泰Cool

营业中

休息中

泰Cool地址: 九龍灣牛頭角道77號淘大商場4期地下F229-240號舖電話: =====================地方照大，門口仲有半露天位，上次行過見一班人食泰菜飲酒勁好氣氛，約了妹妹一齊去食泰國菜農夫包咖哩好打卡，我地叫了個$178 原個南瓜咖哩海鮮， ，海鮮是盛在原個南瓜入面，而南瓜甜甜地，是優質carbohydrate 又多纖維同胡蘿蔔素。$158 泰式雞煲未試過，好奇佢味道點來試下。$68 炒芥蘭，簡單食個菜，多纖維濃味有鑊氣大碟芒果糯米飯，仲熱架，有紫米芒草好多入面仲有貓貓架

一直都知有呢間餐廳，但成日醒唔起去食，直至淘大有間泰國菜結業，突然想食泰國嘢嘅時候先諗起行遠兩步嘅泰cool，試過先知完全物超所值，仲要地方好大環境乾淨企理，仲有室外地方可以帶寵物泰式春卷 $68八件半條斜切見到好整齊嘅炒粉絲，炸得乾身酥脆唔油膩，點個泰式辣醬好開胃地道椰汁雞湯 $88個椰汁雞湯好鮮甜，充滿泰式香茅味，飲多兩碗都唔會好滯，入面有大量菇片、雞肉、蕃茄仔好足料咖喱牛腩釀巨型麵包 $88本身諗住嗌泰皇咖喱軟殼蟹巨型麵包包，但另外想食個脆麵只有軟殼蟹，加上呢個牛腩麵包性價比更高就揀咗。真心超大份，牛腩都好多，咖喱熱辣辣好濃郁又唔會太鹹，至於個包由頂至底都係外脆內軟，真心推薦泰式軟殼蟹脆麵 $118第一眼見到個脆麵有啲似食中菜嘅炸物墊底嗰啲吸油麵條，但食落勁驚喜，係脆卜卜，淋上甜酸汁超好食，唯一美中不足係個軟殼蟹比較厚粉，不過炸起嚟就大隻啲好睇啲🤣泰式椰絲糕（5件） $38一層大菜糕、一層椰青糕，質地挺身，食完濃味泰菜食返件清新甜品好正 椰青 $46我哋仲叫咗椰青飲，新鮮椰青大大個好清甜，裏面每一寸椰青肉都可以用匙羹𢳂出嚟

今日行開淘大突然想食泰國嘢，上網見到呢一間地道泰國菜，就一於嚟試吓！環境好大，坐得好舒服，仲有兩隻貓貓非常吸客！我哋嗌咗個肉碎炒飯同埋肉碎炒金邊粉作為主食，份量都超級大，炒飯粒粒分明而且好上色好入味，食唔停口，金邊粉都炒得好好食配埋肉碎，非常夾！最正嘅一定係炭燒豬頸肉，你平時出邊食開嘅份量多成一倍，大到成隻手掌咁，淋得嚟又唔乾，又至比例啱啱好，絕對係我食過最好食嘅豬頸肉！另外我都好推薦試吓個雞煲，同樣份量大就不在話下，雞煲熱辣辣，雞肉好嫩滑，配埋啲香料都好入味，好好食！最後我哋嗌咗一杯凍朱古力同埋凍好立克，都沖得好濃，絕對唔慳料！非常推薦大家經過淘大可以過嚟同朋友chill吓，整體嚟講都係幾好食幾地道嘅泰國菜！

今次食九龍灣分店，只有劣質food court水準曾經食過將軍澳分店，當時覺得唔錯，曾經Encore過真心無諗過咁差，比錢都比到唔順氣1. 炒金邊粉唔夠熱，水汪汪，油太多2. 馬拉盞炒椰菜苗無馬拉盞味，甚至有種酸汁味3. 黃咖哩雞：無咖哩味，椰汁味重，以為自己食緊椰汁雞，完全無椰汁咖哩嘅香味唯一食得落口係我其實唔中意食嘅青木瓜沙律同將軍澳分店得價錢一樣，但係我食過最難食嘅泰Cool，甚至係我今年食過最難食嘅泰國餐。

今日去咗九龍灣淘大嗰邊覓食，朋友話去泰Cool 食泰國菜🤪因為突然之間想食刺身蝦喎🤪Lunch Set 都幾抵食，幾多選擇🤭泰式生蝦刺身泰式生蝦刺身，蝦同冰中間包一層保鮮紙，這樣就夠凍又不會在冰溶嘅時候整到生蝦，夠貼心👍蝦肉好新鮮，跟醬汁一齊食好開胃！小食拼盤有魚餅，蝦餅，春卷和雞翼蝦餅…個魚餅係用咗鯪魚球炸嘅好好味蝦餅都好脆唔錯！午餐叫咗海南雞飯…飯嘅份量好多，而且雞件肉質也不錯！跟餐叫咗個芒果沙冰好大杯甜度適中！

和久違的舊同事相叙晚餐，想吃東南亞菜，又要方便大家，就選了淘大的泰cool.餐廳不在商場內而位於外圍，自成一國。多走兩步，相對地坐位舒適，亦有打卡一族至愛的雀籠卡位。兩人想吃的菜式實在太多。點了青木瓜沙律，串燒拼盤，明爐烏頭和蠔仔煎蛋。飲品有凍泰式奶茶和三色冰。先總評一下，此店菜式份量足而賣相可人。青木瓜沙律是可口的開胃菜，酸甜味道適中。串燒拼盤有豬，牛，鶏3款共6串。客人亦可選1款或2款。 當中我較喜歡牛，因店家用牛柳粒而不是牛肉片，牛味濃厚且嚼勁十足，值得一讚。明爐烏頭亦用料十足，上湯內香茅，南薑，青檸等香料不少，加上秀珍菇，肉碎，烏頭魚肉也不再淡而無味。但2人竟點了一條魚，有點貪心。蠔仔煎蛋和潮式蠔烙不同，用煎而不用油炸，不會滿口油膩。店家放蠔不少，加上芽菜，蛋餅有蛋香氣。泰式奶茶和三色冰都是一般合格。此店無論食物味道，菜式份量和用餐環境，都令我和友人感滿意。

呢度最正係pet friendly出面有戶外座位可帶主子店內有2隻貓貓有緣會係你身邊行過泰式生蝦刺身$98/10隻以生蝦價錢黎講唔貴彈牙泰式鹽燒烏頭$178外皮燒至乾身入面肉質唔乾仲好moist同埋夠大條冬蔭功雞肉炒河粉$78超級多雞肉！就快雞肉比河粉多口感較炒金邊炒濕潤冬蔭功味惹味微辣泰式炒椰菜苗椰菜苗咬落爽脆一直都係我到泰國餐廳必點嘅一道菜檯面有水自助倒黎飲Qr code落單方便卡位有雀籠設計好特別

去完九龍灣探朋友，行過淘大商場見到有呢一間泰國餐廳，空間感幾好，又可以睇波，就入去試吓。鮮蝦金柚沙律 $82蝦肉出奇地新鮮，柚子大大粒又多汁，唔會碎到好難食，最緊要唔苦。小食拼盤 $108有單骨雞翼，蝦餅，魚餅，春卷，每款都有四舊，蝦餅好彈牙；春卷炸到個皮好脆口，入面啲料又多，呢個唔錯。馬拉盞炒通菜 $68份量又多又大碟，少少辣吊起到個胃口都會大開🤣🤣咖喱牛腩釀巨型麵包 $88一上枱嘩一聲，冇諗過係咁大個，麵包焗到外脆內軟，然後牛腩好淋。連入邊嘅配料薯仔，都整到好入味又淋👍👍👍椰子冰 $38 椰子味算幾重，冰沙打到好滑芒果沙冰 $38好香芒果味，夏天飲好fresh呀。呢度座位好闊落，超有空間感，另一邊原來仲係可以租房打麻雀🤣🤣

星期五下午hea 吓去咗九龍灣淘大商場(泰 Cool)，店舖裝潢寬敞，食物價錢大眾化，還有愛貓咪者，一定來hea 一個下午🤣🤣+雀局👏👏❣️冬蔭原隻大蝦海鮮湯濃郁而鮮美的風味。湯底酸辣適中，融合了香茅、檸檬葉和南薑的香氣，令人垂涎欲滴。大蝦肉質鮮嫩，吸收了湯汁的精華，每一口都能感受到海鮮的鮮甜。❣️巨型麵包咖哩牛腩+生菜包+香芒椰子奶💥巨型麵包包裹濃郁咖哩牛腩，足夠二人份量，牛腩軟滑入味，麵包外脆內軟，口感絕佳。💥泰式生菜包豬肉鮮嫩多汁，饀料香辣可口，味道恰到好處，搭配生菜脆爽，口感層次豐富。💥香芒椰子奶香，清甜滑順，芒果香氣濃郁，椰奶醇厚😋❣️小食拼盤(春卷/蝦餅/魚餅/炸雞翼)💥春卷外皮金黃酥脆，內餡鮮美，口感清新💥蝦餅鮮嫩彈牙，海味濃郁，令人驚喜💥魚餅滑順細膩，搭配醬料更加美味💥炸雞翼外酥內嫩，香氣撲鼻，讓人一口接一口。整體口感豐富，適合分享，完美的聚會小食！

夏日熱辣辣又係時候食泰國嘢，今次都係去啲近市區嘅，去九龍灣淘大商場嘅外圍有一間泰cool，之前有食過佢哋彌敦道嘅分店，知道佢哋搬咗去九龍灣一段時間所以就去食返呢間。呢間近佐敦谷遊泳池多啲，所以搭地鐵嘅話經牛頭角下邨出口過去會近好多，去到餐廳門口見到有分兩個部分有室內同室外，適合晒鍾意坐出面或者坐入邊嘅朋友仔。一入到去見到位置都好闊落，首先係有貓店長嘅王位，見到兩隻貓仔都喺度休息緊，之後就安排我哋入座，有大枱適合十幾人一齊食，亦都有四人大枱，好似鳥籠咁樣包住自己，餐廳中間嘅裝飾仲有一隻馬騮。餐廳有播廣東話歌之餘，亦都有電視播放足球賽事。見到多人枱嗌咗個好高嘅啤酒桶，最明好適合大班嘅聚會。同朋友分別叫咗泰式生蝦刺身，小食拼盤，主菜就叫咗個香芒蟹肉炒飯，鹹魚芥蘭炒豬頸肉，飲品就叫咗椰子冰同咸檸七。 說是遲那時快，飲品已經上咗喇，咸檸七朋友話酸味好足夠，飲完之後就更加有胃口食嘢。椰子冰就好驚喜，唔會有化學味，飲落去係微微椰子嘅原味，唔會越飲越口渴，而且份量亦都好足夠，去到食完飯都仲有，而且沙冰打得好夠勻，所以唔會話咬到有一舊舊嘅冰。前菜都開始送到喇首先係泰式生蝦刺身，店員好貼心咁樣喺蝦同冰中間

自從泰皇普密蓬登基之後，我好似食少咗泰菜，個原因就係...只系咁啱啫。 九龍城嗰啲好正宗又好味，但係店鋪太細啦，坐得有啲唔舒服。所以今次特登嚟到呢一間對方好大，座位好有特色，好似鳥籠咁嘅泰國餐廳。 🍖首先一定係叫生蝦，因為呢樣嘢簡單得嚟可以即時測試到餐廳嘅水準，唔好嘅餐廳，會有雪藏味，會完全冇鮮味，甚至啲肉會有梅梅哋嘅感覺。但呢度就係合格以上，未點醬嘅蝦肉，爽脆得嚟，蝦味夠，而且帶有鹹香，配埋個醬汁，醒胃又冰涼。 🍖馬拉盞炒椰菜苗，其實好考功夫，椰菜苗本身係要煮得比較耐，如果唔係會太硬，但係又唔好煮得太耐，因為要保持佢嘅鮮綠色同埋爽既口感，呢位師傅就做得到啦！ 🍖然後就係咖喱海鮮，呢個咖喱醬唔會辣，顏色一流，好sharp而且充滿椰香味，所以用嚟帶出炸嘢嘅味道系最夾。裏面有炸軟殼蟹同埋炸蝦。軟殼蟹唔使講，本身佢嘅質地就係好適合酥炸嘅處理，炸到脹卜卜，成隻放入口，一啲都唔使lur骨，但估唔到連隻蝦都系，佢又唔係deep fried，但係成個殼，我就咁咬就咁食，竟然都食到軟殼蟹嘅口感，你話神唔神奇？ 🍖最後就係鱸魚，個湯同香料真係好重要，大量嘅香草，配合埋肉碎，帶出魚嘅嫩滑，而最正系墊底嘅旺

喺淘大商場行完街發現咗一間好大嘅泰國餐廳，價錢同質素都唔錯，而且食物份量都幾大份，幾抵食。座位相當闊落，啱晒一大班一齊食飯。鮮蝦炒金邊粉覺得比出面餐廳，呢度做得特別大份！用咗雞蛋絲網佈封面，下面包住好多金邊粉！呢到嘅產品澱粉調味偏甜，冇咁酸，而且都炒得好香，側邊仲有啲花生碎，鐘意食花生嘅可加埋食，金邊份量都多，抵食。泰式海鮮粉絲沙律其他泰國餐廳未必有呢款沙律，粉絲應該用咗蒜蓉炒香，仲暖暖地，配合唔同嘅海鮮，例如鮮魷魚圈，青口，口感同味道都好豐富。冬陰原隻大蝦海鮮湯成煲冬陰功湯上，都幾大份，店員即時點著火油膏，煲滾食用，入邊都有幾隻大蝦！冬陰功湯底椰汁味同甜味比較突出，唔會好酸，味道都好濃郁。青咖哩配雞肉同薄餅加＄30有薄餅或者蒜蓉包，我哋就揀咗個薄餅，同樣地個份量真係幾大下！薄餅都有好多塊，而青咖喱都好大碟，雞塊都好多，青咖喱唔會好辣，椰味重，啲雞都好滑。泰式椰絲糕好爽口清新嘅甜品，一份有成五六件都幾抵食。餐廳店員都好熱情招待，有緣嘅話仲可以見到兩隻貓店長喺度巡邏haha

所有菜式全由泰籍師傅主理的正宗泰國菜🇹🇭菜式以傳統泰國菜為主👨‍🍳環境舒適寫意，令人仿如置身泰國的感覺😃串燒用醬汁先醃過再烤🍢外脆內嫩，配濃郁沙嗲醬，神級惹味🥹炸蝦餅炸得呈金黃色🔥配上酸酸甜甜的泰式醬汁，香脆又可口😋農夫包盛著咖哩軟殼蟹🦀咖哩椰香惹味🥥軟殼蟹則酥炸的方式處理🔥外層酥脆，內裡鮮嫩，令人食指大動🤩胡椒蝦份量好多，蝦肉鮮嫩彈牙🦐胡椒大大提升了蝦的鮮甜味道，香辣惹味😁

又是慶祝生日餐，相約在九龍灣淘大花園，本以為地方不好找，誰知就在佐敦谷游泳池🏊旁邊，地鐵巴士都到，大大的招牌，遠遠就看到了。好朋友住這區，講究飲食的她自然會揀最好的。餐廳很大，裝修好特別，有個大鳥🐦籠，有兩只公關貓🐱行來行去，還有戶外座位，是動物友善餐廳，真好，可以和小動物一起享受美食。🐩🐱🐦識飲識食的好友負責點菜，樣樣精彩，味味佳餚。1️⃣鮮蝦金柚伴沙律🍊🥬🥒🌶🧄🦐鮮香的泰國柚子肉，大塊多汁香甜，香蒜香葉香菜，還有很多新鮮沙律菜，幾只鮮蝦爽脆鮮美，少少黑椒檸檬汁調味，吃得胃口大開。🥳🥳2️⃣明爐檸檬蒸烏頭🍋🍋🐟片片青檸鋪在烏頭魚🐠上，點火🔥煮滾，馬上散發出誘人的香味。烏頭魚多肉少骨，加上用檸檬煮，很快清理完畢。😋😋3️⃣泰皇咖哩軟殼蟹釀巨型麵包🦀🍞哇⊙∀⊙！，賣相好誇張，麵包好似蓮花座打開，炸香軟殼蟹放在中間，淋上淡咖哩醬汁，看到就開心❤。4️⃣蒜蓉炒芥蘭🥬🥬🧄翠綠的芥蘭用蒜蓉炒香，灑上金蒜，還加些粟米心，非常清香爽甜，吃泰菜絕不能錯過。👍👍最後飲番杯凍鹹檸七，圓滿了。🥳🥳

店名/Shop Name：泰Cool (九龍灣)地址/ Adresss: 九龍灣牛頭角道77號淘大商場4期地下F229-240號舖種類/Type：泰國菜推介/Recommend：泰王咖喱雙拼兩隻軟殼蟹加兩隻大蝦人均價錢：$250店舖環境:深色嘅背景配上鮮黃色嘅椅子非常明快嘅設計，中間貯糧裝飾成大樹，座位坐得非常舒適交通:九龍灣地鐵站往淘大商場方向行大概5分鐘上菜速度:⭐️⭐️⭐️⭐️⭐️服務態度:⭐️⭐️⭐️⭐️⭐️食物口味:⭐️⭐️⭐️⭐️⭐️泰式炸蝦餅 $78香脆可口、嚼勁十足,蝦肉飽滿鮮美,配以泰式香料調味,酥脆外皮下是香濃入味的內餡。是泰國小吃的經典代表。青木瓜沙律 $68爽脆多汁的青木瓜,搭配酸甜可口的檸檬汁與香料醬料,清新爽口,清爽解膩,是夏日消暑佳品。炭燒豬頸肉 $78肉質鮮嫩多汁,表層微焦香,透著一股煙燻香氣,肉汁在口中化開。泰王咖喱雙拼兩隻軟殼蟹加兩隻大蝦 $188鮮嫩多汁的軟殼蟹與肥美大蝦,浸泡在香濃濃的泰式咖喱汁中,交織出麻辣鮮甜的美妙滋味,最正嘅係佢一啲都唔辣，小朋友都可以一齊食，點麵包或者薄餅超正鹹檸檬七喜 $28酸甜鹹味交織,清新爽口,解暑消脂。