海南咖啡

营业中

休息中

#海南咖喱年三十晚，好多食肆都開始休息，熟食中心都唔例外，本身食開個間冇開，正好比個機會我試吓隔離果間。剛好是日午餐有 #乾炒牛肉意粉 ，正合口味，送例湯及熱飲，$44。例湯夠熱又大碗，又足料，雪耳紅蘿蔔都畀好多，味道唔錯唔覺有味精。炒意粉份量唔算多，不過牛肉就好多，而且好大塊👍 味道都幾好唔會過咸，整體都幾好食。熱檸茶就正常啦。屋企人叫咗腿蛋治烘底，雙拼$26，烘底再加$1，即係$27連熱飲。價錢比食開果間貴（$24），但質素就不及，都係老毛病，麵包烘完唔脆🤔@foodiehck2022#港飲港食平靚正 #熟食中心 #午餐

對上一次寫食評已經係年半前的事，今次寫食評係建基於對呢間食肆的感情，以前公司喺附近，海南咖啡就陪伴左我六年食早餐的快樂光景，之後公司搬走了，但間中都有返嚟食下早餐。 呢間茶記歷史悠久，有次聽隔離坐的一個80幾歲婆婆同我講，這店已經有60幾年歷史，之前喺中環，之後搬來呢度石塘咀街市，當時的老闆已經70幾歲，已經係第二代經營。 我大概年幾冇嚟食早餐，今日面目全非已經轉了手，十分可惜😔😔。幸好現在的食物是可以，種類當然比以前多，有套餐，以前南海咖啡出名的就是奶茶同懷舊公仔麵，沒有套餐只有散叫的大光麵，還有老闆個仔很有性格，對手錶好有研究，所以同我傾談甚歡，而老闆就十分風趣幽默，老闆娘就一個人在廚房頂住成間茶記的煮食💪🏻💪🏻👍🏻👍🏻。 現在名字依然一樣，但賣的食物已經全部不一樣了，不過食物還是十分不錯。

西環食飯嚟講價錢好便宜，麵加嘢飲都係廿零蚊。 又厚又多料嘅西多士都係20蚊，仲好飽添。等候時間好短壞處就係 ，如果唔係熟客嘅話就有啲麻煩，餐牌淨係寫咗好少，好多嘢食都唔係餐牌上面 。同埋你帶好多條友去食 嘅話，佢可能唔係好鍾意。另外你唔可以 催促個老細，唔係佢就會發老脾。

4月1號朝早十點左右去到個熟食中心， 揾到間野見到有位就坐低叫野食啦！ 點知個中年男伙記就出聲話:「唔落單，做唔切呀!」 我同個friend即時O晒嘴， 我心諗咪玩啦~早餐時段食早餐做唔切! 愚人節呀!咁好啦都一場嚟到又有位坐低左咯，諗著等一陣先至舉手叫落單啦！ 點知今次條友仔又係好鬼死大聲咁講 :「唔落單呀做唔切呀！ 第二度又唔係冇得食去第二度食啦!」( 今次仲大聲到全場望過嚟)個伙記真係成功倒老細米， 香港人真係壓力大😧。 最後我地都費事同佢嘈去左另一間食！

如果話想起香港搵地道嘅茶餐， 你可能會走去搵一間茶餐廳。 但係你有冇諗過，其實最正宗嘅係喺街市入面呢？ 大學嘅時候跟朋友你呢一間海南咖啡， 初初都會覺得老闆同老闆娘作為兩個老人家只係小本經營，冇咩expectation，諗住填飽個肚就算。點知， 叫咗一份西多同人share， 一個餐蛋麵同杯凍奶茶， 就改變咗我往後喺大學生活嘅飲食習慣。 佢嘅西多同平時茶餐廳唔同， 除咗即叫即炸之外， 佢用嘢材料亦都似係新鮮用雞蛋製造。 個面好似係普普通通， 但佢嘅火候啱啱好，麵身唔會太淋亦唔會太軟， 再加埋杯頂級凍奶茶， 你就會覺得嗰好滿足。完全冇誇大，你試過就知！

這裡載著很多我小學時的回憶，那時候學校就在附近，很多時候都是在這醫飽肚再上學去。一轉眼已廿年 味道依舊，人情味也在。這裡落單完全不用寫的，都記在腦裡，咁多年都不變！餐蛋米、奶醬多都真材實料~ 奶茶夠滑~ 價錢仲好相宜~~~ 唔洗$30

3月12日, 嚟到石塘咀街市, 己經係差唔多2點, 要搵野食真係唔易, 因為大多間茶記都收咗檔, 見呢間海南咖啡都有唔少人, 就坐低咗食d野先~::: 蛋牛治烘底 ::: $10開頭呀叔比咗份未烘底嘅蛋牛治比我地, 提佢要烘底佢仲好似覺得係我地錯咁… 塊三文治都算烘得脆, 但個麵包就好有趣, 好似係佢地自己將塊厚麵包片開兩半咁, 但厚薄極度參差. 入面d蛋牛餡唔係太多, 而且煎得太熟, 有d老嚡, 味道略淡… 係一份水準平平嘅蛋牛治…::: 餐肉麵 ::: $12個餐肉麵係用福麵, 幾特別wor, 因為好耐冇食福麵喇~ 感覺個福麵只係浸熟而冇淥過, 麵餅仲有d硬硬地… 個麵就只有一個味, 但係不得不提餐肉出奇地多! 竟然有4塊, 亦唔算薄~ 有煎過, 都幾香口, 唔錯~ ::: 西多士 ::: $11見枱枱都有人叫西多士, 我地都唔執輸~ 但係蛋漿唔夠多, 整體個蛋味唔夠, 似煎多過炸, 味道麻麻地~ 加上煉奶同牛油, 先可以另到個西多士味道好番d, 但係個底打唔好, 門面野點整都只能夠粉飾表面…::: 凍奶茶 ::: $9凍奶茶幾好, 奶味茶味均勻, 應該係用熱茶沖, 好處係茶味唔會

三月下旬‧晴剛吃過還不算太好的新開牛肉麵店，人倦倦的，來一杯熱咖啡就正好。這裡的咖啡夠熱，濃，苦而不甘，不算太好。但只是八元一杯，真的夠平。再上路。

星期六，終於可以睡得晚一點，還可以外出去吃個早餐。本來想去勝香園，但因為坐不到車，反而碰巧有落西環方面的小巴，就乾脆往西邊走吧。也有一陣子沒去石塘咀市政吃早餐了，有點懷念那種熟食茶檔的粗獷和街坊味，就到了海南咖啡。人多要撘枱，幸好同枱的不是喋喋不休的煩人，否則連吃個早餐都難以耳根清靜。只要了熱奶茶和奶醬多，並特別要求要烘燶一點。多士是真的夠厚，外脆但內不軟，反而有點粗糙，烘了有點摻口；奶醬看來下得慷慨，但其實味道不濃，花生醬更是沒有香味，可惜。熱奶茶較薄身，茶味比奶味更搶，味道濃郁，很醒神，熱呼呼的早上喝很不錯。吃完不盡善盡美的早餐，再坐了一會才離去；結帳，只是平均十六元。這樣的價錢，又再能要求甚麼？這裡的三文治看來也是厚厚的，好像幾好吃的樣子，下次有機會要試試。還有,這裡的即食麵雖然沒有濃郁的湯底，但是即叫即製熱到燙口的，也不錯。

朝早媽媽話見天氣幾涼，想去石塘咀市政度食早餐。老闆見到媽媽自動遞上一杯例排凍檸茶，之後佢叫左份少占油多，我叫左份醬占多同凍奶茶。醬占多-$5.凍奶茶-$13凍奶茶，好飲，至少好過個次喺蘭_園嘅失望凍茶。多士夠脆，醬占夠厚，好食。兩個人埋單都係廿六蚊，出品重好過咩咩出名茶檔，抵佢朝朝做到無停手。

海南係全石塘咀熟食中心裡面其中一間由熟食中心建成後做到而家嘅食肆(另一間係明記),的確係有原因嘅,就係佢地唔班門弄斧,賣嘅都係普通奶茶咖啡,但重要係沖得好,做街坊生意呢一點係最重要,抵佢長做長有~~

响呢個茶檔買杯「啡走」行街已經成為我呢幾年每一朝既指定動作。咁忠心係因為佢夠平、架啡夠香夠濃。番到公司成個 office 既人都知道邊個飲緊架啡，不過飲得多咁濃既架啡真係會好乾好燥熱的。

it was years ago when i had my first encounter with this DAI PAI DONG,and am now quite familiar with its simple menu: they serve only CHA CHEN TENG foods, think toasts,scrambled eggs,sandwiches and instant noodles-all at a low price.the environment was not too hot in summer and not too cold in winter as well, as it is semi-open;i especially like its scrambled eggs for tho it is simple,it tastes very well as it is always freshly made.i always order a bottle of vitasoy as my drink in the morning.r