泰船

营业中

休息中

呢間上水新開既泰國餐廳係由泰國人廚師主理🥰🥰價錢合理 味道一流~ 👍🏻第一次黎叫佐佢地主打既船粉試試 船粉湯底非常濃 同係曼谷食既非常似另外老闆娘有推薦我地試下落佢地既船粉醬果然加完個醬會中和佐湯底既咸味👍🏻變得無咁"利" 😝朋友叫佐豬手清湯面話豬手好入味好淋👍🏻碗粉仲要好多大碗 本身我地想叫多個小食都因為太飽肚而無叫到啦😝老闆娘都非常好客 不停同客人傾計非常抵食 會再黎幫襯支持👍🏻👍🏻👍🏻

最近上水開咗間新泰國船麵，今日經開就去試下豬頸肉冬陰功金邊粉冬陰功湯底好香濃！味道酸辣適中，食到停唔到口🤤豬頸肉份最都幾多，不過放左湯，就無咁脆口另外朋友嗌咗船麵，不過唔記得影低🥹試咗啖都好好食！應該係暫時香港食到最似泰國食嘅船麵🤤呢間值得回頭！支持下小店，下次再試下豬手同牛船麵先😋住上水嘅經開去試下啦😆食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️(五⭐️為最高分數)

上水都有間好味泰國船麵喇！前幾日係上水唔知食咩好就睇下 Openrice 上水有咩新餐廳，在眾多選擇下和友人決定試吓呢間泰船。店舖細細，餐牌簡單，店員禮貌招呼。食到一半有2個泰國客人，先發現原來大㕑和侍應係泰國人，識講泰文。我和友人叫了一個豬頸肉紙米卷、泰式豬手冬陰功米粉、牛肉船麵、青檸梳打、鹹檸七和 椰汁西米糕(外賣)。豬頸肉紙米卷 (賣相好好，但外賣盒裝住，好有泰國外賣店風情 ）豬頸肉暖暖的，配上新鮮生菜、紅蘿蔔和青瓜，再沾上甜酸醬，好開胃。泰式豬手冬陰功米粉豬手和冬陰功米粉是分開上的。豬手已經炆到好淋，個皮滿滿骨膠原，好好味。冬陰功湯底不錯，不會太辣。米粉吸曬冬陰功湯好滋味。牛肉船麵船麵有兩種揀牛肉和豬肉，我就擇左牛肉。一嚟到先試一啖湯底，湯底甜甜又濃郁。侍應話加啲船麵醬食會仲好味，船麵醬酸酸微微辣，加左之後湯底更加有層次感，濃而不膩，更開胃，真係好好味，可以下次再encore。仲有泰式肉丸同炸豬皮🤤🤤🤤椰汁西米糕因為食到太飽，最後呢個甜品就打包返屋企食。平時食呢個甜品通常都會好甜，但呢間小店整嘅係唔太甜，仲要好足料，有齊芋頭粟米。好味：❤️❤️❤️❤️❤️環境：💙💙性價比：💛💛💛💛💛

牛肉船麵、金邊粉豬肉船麵、米粉泰式豬肉串燒泰式酸辣鳳爪泰式奶茶抱住試一試嘅心情嚟食😍😍點知有驚喜，個湯底真喺泰國地道果隻feel，喺有落豬血的，所以個湯底色水睇落好濃，飲落都好濃味👍👍。以往專登去九龍城食船麵，都飲唔到呢種湯底。雖然就無泰國當地咁提供辣椒同埋青檸，但佢地有專門調較好嘅船麵汁，做到相同效果，一樣可以增加返湯底嘅酸辣味。豬肉丸同牛肉丸都同泰國當地一樣，細粒、實淨、勁重肉味👍👍👍。個人推介要食牛肉船麵，一定要配金邊粉，加埋個船麵汁，👍👍👍喺暫時食到最接近喺泰國當地食到嘅味道。豬肉串燒都做得相當唔錯，表面有炭燒味，內層嫩滑有肉汁，完全唔喺坊間食果d又乾身又柴。個泰式奶茶茶味濃、有茶澀味、又有花奶甜味，都好接近泰國飲到嘅。呢道嘅食物出品，真喺好有泰國當地嘅味道👍👍。

路經上水搵下嘢食，經過路口聞到陣陣花香以為年花咁早就擺檔～ 轉個灣行入花陣睇下咩料啦，原來係有食店新開張。嗅覺由花香轉到燒烤味，陣陣豬頸肉同雞翼嘅烤味，再抬頭一看， 嘩～咁招積自稱正宗泰式船麵，好～ 就試下你咩料！先來個燒豬頸肉同豬串燒加杯珍多冰，頂吖～ 豬頸肉熱到辣嘴，剛燒起表面焦香，食落口Juicy，得喎！ 再吔雞翼，不過不失，我自己鍾意辣啲。主打梗要食船麵啦，有豬同牛選擇，就試豬啦～ 先呷啖湯，得喎～ 味鮮濃，每一啖都連湯吃就是王道！老闆話係泰國師傅自家制，我再加埋枱上調味料，落東落西最重要加辣啦，係呀~ 係會追食的！份量足～ 夠飽。 不得不提係炸豬皮，好爽脆，浸湯食入味好配合，比多兩舊就好了。見有人即場整斑蘭糕叫碟試下啦，我想講係第一次食即整即食的，原來同平時整定哂凍食味道係可以差咁遠... 甜而不膩，齒頰留香個隻～ 臨尾咄埋杯珍多冰，唔太甜好椰香～ 大滿足！好～泰船，正宗泰式船麵，我會再來的！