海南雞專門店

营业中

休息中

每次行過太安樓，都見到呢間海南雞飯排哂長龍，每次都話下次嚟試今次終於的起心肝嚟慢慢排一次平日夜晚嚟，但條龍都目測大約二三十，排咗幾個鋪位好在又無想像中等咁耐，十分鐘左右就到價錢算幾抵，$40已經有基本海南雞飯另外叫咗個咖喱牛筋腩飯$52海南雞飯性價比高，雞夠滑，油飯夠香，份量都足，排隊係值嘅👍🏾

下午茶完隨即過太安樓行個圈！睇吓買啲咩做晚餐～同以前一樣人山人海！好多人呀！排隊嘅食店有4-5間，最多人嘅係海南雞、兩餸飯、粉果、炒麵！！而我首先選擇排海南雞飯😛海南雞飯$40呢度嘅海南雞真心好味！加埋啲醬汁令到個飯更加正！！性價比極高！！而且份量足！！雞腎$10有別於平時食開個啲！爽口又帶一陣雞嘅香味！正👍🏼👍🏼仲有送嘅湯都好飲！仲有冬瓜係入面架喎！

西灣河太安樓必食嘅海南雞飯，係太安樓名物之一。原本舖頭對面劃咗少量堂食位置，奈何疫情期間要關閉堂食區域，唯有外賣取走。今日已經專登揀咗平日嘅下午時間去買，但都有接近10個人排緊隊，前後都等咗差唔多20分鐘先買到，見到前面有唔少人都係半隻半隻雞咁樣買走。海南雞飯連冬瓜湯($40)，額外加多半份雞腎($5)，呢個價錢喺出面已經好難食到高質素海南雞飯，相當抵食。雞件肉質嫩滑、雞皮夠爽，飯好香口，話咁快就食晒呢個海南雞飯。舖頭仲會俾埋自家製辣汁，唔揀辣汁仲可以揀豉油或者薑蓉，

🇭🇰海南雞專門店·海南雞翼腎飯$30呢間我細佬好耐之前已經推介我食架啦 我食完超中意 佢呢個係細份啲既 但係女仔食都絕對夠曬 $40既海南雞飯就係飯盒size 超大份😈😈我超中意食呢間既飯 佢好夠熱 而且香得黎完全唔會覺得油膩 飯既質地都好好🍚之後佢個雞翼份量都好多 係真係有2隻斬件既雞全翼 開心 而且佢啲雞肉超滑 反而雞腎我自己就覺得一般般 佢唔係超彈牙個種 所以我覺得就咁嗌雞都得🐤😌題外話佢地落醬汁都落得幾重手 所以大家記住叫佢少汁啊 如果唔係食到底會有少少鹹🤭🤭🤣·📍西灣河筲箕灣道57-87號太安樓地下A32B號舖

見到大家去到太安樓都會食呢間海南雞專門店, 大食妹又點可以唔去試吓仲未見到海南雞專門店嘅招牌, 就已經見到大排長龍, 行近先知道係大食妹今日嘅target因為大食妹今日嘅目標好多, 只係嗌左份海南雞飯<海南雞飯>海南雞專門店嘅海南雞飯好香想轉雞髀嘅朋友可以加十二蚊, 但大食妹第一次嚟食就試吓個普通版啦海南雞飯嘅油飯好香, 而且粒粒分明, 濕度適中海南雞唔算特別嫩滑, 肥瘦適中, 中規中矩上高加咗酸辣醬汁、薑蓉同豉油膏, 味道亦都唔錯買海南雞飯仲送冬瓜湯, 裏面冇乜料, 但味道算係咁<山竹汁>見到佢有買山竹汁, 好奇係乜嘢味, 買來試吓甜度好高, 而且冇山竹味, 大家可以唔使試

本來是去了堅尼地城那間出名嘅海南雞飯店，點知入到去發現套餐只有打了疫苗的顧客才有折，朋友未打，心裏不爽，所以便坐港鐵去了太安樓這間道地小店。女店員裝飯裝不停，條龍未曾少過五個人，好彩搵到張乾淨嘅枱坐低，堂食全自助，靠食客自律保持清潔。講返雞，雖然總不能和星加坡道地的相比，但是在香港可以食到星洲海南雞飯，呢度算是最出色的了。皮肉分離，肉滑，啖啖肉，醬料也齊，$40一客海南雞飯,食過都唔會回頭食快餐廳果類唔三唔四㗎喇。小店做外賣為主，如果真係搵唔到位食，可以考慮行前少少愛秩序灣的公園快食。一定再嚟。

尋味西灣河 太安樓人氣長龍店 海南雞飯見到海南雞飯條人龍又忍唔住買一碗來品嚐而家佢有堂食,可以買完去對面既鋪位內用去骨起肉加上油飯仲送例湯雞肉嫩滑之餘，油飯有淡淡既雞油香，吃起來清爽粒粒分明附送一份冬瓜雞湯數量有限 用雞殼煮冬瓜,非常清甜順口!加上少許黑醬油，相當美味海南雞飯$40 雞脾飯$52 雞翼飯$30 咖哩牛腩$52 加底$5海南雞專門店(第二分店)地址： 西灣河 筲箕灣道57-87號太安樓地下A32B號舖平均消費$40評分7/10

之前，經過太安樓已見多人排隊。今天，決定買回家加餸。排隊：店舖外有兩條隊伍，因第一次購買，不清楚兩條隊的分別。結果，排了兩次隊，白白浪費時間。近店舖的隊是主要買飯。這條隊比較長，已過了兩間店舖，預排半小時左右。外面的一條是主要買半隻/1隻海南雞，預計十五分鐘左右。今天購買了一隻去骨海南雞($185)。去骨或連骨都是同價。雞的質感不錯，家人都稱讚。雞味道不太濃厚，都可以接受，因為現在的雞都是這樣。醬料有3款，甜豉油，酸辣汁和薑蓉。甜豉油和薑蓉都好食。酸辣汁一般，不太酸不太辣。店舖的對面舖位設有堂食，值得加分。除了買海南雞外，可額外購買白飯、油飯、雞內臟。總括來說，值得推薦。

👍🏻無骨海南雞飯 $40雞肉預先去骨，雞味幾濃，不過肉質唔算嫩滑😗油飯香而不膩，味道濃郁夠乾身，有驚喜😍黑醬油夠稠身，如果醬料比多小小會更好😝雖然雞既份量唔算好多，但嘆完個油飯都夠哂飽🤤味道：8/10性價比：8/10-📍#海南雞專門店西灣河筲箕灣道57-87號太安樓地下A32B號舖#hkfoodie #foodiehk #hkfood #foodhk #hkeat #hkrestaurant #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #西灣河 #西灣河美食 #西灣河好去處 #西灣河小食 #筲箕灣 #筲箕灣美食 #筲箕灣好去處 #筲箕灣小食 #太安樓 #太安樓美食

人數：2個（男女）日期：4月頭時間：2:00天氣：唔算熱咁啱要去個頭「又」俾人「建議」去食咁係好食嘅～我都覺得兩個脾飯 一個加雞腎 （鐘意可加）包湯整體評分：上 🍚🍚🍚🍚🍚雞：嫩滑，淡淡嘅雞味，有油香飯：好足夠嘅份量，不過有時食到好少未熟透嘅飯粒服務：全自助環境：幾間舖夾埋一齊嘅，一般般清潔：一般

海南雞專門店海南雞髀飯 $52加雞 +$10淨潤 +$10 （可自選份量）✨勁長龍我又湊下熱鬧排下，佢好在係有得堂食，掃左咁耐街可以坐下✨雞脾肉好滑，送左個紙杯裝既熱辣辣冬瓜雞湯好清甜✨略嫌個甜豉油稀左啲✨潤都好味，唔知係特登定唔小心仲夾左3-4舊腎俾我，都好好味 👍🏻

一早聽聞太安樓嘅海南雞飯專門店好有水準今次來到緊係要試一試店外大排長龍一睇就知應該好高水準招牌海南雞飯💰38$38簡直超抵呀仲可以加配其他滷水配料食落口雞肉非常之嫩滑油飯十分之入味份量不算多食完一碗啱啱好

呢間海南雞飯相信大家一定唔會陌生，太安樓入面最長龍都係佢啦。雞肉去左骨，雖然唔算好有肉味，但肉質嫩滑，加錢加左雞腎，雞腎爽彈，蘸埋薑蓉黑豉油及辣椒汁，份外惹味！油飯有雞湯及香料香味，粒粒分明，夠入味亦都夠乾身。份量大大碟，價錢唔算貴，值得一試。

呢間小店係太安樓入面，以前長期有條長人龍，加咗價之後少咗人食，不過我覺得水凖依然保持到。海南雞飯再加多份雞 ($40 +$10 =$50)好多年前第一次黎食係$25一碗，食食下就$28之後一路加價，加到$40一碗，好彩就係味道依舊，唔係都唔會繼續幫襯。啲雞肉好滑，而且調味調得好食。加份雞雖然加$10，不過加完真係啖啖飯都有肉食，真係食得相當滿足。我覺得呢個價錢同出面$80-$100既海南雞飯比，太安樓呢間真係好食好多，不過環境就真係麻麻地喇，建議堂食買翻屋企慢慢嘆。

疫情期間，成日都要食外賣。既然食就要食好啲，唔可以虧待自己！😂一早已經聽聞，太安樓嘅海南雞專門店好有水準！🤤🤤小妹今次就買咗份海南雞飯返嚟嘆吓。個人認為海南雞飯份量比較少，平時嘅外賣碗只裝滿約七成，勝在雞同飯嘅比例剛剛好。😎海南雞已經去骨，肉質嫩滑唔會好肥膩。🐣油飯嘅飯粒亦都係粒粒分明，食完唔會覺得飽飽滯滯。反而仲有種好想繼續食嘅感覺🤣個飯跟左一杯薏米水，清清甜甜同海南雞飯好合襯🤩溫馨提示！佢嘅醬汁係會落埋喺個飯度，想分醬嘅朋友記得問吓師傅喇！