浩記甜品館 (已結業)

香港糖水舖愈開愈多，大部分都係特色甜品糖水，反而舊式糖水舖買少見少🥺浩記甜品館就係其中一間於旺角鬧市創業32年的老店🏠店舖係老式館子格局，每次來到都會看著大雪櫃內一碗碗的冰凍糖水，步入店內就感受到香港歲月痕跡☺️以前中學時期常常來浩記吃粢飯作下午茶/飯後糖水😋 但今天回來，老闆已說多年沒有賣粢飯了🥺本土小吃在現今社會實在容易被淘汰🥺🥺 $26 蓮子桑寄生茶😋記得第一次來浩記選擇的就是桑寄生蓮子蛋茶，也是我人生第一次吃這款懷舊糖水😋 吃過一次後便回味無窮！試過在家中自家製，始終做不到浩記的適宜的甜度和軟而不爛的蓮子口感☺️不論熱食凍食都一樣好食😋😋蓮子分量又多，吃到最尾還可以吃到粉粉煮溶的蓮子碎🤤此口感只應天上有☺️今次宵夜食太飽，所以冇加到雞蛋食😋否則實加番粒蛋😋$30 木瓜燉雪耳☺️此甜品對女士而言能夠滋陰潤肺，維持肌膚幼嫩☺️糖水食落充滿膠質，唔會好稀，木瓜熟得黎有咬口，雪耳爽口🤤🤤🤤 甜度又剛剛好，每次食都係滿瀉，匙羹一放落去糖水就溢出😫😫😫次次都覺得浪費咗數滴精華😫要用口接番🤤

平時食得多西式甜品嘅話，都會突然想食中式糖水懷舊吓☺️係旺角一條冇咩人嘅街搵度間中式糖水舖，入面好有八九十年代嘅感覺，好有細個同屋企人去食糖水嘅回憶☺️蛋白燉鮮奶 $27角落評分：🌕🌕🌕🌕🌑試咗碗凍嘅蛋白燉鮮奶，整得好滑又唔會好硬😋口感軟綿綿🥰入口唔會好重蛋味而鮮奶味都幾突出👍🏻椰汁紫米露加湯圓 $32($24+8)角落評分：🌕🌕🌕🌑🌑食中式糖水點可以唔加湯圓🥰而湯圓要加錢，就$4/粒同埋係芝麻湯圓嚟👍🏻紫米露可惜比較稀同唔夠甜😢椰汁味唔夠香，所以整體係普普通通🙂

夜深想起旺角街頭尋找一點慰藉，舊式糖水鋪真係賣少見少，典型老式涼茶鋪格局， 店面放置幾張大木桌，旁邊的舊式冷凍櫃冷藏了一碗碗的消暑良方楊枝甘露 $30夏日港式甜品中的經典，由芒果、西米露、柚子組成，幾種當造嘅水果配搭得宜， 芒果香甜加上清爽微酸帶苦的柚子，勁開胃解暑！陳皮蓮子紅豆沙 $24作為傳統中式糖水之一，一碗紅豆沙就睇得出餐廳質素如何！要爛煮至有沙狀口感需要廚師的耐性及經驗 (真係試過起一啲新式甜品鋪食過紅豆/糖水分離的“紅豆湯” ) 呢碗紅豆沙不會過於甜膩，加上淡淡的陳皮香，十分暖胃！

中式糖水其實都好難整得難食。同男友一個叫左芝麻糊一個叫腐竹蛋糖水。芝麻糊芝麻味好淡，只係得好大陣燶味。加湯丸逐粒計。4蚊粒。但裡面d 芝麻溶杰到好似辣醬咁。。腐竹蛋糖水一上枱已知中伏。全部大大塊未溶既腐竹，d 腐竹仲硬過譚仔。基本上只食到冰糖水味。仲要俾我發現碗野有蚊仔。即刻無哂胃口，半碗都未食就俾錢走。即使你好想食懷舊糖水都好，都強烈建議你唔好去呢間。呢間係一間無味道無心做既店。唔好消費香港人唔該。

香港呢個物質富裕嘅社會有好多甜品店，但當中好多甜品店都係買啲好靚嘅甜品，要搵間專買傳統廣東糖水就買小見小。旺角嘅糖水鋪想搵間賣啲傳統野都難，所以呢間鋪係旺角生存到都係奇景。好多時我係旺角食完飯，睇完戲都會黎呢間鋪頭食碗糖水返屋企。影左幅相分享下今次食左嘅糖水。麥米粥，好足料，有花生有米，唔算太甜，食完之後都好飽，當宵夜都得。紫米露，都好足料，唔算太甜，食完都係飽肚。至於桑寄生蓮子蛋茶，我就唔食嘅，朋友話好夠未，粒蛋就普通蛋。總括黎講，啲糖水都好足料，唔會話太甜，其他糖水都好味，最緊要係旺角啊嘛。

不是第一次幫襯，在等人的時候有些少時間，但之後食正餐，不想吃過多，正好嚐碗糖水。點了個蕃薯糖水，蕃薯好腍，入口不用咀嚼，薑味香，薑味與糖水均勻。天口涼，喝薑的糖水正好暖身！後悔沒有加湯丸，可以嚐更多。

平安夜食完晚飯，梗係要食返碗糖水暖粒粒先至夠完滿喇喺旺角食黎食去都係嗰幾間人氣糖水，賣相就靚啦，但係味道都唔算好好食今次想食下啲中式糖水，搵返一間老牌有實力嘅甜品舖食坑行行下黎到花園街嘅浩記甜品，有好多中式糖水賣，一於試吓<生磨芝麻糊$26>芝麻糊真係真材實料，芝麻味勁香，食完都覺得自己啲頭髮黑晒不過味道稍為甜左少少，淡番少少健康啲會正啲<生磨合桃糊$28>合桃糊比起芝麻糊又健康得多，味道相對清淡，合桃嘅味道都幾濃郁，得閒會再嚟食

店鋪好懷舊feel，俾人感覺好有人情味。但個餡⋯⋯不了。叫咗個椰汁西米露，又水又稀，d西米仲要勁難吃，唔知係煮得唔夠熟定雪得耐啦，個心好硬🙄️可一不可再，因為真系衰過好多糖水舖

我相信用“麻雀雖小，五臟俱全”絕對係符合晒呢間舊式甜品店。佢地賣嘅都係傳統中式甜品，當然佢地都會有咸點，例如潮州粉果，叉燒包，菜肉包等等。店舖雖然細，但絕對可以滿足你想食中式甜品嘅欲望，因為佢地甜品款式好多。我地叫左兩款甜品，一個楊枝甘露同一個兩溝(芝麻糊加杏仁糊)，兩碗都幾大碗。個楊枝甘露好多芒果肉，好好食。個兩溝都好食，不過有樣野好欣賞個老闆。話說個兩溝其實係想要凍嘅，不過佢地芝麻糊無晒凍，得杏仁糊有凍。熱死辣辣當然唔想食熱野啦，但又好想要芝麻糊，正當想放棄個芝麻糊個時老闆就問暖得唔得?暖點都好過熱，所以之後老闆就溝左個熱芝麻糊同凍杏仁糊比我地

旺角區有唔少甜品舖，但晚飯後既我，比較中意食中式既糖水，所以揀左呢間傳統既舊式糖水舖。馬來喳咋 $26我最中意就係食喳咋，貪佢乜都有d，又有咬口。入面既芋頭夠粉又夠淋、d豆又煲到起沙；可惜糖落太多，甜得制，而且無麥米，少左d爽口既口感。香芋西米露 $26呢碗相對之下無咁甜，不過芋頭生水，唔係粉果款，朋友表示唔ok。

店內裝修非常懷舊 更播出八九十年台歐美音樂非常特別今日嗌了2個粉果加一碗熱豆漿粉果味道正常 亦夠熱特別在於豆漿 12蚊不過很大碗亦非常熱 我飲到出汗豆漿除了甜和咸外 甜度亦分兩級我選了微甜 覺得甜度都足夠

中式甜品店越來越少，看完電影去逛街的時候，難得遇見，便去光顧，享用傳統的中式糖水。蓮子桑寄生蛋茶28元，熱食，蓮子鬆化，雞蛋原隻，吸收了茶味，糖水清甜可口。桑寄生有藥用價值，補肝腎。馬蹄沙24元，只有熱沒有凍，馬蹄粒爽，糖水甜。 馬蹄清熱，促進腸道蠕動。總結：小店糖水，傳統懷舊。

與朋友們逛逛後又有一點肚餓我自己比較喜歡中式甜品所以就係旺角搜尋到哩間甜品我叫左個合桃糊價錢都算正常 合理--但合桃糊唔夠滑入面仲會食到有D 好似結埋一舊粉既野應該係因為佢加左野溝 但又搞得唔太「暈」味道都還可以

舖頭簡潔好懷舊的糖水舖仲有豆漿呀，蒸包呀，粉果買叫左涼粉紫米露涼粉好滑呀 , 份量仲好多好正紫米露又唔會好杰 , 岩岩好呀又唔算好甜 ,  好味呀香芋西米露就唔太香芋頭無乜味 成碗野好淡，不太好味

各國嘅甜品店，相繼喺香港盛行，所以一講起甜品，好多人都即刻會諗起刨冰、梳乎里、cake、窩乎、鬆餅呢D。大家唔好忘記，我地香港本土嘅"中式糖水舖"，面嘅糖水，都係屬於甜品嚟㗎，飯後食番碗，一樣係開心又滿足。"浩記"係一間舊式嘅糖水舖，地方細細，有幾張圓枱，有機會會同隔離枱背脊貼背脊，員工全都係D叔叔、姨姨，沒有太多嘅招呼，反而多了一份街坊街里嘅熟悉感覺。杏仁糊、合桃露、蕃薯糖水、紫米露、桑寄生茶、雞蛋腐竹糖水、芝麻糊、紅/綠豆沙、麥米粥、湯丸……你諗得出嘅中式糖水，呢度應該都有齊。我地分別叫咗"豆花芝麻糊、杏仁糊、紫米露和麥米粥"。紫米露: 用料充足，上面加咗D奶，既香且甜，好味。而我就揀咗"麥米粥"，因為麥米粥比較旱見，就算其他中式糖水舖都未必一定有得食。麥米粥: 裡面除咗麥米之外，好似仲有糯米，口感煙煙靱靭，好好咬，最緊要係煮得唔係太甜，健康D之餘仲食到麥米嘅香味。各位家長一定要帶小朋友去食下中式糖水，想補腦又得、養顏又得、養生都得。而且廿幾蚊一碗，都算經濟吖。