流口水重慶麵館 (圍方)

营业中

休息中

話說未去過圍方，於是去行下搵嘢食，食飯時間行過見佢有啲人食下，佢又有位，於是就行入去試吓，企門口一輪都冇人理，終於有個staff問我幾多位，我答完佢，佢竟然黑面答我：「自己行入最後啦！」坐底又係冇人理，因為佢係QR code點餐，但枱面乜都冇，於是諗住搵人落單，另一個staff行埋嚟態度差咁問我：「你咩事㗎？有人叫你坐入嚟㗎？」我心諗，咩事呀依家？到點餐，因為佢啲麵就算同一款都可以唔同餸，我哋一行三人，三碗都有唔同，上餐時，佢哋就咁放底就行咗去、問佢呢碗咩嚟？佢竟然叫我自己睇單，嘅然係咁，你不如叫我自己入去煮啦！最終有啲餸唔要嘅，但係又出現咗、有叫嘅，但係又冇咗！真係唔知呢間嘢搞乜！食完仲要鬼死咁口渴，真心唔會再嚟，如果大家想去受氣同埋食完想勁搵嘢飲，咁你哋就去試吓啦

係門口聞到幾香，就入去試下啦。第一個接待個職員態度好差。然後第二個職員態度一樣係咁差。Ok,我哋叫咗三碗麵，食物黎到，我問佢：「依碗係咩麫呀？」佢叫我：「自己睇啦！」然後就走開。食物正常，食完當晚好口渴。絕對唔會再去！

早排去左圍方食蛋糕晚餐就去左隔離間重慶麵館食飯呢間竟然有火鍋麻辣湯底揀真係好辣🌶️食得辣嘅人一定鍾意唔食得辣都可揀蕃茄🍅湯底.🔸流口水招牌米線 $69呢到嘅流口水招牌米線有幾款唔同嘅特色湯底選擇，今次揀咗酸辣木瓜金湯！食落酸酸哋，同麻辣嘅平衡做得好好，非常惹味。招牌米線仲有15款特色秘製配料，包括有豬腩肉、雞肉、午餐肉、鴨血、 魚蛋、 魚片、貢丸、鵪鶉蛋、風琴豆腐、千張、本菇,芽菜、木耳、油麥菜、鮮滑牛。🔸流口水招牌米線 $69另一碗招牌米線就揀咗火鍋麻辣湯底，上菜時嘅麻辣味已紅好香，食落麻香味香濃，辣度有小辣、中辣同大辣選擇。呢碗嘅麵款就轉咗做重慶小麵，食落好彈牙滑溜，亦都好掛汁，同湯底好好夾。🔸蒜泥青瓜 $28青瓜好冰凍爽口，配埋蒜混好惹味。🔸時令油菜 $20油菜份量都幾多，新鮮爽脆。🔸招牌手打檸檸茶 $30檸檬味香濃，好有解辣功效🤫

不是價格問題，是合不合理問題，未聽過熱水要2文即刻走人，不用容忍不合理收費，香港太多食店被食客寵壞了，沒比較沒傷害，香港餐飲好好學習深圳吧，這樣下去香港沒救還有被安排1張特小台，應該是走廊一點空位加上去的，當食客是什麼？

第一次嬲到上嚟寫食評見到大家comment都係話佢服務差啱啱親身體驗到全部職員都勁鍾意同客人講「唔可以」三個字當我地係狗定點我禮貌問可唔可以坐另一張檯 因為我原本個位係風位冷氣好凍佢一句「唔可以」就走左之後食食下有其他客人入嚟搵位佢哋又係一句「唔可以坐個度，坐呢度」就命令個客一餐飯聽到幾次唔可以誇張😂

除左環境同個店名吸引到下人，食物同水吧都不合格。麵嘅份量唔多，亦冇咩貴嘅材料，牛肉只有超薄的半片。湯底味道沒地道的重慶味，卻也不貼合港人口味，唔鹹唔淡。食到尾仲見到隻蟲仔係湯裡面浮下浮下。雖然明白有時好難避免，但係以圍方其他餐廳嘅質素，同樣價錢有更好的選擇。水吧更加不值一提，敢講隨便一間茶餐廳嘅師傅用單手沖嘅檸檬茶都好飲過佢。除左茶底唔濃，叫少冰都要滿冰上。到埋單，收銀唔知係咪外面是但請返黎。全程黑口黑面，基本嘅禮貌都冇，需要再培訓下。總論就係冇下次

本身鍾意食麻辣野，見佢新開就試吓，形式同譚仔一樣，一個湯底，一個麵+基本配菜再逐個餸計錢，我叫左麻辣湯底，重慶小麵+牛肉，蝦丸，毛肚黎到果陣見到麵既份量正常，蝦丸同牛肉有4-5件，但最貴既毛肚就得2片，即刻問下個待應係咪真係咁少？佢話公司份量真係咁老實講，味道係正常水準，普通人叫小辣都應該夠辣，但係成世人都未食過8蚊一片牛柏葉咁矜貴，成個用餐體驗已經扣左30分，覺得自己有好多錢唔知點洗既人可以試吓

見到條隊咁長以為好食，點知食物味道非常普通，服務態度又差，純粹就係成個商場價錢比較平嘅間餐廳，絕對唔建議食。四個人食飯，一入到去冇人帶枱，求其指一指就算。入到去見到係兩張又細又分開嘅圓枱，問一問係咪呢張就收到好冇禮貌嘅回覆：「係呀，拍埋兩張枱俾你咪得囉」之後想要份實體Menu睇食物，一句：「用QR code睇」同佢講實體Menu睇食物方便啲，最後拎咗兩張外賣紙過嚟再補一句：「啲字都係好細」（係咩意思）之後嗌食物寫咗走蔥，最後碗麵都係有蔥。杯凍檸茶冇茶味，好難飲。有得選擇少甜走甜，最後都係比一包糖漿你。食物嚟嘅時候侍應問都冇問，就求其將托盤放低都冇考慮過邊個人食邊碗麵。總結，唔會再食

好少會寫食評批評餐廳，但係呢間真係忍唔住。好耐未食過咁難食嘅餐廳，加咗牛肉，但係剩係得三塊 ，而且麵嘅質素亦都唔係特別好，仲衰過喺街邊度食，好淋，就好似食緊吞嚥餐咁。另外，都想講吓佢杯檸檬茶，完全冇茶味，好似飲緊檸檬水咁。明白做生意都要賺下錢，但係賺錢都唔係咁樣賺啊，呢間野完全冇誠意，真係一啲都唔推介，希望大家入去之前真係要三思。如果老闆叫到呢篇食評，都想你自己問心你自己食唔食得落。另外，更加想提既係，店員既service 真係好差，問少少野就好似得罪佢咁，真係貼錢買難受。如果你想全日嘅心情都受到影響，就可以試吓呢間餐廳。

酸辣木瓜湯底係好味嘅， 比較特別。麵包括一個餸料但離奇的少份量一碗兩粒魚角加麵一碗四迷你粒蝦丸加麵這個都算，最離譜係我叫小食，蒜蓉青瓜28蚊出嚟份量係一條迷你青瓜的三分之一條拍扁，呆份量己經係離奇少，仲要四散放在碟上唔知我仲以為有人食剩尾唔要囉 真係好離譜， 應該叫少少食😑如果叫一碗麵可以半價加嘢飲檸檬茶原來都可以沖得好難飲，厲害厲害加上d店員服務態度差一定無下次再去食， 遲早執笠😡埋單$172, 兩人

今日諗住同同事一齊試呢一間新嘅餐廳點知送餐嘅時候，只收到一個餐淨係收到蝦滑小面，已經唔開心㗎啦，諗住算數啦，點知我收到嗰個蝦滑小面佢裏面下滑都冇，佢俾咗兜芫荽我咁即係想點？跟住打去佢公司個電話打咗好多次都冇人聽極度無奈，返工已經辛苦諗住食個工作餐好少少搞成咁，平台嗰方面暫時完全冇回覆要睇吓之後點，我最後係食個齋麵，但係俾咗百幾蚊出嚟，佢杯檸檬茶其實真係一般般冇想像中咁好飲，真係普通都冇得再普通😓百幾蚊食咗呢兜咁嘅嘢唔識點樣形容……🥹

2023年10月16日12:42喺大圍商場流口水重慶麵館叫咗個蕃茄蝦滑小麵（$48）連凍檸茶（+$12）埋單$60入面有蕃茄，兩舊菇，兩舊千張，幾舊木耳，兩條菜同蝦膠開張個陣，同事都講左佢有漏餸嘅情況，點知發生左喺我身上！首先嚟到得蕃茄，菇，千張，木耳，兩條菜。欠咗蝦膠！之後補返都算，但嚟到，嘩！4粒蝦膠細粒到🥲🥲凍檸茶仲搞笑，無茶味～然後我少甜個杯 小過少冰個杯？同行叫咗流口水招牌米線-小辣，但佢食到頂唔順，太辣，同埋食完好似無食野咁，食完走左去食麥當勞☺️服務標準唔同，有啲上菜有叫名，有啲就咁放底，補蝦膠，都無話補上，喺要人等得唔耐煩，再吹先跟進總結，CP唔值，杯嘢飲可以慳返，蝦膠細粒到懷疑人生，好彩無加一服務費，因為都唔喺好值😁唔好意思好似好差評 ，但上篇寫佢5個5星？唔好搞啦，唔好呃人入嚟食🙃 食嘅比啲心理準備大家🤣我地5條友，有4個體驗麻麻，大家可以參考吓～

今日見到圍方開咗間新嘅重慶流口水麻辣餐廳諗住去試吓啦下晝見到排晒隊，勁長龍，以為應該都會幾好食夜晚就去咗買外賣試吓外賣埋單$104一個麵+一個皮蛋返到屋企打開，見到個皮蛋哇？三十幾蚊一隻皮蛋，再切開六粒勁貴！勁唔抵食！味道仲要麻麻哋，好似求其將啲辣椒落咗落去就算咁之後再打開個麵，成$70，啲餸得個少少真係仲衰過食譚仔…成個麵得一片豬紅，係一片⋯⋯牛肉就有兩片，薄切⋯⋯真係好傷心真係好普通嘅一間餐廳希望餐廳之後會有所改善

本來見開食店又有啲特色咪試吓，但係真的超級中伏。1）大約5:00pm, 還不是繁忙時間，外面沒有人排隊，第一次黎根本唔知道會唔會有人帶位，我起門等左一陣都冇人走過黎帶位，以為係自己入去搵枱座，正想入去的時間，左邊收銀職員先開聲：「唔好行住👿，要搵人帶位」當然不是禮貌地嗰隻啦😡！2）店舖內還有勁多位，我同仔仔每人攞住2大袋嘢，竟然俾個勁窄嘅位，枱與枱既通道勁窄，窄到隔離枱行入嚟一定會撞到我枱上嘅野飲，好彩我將杯嘢飲攞住先至冇倒瀉。3）食物真係一般，我叫左一碗湯米線和一碗滷肉撈麵+牛+金菇，但牛肉生到3/4都係未熟，職員話會整過碗俾我，當新嗰碗到又漏咗金菇😞最後由於時間關係，我決定take way, 再問服務員攞外賣碗+袋(當然我有付錢)，那位服務員問另外一個男職員，那位男職員：「俾佢攞！」但只給我碗，沒有膠袋，心裏想：點拎呀😩真心從來未試過咁差經歷😤

見無人打食評，咁我做第一個啦～ 因為覺得幾好食，寫個食評讚下，排左10幾個人，入座難得唔限時仲免加一，座位闊落，圍方內難得有咁平既餐廳。選左酸辣金湯南瓜肥牛米線$48 + 麻辣湯多餸小麵 $72 （唔記得咩名）麻辣個湯小辣都好辣， 建議調節下個辣度，但整體係好食嘅，佢個湯好味+麵質幾好，$72好抵食，連鵪鶉蛋都有！叫邊款麵都會有唔少免費配菜，木耳、金針菇、芽菜、油麥菜etc酸辣南瓜金湯只限少辣，都幾好味,但就唔覺有南瓜味！米線鐘意淋既會覺得正！野飲半價 ： 叫咗酸梅湯+$12 同凍奶茶+$12 都唔係幾掂 - 好水，水吧要改善下！ 埋單$139