜、紫椰菜、油炸雞蛋同花生碎做配料，四小卷米線擺盤好精緻，賣相好適合打卡！沾上紅咖喱虎蝦湯汁，鮮香惹味，虎蝦厚實大隻，口感飽滿鮮甜。一滴不留招牌船麵（䐁肉）呢個船麵夠晒正宗！超濃郁嘅泰式船麵湯底，湯底用了班蘭葉、豬骨、洋蔥、白蘿蔔、蒜頭、芫荽頭根、八角、紅腐乳、豆瓣醬和南薑，仲要勁足料！我哋揀咗河粉，河粉爽滑，入口細膩 ，好食到真係一滴不留！醉鬼炒河配和牛餐牌寫咗醉鬼但又不含酒精！炒河夠鑊氣，唔算太油但有啲辣，和牛大塊入味，仲配埋辣醬，好正宗！老媽手打蝦餅一份有三塊，蝦膠味濃郁，口感獨特，配酸辣醬，香口又開胃，值得一試！

和牛炒河食物質素超級差，用和牛個字標高價，簡直係最低級牛。 肉類食物乾噌噌。 可一不可再，去九龍城嗰邊食泰菜好味好多。重點係女侍應服務態度超級差，反應牛河超多油，佢竟然回答你根本冇可能少油就離開！

我開始要統計一下，泰國菜佔據每月有幾多餐😂回想一下比率真係好高，今次我選擇左泰沾麵喺Airside 既分店，我幾喜歡佢既型格得黎又有泰國🇹🇭元素嘅裝修，分店座位更加寬敞，又有好多玻璃位置所以視野廣闊好多，坐得都幾舒服😌老媽手打蝦餅 $88泰國菜蝦餅一定係靈魂之一，佢既席上出現率同燒豬頸肉差不多😌有時一山不能藏二虎，今次蝦餅成功爭取❗️三臭炒粉絲 $118依個我真係未試過，我直頭未見過依道菜式（可能係我孤陋寡聞🤣）三臭是什麼？臭草、醃蒜同臭豆，但請放心無一樣是臭臭既，醃蒜仲係婚咁架添！我覺得未食過既可以一試～招牌泰式沾麵 $108沾麵食得多泰式就未試過，而且尖沙咀分店是沒有的，無理由唔試下！沾麵可以選擇配青咖喱或者紅咖喱，紅咖喱就配大蝦🍤，我比較有興趣，麵既質地係彈牙的，卷成一個個圈去沾咖喱汁唔會彈到周圍都係，辣度只係微微的辣仲帶點甜，蝦都夠大隻～配菜比較特別，有點小炸粉、酸菜同紫椰菜，個配搭都幾得意❗️芒果糯米飯 $78身為芒果控無可能唔食芒果糯米飯、而且每家泰國餐廳都有自己獨有的味道，依間既特色就係個椰漿帶點咸咸的，糯米飯夠軟熟煙靭，芒果可能時候不對未算香甜！香蕉椰子Oreo奶昔 $55

好耐之前去過尖東嘅分店食過，佢哋嘅泰菜非常地道，令我有深刻嘅印象，正所謂夠辣夠酸夠甜就係泰國菜🤣今次嚟到Airside分店，點咗其他嘢試一試😋一滴不留招牌豬肉船麵呢個船麵有驚喜，湯底好濃郁，飲落就知用咗牛骨高湯同牛血熬製而成好正宗嘅做法，豬肉好大塊而且有咬口，麵嘅質感都煙韌，係我喺香港食過整得最好嘅泰式船麵👍🏻👍🏻👍🏻鷄肉鑊氣炒河名副其實鑊氣夠哂勁嘅炒河，河粉用咗正宗嘅泰式闊邊河粉，食落Q彈，鷄肉唔會過老，仲有陣陣炒香過嘅味道，喺呢度必點嘅招牌主食之一。老媽手打蝦餅必點👍🏻蝦餅有粒粒蝦肉嘅口感唔會好多粉，食到蝦嘅鮮味，炸得非常脆口，充滿蝦油香味。青木瓜沙律青木瓜清新爽口，配合酸甜嘅醬，帶出木瓜自然嘅甜味，開胃之餘又健康🥒燒帶子肉質鮮嫩，燒得生熟程度啱啱好，外脆內嫩，帶有淡淡甜味，呢度嘅燒烤睇嚟都唔錯，下次試埋佢其他嘅燒物先🤭

二樓的 ᴀsᴜʀᴀ 環境比尖沙咀店更明亮開揚從天花垂下的假植物製造氛圍感𓋪 老媽手打蝦餅一份三件 圓滾滾造型有點像迷你冬甩蝦味超濃 質感是真材實料的帶輕微軟稔𓋪 青芒果大蝦沙律賣相看起來好辣的樣子 其實一點也不會餐廳自家製作醬汁 屬重口味的甜酸鹹口味混合大隻又彈牙的大蝦跟爽脆的青芒果絲整體帶點豐艷又開胃的沙律𓋪 招牌泰式沾麵 (紅咖哩)上次在尖沙咀店也吃過 覺得很不錯這次安可了沾的醬汁可選紅咖哩/青咖哩 素麵有四撮 夾起來一撮份量也不少像日式沾麵的吃法把素麵跟配料沾進紅咖哩湯中湯質感偏濃稠掛麵 而且裡面很多花生粒有點像吃紅色的沙嗲湯底𓎺 龍眼冰𓎺 蝶豆花香茅梳打龍眼冰ᴛᴏᴘᴘɪɴɢ鋪滿龍眼也太吸睛藍藍紫紫層次豐富的蝶豆花梳打也很清爽香茅一枝插在飲品中 真材實料有點可惜最近的芒果不當造所以餐廳暫時沒有芒果糯米飯供應 下次又有機會安可了

餐廳設有偌大玻璃窗，可引入自然光線，天花掛有綠色植物作點綴，讓人感覺舒適。即燒豬頸肉 ($88)豬頸肉肥瘦適中，軟滑爽彈，邊位帶有焦香，香口又惹味。一滴不留招牌船麵 ($118)湯底呈深棕色，味道濃厚不死鹹，香料味滿瀉，河粉盡吸湯汁且非常掛湯，啖啖滋味。醉鬼炒河配和牛 ($138)和牛軟腍帶有脂香，泰國河粉吃起來特別煙韌有彈性，有嚼勁夠鑊氣，入口鹹香帶辣，非常惹味。椰子可麗露 ($48)外層薄脆，內裡彈牙，帶有滿滿椰子香，為味蕾帶來驚喜滋味。斑蘭可麗露 ($48)外脆內軟，充滿斑蘭清香，讓人一試上癮。

今次又係airside約朋友仔食飯 我哋決定食泰國嘢 🇹🇭 呢間餐廳採光幾好 亦可以俾狗仔入去食🫶🏻 店員服務態度都幾好 可以為客人介紹菜式醉鬼炒河配和牛雖然菜名叫做醉鬼炒河 但其實佢冇酒精成份 反而我覺得佢係一碟偏重味嘅炒河 加咗好多唔同嘅香料同醬油 好夠味🥰 河粉入邊有好多和牛片 每片都充滿濃香牛脂味 令炒河味道更豐富 啖啖蟹肉炒飯蟹肉炒飯一眼睇就見到好多一梳梳蟹肉🦀 炒飯秋雞蛋同胡椒簡單調味 唔會搶晒蟹肉味 相對冇醉鬼炒河咁重口味嘅～ 我鍾意佢嘅炒飯炒至乾身 粒粒分明 有鑊氣呀☺️老媽手打蝦餅蝦餅熱辣辣上菜 咬開嘅時候仲好熱😝咬開可以見到一粒粒蝦肉 食落好彈牙🦐 撈埋泰式酸辣醬 就更加好味泰式奶茶一杯正宗泰國奶茶 好濃味又夠凍新鮮椰青椰青好凊甜 配合比較濃味嘅泰國菜就岩岩好😝 而且椰青肉好嫩口 好滑🥥

啟德想食泰國嘢‼️睇見呢度門口咁多人排隊，就食呢間啦😆🔸芒果糯米飯 $78糯米飯整得好軟糯，而且仲係熱熱地，面頭嘅椰漿甜度啱啱好，而且份量好多，芒果份量有成半個芒果，而且好夠香甜🔸大蝦炒金邊粉 $118唔想食辣嘅主菜就可以揀呢款，大蝦好爽甜彈牙，金邊粉好夠熱，記得要即刻食，唔係就會好容易黐埋一舊，即食嘅話，調味做得唔錯🔸老媽手打蝦餅 $88手打蝦餅有三件，外皮炸得夠脆，但係唔會過咗火，如果你唔鍾意食粉漿比較厚嘅炸法，咁依一款就會比較啱你，蝦餅咬落去都幾厚實，蝦味係有夠爽彈🔸即燒豬頸肉 $88豬頸肉嘅份量唔少，而且切得比較大片唔會太薄身，咬落去呢就會比較爽口，一定要配埋個泰式辣汁，辣到唔算好辣，但係連埋醬汁食先夠惹味🔸龍眼冰 $38固定甜度冇得揀，我飲開少甜，覺得個甜度都可以，龍眼嘅份量好多，成個飲品嘅面都係龍眼，食啲重口味嘢飲龍眼冰清清地就啱晒🔸碟豆花香茅梳打 $42呢一杯打卡係幾靚嘅，望落去紫紫地色好幻彩，飲落去就係好香茅味帶少少酸，係幾好開胃

📍泰沾麵（啟德）九龍城啟德協調道2號AIRSIDE 2樓L205號舖嚟到好有聖誕氣氛嘅AIRSIDE，仲有好多狗狗，成個商場都好熱鬧，揀咗間泰國菜嚟食，見好多人排隊等食，就知一定無揀錯👉飛天通菜💰$78😋😋😋😋.8/5份量好多，通菜非常鮮嫩，微辣得嚟又夠惹味，仲想叫多碟嚟食👉一滴不留招牌船麵（和牛）💰$138😋😋😋😋.8/5叫呢個船麵，就最好叫和牛，真係好抵食，無諗到塊和牛係好食到咁緊要，個麵幼細又滑口，仲要個精髓係個湯，熬製到非常濃郁，仲要帶點辣，非常惹味👉泰Duck生菜包💰$118😋😋😋😋.7/5鴨肉碎炒到好香，夠哂入味，味道偏咸，包生菜嚟食就剛剛好👉泰式燒雞💰$128😋😋😋😋.7/5賣相已經好吸引，咬落啖啖肉，雞肉又夠嫩滑，雞皮又脆卜卜，點埋個酸甜醬仲更加開胃，仲要好大份，食極都食唔完👉青檸梳打💰$35😋😋😋😋.7/5食泰國嘢點少得叫杯青檸梳打，清爽之餘又解膩回頭：yesyesyes!下次去其他分店試埋先得

呢個商場一出地鐵站就係好方便，所以近來都喺個商場度搵吓嘢食… 今日又走過嚟行吓新開嗰間百貨公司順便搵吓嘢食。呢一間泰式嘢之前喺尖沙咀已經想試，不過好多人，今次未撞正食飯時間就喺啟德呢間試吓，環境取勝，空間感闊落，光線充足。我哋兩個人叫咗以下嘅嘢食：大蝦炒金邊粉：金邊粉好彈牙，唔會炒到黐埋一舊，亦都唔會太酸，大蝦超級新鮮，亦都有好夠份量嘅配菜。招牌泰式沾麵：見到隔籬枱食緊，忍唔住又叫一碟，麵本身好彈牙，點上青咖喱，青咖喱入邊有雞肉豬紅同埋其他配菜，青咖喱不會過辣，如果撈飯更加一流。青木瓜沙律：加配咗呢一個，啲汁超級好味，唔會太過辣，香甜適宜。飛天炒通菜：亦都加配咗呢一個，好夠鑊氣，少少辣啱啱好，通菜炒到青綠色唔會黑晒。鮮椰青：好清甜，泰國嘢必點。蝶豆花香茅梳打：有驚喜，香茅青檸酸酸地，加埋蝶豆花嘅顏色望落去好Fresh。老媽手打蝦餅：勁多蝦肉，口感豐富，超彈牙。

上個星期六係 Airside 睇完戲去咗食泰式沾麵 ~~● 招牌紅咖喱蝦泰式沾麵 HK$108梗係要點份招牌菜 ... 泰式沾麵啦湯汁和麵分開盛裝除了我點嘅紅咖喱蝦湯，仲有青咖喱雞湯食法與日式沾麵一樣將酸菜、芽菜、炸雞蛋等配料和泰式米線放入湯汁裡面爽滑米線掛滿濃厚嘅紅咖喱，香辣惹味紅咖喱裡面仲有隻大隻爽彈嘅虎蝦● 老媽手打蝦餅 HK$88一客三件好足料嘅蝦餅，食到粒粒鮮甜爽彈蝦肉 ~~● 椰子冬陰功 HK$178隻大頭蝦好大隻，肉質鮮甜彈牙湯頭酸酸辣辣，清爽開胃食泰國菜梗係要嘆返杯 ● 泰式奶茶 HK$38見到有愛吃嘅可麗露梗係要食返個啦 ~~在椰子味和斑蘭味之間諗咗好耐 ...終於點了個斑蘭味 ● 斑蘭可麗露 HK$48烘熱才上枱，外層焦脆帶焦糖香裡面濕潤帶斑蘭清香，入口不太甜下次要嚟食埋椰子味先 ~~** 以上分享是以我的口味、體質和情況作出分享及感受，一試 / 合用與否請自行決定

啱啱入座就有職員告知隔離檯可能要留比其他顧客，咁我就拉開小小張檯先坐低。然後有個身材矮小、濃眉厚唇既女職員好嬲咁過黎泊返埋兩張枱，用英文講張凳唔可以超過白色線。我一眼望去，全部人張凳都過白色線啦，唔拉開張凳點坐落去？而且全程同隔離檯陌生人幾乎檯貼檯一齊食飯。更加過分既係，當我夾起最後一塊蝦餅點緊醬，一個職員同時收走裝著醬的竹籃。講咗2-3次未食完，職員堅持收走竹籃、用力將剩下既醬放係檯面，一句唔好意思都冇講。大部分職員係度行行企企，隨時準備收餐具趕客，服務態度惡劣。

當日 係平日晚市 都早入去食野 6點左右所以人流唔算多 叫咗個招牌船麵 和牛但上菜 一來覺得唔算大碗二來冇賣相可言味道都一般 肉係冧但唔係特別好食船麵黎講 尖沙咀地鋪個間真係好食好多過佢飲品係 蝶豆花香茅梳打正常 純粹可作打卡 味道還好蛋餅 係出面未見過 少見嘅上菜 都熱 襯熱食係ok嘅 不過正常味 冇想像中咁特別男朋友話似中式蛋奄列 台式蚵仔煎咁上下😂😅最後 青芒果大蝦沙律咁係幾好食 份量唔算多蝦配埋啲汁好食嘅 酸酸辣辣但整體 食過一次就算系列 價錢上唔算平 質素又唔算會食得開心