浦和日本料理 (已結業)

行過看見每天的午飯時總是那麼多人等位, 以為很好吃,所以找一天12:15PM已經去拿位.我們兩個人, 本來坐BAR枱的,但那穿西裝的服務員看見剛有三個OL,就把BAR枱給他們, 然後要我們坐4人卡位的一邊.我點了蔥三文魚壽司飯,正常來說, 應該是一片片完整的三文魚放在壽司飯上, 但原來是把一些碎的頭頭尾尾的三文魚放在飯上, 而且那些三文魚當然不新鮮啦, 非常失望.到埋單時, 要求服務員加茶, 就只是答應了你,而茶壺就在旁邊,都不加, 最後我自己來加, 想起來, 他們應該給我加一的服務費, 而不是我給他們我以後在不會再到這黑店啦, 你們也自己想想啦!

公司係附近, 星期二收工遲, 就近近地搵間鋪頭食飯餐廳開張後第一次光顧睇佢份餐牌, 價錢中規中矩, 心裡面已經有個大概, 知道間餐廳走咩路線叫左吞拿魚刺身一客(3件) $38燒銀雪魚晚餐一客$72 - 包味噲湯/ 前菜(中華沙律) / 主食本來打算叫酒飲下, 但經理話未有酒牌, 最後叫左波子汽水$15咁既價錢, 無咩期望係正常, 食落亦覺得普普通通最後埋單$139, 諗住俾visa 先知佢地要夠$200 先可以簽卡(呢點, 真係唔見佢係店內有任何告示)俾左$6 貼士另, 食完野之後, 去左行街, 大概係半個鐘之後, 已經有一陣陣既口渴感覺個人建議係, 唔好飲佢個湯, 可能會好d

2008年2月25日，浦和秋刀魚套餐（38元）三文魚壽司兩片麵豉湯：鹹。放了粟米粒，真本地化。牛舌小吃：幸好沒有腥味，不過凍牛舌，唔係太o岩我，有心理障礙。秋刀魚：成條好像很大，但食落都是剛好“送”到成碗飯。條魚都算好吃。白飯：唔太好，米唔靚。

本想和男朋友到灣仔食車仔麵，可惜去到已經關門..........黎左呢間d音樂好細聲，有少少怪餐牌都幾多選擇我地叫左焗生蠔好好好好味！雖然貴左d仲有銀鱈魚，好滑好好味，不過其實銀鱈魚不lao都係好好味壽司拼盆，呢個冇乜特別，不過d野都算新鮮埋單每人百幾，幾抵食！點解d食評講到咁差？

這是我第二次食這間日本餐廳，因價錢大眾化，套餐38元起，跟茶餐廳差不多，單有加一。我第一次食了燒鲭魚定食$48，有飯有湯有中華沙律和刺身，如果刺身可以再厚D就更好。今次就壽司套餐$48任選10件手握壽司，仲有特飲一柸，真係TASTE百佳價。每次都好滿足，但每次都好多人，所以食完都好快要埋單，不過待應都算有禮，會加茶和講唔好意思。

2008年1月18日，浦和今天試了一個野菜拉麵。38元，跟兩件壽司。這裏的食物有點像以前灣仔的茂吉。（茂吉有D套餐幾好食）野菜拉麵好多野菜料，但個賣相有點難看，好雜亂。麵好麻麻。湯底好例牌。可以說是粗枝大葉的湯麵，不過38元咁鋪面，差不多啦。

呢間係我今星期去既第三間日本餐廳，行過見到餐牌，唔係太貴，就入咗去試下。入到去，門口有人招呼你，上左樓梯，侍應帶位等到你坐好，俾埋menu你先至走開。我同我媽叫咗三文魚手卷、加州卷、九州拉麵同大蝦天婦羅，個三文魚手卷D紫菜好脆，三文魚夠軟夠凍。加州卷無特別，都OK。九州拉麵D料好入味，但係麵有D林。樣樣都好新鮮。惟一天婦羅失水準，好難食。

係灣仔返工已經有2年幾時間啦，平時lunch都只係有得揀食茶餐\\\廳，或者去食上海雲南粉麵咁，食到悶和有點麻木了！最近知道附近開了間浦和日本餐\\\廳，嘩！有得揀食日本野，緊係去試試啦！不過對於慳慣家的我，又身處在金鐘灣仔一帶返工，落街食飯真係唔野少，所以都只會耐唔耐去下，平時帶飯會慳唔少^^約左2位同事試新野，對於由深山出城市的我來說，面對一間裝修日本的餐\\\廳，都寄於極度高的期望，未入門去食，就已經想像到一陣有個雙眼發光拼命狼食的我，實在太期待了。被安排上二樓角位坐，地方唔算大，不過都算清潔整齊，可能因為新啦，不過幾特別係bar台係面壁的，椅子是矮矮的，像小朋友排排坐食飯仔咁。lunch都有幾多餐\\\供選擇，拉麵、鍋物、定食、壽司飯等等....有成2張餐\\\牌，你話多唔多呀？哈哈！價錢由$4x-$9x都有，鍋物至貴，本人覺得至平係壽司餐\\\，因為$48有自選10件壽司，都有魚生個d選o架，同埋有罐汽水或麵豉湯。我諗極都唔知食咩，望左餐\\\牌好耐，又望下隔離台d人食咩，d賣相無叫人有種衝動去揀，好似無咩吸引力咁，所以我期望的那團火都關細了.....我叫左自選壽司餐\\\，

上星期食唔到，今日特別早點去到，所以不用等位。有廿多款定食選擇，每份定食除了有主菜外，還有刺身/壽司、漬物及麵豉湯。我的滑蛋雞肉定食，賣相完全稱不上"親子井"，真是差強人意，勁多汁(水)，味道好鹹，滑蛋少得可憐。而那碗飯不是珍珠米，既沒有飯香之餘，也沒有煙韌口感。同事的滑蛋豬扒飯，同樣是勁多汁(水)，吉列豬扒已被浸稔了。牛扒定食也是太多汁，味道又是過鹹，而牛扒煮得過了火，肉質太熟。鯖魚定食是全枱最好，魚身多肉肥美結實，燒得魚皮十份脆。大家食後的評語都是麻麻，相信再翻食機會微。

前日是男朋友生日，如是便去他家附近新開的日本餐廳食飯慶祝。好在我們早些去，不然要等位。一上去我覺得環境氣份不錯，服務員態度都幾nice.最重要是價錢都算平，我們叫了三文魚刺身都係$28四片，厚厚的又肥味。牛油果軟殼蟹反卷$28三件，賣相很吸引。日式海鮮烏冬，烏冬彈牙爽滑。至於雜錦天婦羅和炒金菇都ok啦。

星期六晚放工後到了灣仔，想起每次搭巴士經過的紅磚屋旁的日本餐\\\廳，就決定到那裡晚飯。看他的裝潢，而且晚上八時半後也有很多人，應該有一定的水準。服務員帶我們二人到二樓，一看見吧枱，心裡而暗知不妙。(這裡的吧枱是面壁，不能看到壽司師傅)。但實在是很肚餓，想快些填飽肚子，所以并沒有要求換枱。當日點了墨魚﹑劍魚腩刺生，魚生沙拉，牛肉鍋，炸生蠔，銀雪魚，炸豆腐。(點菜時大概八時四十五分之前)發覺旁邊一對夫妻已經轉了枱，因真的坐得不太舒服，剛巧有一張枱，便向服務員要求轉枱。那時已經是九時了。答案是\\\"坐位已安排了給其他人客\\\".....已不想再糾纏於坐位的問題。這只是個人喜好罷了。(最後在努力主動爭取後，終成功\\\轉枱)過了九時，我和朋友都已很餓，看見其他食客都好像停已經食飽，但又在等的時候，心裡又再有不妙的感覺。向服務員追問食物的進度，并表明還未到的話便離去。(開始後悔了，想走!)她便到壽司師傅處查核，仍然是未開始弄。并說立即弄出來。不知是因為要求多多，還是食物水準問題。墨魚﹑劍魚腩刺生，魚生沙拉，只來了劍魚腩刺生，魚生沙拉。劍魚腩刺生沒有魚味，咬下去是雪水。HK$38三小塊，第三

和朋友午飯，一般常見的日式定食，正常的質素，考慮價錢因素後，可接受；食肆林立的灣仔蘭杜街上多一個選擇。唯一問題，午間多人輪候，吃完就得結帳離去，如要閒聊須轉移陣地啦。