洪記麵家

营业中

休息中

👏🏻餐廳有好多唔同嘅分店，今日就食到喺東涌嘅呢一間分店，佢一位置喺街市嘅角落頭位，我諗如果喺地鐵站行過去都大概最少要10分鐘，不過我覺得都可以接受嘅距離唔算太遠，今日就叫咗牛腩牛雜米粉，佢嘅湯底係用牛骨湯熬製，所以絕對冇加任何味精，我都覺得OK，呢個價錢係$55，我覺得份量都可以接受！牛腩連埋少少肥膏，不過都幾好食，我最鍾意食佢嘅牛雜非常香！佢每一件牛雜都會俾兩件，鍾意食牛腸，咬落去非常香，再加埋本身嘅米粉食非常配搭！

今日去東涌朋友屋企打邊爐，就去咗呢一個樓下嘅商場買餸，呢一個商場喺地鐵站對面，地鐵站出口直接可以通過，非常方便，而且真係好多嘢買🙈🙈 行到去盡頭嘅時候就見到有呢一間粉面🙈🙈 反正仲有幾個鐘先食飯，就決定叫一碗食吓🙈🙈 仲可以買餐廳嘅魚皮🙈🙈 我就叫咗牛雜米粉，另外再加一份牛腩大概用咗5分鐘就到，上菜嘅時間到適中，唔會話太慢，而且我個人嚟講鍾意食佢牛雜入邊嘅牛腸，我覺得洗得好乾淨，而且絕對唔會好肥，因為出邊有啲牛雜舖會做得好肥，所以入口成口都係脂肪，呢一間做到入口比較好食，而且佢牛肚都做得非常入味，我覺得好好食🙈🙈 米粉份量好多，我都食唔晒🙈🙈 最後埋單$49

🌟呢一間餐廳嘅牛腩味道非常好食，而且絕對唔手軟，每一碗麵都比好多唔同嘅餸，我今日就叫咗牛腩再加牛雜，米粉嘅份量都幾多，啱晒大食嘅朋友，牛腩嚟講都唔算太肥，而且我覺得份量都正常，味道入口唔錯！米粉嘅軟硬度亦都適中，我個人嚟講我鍾意食佢嘅牛肚，牛肚非常入味，而且入口嘅口感唔會太硬，我覺得好食過出邊坊間好多唔同餐廳嘅牛雜，而且呢一個價錢嚟講真係冇得輸，兩個餸都係49，喺出邊好多餐廳都未必做到呢一個價錢，CP值非常高！鍾意食辣嘅朋友，仲可以加餐廳自家製嘅辣椒油，我覺得味道都非常好食！

呢一間喺東涌街市嘅牛雜麵幾好食，質素相當高，而且我覺得價錢嚟講真心平！🌟牛腩牛雜米！牛腩嘅份量都俾得幾多，而且味道都非常香濃，係傳統嘅牛腩味道，餐廳嘅牛雜亦都清潔得非常乾淨，絕對唔會有任何腥味或者異味，個人嚟講幾鍾意食佢嘅牛腸，牛腸咬落去有濃厚嘅牛油味道，再加埋餐廳自家製嘅辣椒油，簡直令到成個味道更加突出，鍾意食牛雜嘅朋友都可以試一試呢一間餐廳，價錢同性價比，我覺得都係非常值得推介，我臨走仲買咗一包魚皮，脆卜卜餐廳自家製，非常好味。

今日去咗位於係呢一間東涌街市入邊嘅洪記麵家，喺東涌地鐵站行過去大概5分鐘，我覺得都幾容易搵，唔會太唔方便，而且我係下午茶，所以人流都唔係太多。餐廳大概只有15個座位，如果太多人都可以選擇外賣。✔️牛腩米，價錢嚟講唔算太貴，$41，牛腩嘅份量都算幾多，而且我覺得佢米粉都唔會煮得太淋，所有配搭我覺得都係正正常常，而且佢嘅湯底唔會太咸，食完都唔會有一種好口渴嘅感覺，所以我覺得下次都可以再返嚟幫襯佢其他唔同嘅面！