影片
更多
2021-10-16
899 浏览
有段时间我曾经系深水埗返工，放工肚饿又想食辣野嘅话，我都行十几二十分钟黎依度食个小云吞+杂酱面。有时迟左黎，云吞会卖晒，真系话无就无。今日重临旧地，老板老板娘同个收银呀叔都系咁嘅模样，人流少左，但味道依旧出众。净云吞(大) 小辣 $34 🤤😇一个人食嘅话，其实叫细碗就得，可以叫多个凉面/杂酱面就岩岩好。今日同Mcdull share，所以就叫大碗。依度嘅云吞细细粒，入面嘅涵唔系好多，少少嘅猪肉沟埋啲木耳(云耳?!)，个味调得啱啱好，个皮好滑，令到你食完一粒就想再食多粒，好似上瘾咁。啲汤就辣辣地(睇下你叫咩辣啦)，味精就点都有落，但饮少少嘅汤伴一伴粒云吞，好夹，推介！杂酱面 中辣 $26 🤤😇依度嘅杂酱面其实系汤面黎，但偶然一次试过叫碗杂酱面走汤，感觉出奇咁正。走左汤嘅杂酱面，啲辣椒系晒碗底，如果惊辣嘅就捞少啲，个日状态好嘅就捞多啲。肉酱似系肉碎咁，唔多汁，但味道浓，好啱伴埋啲面食；啲面就偏淋身，但都烟韧，又唔会一夹就断。其实都有唔少地方有得卖类似嘅杂酱面同埋小云吞，味道总系差啲，始终冇依度都咁好食。写完睇住啲相都想食，但年纪大喇，开始唔食得太辣，今次食完返到屋企饮左牛奶都屙左好多次。年
有段时间我曾经系深水埗返工，放工肚饿又想食辣野嘅话，我都行十几二十分钟黎依度食个小云吞+杂酱面。有时迟左黎，云吞会卖晒，真系话无就无。
今日重临旧地，老板老板娘同个收银呀叔都系咁嘅模样，人流少左，但味道依旧出众。
净云吞(大) 小辣 $34 🤤😇
一个人食嘅话，其实叫细碗就得，可以叫多个凉面/杂酱面就岩岩好。今日同Mcdull share，所以就叫大碗。依度嘅云吞细细粒，入面嘅涵唔系好多，少少嘅猪肉沟埋啲木耳(云耳?!)，个味调得啱啱好，个皮好滑，令到你食完一粒就想再食多粒，好似上瘾咁。啲汤就辣辣地(睇下你叫咩辣啦)，味精就点都有落，但饮少少嘅汤伴一伴粒云吞，好夹，推介！
杂酱面 中辣 $26 🤤😇
依度嘅杂酱面其实系汤面黎，但偶然一次试过叫碗杂酱面走汤，感觉出奇咁正。走左汤嘅杂酱面，啲辣椒系晒碗底，如果惊辣嘅就捞少啲，个日状态好嘅就捞多啲。肉酱似系肉碎咁，唔多汁，但味道浓，好啱伴埋啲面食；啲面就偏淋身，但都烟韧，又唔会一夹就断。
其实都有唔少地方有得卖类似嘅杂酱面同埋小云吞，味道总系差啲，始终冇依度都咁好食。
写完睇住啲相都想食，但年纪大喇，开始唔食得太辣，今次食完返到屋企饮左牛奶都屙左好多次。年少多好，有时啲野真系衬后生就好试，屙嘅衬后生，要爱嘅/要癫嘅都真系衬后生。可幸，我都爱过、癫过。
Mcmug综合评分：8/10🤤😇净云吞+杂酱面走汤系绝配，强烈推荐！
Mcdull 综合评分：8/10 云吞皮滑嘟嘟好好食，小辣就已经好足够啦！
「好食7级🐽」：
☹️👹极度难食，中伏 very very bad bad
☹️难食 very bad
🙁几难食 bad
😐普通no good no bad
🙂几好食good
🤤好食 very good
🤤😇好鬼好食，必试 very very good good
张贴
