浦和日本料理 (已結業)

上星期五,我地一行5個人去到E間放題,係一早BOOK左,環境好好,講番野食:鴨胸肉:好麻麻地,太過好硬串燒:十分好,D肉質同醬料配合得好好壽司壽司就非常新鮮手卷就OK最差就係E個迷你咖哩牛肉飯,完全沒咖哩味D服務都OK,經常見你唔夠水就加水,不過都有遺單

由於一大班人BOOK唔到漁屋, 所以改去了浦和.除了壽司、刺身可以接受, 其餘大部份熟食真係唔多OK! 特別係個雞軟骨, 連我呢個超愛食雞軟骨既人, 都覺得食一粒已經叫多!天婦羅入面, 個南瓜OK外, 其他都唔多好味. 烏冬都值得推薦!!但係, 服務都幾好, 大部份服務員都有笑容, 特別係有個有"鬍鬚"既男服務員, 佢態度好好, 值得加許!

聽之前d 食評講冷氣壞左, 不過尋日去既時候已經整返好 今次有朋友生日, 所以揀左依間唔限時既放題, 因為可以一大班人慢慢傾.我地一坐低就即時有員工介紹一個非常豐富既刺身拼盤比我地 我地就點左幾款既天婦羅, 好似有南瓜, 海老天, 多春魚天婦羅等等, 其中最特別既係香蕉天婦羅, 真係未試過 =.=朋友仲叫左d 和牛粒, 芝士焗蠔, 燒鯖魚同埋好多款既日式串燒, 都幾好食 !! 當中最差既就係汁燒豬頸肉配芥末, 食落好乾好硬, 再加上我係唔食芥末的 ...整體黎講都幾好食, 值得一試~

任食放題, 荃灣不多選擇, 另一間超多人, 呢間又未試過,都有興趣試下, 於是在19:45到達入到去座低, 侍應先代點一盤什錦刺身, 刺身尚算新鮮, 不過唔知點解就是唔多鮮甜, 除左天婦羅蝦好食, 其他食物就真係講唔出有咩好食我就如冇意外唔會有下次另外一提, 用餐當日冷氣壞左, 一唔食一路自己用紙扇(呠)涼食都冇心機食, 食左兩轉都熱到冇謂口再食走人算呢次勁蝕佢應該入座時告訴客人冷氣壞左等人決定食唔食搵笨嘅

上星期同左一大班人去左呢間店到食放題,選擇唔太多,而且賣相唔太討好,唯一要試o既係芝士焗蠔,好鮮甜多汁,其他壽司同魚生都唔係太新鮮,煮物亦只係一般,其實呢間店o既價錢同去區內一間食放題o既店差唔多,但質素差遠矣,係服務質素ok而己.

我自己本身住荃灣既，所以都想食盡成個荃灣既放題店，今次我又出擊，向住浦和去進發啦！我同朋友訂左七點半（平日），入到去都唔算特別多人。坐低左之後，有侍應過黎問我地係咪第一次食放題，我覺得好古怪，唔通有優惠比我地？原來只係我諗多左，佢係介紹點樣點野食比我地知。過左無耐，佢就先比左個刺身我地食，都幾有特色，因為用冰墊底，保持番個新鮮感，同埋入面既野係餐單叫唔到，算係唔錯！由開始食野，一路去到中間，我都留意到呢度既侍應好醒目，例如我準備轉身想掛好把傘，已經有人走過黎幫我地，另外就係我地問野可能好長氣，佢地都會好有耐性咁答我地，我唔知係咪因為平日，所以佢地會比較好ｄ啦！無限任食，食飽就同朋友傾番半個鐘計先走，每人１７８加一（飲野加十蚊）走人，算係食埋佢既服務啦！又到左必叫禁叫系列既時間：必叫系列：三文魚／吞拿魚魚生（好新鮮，ｄ三文同吞拿都切得好厚）雞軟骨（炸得幾爽同脆）特色壽司（設計得幾靚同好味，尤其係花之戀）天婦羅（炸得幾好，唔會話好多油）禁叫系列：炸豬扒（食落好脆口，不過ｄ味好怪）八爪魚魚生（好難咬）清酒煮蜆（淡左ｄ，同埋ｄ蜆唔多新鮮）我個人覺得佢比起五月花黎講，ｄ款真係少左，不過感覺上好似

想食日本放題, 見到食評都ok, 咁咪去試吓囉~~~一入到間野, 感覺已經好熱喇, d光線又暗暗地, 所以一坐低就叫經理開大d冷氣囉, 其實佢地一早係無開過架, 可能d客唔出聲就唔開..... >___<我地點左野食唔夠10分鐘就到lu.... 都好快手喎~~~~ 不過D野食就一般囉! 刺身 : 無甜蝦食既~~~~ 三文魚太"林"喇 芝士焗生蠔 : 超細粒 天婦羅 : 不過不失啦 金茹肥牛卷 : 幾好 炸雞軟骨 : 好好食 清酒煮蜆 : 超難食 吉列豬排 :還可以軟腳蟹手卷 : Ｄ紫菜唔夠脆迷你烏冬 : 好味　花之戀 : ＯＫ炒雜菜 : 唔錯鹽燒三文魚頭 : 我既至愛，　仲叫左兩次添　七味雞翼 : 好乾身～～～　總括來說， 服務幾好，環境一般，食物都黎得快，但味道就一般喇！！

之前上黎開飯啦睇左好多食評都話唔好食 ,黎之前都驚驚地 不過一心都諗住試下啦!同男朋友去到就叫野食啦 坐低左一陣佢就送左好大盤刺身黎原來係送既刺身 俾我地食住先 正刺身: 3文魚好大舊好肥美 !!! 一流!!! 炸雞軟骨: 岩岩炸起味道一流 食多幾粒都唔怕芝士焗蠔: 我覺得都還可以 不過好濟和牛串: 麻麻地好食 好普通鮑魚雞粥: 好普通天婦羅蝦: 好好食!!!! 炸得非常之好 !!!!清酒煮蜆: 味道淡左少少 不過都幾好味冷牛肉: 好大舊 好凍 麻麻地牛肉烏冬: 好味道 不過好細碗炸秋刀魚: 好味道 !!!!! 燒得好香加多$10有得任飲飲品 我叫左金吉檸檬同apple juice ,反而佢d飲品我超級滿意 !!! 好好飲 !!!!最後送左一球雪糕 我揀左芝麻 味道都唔錯不過我覺得佢食物款式太少啦 如果可以多d就好服務態度好good!!! d待意成日問你加唔加茶/果汁 又好有笑容!!!

大家好, 本人第一次以會員身份寫食評. 之前以非會員都寫過幾篇.睇"揾食男女"見到浦和不限時段$168任食, 仲有張任飲券, 很是吸引.上openrice睇食評. 好壞參半, 但抱住一試無妨心態, 二個人去食一食.我本身好怕限時,限制二小時, 1.5 小時食完叫人走那般餐廳. 一定唔去的. 因以前遇過不快經驗.今晚, 晚上六時正入坐, 無乜人喎, 每張枱上面已經一早放好唔凍"祼肉"同"海草"各一小碟, 行貨野但都好味. 一坐下就有野食幾好. 有人埋黎教我地寫野食.我比張任飲券佢, 叫了橙汁蜜和檸檬柚子蜜,後者十分好飲, 推介.waiter 話不如比個刺身我地食住先(我一早睇咗openrice, 人地講過未寫單已經有野食住先)哇,有冰塊响底部, 個刺身我唔記得影相呀掛住食食食. 二個人一大碟喎.唔講得少. 有北寄貝、象拔pon、三文魚、 八爪魚、希霊魚、咩馬刀貝好爽口好食(希望無攪錯呢隻貝類叫馬刀貝啦). 仲有幾樣唔記得咩野魚喇.入得去一心唸住食魚生嘅人, 應該鐘意食.乜野食品都未上枱時我就填寫刺身, 只係要左5款各三件, 但都食唔哂,又唔係食完野食填, 係一大早已經叫好, 一碟咋(見圖

未試過食一餐係咁唔滿意...!!!!名正言順得個樣....敗絮其中...!!!朋友生日...Birthday girl最鐘意食日本野所以食放題...有朋友見到周刊廣告好似好好味咁就suggest 左依間...當聽到o既時候我立刻問左句:''點解唔食金田''...但由於工作太忙我都無再理會...所以就去依間...我諗應該唔差掛....book 左1830...入到去得一枱客...無人的...settle 左之後原來會放冷盤同刺身拼盤...好似好抵bo...@@服務態度都好好....清一色waiters..no waitresses...都唔係好多野食叫.....開頭梗係狂點刺身壽司...一上菜便知龍與鳳!!!魚生唔新鮮到一眼就睇得出...!!!d 刺身又細塊唔厚都算....但無魚味!!d 吞拿魚''牙'' 色的....!!!d 壽司飯係硬同槳口的...!!!我見到佢咁唔新鮮我都唔夠膽食咁多...!!!d 熟食都係差差差...!!除左個tampura 係見得人之後其他都係難食...!!好普通的豉油雞翼佢都可以咸到不能接受...大家食左一個鐘已經停晒手...因為無野好食都無再叫第三round

好嬲丫,琴日明明係母親節,念住一家人出去食下野,開心下,點知一d都唔得囉,人生第一次食野食到咁辛苦,浦和呢間野,大佬,大熱天時,就唔該你開行d冷氣啦,同個經理講,個經理又話開到最盡,唔係嘛?冷氣d風完全係一陣風黎架喎!仲衰過開風扇囉!離哂普,一邊食野一邊抹汗,食到冇哂隱,想拿拿聲食完拿拿返返屋企開冷氣!個地下仲衰,行去洗手間,個距離唔到10米,但足足行左成2分鐘!仲要邊行邊扶住道牆,搞錯丫?個地下使唔使咁扇丫?扇親人點算先?!真係好離普囉!食到咁辛苦,比龍肉我食都冇味啦!都feel唔到d野食好唔好味啦,仲之就食出一肚火,以後都唔會再去!好心搵人搞搞個冷氣同個地再出黎做生意啦唔該!

母親節就到啦,,媽咪辛苦左咁耐,,好應該請佢食餐好既!有朋友介紹我去浦和食,,因為我媽咪好中意食魚生架,,所以就去左荃灣果間浦和,,食放堤幾驚去食野睇唔到飛女正傳呀,,好彩間野有電視,,放心哂,,一開始就狂點野食啦,,佢有幾張紙仔比我地TICK架,,TICK完侍應哥哥就幫我伶去入,,想食幾多食tick幾多..完全唔客氣..都未tick完話咁快就黎左個拼盤比我地先..真係識做!d魚生好新鮮,,媽媽食得好開心@@有個櫻之花,,我見個名幾令咪tick件黎食囉..食過翻尋味- -叫左成6-7個黎食..真係好好味..哈哈細佬就狂食串燒,,佢話個和牛串好有味喎..爸爸就食清酒煮蜆,,見佢食得都幾滋味..@@d野食大致上黎講都唔錯,,不過個炒雜菜個底唔知做咩燶左,,冇食到,,天婦羅就唔係好脆,,我地一家人食左好多野,,飽到呢.....呢間野環境唔錯,不過個地有小小滑..d侍應個個年輕有為,,好做得野,,笑容滿面,,周不時都會問下你d野食岩唔岩食..我地食得好開心,,^^

今日同Friend共9位首次幫襯浦和，貪9點後＄148位。原來憑Coupon有8送1優惠， 即刻叫細B落樓買忽周。好開心，嘅食豐富、價錢合理。 刺身大路，款式不多，用料新鮮，賣相靚！ 刺身有北寄貝，馬刀貝，三文魚，鱆紅魚，吞拿魚，立魚，希靈魚，八爪魚。我哋叫3round都出齊. 壽司飯粒適中，口感OK。 醋味唔化學。魷魚，甜蛋，甜蝦，飽魚，鰻魚壽司幾好。其他食物：花の戀，香芒海中寶Good 清酒煮蜆 有沙，酒味唔夠迷你叉燒烏冬彈牙海佬天婦羅,炸日式餃子GOOD鹽燒三文魚頭好好味豬頸肉冷盤唔差煙鴨胸雜菜沙律賣相好搶眼 Good魚生雜菜沙律Good汁燒帆立貝串,七味雞翼,串燒粟米正味噌大腸太鹹！:焗蠔正番薯粥good:鹽燒鯖魚燒得好正呀

難得機會同朋友一齊過生日, 提議去食放題, 貪佢唔限時食物方面可以多d選擇, 而且水準都唔錯, 最緊要我好鍾意食日本野！食物方面, Overall水準唔錯-刺身: 三文魚新鮮，但唔夠上環鋪厚切，唯有encore幾次。 吞拿魚八爪魚質素唔錯，鱆紅魚特別好口感，希靈魚好食，北寄貝馬刀貝夠爽夠新鮮，立魚比較差。-壽司:都有幾多種選擇, 我鐘意甜蝦，鰻魚同甜蛋壽司。-卷物, 我最鍾意鰻魚卷, 好大塊鰻魚 , 其他的加洲卷, 軟殼蟹卷，香芒海中寶卷都OK。-沙律：有幾多種選，我最鍾意牛油煙鴨胸，雜菜沙律同魚生粒粒沙律-冷盤：水準唔錯，冷牛肉，法式豬頸肉同大蔥雞卷夠人味。-炸物: 呢度的炸物真係唔錯, 有天婦羅蝦, 南瓜天婦羅，香蕉天婦羅，土佐豆腐，吉列豬扒，炸帶子, 熱辣辣, 炸得好脆，吉列豬扒，但唐揚魚柳有D過火。-爐端燒：我最鍾意鹽燒鯖魚，芝士焗蠔，鹽燒秋刀魚同汁燒帆立貝串。其他的食物都ok, 日式炒雜菜，清酒煮蜆，蒜片火雞腎….因為得兩個人, 沒試烏冬/麵/和食之類.總括而言, 價錢又唔係真係太貴用埋coupon 有汽水,甘桔同啤酒任飲~

真係未試過食完一餐, 會咁急住番屋企寫食評! 琴日攞住本"飲x男女"book今晚嘅日本放題, 間間滿座, 終於呢間有位. 都諗, 有無問題? 睇完食評好壞參半, 即管試吓, 點知, 結果為人民幸福要急於呼籲"咪制"!招牌和牛串: Sorry, 無!招牌清酒煮蜆: 無酒味, 無蜆味, 連鹹味都無, 鮮味就梗係唔駛諗!刺身：唔凍, 唔鮮!天婦羅蝦: 除咗無味, 尚算ok.任飲: Waitress 講出一大堆選擇, 可惜今日無嘅, 只得武士啤酒同汽水機嘅汽水!七喜 : 七喜都要比食評? 我都無諗過! 等如淨飲梳打水, 無味, 得個"那"字, 有無攪錯!壽司: Sorry, 無緣比食評, 皆因落咗order個半鐘都未到! 放棄喇, 反正都無期望!脆辣鉄火卷: 唔脆, 唔鮮, 淨辣, 同食啖辣椒醬無分別.整體 : 服務尚算ok, 亦有道歉. 但係市場上咁激烈嘅競爭, 提供咁嘅食物質素, 究竟想點?? 提倡飲食健康, 都唔係咩都無味o架! d鹽都唔係咁貴啫! 佢地真係低糖, 低鹽喇!!! 奇就奇在, 都好多人幫襯. 究竟佢地都係第一次試? 定真係覺得佢好抵? 咁嘅價錢, 其實大把放題好好多, 抵