泰Cool

营业中

休息中

今晚去淘大食飯，朋友話係巴士總站隔離泳池對面，有間泰菜都坐得幾舒服，又有貓貓，仲有d卡位仲整到係勁大嘅騰籃，勁岩打卡😆糖醋魚：擺盤精緻，味道酸甜洽到好處。魚身食落嫩身，沒有死雪藏味，唔知係咪泰大廚有獨門秘坊呢🦧 菠蘿食完一粒再夾一粒，夾極都有...🍍沙嗲串燒：豬牛雞都有，價錢超值，即叫即整，入口熱辣辣，趁熱食就perfect生菜肉碎包肉碎份量好多多多，鍾意生菜包的，可以包完1個又1個，唔似出邊得少少肉碎。口感就少少辣，唔係好受得辣的都可以試下!珍多冰本身諗住飲1條條的珍多冰，點知黎到竟然係用粒狀。。。大開眼界，別有一番體會，飲條條款的，有時會係條管到塞住，粒狀就no problem啦。 椰汁個比例岩岩好，唔會話好甜，搶晒浸味，食泰菜唔飲返杯點得😊除咗室內，仲有室內，岩d人食煙傾計吹水，仲有antman等superhero陪伴

最近工作很忙要OT夜放工都唔想煮 就在屋企附近食埋先在淘大花園轉角位記得之前路過見到門口有半露天位食泰菜飲啤酒餐廳位置闊落 入面裝修都好有泰式風味價錢經濟又大碟成餐飯都好有泰國渡假氣氛在忙碌工作之後chill番下都幾relax //泰式生蝦刺身(10隻) $98//大大盤生蝦一共10隻夠大隻 蝦肉爽口彈牙食落好新鮮無雪味//泰式單骨雞翼 $58//雞翼切開一半 比起雞中翼較乾身點埋泰式雞醬甜甜酸酸的味道是令人開胃的小食 //咖哩牛腩釀巨型麵包 $88//農夫包外脆內軟麵包盛載著咖喱咖喱甜而不辣 送麵包一流麵包入面有好多舊牛腩牛腩入晒咖喱味牛腩煮至軟淋 配菜有洋蔥薯仔薯仔都好入味最後食沾滿咖喱的麵包 好好味 //冬蔭功雞肉炒河粉$78//Phat Thai食得多用冬蔭功炒就好少食到河粉炒得乾身煙韌加上了冬蔭功配料來炒 香味100分入口口感除左酸酸甜甜之外仲加多了一點香辣又幾惹味 //鐵板蠔仔蛋 $98//鐵板上 熱辣辣香噴噴好大碟 好多蛋又好多蠔仔蛋口感很滑 有蛋香與潮州蠔餅不同泰式蠔仔蛋比較似台式蠔仔煎蘸上辣醬食就更加美味 //青啤 $32//環境甘chill好似去左旅行甘當然要叫

約左屋企人一齊去食飯 佢地話想食泰國嘢🇹🇭緊係帶佢地去淘大泰cool啦～近佢地嘛😆餐廳好寬敞舒適 好多位置而且仲有機械車送餐🤖餐牌亦都有好多唔同選擇📜用機械人送餐真係好方便😆泰皇咖喱軟殼蟹巨型麵包評分：👍🏻👍🏻👍🏻👍🏻👍🏻超足料嘅咖喱軟殼蟹，咖哩微辣但又冇蓋過蟹嘅鮮味，而且超多咖哩汁配埋麵包食真係好惹味泰式炸蝦餅評分：👍🏻👍🏻👍🏻👍🏻👍🏻蝦餅好鮮甜，炸得好酥脆，食落仲好彈牙冬陰公湯評分：👍🏻👍🏻👍🏻👍🏻👍🏻入口酸酸甜甜好開胃，雞海鮮蝦肉亦嫩滑鮮甜👍🏻👍🏻真係好好飲好入味，好有泰式風味好開胃

位於淘大商場一家泰式餐廳「泰Cool」位置闊落，仲有鳥籠梳打位好特別。▫️鐵板蠔仔蛋鐵板上枱熱辣辣♨️新鮮蠔仔和滑嫩蛋相結合煎至微焦 散發出誘人嘅香氣每一口都能感受到蠔仔的鮮美與蛋的綿密 口感層次分明 非常開胃🤪▫️香芒蟹肉炒飯飯粒粒分明 蟹肉鮮甜 搭配新鮮嘅香芒令到碟炒飯增添咗一絲清新嘅果香💛▫️鮮蝦炒金邊粉同樣令人驚喜☺️金邊粉Q彈有勁 鮮蝦新鮮飽滿 味道濃郁 十分下飯😍😍▫️芒果糯米飯有白糯米紫糯米 口感柔軟 香甜有嚼勁 配上香濃嘅椰漿和芒果 鍾意食甜品嘅一定要試❗️▫️泰式椰絲糕一層椰汁糕 一層椰子凍 食完充滿晒椰奶味 好正▫️斑斕椰子奶💚🤍顏色好吸睛 斑斕香氣不膩 口感順滑 飲落十分清新可口 ▫️椰青最愛飲椰青 滿滿嘅椰青水 清甜爽口除咗食泰國菜之外 「泰Cool」仲有提供包房打麻雀 適合多人聚餐 好方便‼️

今日嚟咗淘大食晚餐，原來淘大有好多食肆，好多唔同類型嘅選擇，最後揀咗一間環境寬敞嘅泰國餐廳。餐廳環境幾舒服，有室外同室內嘅座位，今晚天氣涼涼地，坐室外應該都幾舒服，但見卡座梳化咁靚又闊落，都係揀咗坐室內。今日時間尚早，嚟到時唔太多人，之後到晚飯時間就慢慢開始多人。Menu選擇好多，花多眼亂，最後點咗以下幾款兩個人share。泰式明爐烏頭烏頭比想像中大條，好似食極都仲有肉咁個湯好鮮甜，店員另外俾咗一碗，可以變食邊加湯。魚肉上加少少泰式汁，更添一番泰式風味。香葉肉碎炒金邊粉金邊粉炒得幾香，唔會太油，加上香葉肉碎，份外惹味。另外幾得意嘅係呢度有送餐機械人，仲會同你講嘢添沙嗲串燒拼盤（雞豬牛)拼盤總共有六串，雞豬牛各兩串，我哋兩個人每款都試得到，非常好。沙嗲香濃惹味，味道偏甜，有花生香味，幾啱我口味。椰子冰甜甜嘅椰子香味，夠冰凍，爽。椰青好大個椰青，食濃味嘅泰國菜，再飲返啖清甜嘅椰青水，非常好

🇹🇭泰Cool 📍今次嚟到九龍灣食泰國嘢，呢度座位嘅設計好有趣係籠嘅樣🕊️。🍴冬陰原隻大蝦海鮮湯  $118估唔到入邊有咁多料，有青口、大蝦🦐、魷魚等等。🍴泰式原隻燒魷魚  $118估唔到咁大條，而且好有咬口🦑。🍴香葉爆炒肉碎伴生菜  $88呢個又係泰國菜必食嘅，酸酸微絲好開胃😋。🍴泰式炒河（豬）  $78個炒河勁有鑊氣🔥，而且啲豬肉都唔少。🍴椰青  $46個椰青超清甜🥥。📍泰Cool (九龍灣)九龍灣牛頭角道77號淘大商場4期地下F229-240號舖 

呢間餐廳出名食泰國嘢，淘大居民真係有口福啊！### 鮮蝦金柚伴沙律清爽的金柚搭配新鮮的蝦仁，口感脆嫩，酸甜的滋味令人耳目一新，特別適合開胃。### 炭燒雞翼經過炭燒的雞翼外皮香脆，肉質鮮嫩多汁，搭配醇厚的BBQ醬，讓人一口接一口，而且都唔會好老，仲有啲肉汁喺入邊真係值得一讚！### 原隻南瓜咖喱牛腩濃郁的咖喱與軟嫩的牛腩相互融合，南瓜的自然甜味更是為這道菜增添了層次感！而且估唔到南瓜比薯仔更加朔汁！### 炒芥蘭炒至剛好的芥蘭保持了鮮綠的顏色與脆爽的口感，簡單的調味讓青菜的清香更顯突出。### 凍泰式奶茶這杯少甜的泰式奶茶冰涼可口，茶香濃郁，搭配奶香，帶來一陣清新提神的感覺。### 芒果糯米飯甜美的芒果搭配Q彈的糯米，淋上椰漿，這道經典的泰式甜品令人難以抗拒，簡直係完美的結尾。

環境夠大 又多款式嘅泰國菜 側邊仲有雀局玩樂前菜叫咗一個香葉爆炒肉碎伴生菜包味道濃郁仲有少少辣 加塊生菜就啱啱好可以中和返沙嗲串燒拼盤 分別有豬牛雞豬同埋雞 比較腍 啲沙嗲汁夠香原隻椰香海鮮焗飯（跟配椰青水）呢個幾特別焗飯，上面有一隻大蝦啲塊面浸過椰子水，所以淡淡都有椰子香味然後仲有啲芝士另外仲配咗一杯椰青水真材實料馬拉盞雜菜粉絲煲 呢個幾特別係粉絲炒一堆雜菜 仲有啲菇粉絲係好淋，同埋朔晒啲汁非常惹味嗌多兩杯嘢飲杞子桂圓茶龍眼冰

馬拉盞椰菜苗：呢道菜色香味俱全，椰菜苗爽脆，搭配馬拉盞醬，味道酸辣開胃。馬拉盞醬嘅香氣非常濃郁，讓整道菜更加提味，每一口都令人感到清新又過癮，真係好適合做開胃菜！泰式黃咖喱雞：呢個咖喱雞真係好好味！咖喱醬濃郁，但唔會太辣，椰奶令到整碗咖喱滑順又香甜。雞肉煮得剛好，嫩滑多汁，搭配白飯食更是絕配。每一口都充滿了泰式風情，食完之後真係想再來一碗飯！泰式肉碎炒飯：呢個炒飯好有家常味！肉碎炒得香噴噴，加上各種蔬菜，色彩繽紛。米飯粒粒分明，不油膩，口感非常好。每一口都能感受到肉的鮮香，簡直好食到停唔落嚟。沙嗲牛肉串燒：最後呢個沙嗲牛肉串燒真係令人驚喜！牛肉串燒得剛剛好，外面微焦，裡面嫩滑，加上沙嗲醬的香氣，每一口都充滿風味。搭配生菜包住食，更加美味！

作為九龍灣街坊，每日都經過呢間泰cool今次終於去試吓～一嚟嗌咗個椰青，出邊食成日都好驚會唔新鮮，會酸，呢個就超清甜！就算最後好飽都食晒啲椰子肉先！仲試埋個椰子冰 一樣無失望！仲要大大杯主食叫咗一份金邊粉，烹調得剛剛好，食落去煙煙韌韌 十分掛汁 調味方面酸酸甜甜，整體感覺茄汁味比較濃，同埋冇諗過都幾大份，完全足夠兩個人share另外叫咗好期待嘅咖喱軟殼蟹麵包🥖麵包都好大份 視覺好震撼😂😂😂 咖喱係偏甜同埋奶香嗰種 (就算用嚟做沾醬都好不錯！) 小食叫了一碟蝦餅，真材實料！全部都係蝦肉🦐🦐仲要好脆，普通的好食！唔係間間都會咁足料㗎！餐廳入邊都多位，近窗邊嘅吧枱位都有靚靚design，另外都有戶外位置，啱晒唔同喜好👍🏻

最近我去咗淘大商場的「泰Cool✨」，值得推介，呢間餐廳地方夠大，坐得舒服，正宗嘅泰國菜，好味又抵食！如果你想睇波或者同朋友麻雀耍樂，佢哋仲有獨立房間提供，真係好方便👍。首先「鮮蝦金柚子沙律🥗」，清新又爽口，蝦肉鮮甜，金柚子嘅酸酸甜甜，食完有種好開胃嘅感覺。而「小食拼盤」包括蝦餅、魚餅、春卷同雞翼，非常多選擇，每樣都炸得香脆，特別係蝦餅，味道特別濃郁，配埋醬汁食更好味。「咖哩牛腩巨型農夫包✨」既牛腩煮得非常入味，咖哩醬濃郁，配上鬆軟的農夫包，簡直係天作之合！一口咬落去，真係好滿足。「大蝦泰式金邊粉✨」都唔可以錯過，大蝦夠大隻，金邊粉Q彈，用蛋包住，非常好味。最後，甜品「芒果糯米飯」，香甜的芒果配上柔滑的糯米，簡直係完美收尾，令人回味無窮。總括來講，「泰Cool」真係一個好地方，無論係朋友聚餐定係家庭聚會，都係一個唔錯嘅選擇！

我中意的餸菜排名榜係咁的炭燒豬頸肉 ($78)外皮烤得恰到好處，肉質也相對嫩、有啲彈竹牙添、適合喜歡燒肉的人。油脂部分唔會偏多，有甜酸汁配搭，微辣、過癮。鮮蝦金柚子沙律 ($78)沙律的搭配十分清新，金柚子的酸甜好開胃、雖然有啲搞笑嘅係佢唔係第一道上嘅菜做 starter。但食住其他比較濃味嘅例如咖喱同埋豬頸肉，可以有沙律清新口味都幾好甜品我叫咗芒果糯米飯 ($58)紫米同埋白米飯口感柔軟，芒果也相當新鮮，去到秋冬季節都有甜嘅芒果都幾難得，但我覺得椰漿可以再加多少少，少少，咁就會味道更加香。但我覺得已經好好食馬拉盞雜菜粉絲煲 ($88)份量都唔少，有唔同種類嘅蔬菜，煮得好腍身，我自己鍾意佢又馬拉盞適量嘅香味，唔會太濃味。，可以似家常菜嘅鹹淡程度。青咖喱牛腩配薄餅 ($118)咖哩香氣幾香，牛腩都軟嫩嘅。但對於喜歡濃郁咖喱的人來說，味道可能顯得稍淡、或者可以再多少少辛香料的。薄餅如加埋咖喱湯汁都ok.

其他都正常水準，所以冇乜特別好講，香芒蟹肉炒飯，反而呢一度炒飯，顆粒分明，蟹肉鮮嫩，每一口都能感受到蟹肉的鮮美。加埋芒果 新鮮又清新，即刻令到呢度再層次感上升呀 不過我諗芒果靚唔靚都好睇彩數😂點都好，係有運仔嘅

九龍灣泰Cool，環境闊落，有鳥籠特色卡位，仲有戶外座位，多人聚餐無難度。甜酸咕嚕魚：魚身輕微炸過，配上切粒菠蘿、番茄仔、洋蔥、腰果及三色椒，再淋上酸酸甜甜既咕嚕醋汁，好食又開胃。咖喱牛腩釀巨型麵包：麵包上面開了一個圓蓋，裡面有牛腩和薯仔，再放左好多三色椒絲做裝飾，上枱真係好巨型好吸睛；咖喱汁香濃而不辣，裝滿整個巨型麵包，牛腩炆得好入味，肉質都算幾腍，一啖咖哩牛腩，一啖麵包，食得好過癮。馬拉盞雞肉炒河粉：好大碟好足料，雞肉鮮嫩，河粉質地Q彈，加上味道咸香微辣既馬拉盞醬汁，真係食到泰國地道既滋味。芒果糯米飯：大半隻芒果，色澤鮮豔，非常香甜，糯米飯有兩款，紫糯米口感更綿密，仲加左脆米，讓人垂涎欲滴。三色冰：整杯加左唔同顏色既涼粉粒，入口爽滑，椰汁味道香濃。熱檸檬柚子茶：香甜好飲。總結，食物大份，價格合理，員工服務友善，食得稱心滿意。

今晚係陶大附近放工經過呢間泰cool感覺有點熟口面原來將軍澳同鰂魚涌都有分店唔怪之得咁熟口面未食過就試吓餐廳內座位都多及寬躺亦分開室內室外兩邊區域選擇本人始終鍾意室內感覺靜啲舒服啲😙值得一提嘅係仲有隻家貓係餐廳入面🤗好可愛的🥰☺️😄泰國菜🇹🇭就一定要食生菜包喇😋***香葉爆炒肉碎伴生菜包$88***一睇就知份量十足👍D肉碎炒得好香亦唔油膩用紫洋蔥同辣椒炒有些微辣🔥好惹味***椰青$46***好fresh好清甜好解辣健康之選😊如果多啲人黎就好，可以叫多啲唔同野食呢度嘅生蝦刺身、冬蔭公明爐蒸烏頭、咖喱農夫包及辣椒膏炒蜆都想食😍Lunch menu同tea set都超級抵食又有好多款選擇