津津食家

营业中

休息中

沙田友想食乳鸽，问过身边d朋友有冇推介，几个都推介津津，住左沙田咁耐，食过咁多唔同地方嘅乳鸽，系未食到去火炭，见都近近地沙田，就一于去试下。我7点前已经到津津，所以人唔多，可以㨂帐篷里面或外面，坐外面都颇多人食烟，所以唔想食二手烟就记得坐里面喇。我地得2个人，所以好多野都试唔到，点左一只乳鸽、鸡粥、炸大肠同蒜蓉炒豆苗。乳鸽偏细只，不过亦因为未大晒，d肉好嫩好多汁。老板娘仲好热情咁走埋黎教我地点食，佢话乳鸽分半好喇，切4件会流走晒d汁。果然，一撕开只脾，d汁好似小笼包咁流出黎。（食得太快，冇影到相）之前见其他食评话个鸡粥唔好食，我都有d惊中伏，不过为左同其他舖比较，我都叫左黎试。煲粥都几大粥，够4个人食，粥底好甜，唔似之前有食评咁讲似咸鸡粥，比起大围某间所谓出名粥鸡好食好多。炸大肠好脆好干身，配山楂汁中和油腻感，不过我都系钟意一圈圈果种肥肠，呢个一片片咁唔够咬口。蒜蓉炒豆苗好滑，咁当然系多油先咁滑喇，自己衡量喇。食紧果阵见到好多枱都有叫椒盐鲜鱿，大大碟又炸得几靓咁，好想食但食唔落，唯有下次再黎试。