影片
港铁观塘站 A2 出口, 步行约6分钟
继续阅读
电话号码
59319708
营业时间
今日营业
全日休息
星期一至六
12:00 - 21:00
星期日
全日休息
公众假期
全日休息
以上资料只供参考，请与餐厅确认详情
食家推介
今日想试食新嘢就谂起呢间（之前食另一间经过，以为佢系新开）原本冇打算写食评，但食完觉得唔错想推介俾朋友，谂唔返叫咩名所以先上OpenRice 睇。一睇先知原来都开咗一段时间，但竟然有几个劣评。但其实今日食完真系觉得唔错，以咁嘅价钱有咁嘅质素其实CP值都几高，超抵食，所以先忍唔住写呢篇食评，希望俾人知道啲嘢食绝对唔差，同时希望可以支持呢间小店，因为之后仲想食多几次😆一来就有个送嘅南瓜汤，估唔到卖相靓之余，仲好好味，仲要系送嘅！真系估唔到有咁嘅质素冬阴功虾意粉同牛扒，份量都好足够。冬阴功个汁几有惊喜，唔会一下子好辣，感觉系有层次嘅辣味，虾虽然得三只，不过计返个价钱，而且口感弹牙，绝对抵食！牛扒虽然唔系好靓嘅牛，但绝对对得住个价钱，而且薯条都好新鲜好大份。最值得一赞系，虽然系熟食中心入边，但呢间舖嘅环境真系好干净企理！（干净到我以为佢系新开咗一个月左右）而且所有嘢卖相都好靓，睇得出好有心机煮同摆盘。因为嘢食唔错，所以后来试埋佢嘅饮品，估唔到饮品都系好靓足料，味道又好，加十几廿蚊左右嘅价钱就有咁样嘅饮品，真系超值！唯一改善嘅系杯嘢饮啲青柠，如果可以去埋核就更加完美（因为用饮管饮好易咬到啲核会好苦）
继续阅读
在街市入边有间小店经营，厨师很后生，感受到很用心，店舖重新装修空间，非常阔落，令人好好享受。食品真材实料，即叫即做做，份量大，味道非常好，南瓜汤够浓郁，短时间已经第四次帮衬午餐和晚餐，希望继续，支持。
继续阅读
熟食中心入面见到呢间舖头个装修几靓，同埋好似几好坐就入咗嚟。个意粉汁几浓味我自己几钟意，鸡肉都几滑。$78响呢个场唔算平，但系响观塘嚟讲就差唔多，而且佢都包个南瓜汤。不过如果系包热饮我觉得会更好。下次都会再嚟试自己嘢嘅。
继续阅读
今日行过熟食中心，望到哩间小店装修都唔错，企企理理，menu都唔错，就入咗去食，点知中晒大伏！首先，我哋两个人一入去坐低好快已经叫咗主食set（主食+南瓜汤）我哋点完餐，坐咗半个钟，冇错系半个钟，餐具又冇比，餐汤都冇。已经叫咗侍应嚟同佢讲要餐汤，讲完佢又系企系收银机度唔知做乜，冇郁过。好啦，等咗35-40分钟，个意粉同餐汤终于到（冬荫公忌廉虎虾意粉）。但系叫佢比餐具就净系比叉我，匙羹又要另外再叫佢拎比我。叫一次比一样。其实如果系咁，你啲餐具可以放系枱度，自己自助拎……我差唔多食到完，我朋友份牛排仲未到。佢已经等到好唔耐烦，因为佢除咗餐汤之外系乜都冇。个厨师系厨房到问我哋，啲嘢食系咪未有？其实你都望到佢系乜到冇，个场咁细，得大约5-6张枱，一眼睇晒。但都可以漏单…？平心而论，我觉得我个意粉味道系唔错，冬荫公同忌廉系夹嘅，唔会话好辣，意粉嘅质地可以再好啲弹牙啲。但唔知点解个南瓜忌廉汤会有咖喱味，有少少奇怪。只可以讲今次对我嚟讲系唔好嘅经验，lunch嚟讲，价钱唔算平。我觉得同价格完全不成正比，希望可以改善吓。
继续阅读
第二次去呢个熟食中心，今次选择试吓呢间叫做浮然嘅小店.小店只有两人,一人负责厨房一人负责楼面.咁啱𠮶日系楼面员工头几日返工，所以唔太熟悉.但佢都肯入去问清楚厨师先帮我哋落单.食物方面嗌咗一个主菜同埋两个小食.其实每样小食系有两旧,但来嘅时候唔记得咗影相… 南瓜汤就系跟餐送嘅.南瓜汤10分足料,饮落其实似南瓜蓉多过南瓜汤 😅意粉不过不失,反而小食惊喜.个鸡软骨饺子好特别，有啲鸡软骨系入面咬落好爽脆.有机会可以支持吓小店.
继续阅读
您可能会有兴趣的...