泰麵膳 (已結業)

船麵近年喺香港開咗好多間，一直都無去試過，今日午餐時間就跟新同事去咗試，同事話呢間唔錯㗎，我哋12點多就去到，人唔算多好快就座低叫嘢食我就叫咗個安格斯牛肉船麵，跟餐會有熱飲，我要咗杯泰式檸檬茶，船麵一嚟時有少少嚇親，點解啲牛咁嘅，望落好瘦好似本地生牛咁，放湯浸熟少少一食就覺好一般，都幾鞋口，牛味適中啦，牛丸有少少粉，入入仲有牛腩，麵未算爽口彈牙，但湯底係好濃嘅，不過食完有啲口渴檸檬茶係泰式幾清新，成$68唔值呢個價

係尖沙咀隨片找嘢食，點知比我發現到呢一間好好味嘅泰式麵店，佢叫泰麵膳👍🏻👍🏻👍🏻門面裝修都有點泰國特色風格，先來睇睇個Menu星期六都有午市套餐，呢度比較有特色應該係安格斯牛肉麵，價錢都唔算太貴，仲有海南雞飯，加$12仲可以配小食叫咗個泰式冬陰公麵試試，個湯底真係好正啊！！！冬陰公湯比我想像中更辣，不過配合左好多配料，當中仍有新鮮嘅青檸味，甜酸辣混合起來個湯底真係好好味😋😋仲配合左豬肉丸魚片同豬肉，值得一試！點了個牛丸金邊粉，個湯底真係比我想像之中咁正，不單單係有牛肉味，而且更帶點甜味，個牛肉湯底真係好特別仲有凍檸茶同凍檸水，全都係用新鮮青檸，好Fresh 下次一定要試試其他餐😋

安格斯船麵，湯底感覺加左南乳，南乳味有點濃，搶走左牛肉味，不過牛肉係香牛味既，麵都尚可，係份量細左啲。$68冬陰公麵都幾辣，配料一般，冬陰味不強烈，有點偏酸。串燒稍咸，唔再加醬都覺得咸。

我好鐘意食泰國嘢，尤其是船麵，每次去泰國都要日日食。知道尖沙咀開咗間專食船麵嘅餐廳緊係要嚟試下啦！我地叫咗以下嘅食物:-串燒雞: 雞肉係彈牙嘅，仲左啲泰式嘅香料醃過好香，味道已經好夠，所以點埋啲沙爹醬就有少少過咸同朋友叫左幾個嚟試安格斯牛肉： 湯底好濃，肉質都幾好，米粉索哂湯，好入味，唔錯味架青檸梳打椰青水豬肉船麵： 豬肉有少少鞋，不過食船麵個主角並唔係啲肉，而係湯同粉價錢略貴，不過始終喺尖沙咀旺區又點能夠同泰國50thb 比丫，繼續捱貴飯啦香港人。

早前有朋友推薦過這家船麵，我亦留意左呢間 一段日子， 終於有時間下午過來食個晏。黎得依到一定要試下佢地既船麵。今次叫左個安格斯牛肉船麵，如無意外係這店招牌船麵，所以就來一碗試試！麵類可選河粉、麵、金邊粉等等，如果唔選，就會正接畀金邊粉。個船麵等左10分鐘就到，先呷一啖湯，好濃郁好好味！當中帶有少少的甜味，不過飲完後又唔會覺得口渴。抵讚！重點黎啦，安格斯牛肉浸得半熟，好淋好滑！味道很好。而個金邊粉好幼身，唔會煮得太淋，仍保留少少爽口，同好吸湯，整體非常不錯。飲品方面叫左個青檸梳打，幾清新。

堆積了至少三十間餐廳的評語 還未有空來得切發文 剛好路經此店 快來發一個食評吧 我和友人分別點了是日午餐 安格斯牛肉麵 及 家鄉滷鴨脾麵 和後加的炸蝦蛋 及 雞串燒.整體口味其實不錯 麵的湯底濃馥 金邊粉幼滑 材料也很充足 價格中等 也算是低食的一餐 但若嫌某些配料鮮味還未足夠 例如鴨脾比較乾也帯點雪味 鴨血沒什麼味道也未能吸收到湯的美味.

安格斯牛肉船麵我選的是金邊粉，因為個湯底幾濃郁, 金邊粉索了湯汁後真係好好味!有幾大片半生熟安格斯牛肉，安格斯牛肉腍身！但豬肉丸就不夠濃味。另外, 依間餐廳的服務員不太有禮, 一間餐廳除了食物質素外….服務質素都好重要的!

Got off work late on a Thursday. My wife suggested to try this Thai noodles place at TST. We arrived at the restaurant around 20:30, and were lucky enough to get seats right away. We ordered two bowl of Thai noodles. One pork boat noodles and one duck meat noodles. Both of the soup base are very rich and with a lot of ingredients. Also ordered a side chicken skewer which was quite good.Overall, I’ll rate this restaurant 4/5. All legit Thai noodles.

本來想食對面間魚蛋粉，望到佢諗起未食過就試試佢。依度主打船麵，我冇係泰國食過，淨係食過街邊d粉麵，諗住都係咁係上下味。叫左碗豬肉金邊粉同鴨脾金邊粉，湯底應該係一樣嘅，啡黑色一陣藥材味同辣辣地，我唔係咁鍾意陣味，因爲有少少苦。鴨脾雖然好有肉，但係un un地。豬肉船麵有豬皮，豬肉片，豬潤，豬肉丸，全部都係冇乜味，整體黎講都係麻麻地。可能係我食唔慣，好努力咁食都係食得一半，最後放棄左。唔知正宗泰國船麵係咪都係咁嘅味呢？

5月中去完泰國旅行偶然間係夜市食左一碗好好味又好平既船麵個心就一直念念不忘返到香港係咁搵 原來公司附近就有一間以船麵做主打既餐廳梗係立即約埋朋友一齊去食返泰國味道啦點左三樣野食招牌安格斯船麵 $68第一下望到個顏色已經覺得好似再飲埋第一啖湯 好滿足連金邊粉都係幼身煙韌果隻好正鴨胸船麵 $58呢碗湯底顏色淺D 無咁濃味要加泰國四寶調下味先好食鴨胸厚身但唔鞋口 有好少既滷水味唔好牛既人可以一試仲叫左個小食併盤 $88有豬頸肉 雞鎚 蝦餅 同埋串燒雞肉蝦餅同平時食既有d唔同淋身d無咁彈牙 配埋佢地自家醬汁yummy仲叫左個青檸梳打 $28不過就覺得失色左小小就咁比一杯冰底加一片青檸跟一支泰國牌子梳打水感覺有d無誠意不過我同朋有都好滿意因為搵到泰國既味道可以止下癮

芸芸種種、各國各式的麵食店相繼參戰本地飲食軍團，拼特色、拼水準，實屬饕客之喜。除了不用搭飛機至當地品嚐，還可在眾多選擇中揀自己心愛的口味，你有你吃pho，我有我吃”kuaytiaw reua”(泰國船麵)，大家開心。泰麵膳已不是什麼新店，不少朋友已經試過，從他們身上得到的評語是抵吃不錯，所以今天來這裏一試。安格斯牛肉船麵下單時選的是金邊粉，被數片安格斯半生熟牛肉遮蓋住，撥開看，半爛地痴作一團，需要花些心機弄散。湯頭望著是正確的狀態、正確的顏色，先喝一口。還不錯，泰式香草味比較重，帶些少甜味，但整體不算濃稠，較適合港人口味。牛肉算是柔軟，旁邊的豬肉丸也彈牙，只是肉味淡了點。家鄉滷鴨脾麵原隻滷鴨脾隨麵而上，附有即棄手套及濕紙巾方便客人，細心位抵讚。湯頭用了滷汁，帶藥材香，對比起來是剛才的船麵湯底稍勝一籌。配料方面則有點失望，鴨肉質地偏乾，鴨脾較好，但還是老了一點。兩丁方豬紅沒有血臭，不過味道很淡。炸蝦餅最有驚喜的是這道炸蝦餅，新鮮炸起便上桌，外皮相當香脆，內餡不乏蝦鮮味又彈牙，加上特別的羅望子甜辣醬，絕對加分。泰式奶茶/鮮青檸梳打去過泰國地道食肆的朋友，必定見過這鐵冰盅。雖沒有當地的滿爆冰

一場黎到竟然唔係食船麵，而係食了冬陰公麵不過與船麵其實大同小異而且很好味呀又係平靚正之選冬陰公湯底唔算好辣偏酸好開胃，湯底味道有啲似泰國出果隻冬陰公味杯麵。泰粉(金邊紛)算係幾煙韌...呢款麵好多餸呀 有豬潤、豬肉、豬肉碎、肉丸、魚片、蛋、通菜碎同埋炸雲吞，相當豐富呀...仲好飽肚。肉丸、豬潤同炸雲吞都相當出色。除左湯粉仲叫了我最愛的炸蝦餅，都算幾彈牙，醬汁都係甜酸醬但似係有啲梅的味道為左中和下食左辣野同熱氣野所以叫了杯檸檬梳打 順便消消暑

去過一次泰國食左碗粉(啡紅色湯底)，返到黎香港一直都好想食多次，無奈唔知道叫碗野叫咩名...最近係網上見到香港好食船麵排行，咁岩尖沙咀方便我就去左食。 間野唔算貴，一碗麵大約$50-6x，係出面食碗魚蛋粉都要$40幾蚊。見到個樣就覺得好好食 味道方面，其實都好有泰國既味道，係湯底份量小左d，因為我好中意飲佢個湯，仲飲左杯泰式奶茶，之前係泰國飲過覺得超甜，可能係因為煉奶底，呢到糖水係自己落，中意咩甜度都得。

Lunch 食咩好，緊係捐窿損隙啦搵野食啦！今日就經過呢間泰麵店，細細間唔起眼！就係咁先好，因為唔洗排隊等餐死！打工仔得果一個鐘食飯時間，緊係唔可以因為等等等，等到過哂鐘啦！一入到去已經聞到牛肉湯既味，仲有酸味味既青檸味一聞到呢啲味我就知自己無入錯來喇！好有泰feel叫左碗冬陰公金邊粉！仲有埋野飲跟！嘩，好鬼正！杯泰式凍檸水係用青檸檬，好清新，篤極都唔會有苦澀味，糖漿係自己加，鍾意幾甜就幾甜！而且尖沙咀來講，一個包埋野飲既lunch,60蚊有找真係算好抵！最好既就係啲食物上得快！唔洗驚唔夠時間食！

見到碗船麵同粉紅河，個心真係離一離啊！一睇啲色就知唔對路啦早知睇咗食評先行入去食啦個湯底完全唔對路嘅，完全唔似我響泰國東南西北食過嘅麵。九龍城求其搵間食仲似樣過佢，呢間應該全部錢攞晒去交租喇！碗麵啲配料冇一樣好食全部都唔好食，無味㗎！最過份嗰個粉紅只係比一堆醬你自己撈，完全唔香唔辣。個味仲衰過啲即食麵！而且勁細碗。佢又話秘製有南乳無味精？食完超口喝又無乜南乳味。仲有啊坐得勁辛苦勁迫！嘢飲都唔係好飲，泰式奶茶都唔好飲唉，一定唔會再食！