泰皇悅 (已結業)

新年期間無咩食肆開，呢間泰國嘢居然有開，只係收加一服務費，咁就拿拿聲去食啦。。全部嘢食好味，值得推介係庶蝦，又大件又彈牙。。生蝦就同其他差不多。。菠蘿炒飯分量都唔細。。炒蜆都幾好。。食得出鮮味。。個椒鹽豆腐我就麻麻，不過朋友仔話好味道。。

在那天剛巧在上水區工作完畢.難得同同事7-8個人一切共事.及因天氣好鬼死悶熱.想搵D能解渴及有特色飲品飲嘅食市,大家一切食晚飯..在經過一條馬會道.不知什麼原因.成條街竟變成食街..好多野食..驚訝!! 終意食野嘅我肯定非常高興啦...正在十五十六在餐廳門口逛來逛去?在想去邊間呢?就有一位穿著便服的.樣子都幾順眼的靚女..肯定是老闆娘..給她的笑容吸引左入去餐廳..餐廳內部裝修一見就知道係食泰國菜風味..剛好正是我們想要的原素....一柯打先來解渴嘅椰青..青檸梳打同椰皇沙冰及根芒果沙冰..舒服晒...跟住叫了一個咖哩蟹..嘩!!..我覺得唔算太貴.可以接受$238一份..如在尖沙咀.旺角起碼三四百元一份呀!! 跟住食生蝦刺身..抵過食日本菜..78元一份有成11-12隻..ok噲..飛天通菜唔少得(馬拉盞炒通菜)..但份量就一舨啦.但味道都ok..生菜包沙律..口感幾爽口...一人一隻炸蟹拑..冇諗過咁大隻..其實一隻二個人分享都夠晒食仲有沙嗲串燒..的沙嗲醬汁做得幾好味,,加埋二份薄餅.都唔使叫飯食..個個都飽晒肚..後來個靚女老闆娘介紹左二個芒果鴛鴦羅米飯做飯後甜品..(其實更值

母親節既大日子,母親同母親既母親都話想試試泰國野,上水泰菜自從上水廣場執左之後,好耐都冇泰菜出現,而且呢間從未有過劣評,價錢又唔貴, 梗係要試試查實由坐低到點菜都冇乜問題既,但點完菜問題就黎啦...我地等左足足一個鐘(1 HR)先有第一道小菜"泰式拼盤",而且蝦餅, 魚餅, 春卷全部唔新鮮,而且味道流失得只能依靠泰式辣醬, 可見...我曾有一句格言,蝦餅好難唔好食, 試唔到一間泰菜餐廳既真功夫,原來我錯了...之後上既係味精粉絲雜菜煲,當然好味啦,落味精落得咁重手,但裡面既菜居然可以有部分係有渣, 咬唔入要吐既,唉...明爐烏頭冇咩特別, 係條魚太多鱗, 可以接受最經典係個咖哩蟹,收238一隻,得個殼大,咖哩少得可憐,都算啦,佢地個伊麵底居然可以同隻蟹分開上,仲要係隻蟹上左20分鐘, 凍晒之後先上,更甚既係, 伊麵好硬身...根本煮唔熟

尋日成班好友聚舊，有朋友介紹去上水呢間新開嘅餐廳食雞鍋，話好好味喎，咁就柴娃娃一齊去試吓嘞。去到夜晚七點幾，鋪面差不多坐滿好在原來有樓上十一個人一張大枱啱啱好。即刻柯打咗兩個雞鍋同一大堆打邊爐食物。爐一點著，就聞到陣陣酒香加藥材香味，望吓個鍋，湯上浮滿紅棗，杞子，圓肉，北芪，黨蔘，當歸等等藥材:都好足料喎!啲雞件放落去淥咗一陣，食得，放落口一咬，嘩!又香，又滑，有雞味，又有藥材嘅香味，似係用新鮮雞喎其他食物種唔算好特別，都係一般火鍋料，但係都好新鮮，質素唔錯!我最鍾意蜂巢豆腐，炸響鈴，仲有好香墨魚味嘅墨丸，同埋好大隻，有鮮蝦做餡嘅廣東水餃。打邊爐要飲嘢，叫咗平時都好鍾意飲嘅青檸梳打，侍應攞嚟時一杯係冰同青檸，另外有一個未開嘅玻璃樽，應該係梳打水嘞，我係香港未見過，望吓樽上號嘅字，好似有啲泰文，可能係泰國入口貨，自己溝，幾好玩，飲落口，青檸味同甜味啱啱好，夠凍又夠氣，加哂分!呢晚真係食得好開心，埋單一人一百二十有找，食到捧住個肚，抵過我上星期係某三個字個間火鍋名店食個餐多多聲。最可惜係間餐廳遠咗啲，上水火車站行過去都要十分鐘左右，不過咁好味，下次去開上水都一定會再幫趁

我住係上水已經好多年,上水的確好少泰國餐廳,所以聽到上水開左依間餐廳就想去試一試,睇下佢地整成點去到見到好光既燈黃色射燈,好搶眼之後等位等左5分鐘就入得去,一入到去見到有一張枱係到打邊爐食雞煲,心諗...唔係掛,又話泰國餐廳係到食雞煲,好似中左伏= =不過睇睇D MENU,原來都唔算中伏,佢地打邊爐都有冬蔭功同椰汁酸雞湯湯底,都算係泰國野既,其實無可否認都幾有創意,不過我都係食返一般菜式,叫左個半隻海南雞,紅咖哩雞,冬蔭功湯蒸烏頭,簿餅,再加兩個椰青,講真,海南雞同條魚真係好唔錯,,隻雞好滑,而條魚正在用爐煲住佢,D湯入曬味,個湯又好飲,所以真係正簿餅就同平時食既無乜大分別,紅咖哩個人認為唔夠辣,所以唔太中意,但味道都OK既食完飲埋個椰青真係唔錯,食下椰肉同個FD吹下水,餐廳環境又幾舒服,坐左都幾耐,加上員工服務態度唔錯,走果時問我覺得D野食點,傾左一陣佢哎我下次一定要試下D沙嗲同咖哩蟹...都幾有興趣再去~~~最後,食左200蚊左右,都可以接受

上水一向都無咩泰國野食，但小弟絕對係一個ＳＰＩＣＹ　ＦＯＯＤ發燒友，於是發現馬會道果頭開左間新泰國野就去試下啦！！首先叫左生蝦，生鮮，份量非常多！！！之後叫左ｄ小食，ＹＵＭＹＵＭ話明ＳＰＩＣＹ　ＦＯＯＤ發燒友，緊係要叫個冬陰公，正！！之後叫左咖哩炒大蜆同薄餅，正最後仲有羊架同椰汁海鮮飯，羊架無咩味。。但海鮮飯好正，好香！！總括黎講都唔錯，一定會再去！！！

下午和明愛的人去和興體育館打羽毛球，所以去之前要吃多少少東西，免得血糖低暉倒就不好了！我和媽媽乘巴士７０Ｘ在符興街下車，見到此處開了一間”泰皇悅”，於是便和媽媽入去試下！我叫了：海南雞湯濛粉，而媽媽叫了一個雞絲湯濛粉。海南雞湯濛粉－不錯，好好味，而且ｄ海南雞好滑呀！正！雞絲湯漢粉－好正，ｄ雞絲好滑，最重要佢地意然有兩隻翼送，正！吃到中途，我的湯濛粉竟然有一塊大片！，我立刻同負責人說，佢地都立刻同我說不好意思，這點很不錯！

廚房職員應是會講廣東話的泰國人?中午吃了 4個套餐包凍飲共 $161 算"OK"1.海南雞飯 有點怪 "連雞骨一同上! 唔同平時吃的拆肉上", 點雞的醬汁亦不同平時!2.冬蔭功湯河粉 個湯都"OK", (香&辣), 有幾隻新鮮的蝦, 連湯都喝完!3. 黃咖哩牛腩飯 都 "香&辣", D汁足夠"撈飯", (唔稀)4.冬蔭功海鮮炒飯 唔夠"冬蔭功"味, 愛辣的"唔夠"喉!! 材料是"OK"的 (長州有一間餐廳此飯, 好好味!!)總算經濟啦轉轉口味是"OK"

開張不久之泰國菜館, 空間尚可, 菜餚味道不錯。香茅豬扒冬陰公湯河夠香,夠酸,夠辣。但不夠滑.......海南雞飯雞油飯不油膩。讚!紅咖喱牛腩飯牛腩入味, 配上新鮮菠蘿及泰國茄子, 很配合; 紅咖喱香而不嗆喉, 可以"食多碗飯"。