浩記甜品館 (已結業)

是日情人節，下午食到飽一飽，未有胃口食正餐，唯有陪男朋友去食飯前糖水。呢間小店糖水鋪都幾特別，有其他中式小食食選擇。我點左香滑豆花，本以為會有黃糖及薑汁提供，點知職員話唔夠甜就再幫你加糖水，感覺無左原始風味。馬蹄砂，味道都可以。喳咋都幾足料，味道都可以。

冬天凍凍地食碗熱糖水就最啱有無人同我一樣最愛中式糖水呢間糖水舖係鬧市中屹立多年黎得幫襯既都已經係熟客仔～我就係其中既一位👋🏻·鋪頭細細但都足以容納十多人牆身掛了幾對手寫毛筆字對聯仲有傳統中式陶瓷花紋碗🤩·<香芋西米露> $26香芋控的我每次必叫香芋粒煮得好粉好綿粒粒西米晶瑩剔透😋椰奶配西米無得頂！甜度亦都剛剛好👍🏻·<核桃露> $26雖然我唔鍾意核桃但都偷食隔離一啖核桃味超級香濃！吃起來很滑不太甜愛核桃者表示好正·<總結>心血來潮想食中式糖水而又咁啱經過旺角鬧市可以試下呢間😁

旺角都多甜品店，都有唔少自家店，今晚去左呢間食不過最終係幾失望既。。。有豆腐花有綠豆沙等等，我就叫左腐竹蛋糖水啦。。呢個糖水係出面唔同店食都係比較一般，係呢度食，都係一般，甚至比一般更差了。腐竹太碎了太散了，唔得。糖水太稀了，比較似飲水多D加上腐竹太散所以味道就非常一般。。。糖水就唔算甜所以還可以的。不過太稀既關係所以就唔好飲。而且糖水本身唔夠熱所以就更加差，最多只是暖。食熱既唔夠熱就總結不可一不可再

點了個楊支金露十分稀，同老細講好稀想換或轉其他嘢，老細好串咁話「我唔係芒果汁！楊支金露係咁㗎喇！」佢見我唔滿意，佢亦都好唔滿意咁俾多一個匙羹芒果汁我溝落去，態度極差😣唔會再有下次

呢間糖水舖真係由細細個食到而加出黎做野!雖然已經唔再係以前公公婆婆睇舖，但仍然keep到細個嗰味道。每次嚟一定會點涼粉紫米露，涼粉夠爽滑，紫米露不會煲到啲紫米爛晒，再配上花奶一齊食，口感非常豐富，而且唔會好甜。今次同行朋友食左燉蛋，蛋味很濃，唔會死甜而且很滑。Lee度仲有很多傳統的中式糖水，桑寄生蛋茶、馬蹄砂、木瓜燉雪耳。除了糖水，Lee度仲有粉果啲少少嘅熱食，係唔錯嘅宵夜選擇。Lee啲傳統嘅糖水店已經買少見少，所以一定會繼續支持小店。

平時行旺角行到攰攰地, 想搵個地方坐下, 大家會去邊呢? 平價McDonx'x 一定已被大媽攻佔...貴啲 Starbxxxx 都唔會好得好邊...正當大家感嘆這個香港不再屬於我之際.......其實鬧市中仍然隱藏住香港傳統特色嘅小店, 睇你有冇心去發掘嘅啫今日同熊先生行完街就嚟左呢間位於花園街嘅浩記甜品館真正嘅懷舊裝修, 簡單樸實, 全店無一絲花巧。多款傳統港式甜品, 有凍有熱除左甜品, 呢度重有豆漿, 粢飯, 同其他小食。不過新年食左太太太多甜嘢, 今日決定來點鹹的喺香港有得食鹹豆漿嘅地方實在唔多, 記得第一次食鹹豆漿係喺台灣, 一試愛上呢度嘅鹹豆漿同樣冇令我失望, 食落好似豆腐花咁, 口感順滑, 本來只有簡樸嘅黃豆味但配上蝦米, 油炸鬼, 蔥花後風味倍增有時你覺得簡單又平凡嘅嘢, 只要小小嘅改變, 已經截然不同。粉粿唔係呢度嘅特色, 不過我最鐘意粉粿皮QQ嘅口感, 純粹過下口癮。下次再黎一定要試埋糖水!!!

各式甜品糖水店愈開愈多, 食物款式愈走愈多變化, 不過只覺是將各種甜品/食物以不同形態混和, 或放在一起, 就當作是一項新菜式; 有時見到那些mix & match 其實一點也不match, 只不過是攪gimmick而沒有考慮混和的食品是否可以共融或產生magic自己仍然對傳統中式糖水追捧, 這間在街角的浩記甜品館, 多年來的餐牌也沒多大變化 (除了現在沒有熱辣辣的栥飯供應了), 還有傳統的咸豆漿 (還有加蛋) , 糖水真材實料, 價錢相宜, 有時早上走過都會吃個粉果加碗咸熱豆漿加蛋, 咸豆漿有很足材料, 令人在寒冷的早上得到溫飽的滿足, 這種情懷這種味道, 又豈是現在攪gimmick 只想搶fou的甜品店可以媲美

旺角區食肆眾多，想食碗糖水其實都唔知點揀好。今日我搵到呢間小店，位置就在花園街近紅van站附近，店內有幾張細檯，好家庭式。呢度主打中式糖水，選擇都算多。小食餐牌，我見粉果幾受歡迎。可惜問左店家，已經冇做粢飯了。我叫左碗蓮子桑寄生蛋茶（$27）。蓮子煲得幾淋，份量幾多。糖水甜度適中，不過一咬粒雞蛋就有啲失望。雞蛋雖然上左色，但味道係白烚蛋味，完全唔入味。價錢唔算好貴，好有傳統味，但個人認為可以做得更好。

其實我已經收藏了這間甜品舖好一陣子，只是沒機會來。這晚與男朋友趁晚飯前騰出空檔過來。6時左右，店內幾張圓枱坐了小貓三四隻，感覺古舊的。我們分別點了芝麻糊和核桃糊。心想來到老舖當然要試試這些自家磨的糖水才能顯出功架。不過這裡的芝麻糊真令人失望。很淡口，不是特別香。最失敗之處就是那陣味…… 最後勉強吃了半碗便放棄。反而另加的兩粒湯圓還可以。核桃糊都是偏淡口味，不太甜。不過不失。做出的芝麻糊可能是偶一為之，希望會有改善。

如果唔係經過呢邊，根本唔會發現呢度有間中式糖水店～糖水店主打既都係傳統中式糖水，不外乎紅豆沙、綠豆沙、芝麻糊之類等選擇，另有冷熱之選椰汁紫米露 $23簡簡單單既一碗紫米露，味道不算太出眾，但煮得夠腍～質地偏杰身，整體合格吧～椰奶燉雪耳 $27雪耳份量幾多，而且椰奶味幾香，不過朋友唔係太中意呢個質感....餐牌我始終覺得傳統糖水店唔夠新派既多口味，而且味道較為平穩，但勝在價格相宜，充滿人情味。

這間中式甜品一直很想試,一直對它很大期望,今次我在這裏點了芝麻糊,由於是快接近晚上11點,所以凍芝麻糊早已賣光了,芝麻糊我朋友說很香,但我食落的味道卻很一般,還是佳佳比較好吃,然後我朋友吃的是燉鮮奶,這個賣相望落不錯,但係味道卻很一般,不算好吃,而我另一位朋友點了姐豆沙,她說紅豆沙不太林,有點硬

值得推介係呢到既蓮子桑寄生蛋茶，甜度剛好又有夠味，尤其是呢到既蓮子係優質蓮子，大粒有口感兼清甜，勁正。另外佢既粢飯都值得一試，糯米厚度適中，唔似出面咁得舊飯，餡料夠多，正。

今晚晚飯似乎意猶未盡，於是走到旺角食番個甜品。雖然同區有很多選擇，但是卻又想選擇在人流較多的位置的甜品店。不過突然又想起了有一間甜品店，位於花園街的浩記甜品館，不如就行過去，入內食番個糖水都好吧，始終糖水可選擇凍和熱嘛。點來一碗喳窄，喳窄上有花奶，除此之外，其當中有豐田的多種豆類混合，其中包括了花生、紅豆、綠豆、紅腰豆等等，食落口感豐富之餘，甜味也不算很高，況且吃完之後，略有飽肚之感。中式糖水比起西式甜品沒有多樣化，而且糖水可選擇熱食和凍食，是其中不錯的選擇。

西式 新式糖水成行成市 ，中式反而好鬼少今次食左碗 喳咋糖水 料足豆又多，味道亦非常唔錯~正~!!紫米露一樣足料但味道唔算突出，但奶多，幾香，鍾意奶味佔比大啲既可能會鍾意

上完堂後準備乘車回家之際，腦海裡忽然間很想食碗熱騰騰的糖水，於是步往附近的浩記甜品館！雖然價錢不停地上漲，不過偶爾間都會去食番碗！除了特式的傳統中式糖水外，還有其他包點及飲品～合桃糊 - 磨得細致嫩滑，毫不起沙不起渣滓！充滿著濃厚的合桃味，熱熱一碗在涼快的天氣食底下倍感溫暖！