影片
更多
2011-05-15
729 浏览
3月12日, 嚟到石塘咀街市, 己经系差唔多2点, 要揾野食真系唔易, 因为大多间茶记都收咗档, 见呢间海南咖啡都有唔少人, 就坐低咗食d野先~::: 蛋牛治烘底 ::: $10开头呀叔比咗份未烘底嘅蛋牛治比我地, 提佢要烘底佢仲好似觉得系我地错咁… 块三文治都算烘得脆, 但个面包就好有趣, 好似系佢地自己将块厚面包片开两半咁, 但厚薄极度参差. 入面d蛋牛馅唔系太多, 而且煎得太熟, 有d老嚡, 味道略淡… 系一份水准平平嘅蛋牛治…::: 餐肉面 ::: $12个餐肉面系用福面, 几特别wor, 因为好耐冇食福面喇~ 感觉个福面只系浸熟而冇渌过, 面饼仲有d硬硬地… 个面就只有一个味, 但系不得不提餐肉出奇地多! 竟然有4块, 亦唔算薄~ 有煎过, 都几香口, 唔错~ ::: 西多士 ::: $11见枱枱都有人叫西多士, 我地都唔执输~ 但系蛋浆唔够多, 整体个蛋味唔够, 似煎多过炸, 味道麻麻地~ 加上炼奶同牛油, 先可以另到个西多士味道好番d, 但系个底打唔好, 门面野点整都只能够粉饰表面…::: 冻奶茶 ::: $9冻奶茶几好, 奶味茶味均匀, 应该系用热茶冲, 好处系茶味唔会
::: 蛋牛治烘底 ::: $10
开头呀叔比咗份未烘底嘅蛋牛治比我地, 提佢要烘底佢仲好似觉得系我地错咁… 块三文治都算烘得脆, 但个面包就好有趣, 好似系佢地自己将块厚面包片开两半咁, 但厚薄极度参差. 入面d蛋牛馅唔系太多, 而且煎得太熟, 有d老嚡, 味道略淡… 系一份水准平平嘅蛋牛治…
::: 餐肉面 ::: $12
个餐肉面系用福面, 几特别wor, 因为好耐冇食福面喇~ 感觉个福面只系浸熟而冇渌过, 面饼仲有d硬硬地… 个面就只有一个味, 但系不得不提餐肉出奇地多! 竟然有4块, 亦唔算薄~ 有煎过, 都几香口, 唔错~
::: 西多士 ::: $11
见枱枱都有人叫西多士, 我地都唔执输~ 但系蛋浆唔够多, 整体个蛋味唔够, 似煎多过炸, 味道麻麻地~ 加上炼奶同牛油, 先可以另到个西多士味道好番d, 但系个底打唔好, 门面野点整都只能够粉饰表面…
::: 冻奶茶 ::: $9
冻奶茶几好, 奶味茶味均匀, 应该系用热茶冲, 好处系茶味唔会俾茶嘅冰冻盖住~ 但系d冰就融得太快…
充满旧式茶记风味, 因为落单煮野嘅都只系得2个老人家, 手脚系慢咗d, 野食都等得几耐… 仲要唔落单唔写低, 拎到出嚟唔记得就大嗌, 服务态度亦比较粗声粗气… 算得上是风味, 不过现实嚟讲佢地真系要揾番d年青人接班喇…
张贴
