津津好好味

营业中

休息中

好耐冇去食 唔係老豆介紹唔會試嘅小店食過幾次之後就冇再食 因為一個人先可以食 （朋友唔會陪我食辣野 又唔會去呢種小店）而且之前好早就賣哂 漸漸就忘記呢間店呢間店只賣小雲吞、雜醬麵、酸辣粉、肥腸麵同涼麵我之前只食過小雲吞，唔記得有冇試過雜醬麵/酸辣粉😂但成日都賣哂涼麵天氣熱就係想食辣野同冷麵之前陪老豆行街 突然令我想起呢間小雲吞$24 （12粒）中辣走芫茜小雲吞入面係豬肉同木耳碎，我記得之前食嘅湯好辣好正嘅重慶風味？今日食個湯點解好似少左風味嘅呢？即係紅油好似輕手左？雲吞皮薄肉夠味就係冇左上癮嘅湯頭涼麵（細）$13 小辣諗住撈麵就小辣啦，死啦 我又係食唔到辣添唔通要叫大辣？涼麵非常幼身，之前叫雲吞都熱食係唔好食，所以貴$3都要分開叫，唔知道有冇人特別喜歡食撈撈冷麵？ 冷麵食唔到鹼水味，撈左辣椒🌶️花生碎🥜蔥粒，仲有芽菜墊底，有啲汁撈下咁，但我覺得加返啲酸會再好食啲其實印尼超哥手打麵都有少少似幼身得黎唔係果啲彈牙曲曲嘅麵條，因為好幼身所以感覺冇咁飽滯好多人會買生雲吞，店員好細心都幾nice會教你自己買返去點煮女生食份量岩岩好唔知道係咪我食得太重口咪？定湯底唔同左呢？價錢經濟實惠，偶爾都會想

今日經過太子。見到呢間買小雲吞。 津津好好味食店🥳🥳🥳🥳🥳🥳🥳🥳🥳打算試吓當早餐。店內是開放式廚房有兩個阿姐。而有一個老人家負責點單。店內得我一個人。 我就點了一個大雲吞試試 有20粒左右。都算足料。 湯底味道偏淡。 而味道算係普通。似住家式的清淡味道。點來？唯一不足是冷氣不夠。 已經是冬天。 可能係開放式關係。蒸氣太多，而店面太細。 所以店內確實有點熱。 夏天的話就不會選擇了 簡簡單單清清淡淡還不錯👍👍👍👍

女店員態度十分差，超級冇禮貌，問佢少少野就勁大聲回應,肚痛去廁所都吾借 ,吾借吾緊要呀你吾好話我果邊有廁所都吾去仲要鬧反我轉頭羅,野幾好食都冇用，見到個女店員都吾想行入去食囉

太子好味重慶雲吞（$35/20粒），豬肉餡料夠晒鮮味，雲吞皮夠薄夠滑，麻油芫荽湯底。細細粒一啖一粒，夠晒風味。超高性價比，即叫即煮，夠晒新鮮熱辣辣，夠晒抵食飽肚。

成日經過呢間都等滿晒外賣嘅人，一於都試下佢，見到裡面其實都有堂食嘅位坐，都坐滿大半。叫咗個小雲吞(中辣)，細細粒，一口一啖，試下個湯又唔係好辣，辣度可以自行選擇，講明先我辣度係譚仔三哥食開中辣，小雲吞雖然細細粒但好夠味，皮亦好薄好滑另外叫咗個涼麵(細)走青，有D芽菜、辣椒、花生碎，食落酸酸辣辣，麵亦爽口彈牙，極開胃

呢間D雲吞細細粒，一口一啖，靈魂其實係個麻辣湯，酸辣度自由選擇，你想再酸D辣D老闆娘都會滿足你，我就揀大辣加酸，天寒地凍食到呢碗熱辣辣麻辣湯雲吞真係好溫暖另外涼麵亦推介，有D芽菜、芫荽、辣椒、花生碎、孜然粉撈埋，食落彈牙爽口

希望老闆睇到可以改善下 野食係好食嘅朝早差唔多十一點見朝早鋪頭得三個客食緊野幾清閑 喺鋪頭出面霖完食咩就入去鋪頭嗌外賣 嗌完出返去等 到個女員工比個外賣我地 因為出面仲有一個客人等外賣 個女員工又冇話個外賣係邊個嘅 遲疑左幾秒個外賣係咪自己嘅 就比個女員工呼呼喝喝 次次老闆娘行開咗個女員工態度都好鬼差 呢間鋪頭由細鋪食到大鋪 由中學食到宜家出黎做野 老闆同老闆娘煮嘅嘢又好食 態度又正常 次次路過幫襯 係唔知點解唯獨呢一個員工態度可以咁差

第一次食津津，好似係差不多10年前，佢哋仲係舊舖位。 好記得嗰陣食後感係“驚艷” 🤭 有一排每周三、四服咁食 😂 最好食始終係小雲吞，食到嘅一定要辣，佢哋嘅辣係麻麻香香，有啲芫荽葱咁，就算中辣都唔會好辣。 而家再嚟食，雲吞好似 “長大”咗喇，以前細粒啲好食啲㗎，但整體嚟講都係好食 另外，我通常會搭個唔辣涼麵中和吓啲辣，而家嘅涼麵已經唔係我必食選項喇，變得比較濕，調味同麵質都唔同咗。 下次再嚟，應該買中辣淨雲吞就夠了。

舖頭細細間　座位吾多主打都系做下外賣　同街坊生意餐牌都好簡單　雲吞仔同酸辣粉　涼麵簡單既川式小吃細細粒雲吞仔　啖啖都系肉雲吞皮又薄又透　睇到入面既餡湯底可以按翻自己口味　揀翻辣度幾十蚊就有20粒　原本以為份量會好多食吾晒1人份量絕對夠食真系有興趣加多份涼麵　其實夏天食好開胃

今日就由旺角行去太子試下呢間個重慶涼麵，見雲吞都多人推薦就一起試埋啦😆雖然又會好大機會被教練投訴碳水太多（戴返個頭盔先🙈嗌咗一個大涼麵，一個淨小雲吞，兩樣都係小辣（因為唔知個標準係邊都係小辣最穩陣🫣）雲吞可以分湯不過就要+1，考慮到車程都係分湯好啲，雖然返到屋企雲吞會變一pat咁齊上齊落😂不過浸下個湯都可以分到既👌涼麵睇落好似唔多但其實個外賣碗都幾深下😲所以量來講真係好大份，有花生碎少少辣椒芫荽同芽菜，麵既口感幾出色，幼身但有咬口，熟度剛好，係我鍾意果種，醬汁方面量就夠，但同我預估既味道就比較有距離😅感覺比較淡又唔夠香？少少偏甜不過都接受到，麵係幾好，但整體就真係普通好食⋯⋯反而個雲吞比較驚喜啲喎，皮厚薄適中，內餡鮮肉為主有少少雲耳，肥瘦適中幾香口，有啲啲似細細個食過既小雲吞，不過就係放大版😂湯既調味有啲似重慶小麵湯，微辣唔鹹幾好飲（我好想飲晒佢不過要減肥呀🥲）有芫荽加持更好味～大涼麵 7.0/9淨小雲吞 7.5/9OVERALL 7.0/9等外賣見到街坊熟門熟路入，有老人家又有小朋友，見到食評都話係開咗好多年，收銀都係阿伯，試過個雲吞湯我覺得可能湯麵出色過涼麵，下次有機會再試下😃

今日去咗試吓佢嘅肥腸酸辣粉，因為之前聽到好多谷友話正⋯D肥腸係好味，煮得好淋，又容易咬、但係個湯就真係有D失望，酸同辣都唔係好夠味，比例亦都唔太理想，而且好重人工化味道，特別係當睇到個發泡膠碗D色素，真係有D擔心⋯粉應該係薯粉，但咬極都唔斷，我諗應該都几難消化到⋯真係試過就算，食完個胃唔太舒服，應該唔會再食⋯ 相比佢地D麻辣云吞就出色好多，細細粒一口一粒，而且個湯底亦都舒服好多，起碼唔會頂住個胃，所以都係食返云吞好過⋯

朋友介紹終於來到一試，麻辣小云吞，叫咗小辣，今日冇堂食，唯有外賣啦⋯雖然係小辣，但味道好夠，而且云吞亦都好夠料，云吞係金魚尾，外型好靚仔⋯啖湯可以，最重要係食完唔會口渴⋯另外加咗個冷麵，都係小辣，味道唔錯仲要係$12咋⋯⋯

以前細細個成日食雲吞，而家已經冇咗呢種雲吞食，好多雲吞都係用鹼水皮包嘅，佢呢間啲雲吞皮我好鍾意雲吞細細粒的的式式，一啖一個，食得出有豬肉嘅肉味，唔好睇佢嘅湯底紅卜卜，其實唔係好辣，湯底非常鍾意辣辣地又有少少酸味少少鹹味，唔太濃但又夠味！佢啲涼麵超級好食，佢啲麵勁彈牙，味道唔係好濃嗰啲，係清清淡淡嘅涼麵大腸麵，大腸炆得夠腍夠入味，啲麵好多，麵都彈㗎雜醬麵，呢個我就覺得略為普通，不過麵係好多又夠彈牙！繁忙時段唔夠座位，可能要等一陣先至有位

有段時間我曾經係深水埗返工，放工肚餓又想食辣野嘅話，我都行十幾二十分鐘黎依度食個小雲吞+雜醬麵。有時遲左黎，雲吞會賣晒，真係話無就無。今日重臨舊地，老闆老闆娘同個收銀呀叔都係咁嘅模樣，人流少左，但味道依舊出眾。淨雲吞(大) 小辣 $34 🤤😇一個人食嘅話，其實叫細碗就得，可以叫多個涼麵/雜醬麵就岩岩好。今日同Mcdull share，所以就叫大碗。依度嘅雲吞細細粒，入面嘅涵唔係好多，少少嘅豬肉溝埋啲木耳(雲耳?!)，個味調得啱啱好，個皮好滑，令到你食完一粒就想再食多粒，好似上癮咁。啲湯就辣辣地(睇下你叫咩辣啦)，味精就點都有落，但飲少少嘅湯伴一伴粒雲吞，好夾，推介！雜醬麵 中辣 $26 🤤😇依度嘅雜醬麵其實係湯麵黎，但偶然一次試過叫碗雜醬麵走湯，感覺出奇咁正。走左湯嘅雜醬麵，啲辣椒係晒碗底，如果驚辣嘅就撈少啲，個日狀態好嘅就撈多啲。肉醬似係肉碎咁，唔多汁，但味道濃，好啱伴埋啲麵食；啲麵就偏淋身，但都煙韌，又唔會一夾就斷。其實都有唔少地方有得賣類似嘅雜醬麵同埋小雲吞，味道總係差啲，始終冇依度都咁好食。寫完睇住啲相都想食，但年紀大喇，開始唔食得太辣，今次食完返到屋企飲左牛奶都屙左好多次。年

呢間既雲吞我好耐之前已經有食開，如果出開去都會買生雲吞返屋企煮黎食。🔎 生雲吞 20只（$31）雲吞系木耳豬肉餡，細細粒，一口一粒。堂食會系湯雲吞，如果外賣返屋企，我會比較鐘意直接將雲吞撈埋調味料，感覺好似食緊紅油炒手咁。㊙️買生雲吞會送調味料。