海南雞專門店

营业中

休息中

想喺西灣河附近搵飯食 , 好耐無去太安樓 , 同老公去睇有咩想食 , 見到海南雞店排太長龍 , 我無心機等 , 行左個圈先買個包做明日早餐 , 之後再行多次見仲係咁長龍 , 老公叫我先搵左位 , 然後佢去排隊買飯啦 , 咁啱我等果枱大約5分鐘左右就走人 , 我都唔洗等好耐 , 我見雞飯有好多部位選擇 , 雞脾先$48 , 我要雞睥同配黃油飯 , 老公要雞胸 , 佢仲有埋雞翼 , 雞翼先有骨 , 無骨既雞脾啖啖肉 , 好嫰滑同彈牙 , 入晒味 , 配埋軟林林既黃油飯簡直係一絕 , 仲要係D雞夠熱 

自從吃過第一次，以後也沒有再吃過別的海南雞飯了。雖然我知道這樣寫只會令到排隊的人更多，但不老實一點，實在對不起這麼有heart的老闆、兒子及美食。我點了雞腎、老闆介紹埋我試雞肝，見佢咁誠意推介，我便試了，嘩！入口即溶！好好好美味啊！另外老闆也推薦雞腳，我也來了一份，的確很不錯👍🏻順帶一提：買原隻的是另一条隊。即不太洗排隊。不要告訴太多人啊！如果要第二天食最好從雪櫃拎出嚟放20分鐘再食，老闆個仔話最好唔好加熱，因為去咗骨，一加熱就縮嫁喇。

東南亞美食一向都是小妹的至愛，尤其是海南雞，但是在香港，好味的海南雞真是少之又少，唯獨是這一間位於西灣河太安樓這個美食集中地的海南雞專門店，小妹是覺得到目前為止覺得是最好食的。這家店經常出現人龍，顧客大多是排隊買這裏的海南雞回家加餸，由於生意太好的關係，這間專門店本身只有外賣，現在在對面租多一個舖位，以供堂食，今晚小妹就和媽媽一起專誠來到這裏食海南雞飯，還有本店推介的咖喱牛筋腩飯，就試試啦。 海南雞飯（ $35 ），並加送一杯冬瓜湯，雞的份量相對不多，不過味道依然保持水準，香滑美味，肉質鮮嫩，而且又油飯味道調味得宜，又不會太油膩。小妹平時和家人最喜歡到這裏買海南雞一隻，再回家作餸菜，今次在堂食還是第一次，雖然雞的份量有點少，但是勝在味道出色，感覺依然良好。 而另外的咖喱牛筋腩飯（ $48 ），咖喱是港式咖喱味，不會太辣，而且有香濃惹味，這個牛筋腩的份量相對較多，由於牛筋肉質夠滑但吃得多就會相對膩，所以小妹吃不完這個，如果份量可以和海南雞拉勻一點就好了。不過以這個價錢，性價比實在高，還可以有什麼要求呢？希望店能繼續保持水準！

海南雞好味 好多人排隊買外賣 排左3-4分鐘 對於大食既可能份量有d細 比多左8蚊加雞都吾係好夠喉 可以太好味A very good local hainan chicken rice. Cheap in price and very famous in the neighbourhood. Queued for 3-4 minutes and ordered the Hainan Chicken Rice with extra Chicken for additional HKD8. Portion still a bit not enough for people who eats a lot but indeed it is very delicious

排隊點餐 說了內用 給我外賣碗？？說我沒說 我一開始就說了好嗎 態度差還有 拿 戴著手套 的髒手摸食物， 這樣子還叫我買單我怎麼可能買單還跟還說要買就買不買就走， 真的一個服務態度很差的爛店 今天不是看你們有位置坐，我才消費，又不是說多好吃

去親太安樓都一定會停低排隊買嘅海南雞飯，今日都唔例外，襯未到食飯時間就即刻去食左先！😋😋之前就食開最平果隻海南雞飯，覺得已經好唔錯，所以今次就試下貴少少嘅海南雞脾飯，睇下同35蚊嘅有咩分別💁🏽‍♂️💁🏽‍♂️排左十分鐘左右，熱辣辣嘅海南雞脾飯就到手啦，因為唔記得講堂食嘅關係，所以就比左外賣嘅盒裝住。個人感覺外賣盒好似細份過堂食嘅碟。鋪頭對面係可以坐低用餐嘅鋪仔，買完可以拎過去食，又有冷氣唔怕食到成身汗！👍🏻海南雞脾肉食落好滑冇乜脂肪仲去埋骨，緊實有彈性，配埋醬油薑茸黎食真係一流，但雞就冇咩雞味，同埋雞份量偏少。🙊🙊最鐘意反而係個油飯，油飯色水自然望落唔似出面落左色素果啲，食落好入味，唔太咸又唔會好乾，覺得比雞更有雞味。😮😮下次都係食返35蚊果隻抵啲😆😆

海南雞飯嚟到西灣河太安樓，當然要試吓平價海南雞飯。價錢$35 ，呢個海南雞飯性價比都幾高嫁。呢啲飯有雞，啲雞仲要係無骨，飯呢就係黃油飯，仲有呢啲三色醬油。而且佢仲送埋一個冬瓜湯俾你飲添。雖然個飯外表就平平無奇，但係食落都唔錯架。 啲海南雞都算滑，但係雞味就不多，但係啲醬油啊薑蔥啊都幾好味。個飯呢都幾大碟，都有少少雞油味，都幾好味架！個湯都幾好呀，有冬瓜味，都幾解渴幾消暑架。佢有間吉舖係自助用餐區，除咗外賣之外可以堂食，環境都唔錯，個個食客都將自己食完啲垃圾抌落垃圾桶走人。總括來講$35海南雞飯都算唔錯㗎啦！

係港島區返工，平時食個飯閒閒地冇$50 都落唔到樓，所以緊係寧願搭$3電車去遠少少食平啲啦！今次就搭左幾個站丁丁黎到太安樓，食平價海南雞飯！話明食平啲，緊係揀普通海南雞飯算啦，性價比都幾高喎！一碟飯有齊雞、飯、三色醬油、湯，雖然賣相平平無奇，但$35 仲要求咩呢？海南雞都算滑溜，雞味就冇咩，但醬油搭夠同埋勝在冇血水。反而幾鍾意個飯，大大碟，又有啲雞油味咁，正！個湯都唔錯，好多出面一般既所謂湯，其實好似洗雞水咁！呢個湯就有味又有冬瓜，抵讚既。環境又算可以喎，對面有吉舖係自助用餐區，個個食完自動波倒垃圾走人，所以我地一行五人，都係等左5分鐘就有位。總括黎講，$35+$6來回車錢，諗唔到咩理由要負評呀！

講到太安樓有咩係必食不可，呢間海南雞飯絕對係最多人推薦，每次嚟到都會見到大排長龍，雞油飯做到好好，好香，海南雞冇骨，而且雞肉嫩滑，配埋薑蓉同黑醬油真係好好食，只係雞的份量太少，完全唔喉

今日冇嘢做去西灣河揾食，見到一直都想試一試的太安樓海南雞飯，一於排隊買份試試。今日平日好多人排隊。好彩個收銀姐姐超勤快，排左10分鐘就到我，叫左個海南雞飯加一塊雞膶。 油飯好香，醬汁都唔錯，甜甜酸酸幾開胃😋 雞普通，唔係好滑。飯有少部分熟唔透有D硬。雞膶囗感一流，可惜有小小苦味，處理得唔夠好😔買飯仲送一杯湯水。飲得出是鮮甜足料，有一粒粒冬瓜肉係底。整體來講，水準中上，同美心海南雞飯比略有不足，但咁的價錢性價比已經好高。可以一試，但仍有改善空間。

星期日訓醒先黎太安樓搵食，諗起次次經過都排晒隊、做到無停手ge雞飯！今次一於試下，十二點幾黎到，前面排緊4-5個人，可接受！發現對面有間舖仔有幾張枱坐低食係呢幾間小食舖夾份ge，位置唔大，但可以坐住食、有冷氣已經好開心！叫左雞脾飯比老公$48，去左骨。我鐘意食雞翼，就試下佢個雞翼腎飯$28，朋友話一定要加半份潤！點知佢話d腎未煮好，咁唯有要埋潤雞皮爽滑，雞肉無雪味！d潤好鮮甜！好彩有加半份！油飯剛好唔太油唔太咸！其實加d麻油就似台灣鹽水雞，d青瓜可以爽脆d啊～另外加左枝紅石榴雜果汁，唔似有雜果？似超市買果d

住左係依邊咁多年，由佢未岀名開始食，見住佢由$25加到$28再加到$30，但係都係覺得物超所值，咁多年來味道都無變過，都係咁好食。雖然雞飯有加價，但係佢加料個啲就冇，例如加雞一直都係$5。佢會包一個冬瓜湯，自從飲過一次之後我就冇再叫佢俾埋我，因為我係一個重口味嘅人，佢個冬瓜湯適合健康人士飲，極度淡，但都可以證明到佢係冇落味精。佢係12點左右就會開始多人，好多學生都會去排隊買來食，大概都要等15-20分鐘，如果想食就盡量避開呢啲時間喇同埋太安樓冇冷氣同好焗，排起隊上嚟都幾辛苦

慕名而來依間海南雞專門店。星期天中午黎到，條龍排到出去太安樓門口。排隊之前提提大家要睇清楚，小心吾好排左去隔離買兩餸飯既隊。而且，海南雞專門店本身都有分兩條隊。一條係for買海南雞飯既，一條係for買成隻or半隻雞既隊。排左20分鐘左右，終於買到。你可以揀堂食or外賣。我地就堂食。登! 登! 登! 海南雞飯，$35。附送一杯雞湯，飲落吾油、吾味精，清清地，有少少雞味。有兩款醬，一款係豉油薑，另一係泰式酸辣醬。食海南雞緊係要配豉油薑啦!個香油飯做得幾好，香而不膩帶淺黃色，飯的質感有彈性，沒有太乾或太濕。而且量十分多，岩曬未食lunch既朋友仔。但雞的分量真的很少。吾知道係吾係因為太多人排隊的緣故，怕吾夠雞用。只有數件雞，最尾真係要用豉油撈飯。雞真的做到皮爽肉滑，雞肉嫩而香，雞味新鮮。

每次經過太安樓都好想食呢間海南雞， 但成日都見到好多人排隊就放棄了。今日經過見人龍唔算好長就再次試試。其實店面好細，店家租左對面鋪座位供食客堂食，但數量不多，所以好多人都係會外賣拎走。我叫左一個海南雞飯加雞翼，一打開可以見佢成盒好似的的式式甘以為唔夠食，其實都好多，雞上面鋪左少少辣椒醬汁、豉油及薑蓉，睇落冇咩特別，但一食就覺得好正。雞其實本身已經有少少味，肉質嫩滑，加上個汁配在一齊食，真係好正。個黃油飯好香，粒粒分明。價錢又算平，$30蚊一盒都算平，加面就再多$8蚊。佢仲會連埋個冬瓜湯比你，個湯仲好好飲添。

見今日天陰陰，悶悶地行去西灣河食雞。呢間海南雞專門店就係西灣河太安樓內，祇限外賣，因為抵食(最初祇賣廿蚊咋)，很快打响名堂之後就賣$25，$28，$30…，經常排好長條龍，要半粒鐘先買到個飯。今日我11点半未夠就來(間店開11点3)，已經有幾個人買緊飯(犀利)！年頭個時先重係$3O，而家又加咗5蚊，變成$35，不過咁，今時今日，呢個價，重有例湯送，唔算貴啦！個飯量幾多，但雞肉就少啲，皮多過肉，唔多夠食啝。應該係雞湯，冬瓜唔算少，湯味濃郁！較為硬和油些少，一般般。雞肉去咗骨，雞無雞味，胸肉嚡口，如果揀雞脾飯，價錢就唔同，盛惠$48。反而青瓜晤錯，幾爽脆。而家重有埋自助堂食真心講，海南雞唔算話特别好食，祇係不過不失，雞油飯唔夠香軟和油咗啲，不過以$35嚟講，又送埋冬瓜湯算係咁。我俾3.5-4星喇！