泰COOL (鴻圖道) (已結業)

在觀塘，工廠區，在街角，樓上店，有泰Cool。雖然樓梯及店外有點舊，但是店內幾大，有廿幾長大枱。冬天時更會打開窗。午餐，巨型麵包釀咖哩牛腩 $58，巨型麵包做碗，幾特別，麵包不會是新鮮焗，可接受。去泰國餐廳，想試基本東西，泰式雞肉炒金邊粉 $58，即叫即炒，熱上，味道適中，不會太甜或太酸。手撕海南雞撈檬 $58，份量充足。海南雞飯 $58，飯好黃，雞可以，泰式海南雞飯。$58一個餐，都幾抵啦，在觀塘都是個又平又Cool的選擇。總評味道：OK；環境：舒適；服務：店員有禮貌；衛生：可以。

平價泰國餐廳，但野食質素就好普通。每次黎呢間食都keep住好多人，可能因為價錢平而且都大份嘅原因。Lunch 就已經可以以$58嘅價錢食個咖喱麵包😵雖然咖喱唔係好出色，而且牛腩唔係好熱，但勝在賣相叫做呃得下人嘅😂對食冇咩要求嘅都可以一試

原本其實係想識隔離嗰間西餐，但係佢已經要收lu～所以就嚟咗呢度食泰國菜 唔記得個生蝦幾錢但係印像中係好平， 不過黎到就好後悔叫咗呢個生蝦囉，食泰國菜第一次見到餐廳用嘅生蝦係急凍生蝦😅仲叫咗個蒜蓉炒椰菜苗， 極度懷疑佢啲椰菜苗擺咗好多日，睇到啲野菜苗好多都黑色咗 ，代表擺嘅時候掂到水然後噏到變爛咗 😅另外唔食爛咗嘅地方個椰菜本身都好老好多渣😅 咖哩軟殼蟹配農夫包農夫包意外地有翻熱過😂 因為前兩道菜太可怕， 估唔到佢竟然會翻細個包咁細心😂 呢個咖哩原來係味道正常

呢間野真係無得頂話說有日4個人去食飯，我叫咗個泰式炒金邊粉，入面雞內得2,3舊，仲要舊舊碎過譚仔雞肉，細過手指尾甲，算啦唔叫都叫咗，當齋金邊粉咁食其實味道都還好好喇，朋友叫個椰香青檸湯粉絲，就喺同行3人都就嚟食完先上菜不在話下，送菜後其實亦無發現原來上錯野，落單後半個鐘真正既湯粉絲先出現！原來嚟咗個冬蔭湯河侍應嚟check枱上既點菜單後講咗句「食錯」，嬲到朋友即回一句「你地上錯呀！」，侍應頭也不回就走咗第一次食一間由食物到服務都咁差既泰菜，無下次味道比3分係本身個底唔錯，但咁度縮肉都唔多舊

今日想食泰國菜，去左觀塘泰COOL。黑椒洋蔥牛柳粒炒紅飯賣相唔錯，牛柳粒 🐂鮮嫩，配紅飯幾特別喎，加埋洋蔥🧅黑椒汁，yummy😋冬蔭海鮮湯河冬蔭功湯🫕唔太辣，海洋有蝦🦐、青口等，幾惹味喔😋碗粉好滑，有口感呢間餐廳午餐有多個選擇，份量足夠，食物水準也不錯。唯一美中不足係午市時段比較嘈吵，希望店主改善一下隔音設備。

難食。service 好差。好冇禮貌。 地方唔乾淨。 餐具充滿油漬 完全冇洗。 碗筷又有污糟野痴住。 食物完全唔新鮮。肉類有雪味。 飲品只有糖水一杯 。懷疑用嘅冰唔乾淨之後成班朋友返屋企都肚痛😱😤l環境非常之嘈，啲枱又污糟邋遢完全唔清潔衛生😢。體驗非常之差，最重要係食物味道，我相信我自己煮得好食。真係唔會再返轉頭。希望你哋會改善，不過慢慢長路，全部問題就出現，需要好大勇氣去改善。基本嘅衛生首先要教返好。你都要換個廚師

食開黃店嘅我，因見依間黃店告急，特登去支持。價錢抵大碟。依個價錢算係好唔錯，水準係可以。黃店嚟講，都會expect 落單嘅姐姐態度會好少少。因問姐姐可唔可以喺set lunch menu 嘅一個炒金邊粉走肉。因屋企有一個人食素。姐姐係話可以。入到廚房，因咁啱要去廁所，屋企人聽到依位姐姐話少少錢幾十蚊都要慳。講真，你又大可以話唔可以set lunch走肉。咁米轉喺單點都叫，係佢講set lunch 平啲，有野飲，唔駛加一，叫我地喺裡面點。唔駛單點咁叫。咁樣講幾十蚊都慳，有點難聽。但今日雖然冬天24度，餐廳係完全冇冷氣，只開左窗，風扇都冇。唯一有冷氣嘅地方就係收銀。望住個明爐烏頭魚湯係好香，但真係太熱，食到成身都係汗。頂唔順。

同朋友相約觀塘食Lunch 有佢帶我去 #懲罰 試新野🤩💛呢間野似乎係黃到金🤩🤩之前係呢個鴻圖道十字路口位經過100萬次以為條樓梯係上去酒樓果啲🤣🤣原來前身真係酒樓只不過依家間開兩邊 沿右手邊上去就係啦💁🏻‍♀️一上到去見玻璃門 就已經一目了然行到入去個櫥窗 再加棵桃花 掂ssss好在朋友放lunch 攞定位先 所以唔駛等😉782 #巨型麵包釀咖喱牛腩 $58呢個外表好吸引😍 個 #農夫包 好大過 唔駛擔心食包唔飽🤣🤣咖哩汁唔係好漿 所以個包好吸汁牛腩夠入味 亦唔會好靭👍🏻791 #椰香青檸海鮮湯粉絲 $58上枱椰香味好重 個湯底椰香得嚟又有青檸嘅酸 好開胃海鮮就基本野 蝦🦐鮮魷🦑青口 再配啲雜菇配有熱餐飲 不過留意返～凍飲/汽水 +$6 冇加一

係大街口既泰 COOL，下午茶時間無咩人，靜靜地坐低左。難得食下午茶，無理由叫番午餐都食到既野，所以就叫左個泰式芒果牛肉沙律。比想像中多牛肉，其他味道正常，食落少飽，賣相都ＯＫ，報告完畢。

泰國嘢就食得多喇，有啲似酒吧又似泰國餐廳嘅泰COOL可能比到你一個新嘅體驗喇。今次嚟到泰COOL嗌咗兩個下午茶，分別係冬陰功湯雞河粉以及泰式豬手飯。雞河粉雖然係冬陰功湯底🥥，但係食落椰香味十足，非常適合啲唔係好食得辣嘅人，豬手飯以呢個價錢來講都有拳頭咁大隻豬手🐷，酸辣嘅醬汁配合佢本身嘅泰式醬汁非常惹味，嘆返杯泰式奶茶更加唔錯！嘢食大碗而且空間舒服，大家分不妨試一試佢其他特色飲品啦🍹~喜愛程度：😎😎😎😎

咁啱係觀塘就搵下附近有無泰菜食，就揀左依間🙃去到室內環境修裝唔差。但野食確就唔掂，我同朋友叫左生蝦刺身、冬蔭公湯、馬拉盞炒雜菜、生菜包、白飯，飲品白飯-硬、痴牙到好似食緊飯焦一樣冬蔭公湯-椰味重，偏酸馬拉盞炒雜菜-完全無馬拉盞味都算，岩岩放上枱即食，都食到佢係凍，真係離譜😡生菜包-食落沒有泰式風味，只有豬肉酥味🤢生蝦刺身-雪味較重，食落口唔彈牙之餘有種溶雪出水感覺🤮飲品-正常食過最差嘅泰菜

小編鍾意食金邊粉，有時返工痴起條筋想食，lunchtime會去附近既  醫肚。我地叫左以下套餐：📍泰式雞肉炒金邊粉 $5️⃣8️⃣金邊粉比較濕，如果乾身少少比較好～但份量太多，女仔食會食唔晒🤰🏻 雞肉無咩味，鍾意佢既醬汁，酸酸甜甜好開胃。📍冬蔭海鮮湯河 $5️⃣8️⃣冬蔭湯河既味道偏mild，唔會太辣或太酸。配料俾得好大方，睇圖都知幾多魷魚😍📍炸魚餅 加$1️⃣8️⃣魚餅又係大大塊，可惜都係有點濕，但咬落唔算多油，唔知原因🤔📍青檸薄河梳打水 加$1️⃣2️⃣好Fresh 既組合，味道符合預期📍熱杞子桂茶 加$6️⃣味道同我預期差唔多，略為甜，最後無飲晒😜

幾個同事一齊食，lunch時間上到去等左唔夠兩分鐘就有位大家分別叫左咖喱牛腩配農夫包，泰式豬手飯，泰式手撕雞撈檬。咖喱牛腩一上枱，全枱嘩一聲，個包好鬼大個，男仔食都一定夠飽，女仔食呢個份量直頭係too much啊，味道幾好撈檬都好大碟，手撕雞唔太多，但檬粉份量就好多，酸酸甜甜好開胃。豬手飯餸嘅份量都好足夠，不過略嫌肉質有啲柴，但好夠味，白飯份量都好大一個，又係唔會有唔夠飽嘅問題出現。全部都係58蚊配熱飲，如果轉凍飲就加6蚊整體黎講 味道幾好 份量好夠 午餐款式夠多

呢度午市套餐都幾多選擇，每樣都$58仲包嘢飲，同區入邊都算平，所以午市都見幾多人嚟！😆.冬陰功海鮮湯河 🍜🦐 冬陰功湯底有好香嘅椰汁🥥味，冇乜辣味而係偏酸，我個人就幾鍾意！海鮮就有幾隻蝦、魷魚、一隻青口，味道正常～🦐🦑入面仲有啲秀珍菇，索晒啲湯汁，好正呀！.熱泰式奶茶有啲似茶走，但多咗泰式紅茶茶式嘅清香，同時又有奶香，好好飲！😋. 呢間泰國餐廳地方闊落，坐得幾舒服；店員服務態度又友善，推薦大家嚟食！ 🇹🇭🇹🇭🇹🇭

觀塘呢間泰COOL我都幫襯過好幾次啦。位置就稍離地鐵站遠啲，通常食飽之後我都鍾意行去海濱散下步睇下夜景。我比較鍾意嘅有：馬拉盞炒通菜：好大碟，炒得亦惹味，亦唔會過咸椰香海鮮焗飯：我好鍾意飲椰青，呢個飯嘅做法係會將起出黎嘅椰青肉同椰青水倒落杯到俾埋你，感覺好似多左杯飲品咁，夠晒抵😁明爐烏頭：因為係明爐關係，所以越興得耐，啲魚同湯就越入味，我地都當湯飲，飲到停唔到口冬蔭公：好多蝦，落料一啲都唔姑寒，酸辣味算適中，但有次飲就太咸，餐廳要留意下。總括而言，價錢幾平，份量又足，味道亦正常，所以都會再幫襯😊