泰苑 (已結業)

一行四人...8點鐘去到呢間泰菜...剛好剩返一張四人檯...睇o左一陣menu就落order...青木瓜沙律...無...三色冰...又無...算...無就唔要...叫o左幾樣o野食...等等等...15分鐘先有串燒食...天氣咁熱...三杯凍飲等o左30分鐘先有...仲要唔夠冰...檯面壺水叫極都無人refill...火都嚟...一樣o野食完...又係等...叫o左五樣o野...無兩樣係同時間o係檯面出現...冬陰功等o左45分鐘...又細碗又無料...成碗o野先得一隻蝦...仲要開兩邊...仲要成碗油...又咸...咁就收我$6X...最慘係叫o左芒果蟹肉炒飯...落o左單一個鐘先話無芒果...話就咁蟹肉炒飯得唔得....你收我原價就咁俾蟹肉炒飯我?! 咪玩啦!!!cancel o左order...問個炒金邊粉有無...都要問兩次先有人應...最後碟金邊粉終於o係9點鐘上o左檯...竟然係唔熟!!!中間(大概四份一碟) 食到d粉係硬ge...真係太過份!!! 5樣o野只係食到4樣...食完tips都唔俾...快快趣趣埋單走人!!! 根本佢個廚房都做唔切...仲要做埋隔壁間細鋪..

與老公回家途中，友人突然相約吃晚飯，友人提議到水邊圍邨附近進餐，這一帶雞煲林立，可惜近期的H7N9禽流感，還是先回避一下，隨意在附近選了一家泰國菜館。泰式生蝦：侍應很快便拿出來上枱，蝦肉竟然與冰塊黏在一起，應該是一早己把刺身放好然後才放進冰箱所致吧，蒜片不是如一般的一片片放在蝦肉上而是堆放在央，竟然也有黏在在冰上，實在很差。泰式肉碎生菜包是整頓飯最可以入口的，生菜新鮮。冬蔭功湯，味濃郤有點濁，酸味過重辣味不夠。咖哩膏炒聖子，以這個價錢尚算可以，但友人吃到聖子有砂，幸好我食到的都沒有。一行三人本想不夠吃時再點，但已經不用了，離開泰苑我們再到另一間餐廳吃個煲仔飯醫肚算了。

同朋友經常都都會入元朗找美食! 今次就選了位於媽廟路的泰國菜館【泰苑】。 平時都見到好多人幫襯，心想應該都幾好味的!【泰苑】鋪門裝潢採用木制餐桌，有一點泰國的風味! 【泰苑】亦都有2間小鋪相連在一起，使其地方可容納多一點客人。今日叫了多個菜，一共7人。 【泰式拼盤】泰式拼盤仍是泰國菜的必食頭盤，但我對這個拼盤有點失望。  雞翼很大陣雪藏味，好難食! 春卷做得不好，味道不好。蝦餅都麻麻地。【泰式生蝦】泰式生蝦一共8隻，賣相都排得好靚! 食落口都幾爽口，算新鮮。【泰式豬肉碎生菜包】泰式生菜包豬肉碎~菜式賣相精美! 味道酸甜而且好辣，有"醒胃"的感覺! 此外，生菜份量都足夠!足夠7人吃的! 【泰式炒金邊粉】顏色漂亮的金邊粉，與幾隻小蝦一起炒。但我就嫌有點不正宗，因我看不見在旁的蒜片和花生粒。金邊粉都沒有想像中的酸甜中帶鹹香。有失望。 【馬拉盞炒通菜】通菜有點老了~沒有爽口的感覺。份量亦不多!【辣椒膏炒蜆】呢個係全晚最失望的。沒有辣椒膏的香! 而且蜆肉份量勁少~滿滿整牒的蜆大部分都是殼。 我們有向侍應提出詢問，但侍應只說這款菜式是這樣的，老闆亦都知道蜆肉是這麼少。奇怪的回應…為

星期一去了元朗,朋友話食泰國菜,這裏的泰國菜價錢都好便宜, 我地差唔多十點半先嚟到,菜館都係小店,但環境都OK呀,有佈置架.六個人叫左一個冬陰公湯,生蝦,咖喱海鮮麵包,生菜包,芝士炸蝦丸,海鮮炒河.  生蝦都幾大隻呀,配泰式醬,蒜頭及辣椒一齊食,好鮮甜,個醬夠辣.冬陰公湯好味,夠味,朋友話唔夠辣,入面有蝦,磨菇啦....生菜包都好新鮮的生菜,配D肉碎食好味,加埋D生蝦既辣醬食仲正呀. 芝士炸蝦丸,入面有些芝士流出嚟架,熱辣辣好好味呀.  咖喱海鮮麵包,呢個賣相都好靚的,不過味道就差少少,唔夠濃既咖喱味道,同埋都食得超唔方便,因切到D咖喱汁周圍都係呀,海鮮有些魷魚,青口,蟹柳...等等....仲有些菜呀.最後的濕炒海鮮河粉.都OK的. 有西蘭花,椰菜花,磨菇.....

超級推介又好味又抵食的泰國菜餐廳!! 老公點了咖哩煮大蝦, 蒜蓉包, 冬陰功湯, 串燒雞和豬, 馬拉盞炒芥蘭, 甜品芒果糯米飯, 椰青兩個!!咖哩煮大蝦~ 因為我和老公怕辣, 所以order 了少辣咖哩, 因此咖哩唔會太辣而且咖哩味道好香, 配了大蝦. 每隻大蝦大約有10cm長度, 非常多蝦肉而且肉厚多膏, 真係好好味!!  蒜蓉包焗到非常香脆, 用黎配搭咖哩煮大蝦, 簡直一流, 我和老公吃到停不了口!!串燒雞和豬肉~ 雞肉嫩滑而豬肉柔軟, 配了泰式燒汁好好味!!馬拉盞炒芥蘭~ 芥蘭新鮮爽口, 炒完味道好香口帶有輕微辣, 非常好味!!  冬陰功湯~ 材料多, 主要有鮮蝦, 魷魚, 雜菇..... 用新鮮蝦放湯好彈牙, 魷魚亦爽口, 雜菇索滿了湯汁, 好味!! 甜品芒果糯米飯~ 超級推介!! 糯米飯煙煙韌韌配了清甜的椰汁, 加了用新鮮原隻大芒果, 非常好味!!

一個平平無奇的週五，悠閒地逛逛，便走到了這間餐廳雖然裝潢平實，但木枱和風扇再加上有點侷促的天氣，猶如身在泰國一樣～隨便點了兩個餐，然後侍應姐姐說有沙葛湯，要喝可以自己滔。一看之下還真不得了，沙葛，紅蘿蔔和雞，湯料滿滿的。湯的味道天然又鮮甜，飲完都忍不住再添，其他客人都很捧場。首先來了蠔仔飯，以$30來說，份量足夠。蠔仔跟蛋不是蠔餅那種實的質感，又不至於水汪汪，我覺得還不錯。蠔仔大隻且鮮，加入了魚露味道更上一層樓。下面鋪了一層芽菜，爽口清新，正好中和油膩的感覺。金邊粉有蝦跟魷魚，炒得頗香，不會死鹹，當中輕輕的辣味很開胃。正當吃到途中抬頭一望，見到一幅芒果糯米飯的圖片，並追加一份芒果糯米飯。芒果糯米飯很甜，椰汁加到滿滿的，但我覺得糯米飯有少許偏腍，整體還是不錯的。最後埋單 $85，物有所值。

上星期六, 好友到元朗搵我飲野相聚, 差不多晚上10點, 可能是連續多日假期, 又可是已經晚了, 今天的泰苑沒有太多人山人海的場面, 比較好一坐低, 當然要order兩枝泰beer啦!正！！！睇見佢地有一張ＰＯＳＴＥＲ，黃金雞翼，嘩！一試愛上了！可能是啤酒加香脆炸雞翼既化學作用，鬆脆可口，很特別的香料味，不是味精味！很東南亞美食ＦＥＥＬ．

在圓方吃過飽足又甜美的午餐+下午茶後，之後師奶仔前往尖咀shopping，並不小心大出血.... 之後的週日趁著教會也有活動，還是乖乖留在元朗安全些，當日也順便一連試了兩間教會附近的新餐館。　第一間是位於泰國味館背街的泰苑，由於位置貼近，相信間餐廳共用一廚房，出品水準應該差不很遠；然而兩間店的風格卻有點不一樣，泰國味館是間佔地不大的小店，新開泰苑地方較大，主餐區裝修很有泰國街邊/food court風味，另外也有圓檯及獨立餐椅的偏廳，大伙人的聚會也應付得來。是日兩口子正好想來頓簡便午餐，就選了food court區那邊坐下，此情此景加上泰藉的侍者，一度令人錯以為真的在外遊中呢，那份感覺是幾輕鬆開心又自在的。打開相當有風味的menu，發現店內消費相當實惠抵食，如六道菜的套餐（估計足3-4人吃）只由$248起；然而是日二人選點了更超值的午市套餐，十多款選擇劃一收費$29，已包一杯冷熱飲品，茶餐廳也做不到!飲品先上場，我點了凍奶茶，老公則要了凍鴛鴦，兩杯都有點太甜，且沒有甚麼茶香／咖啡香，然而既是隨餐免費附送也無所謂了。主食也來了，其一是海南雞飯，由圖可見雞件是相當的多，油飯也份量充足，而

早幾日經過見到新開, 昨晚試了結果是奇蹟沒有出現叫了一個300幾元的餐另叫了和蒜蓉飽太脆了點人手似乎唔多夠,都要等一會先有得食,但態度算幾好395元埋單唔算貴,但唔會再來了