津津食家

营业中

休息中

相隔一月,，整理照片時，記起幫襯過這間大排檔，心血來潮補寫文章。因為此食店是我特登行由火炭火車站行進去的。由進坐到點菜，食品質素都到很好，最初6:00左右到該店食飯，男伙記人少時好聲好氣。叫老闆前老闆後，食品亦很好吃，粥、乳鴿、豆腐。以為香港還有少數好餐廳，想再次推薦給友人。由於店鋪開始多人，不想懶死不走。 臨走時，外於不想浪費食品。正想通知男伙記幫忙拿膠袋和外賣膠盒打包。最後走時就一肚氣。最後被女的帶位攪到該店down grade , 她很積極幫我們叫走男伙記，說自己幫忙她會處理。最後自己什麼都記不起。多次催促後，才叫剛才那位男伙記拿兩個外賣盒，但又沒吩咐拿膠袋。最後她賬單寫多了3塊並反著單。順道迫我埋單， 由於我沒有膠袋，固然要詢問一下櫃位，她只給了兩個盒，但寫了三塊。最後她拿了膠袋給我，這就是那一元了，像很聰明的，並像取了甜頭似的。簡簡單單攪到那麼複雜化，對客人心情又有影響。最後不是錢的問題，我都沒沒有找回所有零錢。我不會推薦給朋友亦不會再幫襯。婉惜是有如此好的廚師，如此好的男伙記，被一粒屎壞了一鍋津津雞粥!那種工作態度去到那裡都只能做二打六!

還記得讀書的時候，家人帶我去火炭吃津津大排檔，當時覺得環境很特別，食物富特色。事隔多年，再去這老地方品嚐在腦海中的味道，感覺依然，多年來的環境沒有什麼大變遷，門口總是有一個服務員在招客。今次點了幾隻乳鴿和豉椒炒蜆，乳鴿可選擇原隻上或斬件，乳鴿炸得香脆肉嫩，肉質入味，無需蘸椒鹽和喼汁；豉椒炒蜆鑊氣十足，蜆肉嫩滑，配上啤酒一流。而且，價錢相比酒樓便宜一點，分量亦算大，搵位容易，大夥兒聚會，不妨去試試。

今日咁啱嚟開附近嘅工業大廈買嘢，又咁難得過開嚟火炭，當然要嚟幫襯下Lee間大排檔＂津津＂啦，上一次嚟食已經係好多年前lu，舊式大排檔經已買小見小，講懷舊就真係無得講有幾乾淨唔乾淨架啦，最重要係講風味。金牌孔鴿：啱啱炸起，香氣迫人，一開始就掛住食，一人一對筷子襯熱搶住食，忘記咗影返張相，講到食，除咗皮夠脆之外，佢比BB鴿更多肉，真係好正架！椒鹽白飯魚：香口嘢，炸粉唔算多，白飯魚大大條，真係好耐無係大排檔食過啦，停唔到口嘅餸。雞蛋焗魚腸：LEE個利害啦！LEE個餸真係咁多年都無變，一定係要嚟LEE度食，唔係度度都煮到咁嘅味道，魚腸又唔腥，加雞蛋一齊焗係飽肚咗D，膽固醇係多咗D，但絶對唔影響我每次嚟幫襯都叫LEE味餸。手打魚片娃娃菜：普普通通嘅餸，確實成餐油膩嘢配返個清清地嘅菜，LEE個係常識吧！不過諗住手打魚片會同平時嘅有唔同，以為真係大排檔自己搵人打，食落佢味道又同平時無咩分別啫。豉油皇炒麵：比想像中差咗小小，豉油味唔太出，但佢炒得好夠乾身，都係唔錯啦！

已很久沒來, 一來坐車不大方便, 二來食品質素又真的一般般, 所以沒提興趣, 只是友人提起很久沒來, 又唸五到去邊, 就即管再去BB鴿肉嫩, 味道不錯, 皮好香乳鴿與BB鴿比較, 即時比下去, 肉相對鞋左D, 但勝在啖啖肉, 就看自己喜愛那一種. 我就偏愛BB鴿. 反正兩款味道是一樣魚腸蒸蛋可以講是差, 魚腸無完全通好, 魚腸份量又少, 在蛋與魚腸之間, 大量黑胡椒來蓋住魚鯹味. 但又五夠蛋味又鞋. 就只有面層的油炸鬼夠香脆姐, 真係可以不叫椒鹽鮮尤鮮尤不夠脆口, 只夠外面炸粉脆. 味道一味咸, 又五夠椒鹽香豉油皇炒麵夠穫氣, 豉油夠香, 如多一些配菜更佳, 油略為多, 不夠乾身

津津係交通比較唔方便嘅大排擋，加上係假日，附近都水靜河飛，由火炭港鐵站都行咗十分鐘先到。因為人唔多，唔可以試到太多，主要都只係試主打。乳鴿$70一隻，新鮮炸完即上，好有肉汁，一啲都唔乾。椒鹽鮮魷都好新鮮，只係炸粉有啲太多，有幾舊黐埋一齊。而炸大腸同雞蛋焗魚腸都係本地大排擋名菜，反而有啲失準，係大份，但兩份都太老，雞蛋焗魚腸有啲苦同鞋口，豬大腸都有少少太焦。蜆介炸魚球就非常特別，雖然係平常嘅配搭，不過仍然係推介之選。

三年後再黎，乳鴿味道仍然keep 到 ，價錢唔太貴，仲有得選擇普通乳鴿同BB鴿，食量小或人少可以食bb 鴿，但小炒皇無咩驚喜。。。個人覺得用叉燒粒有d 怪怪的。今次倆口子叫左乳鴿，田雞粥，豉椒炒蜆同小炒皇，唔洗300個大洋

呢晚同朋友去咗火炭嘅津津，我哋早咗少少嚟，冇乜人唔洗等位。未坐低檯上面已經擺咗碟花生晌度，聽到其中一檯食客話唔要，侍應就提醒話就算唔要都要俾雜費。我哋叫咗招牌雞粥，粥底杰身綿滑，入面有唔少雞件，不過口感就比較粗。紅燒BB鴿可以揀原隻上、切半或切四份，我哋揀咗切半再自己撕開。BB鴿個體型唔太大亦都唔太細，外皮薄同埋冇太多肥膏，不過就幾香口，撕開嗰陣仲有少少肉汁流出嚟，咬起上嚟啲肉質都算幾嫩，味道就偏濃。

大排檔!管他麻不麻甩，好吃的，我便去。小聚試了招牌乳鴿， 炸軟殼蟹，炒通菜，泥鯭粥，令我最滿意是乳鴿，一嘗豪邁食法，成隻乳鴿徒手拎黎食，我還是第一次，外脆內嫩，夠味，可忽略淮鹽存在。哈哈...其他餸菜水平一般，大家不妨嘗試其他，可能會較大得益。

聽友人的同事介紹此餐廳，友人自行做先頭部隊。小人抵埗時眼見店子內坐無虛席，幸友人先排隊，所以到達時已可即時入坐呢。先來個粟米羹，調味恰宜，不會只有甜味，粒粒粟米又香又有咬口，我們一人乾了半碗都不覺飽滯。脆皮炸大腸並不是慣常見到的一圈圈，而是一片片的，皮真的十分香脆，中間的油脂已被逼了出來，吃下減少罪惡感。蘸上酸汁，又成為了另一番風味的炸大腸。星洲炒米份量非凡，超級大碟，米粉炒得乾而不油，咖哩粉也很均勻，絕不會一箸粉有味一箸粉無味。灑在其上的芝麻著實收到畫龍點睛之效，直接了當地增添香氣，吃罷我們都勁滿足。排檔風味，確實足以令人津津樂道。

接完女朋友收工，佢話突然之間想食乳鴿，但佢又未換制服，咁就一於車埋佢去叫外賣啦。火炭返到屋企大約都係15分鐘左右，乳鴿返到屋企都依然係咁正，仲係好香口，肉又嫩又滑,出名係真係有道理。炸豆腐外脆內軟，豆香味濃，係屋企飲住啤酒食真係一流。(雞翼尖係其他店外賣嘅，唔係火炭買)

其實我都係一個麻甩佬黎架同男朋友坐街邊食大排檔直頭係最愛男朋友突然之間話佢想食乳鴿咁就梗係去火炭啦乳鴿真係幾出色外脆內滑，乳鴿肉香不過煲雞粥就一般啦雞肉係冇乜味可能係雪雞掛而且都好鞋粥底亦都唔見得係好綿咁大鍋…我留返比男朋友食啦豉椒鵝腸幾好雖然鵝腸唔夠肥，因為我鍾意食肥d既不過炒得夠鑊氣，鵝腸爽口飲埋支啤酒無敵

大排檔給人的感覺一般都是場地平民化，食物夠鑊氣。好久沒吃大排檔，今天朋友介紹來沙田試一下晚上9點還很多人，以為一定很好食，存在大期望。我們叫了雞粥、乳鴿和辣酒煮東風螺。雞粥上台已經凍凍地，不熱的粥非常影響口感，粥水很多，雞不算鮮，有點失望。不知乳鴿是否即榨完就上碟，吃起來感覺皮不夠香脆，甚至有些淋，令乳鴿的口感有點失色。又是失望。把期望寄於東風螺。第一次食東風螺有人放羅白。而且羅白並不入味。沒有加分。東風螺不算新鮮，又失望。

心血來潮想食燒乳鴿, 就同友人今晚去"麻甩"一番, 去左呢檔大排檔開餐餐牌食物選擇多, 有相比埋你睇, 每樣都想食, 天呀.........................既然一場黎到食燒乳鴿, 一於整2隻金牌乳鴿 ($70/隻), 阿姐落單時會問你想原隻/開邊, 個人比較懶, 當然開邊食得比較方便D! 乳鴿屬普通身型, 放上枱時已經聞到好香, 當然急不及待食啦, 一口咬落去首先係食到熱辣辣既肉, 而且肉質夠晒味道, 無需加淮鹽, 果然係招牌菜呀, 差唔多每枱客都必叫! 又想食豉椒炒蜆 ($78), 份量唔太多, 醬汁味道似係以豆辦醬調味, 食唔到豆豉香味, 更加見唔到有青紅椒作配菜; 蜆本身食落有沙, 呢碟炒蜆令人失望, 下次再黎都唔駛再叫!又係呢度既招牌鷄粥 ($38/碗), 一碗份量2人分享都足夠, 粥底食落棉口; 鷄肉出奇地滑喎, 仲食到鷄味, 咁既價錢同質數, 能夠保得住"招牌"呢2個字!有粥又點少得炒麵, 叫返碟豉油皇炒麵 ($48), 豆辦醬早已附炒麵送上, 而炒麵灑上少許芝麻, 增加香口感, 麵條配以少量韮王一齊炒, 味道唔錯, 但食到底時就發現好油, 未能完全將炒麵

食物水準一般，但服務態度非常差，不友善，冇禮貌！明明有大量空枱，都要客人坐在當風路口！尤其收銀肥妹，人客亳無惡意問多一句，即刻紮哂馬，態度極、極、極惡劣！簡直就是趕客！找不到再幫趁的理由！

沙田友想食乳鴿，問過身邊d朋友有冇推介，幾個都推介津津，住左沙田咁耐，食過咁多唔同地方嘅乳鴿，係未食到去火炭，見都近近地沙田，就一於去試下。我7點前已經到津津，所以人唔多，可以㨂帳篷裡面或外面，坐外面都頗多人食煙，所以唔想食二手煙就記得坐裡面喇。我地得2個人，所以好多野都試唔到，點左一隻乳鴿、雞粥、炸大腸同蒜蓉炒豆苗。乳鴿偏細隻，不過亦因爲未大晒，d肉好嫩好多汁。老闆娘仲好熱情咁走埋黎教我地點食，佢話乳鴿分半好喇，切4件會流走晒d汁。果然，一撕開隻脾，d汁好似小籠包咁流出黎。（食得太快，冇影到相）之前見其他食評話個雞粥唔好食，我都有d驚中伏，不過為左同其他舖比較，我都叫左黎試。煲粥都幾大粥，夠4個人食，粥底好甜，唔似之前有食評咁講似咸雞粥，比起大圍某間所謂出名粥雞好食好多。炸大腸好脆好乾身，配山楂汁中和油膩感，不過我都係鍾意一圈圈果種肥腸，呢個一片片咁唔夠咬口。蒜蓉炒豆苗好滑，咁當然係多油先咁滑喇，自己衡量喇。食緊果陣見到好多枱都有叫椒鹽鮮魷，大大碟又炸得幾靚咁，好想食但食唔落，唯有下次再黎試。