浦和日本料理 (已結業)

我本人好鐘意食日本野 之前睇食評見到灣仔浦和好似幾多野食好吸引 諗住就算貴少少都想試下..點知就懶野 !!!所有魚生係腥臭得好緊要 勁吾新鮮 攪到勁點wasabi 先食得落 去到先知無鮑魚食好失望 食完d魚生 個人即刻無晒胃口 跟住試下叫熟食 更係即刻叫芝士焗蠔同和牛串 and 鵝肝多士 ,講下焗蠔先 蠔肉勁細粒 咬落去勁多沙 係完全無蠔肉既質感 d蠔係好腥 ,d 和牛完全係普通牛肉粒 一d和牛既味都無 鵝肝多士仲好笑 之前睇食評d相係一塊鵝肝放係多士面 佢拎黎o個陣我諗左好耐都吾知係咩黎 剩係見到有一堆灰色野"釀"左係多士中間 , 係一d吾知咩用做既鵝肝醬黎,但又好奇怪又無鵝肝味 真係好難食 後來唯有死死氣逐樣叫睇下有d咩係食得落肚...and then叫左海膽手捲同軟殼蟹手捲 軟殼蟹剩係食到d粉無肉架 手捲d飯多到驚你食吾飽叫左個清酒煮蜆 嘩..d蜆好細粒吾緊要 肉質係梅 咬咬下會有好大陣臭味湧出黎 我即刻打左個冷陣 因為太難食 叫個waiter拎走! 到食鮑魚雞粥 d鮑魚絲壞左 忍吾住投訴比個waiter聽 離晒大譜 ! 我真係好想問下d廚師有無自己試過味道 d野咁難食 人食

班friend有人生日，順道聚會，同好耐冇見的朋友見面，所以搞過生日會大家都同意夾份來浦和日本料理，今餐都算豪了，浦和不是平咖，要$188但不限時，所以係咁叫野食。不過都好，D野是都幾好味。都算沒來錯，我們都幾嘈下，希望沒有嘈到夾離枱。都叫左幾多野，最好吃的是和牛串、芝士焗蠔和吉列蠔，好吃。剌身擺得好靚，越睇越開心，好多刺身的的味道都唔錯，三文魚味道非常鮮味，油份好夠，八爪魚都幾好，鮮味就夠，但都幾韌下。炸蝦天婦羅，脆，香。香蕉天婦羅幾得意。劍魚腩壽司、花之戀，香芒卷，新鮮，好味。七味雞翼、冷牛肉，肉質鮮嫩，同出面的比起來，實在有過之而冇不及秋刀魚和清酒煮硯，沒咩味道，要改善。服務都幾好^^環境就一般，勝在不限時和任飲啤酒汽水，玩同食都盡興。

見到上一個食評寫佢新鮮咁樣,可能佢d野4月幾就新鮮留到5月就fail哂三文魚刺身腥,本身三文魚都唔係好腥,佢都可以好腥豬軟骨煮蘿蔔,d蘿蔔有酸味,本身d豬軟骨又冇味清酒煮蜆真係好清,d蜆明顯唔新鮮,仲要30隻殼得10令粒肉燒雞翼連鹽都唔落係雪櫃直接拎出黎燒,又要勁膿,苦既雞翼第一次食蒜片火雞腎煮到膿哂,上台都瀰漫住膿味,兜野好似唔識煮野食既人整比你食,離哂譜日式炒雜菜,得耶菜同蔥,叫炒雜菜已經唔o岩,仲要勁多油,差可以接受係部份壽司,天婦羅....實在有太多都唔好食甚至難食上菜速度其慢,某幾個女服務員明顯態度惡劣,亦有男服務員態度良好綜合黎講二百幾蚊實在多選擇,唔會再揀佢大家想感受家政堂唔識煮野既同學整野比你食的話可以一試特別係個火雞腎,冇得頂

昨天和老婆週年興祝，一家四口去晚飯三大一小, 大人大約$198小朋友大約 $148我們先選刺身。。三文鱼、鱆紅鱼，馬刀貝，吞拿鱼，八爪鱼，北寄貝 等等...很快到,很新鮮「三文鱼很肥美,吞拿鱼很鮮味,同我出面食的不同,唯一立魚麻麻哋和牛串味道燒得好食牛油帶子味道一般好靭天婦羅ok清洒煮蜆沒有酒味,但蜆好新鮮日式炸豆腐金黃色好脆但係細件帶子鱼生卷帶子新鮮,但卷大件咗小小芝士蠔卷,感覺很清新最後到食火鍋, 食物是很新鮮,侍應生很好服務, 很快手快腳,有禮貌不好的,唯一每次都要order 好唔方便,黠解唔用點茱紙

這是我第一篇食評... 最大動力來自呢一間差到不得了既放題!服務員當客唔係嘢, 卦住傾, 唔take order, 上菜就'dum'落台面, 唔話比人聽係物就掉頭走...鞋口鞋面...D嘢食淡而無味. 完全唔好食. 我都食過好多放題, 都叫幾轉嘢食. 呢次叫完一轉都已經收工同唔知有物好叫...D魚生係完全無味, 個海鮮粥, 我女友話病人食最arm, 完全無味, 清過白粥...仲要兩嚿幾一位...我覺得最多值五條最好可能係個環境, 比其他放題闊落...真係好懷疑呢間嘢點可能頂到兩年?!

今日生日好想盡情食到夠，所以選了食放題，有朋友之前食過話幾好所以去這間。去之前見最近一篇寫麻麻地，都唔知去唔去好，但朋友都約好，最好都係試一試。好彩結果都食得好開心，成班FRIEND 都覺得D食物好，大家都食都好飽好飽，最緊要係嘢飲任點，仲要係罐裝汽水添，又冇限你食幾耐! 價錢OK, 服務可接收。刺身多選擇，都幾新鮮花之戀正!天婦羅蝦又大大隻多春魚不錯 不太腥炸生蠔好好食 枝豆都好好食》下次可以再黎。

今日同男友去呢間, 諗住試呢度ge buffet, 見佢價格咁吸引 +標榜新鮮第一轉order左chili octpus, sashimi, sushi, 點知個chili octpus salad等左2個鐘都未黎, 要追佢單先黎到 sushi 上面d 吞拿魚一d都唔新鮮 轉哂色之後第2次叫左個 味噌湯, 黠知等左4個字, 好離譜, 要追佢單先即刻黎, 之後個waiter d態度好差第3轉之後叫果d野都係要等4, 5個字先黎到都有d waiters/waitress 過去埋邊, 但係有1個好唔醒目, 叫都唔應連第一轉叫果d sashimi 都走左單, 得個馬立貝sashimi 黎左, 仲係要食到冰其他第一轉叫左ge要追加第2次先識得黎鰻魚炒飯冇味叫左green tea ice cream 做 dessert, 點知等左4個字+ 追單都仲係咁, 同佢地講番, 之後佢話俾番個ice cream我, 喂, 問題話而家d 服務去哂邊啊?? 我唔左意咁丁屎ge ice cream 啊, 而係冇咩服務, 之後埋單即刻走左.黑店, 以後請我都唔去

兩次黎食都係星期日撞正 同一齊乖乖返教會,即係…..見佢哋唔到添!兩次都係有朋友生日,佢哋要食日本放題,問我有乜好介紹,話見過我先前寫過灣仔,所以一定要試,睇下係唔係咁喎haha順手用e度同e兩次生日嘅人兄衷心講聲:生日快樂坦白講,日本刺身真係好講新鮮同埋賣相嘅,日本料理就講求師父有幾用心喇!今次一次過講一講兩次幫襯嘅總結!其實當重複幫襯同一間日本料理一定係有佢吸引之處先至可以留得住客人嘅!但點都好我諗都應該係時候又加返Ｄ新款式喇咁樣先至可以令到好似我哋Ｄ舊客仔唔會覺得悶而去幫襯食其他舖頭嘅對於第一次幫襯嘅朋友佢哋都覺得水準唔錯會再幫襯到最後都會講食到好飽正不過始終凡事都冇可能有滿分嘅有待改善地方係~~e兩次幫襯都出現….漏單!真係需要搵出原因,加以改善喇!但整體黎講有一個之前食過話唔嘅朋友今次食完都話Ｄ野食好左佢話係唔係因為係熟客仔先咁喎我真係要講...心底嗰句呀如果同冇放假呀….一定更加正呀! haha

尋日一行5人去左浦和食, 大家都係第一次食佢既放題, 我地一致評價都好滿意以o甘既價錢算係好ok, 服務都唔錯..係坐位比較窄..等我講下有咩好食啦..- 魚生都有8-10款, 樣樣都好新鮮呀, 特別係三文魚! 正!- 熟食有天婦羅, 串燒, 小食, 炒飯, 仲有火煱, 好多野食, 唔會食得晒, - 天婦羅一般, 串燒正, 火煱都好正- 每人仲有一個主菜, 我地全部都叫左燒生蠔, ok!- 每人仲有一個雪糕球係green tea, 只有一個人食, 因大家都好飽!- 另外汽水同2款特飲係任飲!抵..會有下次!!

選了頭盤焗生蠔好好食. 天付羅都好好味,炸蠔好好食刺身新鮮, 以三文魚最為肥美, 而吞拿魚則有渣,總括來說, 各樣刺身也非常新鮮枝豆粒粒肥美, 鹹味亦夠三文魚頭燒得香, 魚肉嫰滑無魚鯹味燒雞翼及和牛串燒惹味兼火喉夠GOOD食物質素頗不錯, 服務態度OK, 加上全晚沒有漏單情況, 上菜時間又快, 所以整體感覺好好. 埋單每人$207, 雖然價錢不平宜, 不過下次再想食日式放題時, 都會考慮重臨這兒幫襯

睇左呢度既ｃｏｍｍｅｎｔ，今日去試左，但發覺下面其中一位人兄所言非實。第一，呢度既放題根本無帶子刺身，唔該果位人兄以後係出ｐｏｓｔ之前強調返呢樣，因為帶子刺身係要另收費的。第二，呢度既甜品只有雪米慈，並無果位人兄所講既雪糕，呢樣亦要另收費的。本人認為這店可讚的就只有三文魚刺身確佳，因為佢舊舊都俾三文魚腩。串燒既水準唔穩定，有時拿來的就好熱，好新鮮，有時就凍的，或只是半暖。還有的是，第一ｒｏｕｎｄ叫的食物就齊，之後經常發生漏單　／　亂咁俾ｄ無點既食物黎，仲有，ｄ食物初頭就好快黎，之後三催四請先上，都過成半粒鐘了。以呢個價黎講，出面街仲有好多選擇，所以大家以後係睇ｐｏｓｔ既時候真係唔好盡信呀，如果唔係就好似我咁失望而回。總之呢餐俾我既回憶就只有三文魚刺身，其他野就麻麻了。

好開心，今次食嘅比之前更豐富、更有新意。點解又去食浦和？原因好簡單有好嘢食就要介紹中意食好野嘅人羅…...哈哈今日有三位首次幫襯嘅坐上客，再加上兩個對浦和d食物水準有信心嘅，一共五個人。講開食放題，其實真係好睇得出間店d師父有無全心全意去做好自己嘅崗位架！E d就叫做誠意喇！刺身師父（呀偉），每次都會好用心機去陳設每碟刺身，用料新鮮唔在講，所以賣相靚羅！（色、香、味）當中嘅（色）已經令人食慾大增啦！另外一種味，在叫做親切感人情（味），雖然只係第三次幫襯，已經認識到一位有味嘅Sammy啦…..哈哈坦白講，今次我完全無睇點樣過D餐牌，原因好簡單就係叫做“信得過”Sammy喇！今日係星期日舖頭裏面都算得係幾忙架！Sammy，面帶笑容又親切去為我哋推介我之前忽略嘅好野食！真係值得一讚！重用有從未公開，首次曝光嘅（紅豆豆腐綠茶凍）比我地首先試味！突然之間覺得自己身份地位由三粒星加到五粒星…..哈哈Sammy更有人情味嘅就係，我哋當中一位妹妹仔嘅要求完全滿足啦…..哈哈真係又值得一讚！（究竟，妹妹仔要求d乜呢？）…文章最後….會有答案….哈哈而家開始介紹今餐食左乜先….哈哈香芒海中寶 (一食立即鐘

去左灣仔咁岩經過見到呢間裝潢好似唔錯~同埋個名都幾日本feel就入左去試~$188放題冇限時我覺得好合理~~一黎就送左1客海膽sushi同埋蠔~~刺身唔錯~都幾新鮮^^(叫左三文魚,,八爪魚,,北寄貝同希靈魚)~壽司就麻麻....唔好食玫瑰卷好難食的~(姐係外面係吞拿魚..)~一品料理都好食~特別要試係和風鰻魚卷~係d脆紫菜魚皮包住豆腐再包住鰻魚~炸三文魚皮都要試~有驚喜~蟹子沙律好爽~fresh^____^'!!*不過d野都幾耐先到~但好食就得啦^^

一次生兩次熟~哈哈，真係著數Ｄ架！好耐無試過咁短時間再幫襯同一間食市，今次一行四人，因為其中有個聽我哋講e間日本料理放題ok，佢話要試下喎。我又真係無所謂喎，好食又唔怕再黎過喎，而且日本魚生唔洗會怕食肥，哈哈本來應該冇乜新野再寫，但係上一次其實重有其他野無食到，所以今次一於試埋佢先！哈哈坦白講呀！如果叫我下晝放午飯食日本野，我真係會唔考慮架！趕頭趕命，咪搞我！始終都係夜晚黑時間多，慢慢嘆，先至係人生一大樂事。而且食日本放題，先至合乎係大食一族經濟原則，哈哈上次認識左，魚生師傅，佢真係唔話得，今晚見佢一直忙過唔停，都仲係好有心機咁做刺身比我哋食呀！特別要提一下，佢哋嘅燒物真係用火燒架，唔係有Ｄ舖頭求其用油炸就算。值得一讚！之前見其有人寫佢哋Ｄ帶子唔新鮮，我就專登叫黎試下，睇下係唔係咁差，唔係姐，都幾喎，重有叫左炸生蠔，都幾新鮮喎。今次有四個人所以有四隻送嘅鮑魚，特別要提一提，改善左喎！今次鮑魚佢哋做得比較軟熟，比起上一次好好多！希望佢哋以後保持咁嘅水準啦！可憐嘅多春魚燒到你哋睇下，幾咁香口哈哈Ｄ青魚好肥呀！燒得啱啱好！仲有脆炸鱈魚柳，炸得唔錯喎！裏面Ｄ鱈魚柳仍應保

因為工作關係，認識朋友越來越多，加上多年累積有好多唔同機會，可以經常四圍搵食，而家被朋友講：「你個口真係越來越會食，重好有要求吓喎。」喂！其實我個口又真係好公正架喎，唔好食夾硬食真係對自己唔住架，唔通同自己有仇咩，你估真係免費就要夾硬吞咩！要俾錢架！哈哈而且每餐飯食得有水準又開心，確實真係人生一大快事喎！以前讀書，會有讀書報告而家每餐飯，會有(飯後(正)人)報告，哈哈收到個好朋友嘅電話，約今晚一齊食放題，去對方曾經多次推介，位於灣仔、蘭杜街的一間叫做(浦和)的日本料理，(星期一至星期四 $188加一 星期五至星期日 $198 加一)因為自己有早到習慣嘅關係，所以既然要等，不如邊吃邊等，無謂浪費時間，哈哈！點解冷氣唔夠，出汗喎，咁會影響食慾架！我一坐低就立即落單要一個雜錦壽司拼盆先，因為最簡單，一次過就可以試哂所有魚生，順手睇一睇個師父有冇誠意。等左一陣，好明顯睇得出師傅好有心機去堆砌e份一人分量嘅雜錦壽司拼盆。可惜，點解冇明蝦、又冇赤貝嘅？不過，有一隻非常爽口而且好有鮮味嘅馬刀貝，可以暫時取代赤貝嘅地位，哈哈所有魚生都非常新鮮，三文魚腩嘅魚油同魚香兼備入口即溶，可以食完立即再落單，哈