泰沾麵

营业中

休息中

位於啟德新商場Airside 的泰國餐廳🇹🇭其實呢個商場都唔少野食！不過今日想食泰國風味就入左黎啦🥳1. 啖啖蟹肉炒飯 $138一上枱好驚喜！因為份量都算幾大😜蟹肉都多👍🏻👍🏻不過味道略淡，但本人好鍾意！始終泰菜其他dishes 都係比較濃味，個飯清清地都唔錯～推薦指數：🌟🌟🌟🌟2. 即燒豬頸肉 $88好好食～～！真係有燒嘅味道😛個汁都好惹味！而且都唔會好多肥豬肉推薦指數：🌟🌟🌟🌟🌟3. 飛天炒通菜 $78原本上碟時陣陣燶味，發現佢炒燶左🥹即刻問個店員，佢好快即刻幫我地處理～仲要事後店長專程黎解釋返，亦願意幫我地處理，非常有禮貌嘅，服務態度好好👍🏻👍🏻👍🏻講返碟冇燶嘅通菜先，本人覺得佢接近中菜炒法法嘅通菜多啲😜 如果你唔mind 又想食下菜都可以，佢份量都唔錯架！推薦指數：🌟🌟🌟整體而言，作為剛開幕嘅餐廳水準都唔錯，想食泰菜入黎都唔會伏😋整體推薦指數：🌟🌟🌟

第一次到訪airside事前冇做功課食咩😂諗住即興睇下有咩食見到呢間主打泰式沾麵 未食過就諗住試下咩料啦分別叫左兩個沾麵 ($108)首先講下個沾麵，好似好多配料咁，但其實味道好普通，純粹係擺盤好睇少少同多d唔同口感😅個麵似凍食嘅米線質感，偏淋，配紅咖喱嘅沾麵會多半隻蛋，但好乾其中一個沾麵配左紅咖喱蝦，一細碗咖喱加兩隻蝦咁大把😂咖喱唔太辣，偏蕃茄味，食落去有少少花生顆粒另一個沾麵配左青咖喱雞，咖哩份量同樣少，味道ok，但比紅咖喱稀，多少少料，雞肉有3-4舊，兩粒魚丸，一舊豬紅🤔不過食完都係有種唔夠飽嘅感覺😂😂我聽隔離枱都有唔滿意個沾麵😂咁又係，咁嘅性價比做招牌真係等同拆左自己招牌咁本身menu寫係午餐，但原來得個主餐冇飲品🤔飲品要正價買，而且唔值賣單要加一同收cash / fps，我揀左比fps竟然都要round up零頭…同埋fps轉數收款人係個人而唔係公司户口，感覺有點呃人feel。有啲後悔揀左食呢間，商場咁多餐廳應該有更好的選擇！

點餐一個菜，一個船麵，一個蟹肉炒飯，兩個椰青叫左通菜，落單個時講明走辣，佢答可以船麵冇標明辣所以冇特別講走辣先黎通菜，食左第一啖已經覺得辣，問清楚原來話廚師攪錯，再整過之後係船麵，因為個菜佢哋已知我地食唔到辣，送到黎強調唔辣，但廚師落左幾滴辣油吊味食左1/4已經流晒鼻水飲左大半個椰青都仲係覺得唔自在最後係個蟹肉炒飯最好最啱食係呢個蟹肉都幾大舊埋單同佢講話個船麵係菜單冇標明辣但你地又落辣油？！講左唔好意思埋單$488完