泰Cool

营业中

休息中

泰Cool 九龍灣牛頭角道77號淘大商場4期地下F229-240號舖裏面嘅範圍好大 再入面就係娛樂打麻雀嘅地方食完嘢入去激戰一番 OK！打完牌再出嚟食返餐好又得 無論輸贏 食咗先講總共飲咗兩個椰青 好清甜 記得唔好嘥咗啲椰青肉泰式生蝦刺身（10隻） $98喺冰上面用一層保鮮紙隔住乾淨又衛生辣椒粒，蒜蓉粒必備 配上生蝦酸辣醬汁足足10隻 生蝦會食上癮haha炭燒大蝦（4隻） $128大隻蝦肉 乾燒脆皮蝦殼雖然等嘅時間係耐啲 慢工出細活炭燒牛柳粒 $88呢款牛柳粒相對開胃 用沙律菜青瓜作底牛肉油脂豐富 每口都有清爽青瓜中和返

好耐冇去淘大花園了，今晚去左個邊食飯，呢間泰cool，非常好。地方又大，裝潢優美，充滿泰國色彩，坐位又舒服，是籠雀sofa設計。我同朋友點了香芒蟹肉炒飯，鐵板蠔仔蛋，泰式明爐烏頭，飲品點了三色冰同菠蘿沙冰，全部都非常出色，大大碟食到勁飽啊。先來香芒蟹肉炒飯，芒果很鮮甜美味，炒到粒粒分明，蟹肉料多，好食。鐵板蠔仔蛋，很抵食啊，好大碟，蛋入面有好多蠔，啖啖都食到，配埋辣醬，很惹味，底嘅芽菜都好好食，吸晒精華，全碟清晒，好食。泰式明爐烏頭，同平時食嘅泰式菜一樣正宗，酸酸辣辣很醒胃，湯底有肉碎，茹等好食，加了很多配料令到味道豐富，魚新鮮鮮甜，喜歡佢比多碗湯，可以邊食加埋湯食勁正啊。飲品大大杯，非常高身的杯呀，哈哈，菠蘿沙冰菠蘿味濃，三色冰都又抵又好飲，整體好食，環境又好，推介。

太耐無食泰國菜，今日放工早，終於有時間約到朋友一起去食泰國菜，餐廳好大間，員工既服務態度非常友善👍👍👍，食物質素高，而且好抵食👍👍👍小食拼盤———食物好豐富（春卷、魚餅、蝦餅、雞翼），全部都係我鍾意食既😋，春卷炸得好脆，入面餡料非常飽滿，配合泰式辣椒醬非常好味👍魚餅同蝦餅都好彈牙，食得出好濃既魚味同蝦味，好正，必食之一😍泰式炸蝦片———超級鍾意食，超級大包+抵食，好貼心既服務。可以比客人食幾多倒幾多落個食物籃內，倒唔嗮再用密封袋密封，避免D蝦片因放得太耐而唔再脆既情況，非常欣賞，可以令我地成餐飯都食到好脆又大塊又好味既蝦片，而且咁大包蝦片只需$28，真係超級抵食，下次一定會再食過😍😍😍😍😍青咖喱雞肉———青咖喱味濃，加$30可以加購薄餅，薄餅新鮮出爐，外皮好酥，沾上青咖喱汁食好好味😋鮮蝦炒金邊粉———擺盤好靚，打卡一流，鮮蝦超大隻，金邊粉&鮮蝦一起炒得超入味，泰國菜必食之一❤️椰青———好新鮮好大個，椰汁水超清甜，椰肉好好味，炎熱夏天飲一啖清涼既椰汁水超級滿足。

谁说香港的美食都在旺角和尖沙咀？这家位于观塘区（九龙湾）的泰国料理照样打把泰国菜做的出神入化！可以说是近期我去过所有泰国饭馆里的天花板！他们家的装修超级用心，不仅泰国风格十足，而且还很有丛林风味，吧台和卡座的设计也是别出心裁，让人眼前一亮！当然，作为泰国菜的天花板，他们家的味道可以说是无可挑剔！🥩地道火山排骨作为泰国菜的扛把子，他们家的火山排骨酸甜可口，肉质软烂，入口即化，最重要的是汤汁吃起来也超级爽口，强推！🐷泰式猪手一别于传统的泰国猪手，他们家啊这道猪手软软糯糯，吃起来不会觉得腻，配上甜酸酱简直不要太绝！喜欢啃大猪蹄的姐妹们一定不要错过！🐔泰式烧鸡你以为这是普普通通的烧鸡嘛？no！no！no！那你就大错特错了，他们家的烧鸡吃起来口感和普通的烧鸡截然不同，不仅不会柴，而且非常juciy，平常K家爱好者一定不能错过！这家泰国菜馆真的可以说是非常high level了，小伙伴们有机会一定要去试一试哦！

啱啱泰國回港隔日就想回味下D泰菜,諗起成日行淘大會經過泰COOL,入嚟試下先,可能時間早有位,待應叫我地自己揀位,見店內裝修幾特別,有個好似雀籠既二人位就坐低咗,自已掃碼落單,方便!先點了小食拼盤,有我最鍾意既蝦餅,好味,夠厚身大件,仲有春卷唔錯,魚餅、雞翼每樣食物有四件,成個拼盤好足料全部都大大件,讚!點個泰式生蝦刺身,一碟有十隻,都夠新鮮,再叫埋個泰式香草爆炒肉碎生菜包,又係份量足,好大碟,配上生菜真係好夾,有泰國風味,最後點了二柸飲品,先嚟一柸香桃青蘋果冰茶,之後嚟一柸碟豆花特飲,好靚,啱晒打卡,仲要係好飲!仲有見到隔離食緊個排骨,賣相唔錯,下次要試吓,有機會會再嚟幫襯,臨走仲見到貓店長,勁乖乖又可愛可以不停比人拍照!

好耐冇食泰國野 同老公揀左呢間佢公司附近既泰國菜餐廳😎呢間泰cool喺其他地方都有分店位置喺淘大商場4期 近佐敦谷游泳池對面估唔到仲有得睇波同打麻雀🀄️呢個鮮蝦金柚伴沙律 我超鐘意佢酸酸甜甜的醬汁 金柚好多汁 作為前菜好開胃 我清左成碟🤭原隻菠蘿海鮮炒飯見到其他食評話好淡味 反正老公好鐘意 因為其他菜式都係濃味 有呢個淡口味既炒飯就岩岩好！而且仲要好足料 一d都唔孤寒～馬拉盞炒椰菜苗火侯同調味都岩岩好 唔會死咸沙嗲串燒拼盤甜品泰式椰絲糕 好清新 食到椰青肉整體呢泰國餐廳食物都唔錯 環境舒適 上菜速度都超快 真係唔明點解咁多負評🙈食到最後發現原來有兩隻可愛親人既貓店長 我同老公都係貓痴 有貓店長既餐廳一定大力支持！下次一定要坐貓咪皇位先得啦😍十分盡責既貓店長 監督職員傳菜😂😂

今晚在淘大行街，食完晚餐就響淘大食，我們揀左泰Cool食泰國菜，睇menu見泰式咖喱雙拼好吸引，有兩隻蝦、兩隻軟殼蟹，+ $30仲蒜蓉包或者薄餅，我哋就揀咗蒜蓉包，上嚟有五片蒜蓉包，兩個人夠晒食。咖喱好出色，就算白飯都一定好餸得飯，我同個friend 都覺得好值得叫。另外，我哋仲叫左椰汁雞湯，呢個椰汁雞湯好惹味，有香茅、洋蔥、雞肉，上果時有個火熱住，保持温度。我們再加咗個香芒蟹肉炒飯，呢個炒飯唔係乾身既炒飯，濕濕地既炒飯，蟹肉係鋪左在飯面。因為用手機落單，我們都係睇一樣先叫一樣，甜品就留到食到八八九九嗰時先最後再追加。最後甜品係芒果糯米飯，present 得靚靚仔仔，有白嘅糯米飯同埋紫糯米，食落都好好美，very nice，作為今餐完美嘅結束。

今晚去咗淘大嘅「泰Cool」食晚飯，嚟一趟泰國風味嘅美食之旅！鮮蝦金柚伴沙律清新開胃，金柚嘅酸甜同鮮蝦嘅鮮甜完美結合，令人回味🍤🥗🍋香葉爆炒肉碎伴生菜包，香葉嘅香氣搭配爆炒肉碎，包入生菜包度食，口感酥香又多汁，正！咖喱牛腩釀巨型麵包，牛腩慢煮入味，再配上蓬鬆麵包，一口咬落，香氣四溢！🥟🍞🌶️鮮蝦炒金邊粉，金邊粉爽滑，再加上鮮蝦嘅鮮甜，味道絕對唔平凡！最後，以芒果糯米飯作結，清甜的芒果配上糯米飯，簡直係完美組合！🍚🍤🌶️泰Cool係一個值得一試嘅泰國菜餐廳！食物美味多元，服務又親切，係一個適合與朋友或家人一齊分享美食嘅好去處🍴🌟👍

九龍灣嘅泰Cool，同雀會嚟個crossover，套餐泰式食物連雀鐘都係人均百零蚊有交易！食物單點都係幾十蚊起，絕對超值！Stella Artois 500ml $68青檸七 $28有多款生啤供應，消暑又解辣！另有多款泰式特飲！咖喱牛腩釀巨型麵包 $88巨型麵包塞滿美味嘅咖喱牛腩，連包食份量超大！香葉爆炒肉碎拌生菜包 $88生菜新鮮爽脆，加滿肉碎都唔會淋，啖啖滋味！小食拼盤 $108炸物愛好者必點！有齊蝦餅、魚餅、春卷、同埋雞翼！蒜蓉炒通菜 $68炒得夠香口，唔錯！

朋友表示吃這間泰國菜時，上網看了食評後有點猶豫，但因之前吃過另一分店因此亦有信心試。餐廳很大，環境亦很舒適！午市竟然不用等位！可能因為淘大實在太多餐廳而呢間的位置又較不明顯吧！午市套餐是$58，我們二人都是叫金邊粉！份量剛剛好，湯底亦不鹹不淡！最舒適是可以輕鬆地邊吃邊聊天，不用擔心會被趕。不明白為何網上會有那麼差的食評😅與朋友討論後，決定亦寫食評為餐廳平反。

味道一家嘢，我覺得OK，地方寬敞,有個別員工比較大懵,不過你可以提一提佢,有位可以話事嘅靚靚姐姐服務態度非常好，值得贊👍，人哋話服務態度好緊要。值得喜歡吃泰菜的你們去享受吓。

妹妹生日去咗近近哋嘅九龍灣泰cool 度食食飯，之前食過喺將軍澳嗰間覺得唔錯，但係九龍灣呢一間，食物質素差距甚遠，服務用食物機械人送餐，但係搵個真人嚟問嘢搵咗好耐都冇人理🥲泰式豬頸肉豬頸肉嘅特色係爽脆嫩，佢哋完全係做唔到，似係一塊切薄咗嘅豬肉片鹽燒烏頭魚一放上枱，已經聞到濃烈嘅腥味，完全唔想擺入口泰式炒菜唯一一碟覺得好食嘅嘢，炒菜不過不失，啲菜尚算新鮮小食拼盤蝦餅尚算可以，但係魚餅就好難食😒魚肉唔係彈牙，調味極鹹菠蘿炒飯一碟好普通嘅炒飯，亦冇菠蘿味泰式魷魚呢一碟餸，簡直係劣評，魷魚完全冇味，好似食緊香口膠一樣泰式燒雞成隻雞都冇乜味，煮到過晒火，極柴！冬陰功湯味道冇乜特別，亦冇酸冇辣味，唯一好處都尚算足料

之前睇過食評，好似都麻麻，經過見到餐廳裏面好似都冇咩客，所以有啲卻步，開左咁耐一直都未食過😅咁啱有朋友過嚟淘大食飯，想食泰國菜，咁一於試吓依間啦。入到去得幾枱客，可能係閒日。大把位我哋揀😂 最入面係雀局，有啲客會出黎食雀局餐，食完會返入去再打過😂 我第一次見，覺得好得意🤭5個女仔，叫左六樣嘢+每人一個椰青，埋單送左碟椰絲糕俾我哋，都係每人$185，我哋都食到飽飽同覺得抵食。坐得都舒服，食物質素都唔錯，啱鐘意濃味嘅朋友仔。 另外叫人幫手影相，d侍應都好helpful, 我哋感覺都幾好。我會再幫襯😃

朋友介紹在這裏食泰國菜記得之前是 中式酒家， 食物非常吸引而且份量也不少 蠔仔蛋鐵板上好有鮮味唔會發臭泰式炒河粉 最特別的是用 雞蛋 包著 外表很特別味道也夠惹味哪個咖哩麵包 份量非常大 麵包軟熟最緊要是 打卡最好 綠色咖哩不會太酸也不會很 也欣賞這裏環境坐得舒服 啱啱旺旺東南亞的裝修 環境 下很舒服 但 比起傳統泰國餐館 更有一種 新潮處於酒吧 的感覺不過最搞笑員工 菠蘿炒飯竟然上錯給我們 等我們 吹水很久之後 最後先發覺， 要不然給我們食了都唔知點計數到埋單的時候又攞錯咗 點菠蘿炒飯那一台人的單給我們， 大佬你哋阿姐可唔可以專業啲不過呢啲都係小問題做食物質素嚟講我覺得都唔錯， 可能凍了我覺得更加惹味會更好， 但 憑著每人平均180元 我又覺得都 有交代有餘了

第一次嚟呢個舖頭食嘢，一家人食做節飯，真係嬲到要上嚟寫負平！7:20落單叫嘢食， 7:45先上到串燒，仲要唔熱唔熟嘅！落咗兩轉單，第一轉要8:30先齊野食，因為經理話要整晒俾入邊雀局啲人食嘢先喎！野食已經唔好食，仲要問極都係hea 你，口話黎幫你，但行左去幾轉都無話理下你！明明整個場地得6-7枱人，都可以搞到亂糟糟甘⋯⋯真係千萬唔需要黎食嘢！真係千萬唔需要黎食嘢！真係千萬唔需要黎食嘢！真係千萬唔需要黎食嘢！真係千萬唔需要黎食嘢！除非你去雀局！