浦和日本料理 (已結業)

夜晚同朋友行完街 見到有放題 價錢又不太貴 所以決定去試一試第一次的光顧 印象良好 我們坐靠窗卡位 坐得舒服;-)食物的質素以這樣的價錢算是不錯有不同的食物 還有飲品 甜品芝士焗蠔和天婦羅和和牛粒都不錯 值得推介刺身壽司的賣相更是1流 相信下了不少心思最令我讚的是店員的服務態度 完全受落 nice到爆...多謝店員的用心服務 令我和朋友有一頓愉快的晚餐

三個人本來想去葵芳食廣東小炒，可惜！淨係等位都要等一個鐘，所以放棄！轉乘港鐵去荃灣，諗住好耐無幫襯，不如食返餐日本放題啦！連加一 一百九十八蚊！唔知點解，食物水準每況愈下，同以前比較真係好有分別！唉！連以前我鍾意食嘅雪糕都取消埋！好明顯係為左想要賺多D，所以縮皮啦！唉！E種生意手法！只會令客人有去冇留，雖然表面上好似賺多左錢，其實相對地令自己的客源逐漸萎縮！實在非常可悲的！我可以唯一稱讚，只有係侍應的服務態度！食完之後，心裏便第一句就係…其實一百九十八蚊真係可以有好多其他選擇嘅食野姐！以前我試到好食嘅舖頭一定會通知大家架，食完今次之後！如果有人提議再去幫襯，哎吔！我一定會講：重有無其他選擇呀！

見到浦和宣傳單張168蚊無限時放題仲包埋飲品打邊爐 天氣咁凍 最適合就系打邊爐啦;-)所以成班朋友仔去試下之前睇過食評 都覺得呢間既野食同服務都唔錯..咁樣既價錢 咁多樣野食 都算好好！！一開始個侍應話幫我地落左個刺身拼盤 等我地食住落order識得幫客人著想 印象分大增我地問個侍應有咩必食 個侍應話不如每樣推介都幫我地落少少等我地可以試下! 今時今日咁既服務態度真系大讚！！個刺身拼盤整得好靚呀！！Ok新鮮！！D野食都好好味！效率又快！侍應推介既芝士焗蠔同天婦羅都好正！！！D卷物幾特別 好多都未食過 值得一試仲有暖笠笠既火窩 好好飲既芒果橙汁 超好食既泡芙！！總括來講 今次我地都食得好happy 野食好好味 價錢又唔太貴 環境舒適最緊要既系 服務真系好到爆;-) 最尾我地都寫左張意見卡大讚xd

四個男人出黎聚會, 吹水多個食野, 揀呢間最岩,放題得黎又不限時間。可以訂位,所以入黎唔試等。先講食物,刺身不過不失,部份細細件,不過明白放題係咁樣,而且落完order出得好快, 唔夠喉唯有密密落補番數。刺身款式唔算多,唔好有太大期望,不過不失。寫幾多件真係黎足咁多件,唔會多唔會少呢樣要讚。熟食有串燒等等,芝士焗蠔友人讚好味,但我就嫌佢太細隻。燒雞翼也不錯,寫四件真係黎四件,燒得幾香口。野菜牛肉普普通通,份量好足,冇期望之下可以一試。天婦羅OK,其中炸蝦同炸冬菇真係好好味, 雖然等耐少少,但知道即叫即制,所以都覺合理。手卷可以唔駛叫,出黎個樣有點嚇人, 蒽吞拿魚只係得個頂少少, 仲要好似謝左既花咁撻係度, 侍應提我地快D吃否則紫菜會腍晒,其實未溫馨提示前一出黎已經腍。甜品款式唔多,只有雲呢拿泡芙最好味,芝麻什麼其實只係煎堆,可以不叫。飲品有啤酒汽水,果汁當日則有柑桔青檸、蘋果汁。蘋果汁很難飲,後來留意其他人張枱唔見有人叫,唔通佢難飲係人都知? 友人叫左柑桔青檸冇乜問題,侍應行過亦不停REFILL,十分周到, 後來我改了點啤酒,雖然唔知係乜野牌子但都不錯幾易入口,仲俾埋隻冰杯你裝,放題

今次係第5次幫襯荃灣呢間浦和..食過3次lunch加一次晚市既buffet….完全係熟客一個=] 感覺都好好呀..又唔似D網友講得咁差…可能我好彩xdd今次都係選擇左2個鐘既放題 因為中秋節 一大班人打算食完飯就去玩..一開始都係先來個刺身拼盤 賣相好似比之前更加吸引O係裝飾方面都落左唔少功夫 蘿蔔雕花 好靚呀=] 抵讚！！因為本人唔係好中意食刺身 所以都只係試左少少 都Ok壽司d卷物唔錯 果個香辣三文魚卷第一次食 個味道幾特別熟食方面 D天婦羅超級好味呀 值得推薦 我狂食左唔少 xdd店員推介既芝士局蠔都唔錯 可惜醬多左少少 好漏呀串燒同燒雞翼都好好味^^ 烏冬比拉麵好食..仲有個炸芝士 好好玩 可以拉到出來 同肯德基有得揮xdd好似全部野食只係冇試過咖哩飯 因為真係好飽 = =’’Menu多左甜品 泡芙巴乎條豆沙芝麻球 不過就冇左雪糕食 如果甜品多埋雪糕呢一樣 咁就完美啦 D店員都好nice呀 識講笑=] 不停收碟同加茶..又問我地d野食齊未…岩唔岩食笑容同服務態度值得嘉許 抵讚xdd我地走果陣仲同我地講中秋節快樂;)

由於book唔到熊貓酒店個間金x~所以揀左黎呢度~book左19:30~9成滿座~心諗咁多人應該有番咁上下質素啦~~點知......................... 1) 嚴重漏單 - 有叫既冇黎~冇叫既就黎~~2) 食物選擇少~刺身非常唔新鮮~3) 環境非常嘈吵~好似向街市咁~~早知比多少少錢去中染個間友x好過......

今日黎呢度食日本料理放題(限時2個鐘)真係唔黎好過黎我地7點入座就即刻落左張剌身單之後再落左卷物4款,天婦羅5款等十幾分鐘剌身到左三文魚叫10黎左6玻璃蝦冇黎(卷物,天婦羅未有)剌身我地再落剌身單(落三文魚玻璃蝦,螺,象拔)等左二十分鐘到先黎2款天婦羅(其他個d呢??)我地再落單落卷物3款,天婦羅3款等多十分鐘火黎緊!!!(計埋之前等左半個鐘)等左咁耐先黎得個少少(7點3開始落卷物單,到7點10都仲未見到一樣!!!)剌身我地吹佢,佢先黎個少少!!!!三文魚落10變4,其他有,但璃蝦照舊失蹤呢個時候天婦羅終於識黎,黎左2款(d卷物呢???)再等,由7點10等到8點2卷物終於出現!!!!!!!!!仲要黎得個2,3款(仲要係我地同個經理講點解落三次單都唔黎佢先即刻送過黎)途中我地都有再落單,我地成日睇時間,等太耐d野都唔黎放題慣性漏單,但估唔到呢間咁離譜又要等咁鬼耐!!!!味道幾好,但叫10幾樣等等等到頸長先黎得幾樣,係咁落單d野都係唔出現咪搞啦都係!!!!食餐野都要激死

今日舊同學生日，近近地選擇了浦和享用晚膳作為慶祝。只是剛剛搭正7:30，已經收到餐廳來電詢問位置及是否繼續留座 入座後，點員細心地解釋點菜規矩及提醒我們限時兩小時 之後便幾款既天婦羅，有茄子、海蝦、多春魚天婦羅等等，味道唔錯，炸得剛剛好，無熱氣感覺及唔會見到好多油。此外也點了三文魚、吞拿魚刺身等入口尚算唔錯除了天婦羅及刺身外，也叫了多款手卷、日式串燒、金茹肥牛卷及炒雜菜，都幾好食 ! 最特別的是，從餐牌中見到有多款迷你烏冬及飯類提供。不過我們無試在享受晚膳其間，經常見到員工主動添荼及收碟。而最後30分鐘及夠鐘時，會有店員主動提醒及詢問會否再點菜。抵讚

今日係我同女朋友三周年拍拖既大日子 , 朋友介紹下我地選擇左日本餐廳浦和 , 每次經過餐廳都排滿好多人 , 好彩我一早打黎訂檯 , 唔使等位!!!! 入到去有位男侍應仲問我想坐d靜d既位定係想睇到電視既位~俾我既感覺佢地真係好細心 . 坐低一陣好快又有另一位侍應準備左個刺身俾我地食~~ 咁抵既價錢 + 咁好既服務值得一讚 !!!最後值得一提既係多謝餐廳既服務員打番電話俾我, 因為我好大意咁...遺下送俾女朋友既禮物係餐廳入面 , 麻煩哂!!!

剛剛打電話去訂抬，男子接電話，我說想訂抬，他說明天才打來，我問點解，他說現在繁忙時間，然後cut咗線。我立刻致電問他為何cut線，他才不情願地說現在幫我book，我立刻說唔使啦，然後收線。我覺得依家幫襯你，仲要被人cut線，又要人客明天再打來book.....只因你話繁忙時間 (但當時是10:40pm) ，這應是過了繁忙時間，落booking都是1分鐘的事，有幾耽誤佢嘅時間呢？？？如果覺得電話booking是咁阻住做嘢，應該訂明人客致電booking嘅時間啦…

今日剛食完午餐，馬上要介紹這兒的午餐，我覺得質數、環境、價錢都很合理抵食。由於太肚餓，所以食左件壽司先記得影相。我和朋友叫了花之戀餐和咖哩豬，兩個餐都好食種要送汽水、 前菜，花之戀餐的烏冬好滑好爽，咖哩豬的咖哩好香，豬扖都好食。我們叫了才發現有$26特價午餐，下次一定再黎試!

被雜誌的廣告吸引了去試但味道實在麻麻...就算只在在荃灣來說~實在有其他選擇比這間好唯一優點是座位較寬敞..放題時間比較多一點~~食物:刺生 - 大路款式, 一坐低佢就會先送上一盤刺身併盤~~服務態度值得讚不過刺身實在水準以下~很濕很多水..應該是解凍得不夠~另外當天可能是第二round入座~侍應說吞拿魚也沒有串燒 - 醬汁味道很怪..完全破壊了整個味道鯖魚 - 算是比較好的一樣~但亦只是合格的水準炸蠔 - 烤漿下得重手了~又好像炸得太久~不好吃甜品類 - 反而有樣像豆沙煎堆(忘了甚麼名)我覺得比較好食和特別~~個人認為除了服務還可以之外..其他都不算合格

第一次寫食評，原本打算不寫，但實在覺得太差，希望大家小心考慮。食物質素方面，刺身本身其實對於我呢種要求不高的人來說還可以，不過presentation就勁差，刺身完全係好求其亂拋上碟。（但隔離枱的小姐就話食到想嘔，同埋話熟食完全凍，因而食左一陣就憤而埋單全家拉隊走人）。不過樣唔夠靚唔緊要，食到就得啦。點知卷物亦好求其，非常的鬆散，飯多涵少。再者，花之戀並不是捲在一起的，而是散開的"殘花之戀"。熟食方面除了焗蠔外全都只是微暖。講真，俾百幾蚊食刺食，對食物質素不應太高要求。雖然品質可能比部分同價自助餐差d，但食既時候又唔覺得要好似隔離咁埋單怒走。可惜…服務態度亦每況越下。1)開頭果時不停咁將我果枱叫的野同隔離枱搞亂，要我地自己換來換去，此為服務問題一。心想是忙中有錯吧，但問題二又來了....2)唔知點解有好幾個男侍應都好似唔想做咁，叫佢拎wasabi要叫三次，拎過來時係拋落枱度，放低其他野食都係咁。又心想可能是剛入職訓練未夠，但問題三又來....3)另一個侍應過來話last order，我地話佢知有d野好耐未o黎，佢竟然用教訓的口氣講話叫左就會整，好似我地講野多餘，但果時已等左好耐。問題一

因為朋友仔介紹話浦和有個新時段.$138蚊食1.5小時...所以今日同班朋友仔來到浦和..其實我唔喺第一次黎,我都算喺呢度既熟客..入到黎坐低唔到2分鐘已經準備個刺身...d員工服務招呼好好,,教埋我地點落單..同今埋次多咗好多唔同既嘢...最值得推薦榮螺片刺身,象拔蚌刺身,,,非常之新鮮..^^..熟食方面都唔錯,,,最值得推薦既喺...唐揚炸雞塊,炸餃子,芝士焗蠔,白酒煮青口...最可惜喺冇清酒煮蜆 =^=經過一個鐘頭之後其實我地已經食飽咗...因為d嘢食好快就黎,,效率非常高...整體來講,,$138抵...連埋加一,都喺$145咋.....超級大滿足...^^

上次黎過都覺得好抵食, 今次再黎多次試下喇 !! 點知俾我發現左d好野想同大家分享下 !! 琴晚6:00黎到餐廳食放題 , 發現餐廳推出左個新優惠 6:00 - 7:30 收費$138 !!! 見到咁既價位 , 令我眼都突埋!!! 坐低睇下MENU~ 發現清酒同海膽都係買一送一!!! 發現新大陸既我緊係唔執輸試哂去喇 !!! 足料刺身拼盤 + $45兩板海膽 + $28兩支清酒 ............抵X99999大部份既野食都非常好食 , 整體服務都好細心 , 相信下次約埋一大班朋友可以試到更多野食,哈哈!