流口水重慶麵館 (K11 Musea)

营业中

休息中

今日同朋友走咗去維港海旁影靚相，影完相身水身汗走咗去K11 Musea涼冷氣兼醫肚😆 因為同朋友都好趕時間，所以去咗food court諗住快快脆食個快飯～ 左揀右揀我最後揀咗呢間個名好特別嘅重慶麵😋 本身都鍾意食辣，所以見到難得food court有得食辣嘢，梗係唔會錯過！毛肚麻辣火鍋麵 ⭐️⭐️⭐️⭐️⭐️原本想叫中辣，但係收銀員同我講都幾辣㗎，所以都係縮沙改叫小辣🫣 好在有聽收銀員講，小辣已經好有重慶風味，我諗再辣啲我應該會食得好辛苦🤣 碗麵勁大碗，入面有好多材料，有毛肚、鴨血、冬菇、腐皮、鵪鶉蛋、豬大腸、芽菜、生菜、木耳等等～ 同個名一樣，食落真係好似打緊重慶邊爐，麻辣味好夠，食完個肚暖笠笠，極力推介鍾意食辣嘅朋友！麻辣杏鮑菇 ⭐️⭐️⭐️⭐️⭐️加$14可以加埋呢個麻辣杏鮑菇，加咗同朋友share一齊食👍🏻 以為咁平份量好少，但原來都算幾大碟，杏鮑菇凍食，加埋少少麻辣醬汁同蔥花，好開胃，下次嚟到都一定要再叫🤭

流口水重慶麵館｜🍜自選麵食 | 尖沙咀美食係K11 Food Playground 行左一陣，最後揀左流口水麵館。點左蕃茄湯配重慶小面，個面底認真講就一般般，湯底就還可以，酸酸甜甜都幾開胃。不過豬腩肉就好似有少少雪藏嘅味道。豆卜就正常操作，吸左啲湯再食就正啲！吃完聽到隔離枱不斷話麻辣湯底好正好好食。可能我揀錯左啦，下次有機會再試吓麻辣火鍋湯底啦！不過就應該唔會加豬腩肉啦！腩肉都係雲桂香正啲😋📍 流口水重慶麵館 (K11 Musea) (尖沙咀)尖沙咀梳士巴利道18號維港文化匯K11 Musea B2樓G號舖#香港美食 #笑爺仔雜食記 #尖沙咀美食 #流口水麵館 #蕃茄湯重慶小面 #午餐 #面食

見好多人叫，就試吓叫佢個招牌米線啦，$78好貴又唔係，但唔值。望落好似好多料，但其實全部嘢都好少，米線都係幾啖食晒。味道正常，但如果用呢個價錢，我會寧願試其他。

雖然係food court 不過員工態度係勁級差 無論由叫餐至取餐 都係以超串態度咁 唔當人係客人 0禮貌可言食物方面叫左少辣 結果完全係大辣 食物質素一般 份量唔太多 68蚊黎講差 加上員工d態度完全唔值得食！

態度差到嘔。問佢係咪11:30先可以落單佢翻我白眼。之後問乜都當聽唔到睇唔到。 very bad attitude, rolling her eyes at me when I asked questions and later just ignore me entirely.