泰源大排檔

营业中

休息中

成日聽人講去火炭d大排檔食雞粥好正，講左去試幾年，前幾日終於同阿爸阿媽三人行一齊去食宵夜啦！雖然係星期五，但由於已經十點，人唔多，間間鋪都出來拉客，最後選擇左openrice最多good個間泰源！是日天氣涼爽又唔凍，坐外面真係幾舒服～ 地方都算乾淨總共叫左5個餸，阿姐話個椒鹽豆腐送比我哋食！等左唔夠5分鐘，第一道就來到了，係出名的雞粥～ 一啖食落去，粥底幾棉，ok，不過好奇怪係食唔到有雞味ge，撈左下面d雞食，都冇咩雞味，而且d雞只系暖，唔系熱的，麻麻地跟住就系乳鴿，呢個好正！ 皮薄得來又脆～ 調味剛好，乳鴿肉質好嫩，胸都好滑！蠔餅系個個都話一定要食的！的確又真係幾好味，好多蠔，而且外脆內軟，餅身有香味，有d似酒樓“搏餐”個d味，個人覺得比廟街好食！Good～再之後系呢日唯一叫的海鮮。。。。。都幾失望，d蝦同帶子都好雪，食落去好似食到陣雪味甘。。。用XO醬炒都冇用， 不過d西蘭花吸左d汁就好好味～最後系送既椒鹽豆腐，呢個炸得好靚，即炸，個皮好脆，裡面滑，大小適中，正～ 不過椒鹽味唔夠，要點個蠔餅醬～總括來講都算唔錯～ 埋單加埋兩罐汽水只系$290，每人唔駛100，重有得打包，抵～

幾年前食過一次…之後每次放假都會過黎食就算住葵芳都要搭過黎食 順帶一提 荃灣街市街有架小巴20mins過到黎第一次食d伙記都已經好nice!仲次次有雞粥送 送既雞粥 都好好味 d粥好綿 而且好有雞味當然唔少得招牌乳鴿..外脆內嫩蠔餅真係不得了..比起廟街所謂好出名既蠔餅 好食得多!!因為食得出好有餅味..有陣麵粉味而屋企人都由唔食蠔變得好中意食大蝦炒芥蘭 不過不失 芥蘭好爽椒鹽豆腐 相信黎過既都食過外脆內軟..正!!總括黎講..咁多年黎水準冇下跌而價錢都冇上升傳統既大排樓風味！絕對值得一試！

沙田朋友生日,就腳去吃此店, 去到都差不多 19 :00 了M 冷氣的位全滿了天氣都轉涼我們都沒關系坐在外面. 坐下來點了令一個套餐 b 1 椒鹽邏陛默魚嘴, -吃了兩口,不是想象中的好味,份量很少,有點油益味2 炒時菜, 是完全無問我們要什麼菜, 見到隔離人地有得選什麼菜3 乳鴿一向都不是出名,叫合格味道4. 百花魚肚羹- 份量足.味道超咸. 飲一口味精水一樣5 是另外點的炒蜆- 因為上次確實是好味. 誰不知這次是超失望. 6. 送的椒鹽豆腐 - 這個沒什麼好不好味可言了坐在外面是沒問題的.可惜這些的菜是令人失望是否太多人生意太忙才失水準了如果這樣的話,我會選擇 18:00 一開鋪先來光顧了

一家人收左工之後，唸住食餐安樂茶飯，屋企人早前一向都有幫襯開泰源，由其係佢地雞粥同豉油皇炒麵。去到之後，津津例牌走黎拉客，我地都冇理到再往泰源方向行走。泰源ge伙記A走黎招呼我地之後，我地就開始點餸，見佢地ge套餐又岩食，所以就叫左佢地安排好ge套餐，如下：1)首先黎第一碟係<<椒鹽山水豆腐>>﹣﹣﹣ OK.. 冇問題ge!2)之後就<<豉椒炒蜆>>﹣﹣﹣ 一落檯碟蜆D茨太"杰"，“杰”到D蜆殼痴實晒，D蜆肉又唔新鮮，仲有黑泥，好嘔心！如圖：最後屋企人要求換另一個餸，換左碟豉油皇鵝腸。此時伙記A開始不時大力收隔離檯d碟，ping ping pound pound!3)到沙田雞粥，勁失望，連粥味都冇，所謂雞粥，只有2塊雞肉，其餘都係骨同蘿柚。4)西蘭花斑片，斑片冇魚味，又冇鑊氣！5)金牌乳鴿，係咁易炸下，真係脆都唔脆下。6)最後ge清炒時蔬，條菜恰都未淋，仲硬ge就拎出黎！個豉油皇鵝腸仲要等左好耐先到！到左埋單，$517！屋企人真係好唔開心同失望，好唔相信佢地ge質素變成咁，就問左句“請問你地而家晚市ge水準係咪維持咁ga?

跟友人也不是第一次來了,今次故劍重逢.我們選擇很早吃飯.到達時間是 下年 17: 30 ,鋪頭 D 伙計還在擺緊個陣.我地就進去冷氣位置坐下來了,先來看看餐牌先,我同友人最怕花時間點乜菜,看見有套餐合晒我兩意看上去又岩食就 GOGOGO 落單吧先來個花生吧不會有益味,又不會下太多鹽.先來乳鴿.我自己食開"唐X興的乳鴿.這個味道是偏啖.肉質還好吧,不會太硬.好吃過沙田X華個 D 多多聲再來炒蜆.火候十足,份量不少,隻隻都有 SIZE. 好入味下,亞果然叫炒大蜆這些最佳拍檔當然是啤酒還有這個西蘭花炒班球.份量也不少都有不少魚肉,味道也可以,沒有太多胡椒粉味道,有所是用大量胡椒粉來減底魚的雪藏味最後主角是雞粥(例牌)這個粥咪又回想當年味道.雞肉不少,粥是甜的.本來是飽了 8 成但是我跟友人跟我也把粥吃光光了,整體味道還是沒變吧,可能我太耐先來一次環境也是沒什麼要求, 我走的時間也沒到 19:00 . 差不多坐滿了冷氣位置了

原本係去沙田"冬茹"亭, 點知老公友人唔識去,咁一個轉彎就去左火炭燒鴿2隻---好耐無食過了~味道唔錯, 很入味, 皮脆豉椒炒聖子---係無椒...變左豉汁炒聖子 , 其實我都有少少抗拒係大排檔食海鮮, 真的不出我所料, 唔新鮮椒鹽魷魚---麻麻地, 唔夠鮮及脆炸大腸---可以啦~不過我覺差少少味椒鹽豆腐---送的, 反而我覺好好食白菜仔---可以本來想食雞粥, 但老公友人話好難食....共$4XX

泰源向來都是中大學生的聚腳點，最近大學裏沒有什麼大事件發生，所以非常客亦可到這邊聚一聚享受一刻寧靜寫意～今次我和朋友二人去「食宵」，哈哈… 人少少但想吃的就非常多，建議人少少的話可以散叫，因為好吃的清湯腩通常也不會在套餐內啊！首選超正清湯腩！看也看得出是坑腩，而且份量很足（$98一開始也覺得有點貴…）清湯加了胡椒，不過儘管天氣有點熱但也相當不錯，蘿蔔如果再軟身一點會更好～必食雞粥！真的挺綿綿的～而且每一次去都覺得它的雞很入味！人少的話不用叫一窩，一碗$25齊分享也可以～蠔餅是正常的蠔餅…我覺得如果它有大份和小份的分別就完美了，因為兩個人要吃完一整碟也真的有點太過…茄子份量也很足，真師傅加了很多大葱，吃到底分不清那是葱還是茄子。送的清菜～ 師傅人很好，可選送清菜還是雞粥！！其實還有很多好吃的小炒炸物等等… 但這次的二人份量也算是超多了！所以建議大家有機會要多來嚐嚐火炭的大排檔，把酒言歡～

說好了要一同吃宵,懷舊一番,是夜5人到了泰源一坐下來阿妹點了2支啤酒~再點了幾個小菜店東送了雞粥,我們點了椒鹽豆腐,炒蜆,沙拉骨,西蘭花鮮魷和蠔餅是夜很熱,一面吃一面在流汗椒鹽豆腐的椒鹽做得惹味非常炒蜆也是佐酒必備!西蘭花鮮魷鑊氣夠,泡油泡耐一點點應會更好吃吧,沙拉骨和蠔餅,不過不失

成為了所謂的沙田達人之後，最大的影響，是令我在出外覓食方面，由離心轉回向心，打後將會多些在區內發掘及尋回一些有價值的地方。最近也不知為何，想重溫當年的區內三寶 --- 乳鴿、豆腐或雞粥，趁時間空檔之下，近日就去了火炭工業區一躺。想多年廠廈林立，工業活動車水馬龍，草根聚集之下，也造就了大牌檔食肆的誕生，加上火炭離馬場亦是不遠，賭仔贏錢後，自有馬會資助晚餐宵夜，大杯酒大塊肉，再伴上鑊氣小菜相伴，夜市來說確真好不熱鬧，至於收費來說，平民百姓，會貴得到哪裡去。津津、德記已做到街知巷聞，全盛時更伸延至沙田的民居，今天選的泰源，是幾間之中規模較少的，但口碑來說，卻是較好的一間，尤其是那裡的雞粥，想多年已不涉此地，真想知今天的水準是何等境界。先來一客椒鹽豆腐，不說不知，當沙田還未完全開發時，水質是何等清澈，區內也有人設置豆品廠，所以有馳名的山水豆腐之說，現今，一切也是俱往矣，城門河更是慘不忍睹。其油豆腐自是區外的來貨，但油泡後的「金磚」也真香脆，上面還鋪上一點炸金蒜，油份亦覺不重，外脆下的豆腐亦見嫩滑，正是爛船自有三分釘，雖欠缺以往那層山水之味，挾上一件沾點喼汁，再呻一啖啤酒，也沒甚麼可苛求了。所謂

因為返夜班,與同事1點幾放工,搓車去左泰源食宵夜...我地一行六人坐一圍枱,其他枱都FULL晒,不過我們唔洗等位...呢度老闆服務幾好,上菜時間又快.....難怪咁多人黎架!!呢度夜晚勁旺....最多當然係大學生成班人來食宵夜啦,好有氣氛!(中大好多學生來食野的老地方)第一次介紹同事過來食,大家都話好介紹!! 而事實呢度好適合大班人來食宵夜,飲下啤酒食下小菜,真係好好架!搭帳蓬大排檔,外面對住巴士總站,環境唔迫,好氣氛!!絕對係一大班FD來聚舊聊天的好地方美食太多,睇下相啦!!必叫之選:墨魚嘴送雞粥,正!!!呢度D蠔餅係出名超厚超大份,同事話稍嫌厚粉咗少少!不過要注意叫咗蠔餅都好濟,唔係好使叫飯食,哈哈!其他小菜

我住附近, 平時都成日黎食, 今日第一次寫食評俾泰源不嬲都唔中意去津津同德記, 只食泰源泰源雖然海鮮唔夠津津多, 但可以自己帶拎俾佢地整, 或者早D同佢地講等佢地準備之前釣完魚, 就拎過黎叫佢地蒸都冇問題黎食飯要知道呢度會送多個餸, 多數係送椒鹽瀨尿蝦, 椒鹽豆腐或者菜我地點左腐乳通菜, 炒蜆, 椒鹽豆腐, 仲送碟瀨尿蝦椒鹽豆腐:係我最愛, 豆腐又香又入味, 煎炸野一定油多, 我就冇咩問題瀨尿蝦:送的瀨尿蝦, 唔係大隻個D, 冇膏的, 但椒絲炒得夠香口腐乳通菜:叫左落多D腐乳, 非常入味炒蜆:同黎送飯食一流, D 汁好好味

老實講, 我開個open rice account都係因為lee間泰源.好耐冇食得咁窩心.店員真係好親切!話說我係中文大學同學仔, 有一次同學帶過我來後, 自此就愛上左lee度每次黎佢都一定會送一碟野比我地, 不管你兩人定係6-8人*** 通常送椒鹽豆腐, 亦試過送白灼蝦同椒鹽x尿蝦.個兩人餐, 真係勁底食.兩個女仔去係冇可能食得曬囉!同埋碟碟都好好味.又唔味精feel!1) 雞粥真係冇得頂, 我覺得係咁多間乜乜沙田雞弼最好食既!d粥唔駛食雞都食倒好香雞味.又滑, 又棉2) 椒鹽豆腐正!唔識用筆墨形容, 總之好好食3) 蒜容粉c蒸茄子真係好正呀!一定要連埋d蒜容食, 精華所在!!4) 乳鴒,本人一向都麻麻地, 所以唔識話好唔好食.5) 椒鹽雞軟骨+墨魚咀好熱氣, 但係好食到停唔倒6) 豉椒炒蜆勁大碟囉.d肉好似仲多過d殼! 有次兩個女仔去食, 食完打包返去比男朋友食, 佢以為我專登叫左一份比佢.大碟到!我唔明點解樓下的member可以寫到佢咁差.我lee個月都去左幾次.次次都勁大碟!冇可能會覺得冇肉!!!!!7) 西蘭花炒龍利柳龍利柳麻麻地, 不過d新蘭花勁新鮮! d味好似同出面街食唔

早兩日心血來潮想食乳鴿~~等到星期六放工終於有時間~上網睇好評都唔少結果來左火炭泰源叫左個阿姐落單,套餐D 食送 可以轉來轉去好自由 我地4 個人叫左 乳鴿兩隻 雞粥 椒鹽豆腐 椒鹽墨魚咀 西檸牛仔骨 豉椒炒蜆總括來講乳鴿不是出色..尚可食用....汽水罐裝有保證.......其他食物真係估唔到咁樣

睇完食評一行四人慕名到這大排檔食晚飯. 點了椒鹽狗肚魚, 燒乳鴿, 辣酒煮東風螺, 豉椒炒蜆, 粉絲雜菜煲, 椒鹽墨魚咀, 雞粥. 椒鹽狗肚魚 - 以為外脆內熱, 但咬一口就發覺外面唔脆, 淋淋地, 一陣粉味, 完全冇味, 最差係裏面是暖暖的, 估計是預先炸定, 好次超市貨色燒乳鴿 - 尚可, 但肉質霉霉地, 雪藏貨 辣酒煮東風螺 - 冇辣酒味, 最慘係隻隻都係霉的, 應該叫"鹹酒炆東風螺", 適合有胃病人士, 我估要炆幾日先有咁霉豉椒炒蜆 - 半碟都係得個殼, 問個伙計, 佢話呢個季節D蜆係會瘦D, 會唔會瘦到連肉都無埋呀! 粉絲雜菜煲 - 淋Pet Pet 一煲野椒鹽墨魚咀 - 差, 得粉漿味雞粥 - 好甜, 好似食緊鹹腐竹糖水 最好食都係免費奉送的椒鹽豆腐總括來說: 徙油費駛車來食呢D貨色, 重徙埋個胃口, 真係好失望

fd推介既大排檔,聽講幾好味又低食,加上又有炒蜆食,即吸引左呀,個大排檔係火炭,平時唔會去既地方,去到時好似係6~7點,唔洗點等位呀,坐入面既位可嘆冷氣呀,叫左個好抵食既套餐,個餐有好多野,有7個餸,4人食~~~!乳鴿,有兩隻,雖然濃左少少,不過都食好味呀~!椒鹽瀨尿蝦,喱個係送既,好抵呀,瀨尿蝦幾新鮮,唔錯呀~!豉椒炒蜆,最鍾意食喱個呀,好味呀~~~~~~~!田雞粥,本身唔太鍾意食粥,不過喱個田雞粥我又幾鍾意呀,因為唔係清淡既粥,可能係煲田雞之下,d粥好綿,食落又好清甜,田雞又唔係因為咁而冇晒味,keep到個清甜味同個味唔淡,好味呀~!瑤柱白菜~!咁多肉之下要食點菜,唔錯呀~!椒鹽豆腐,食左少少呀,因為太多野食之下,掛住食其他野,喱個豆腐個外皮冇咩味,不過食落去入面熱辣辣,豆腐好滑呀,唔錯呀~!豉椒鵝腸,d鵝腸咬落好爽口,同好入味呀~!我地4個人每人大約係$110到,幾抵呀,同每碟餸既份量都幾多,幾好食,唔錯呀~!