海南雞專門店

营业中

休息中

下午茶時間想食得light d，又咁岩黎到西灣河呢頭，第一時間去太安樓搵食xdd次次黎到都一定會去食呢度既海南雞飯！黎到都一定見到有人排緊隊👀👀以前淨係可以外賣拎走，但宜家可以去隔離堂食👍🏻👍🏻方便左一眾食客！個人認為，呢度既海南雞飯比其他既出眾、好味、抵食，值得再黎😋😋呢度既海南雞飯一向都唔多，雞既份量都較少，但肉質嫩滑，有雞味，飯粒幼細，充滿雞油味，粒粒分明，醬汁都美味，同成個飯非常夾。

太安樓的招牌海南雞飯，他們提供普通海南雞和海南雞髀飯。本身覺得兩者味道上不會有大分別，可惜來到時只剩下雞髀肉，唯有試下海南雞髀飯。油飯有點鹹，飯粒可能都因為油份過多的關係變得黏身。因為是街頭小食，所以不會太多要求，但如果醬汁可以令上就會更加好。海南雞肉肉質鮮嫩 ，而且有油香，食落亦都不會有碎骨，是不錯的廉價晚飯選擇。 第一次試了他們的橄欖汁，感覺頗清新，甜甜酸酸的，最好用來清清海南雞的油膩感。橄欖汁的橄欖味其實偏重，所以各位要有心理準備，但作為開胃的飲料確是不錯。

要數好味的海南雞飯！在我的龍虎榜上！這一間店常列榜首！從前在附近上班，買外賣回公司吃，是方便的！然而這一次重遊舊地！堂食的鋪位，也的確是方便了我們這些外來人，即席品嚐！無可否認！這店的海南雞的確出色！即使平日不吃雞皮的我，也忍不住吃了兩塊！雞皮沒有肥膏、清爽、軟滑！雞肉幼嫩！但雞肉份量太少了！但雞肉份量太少了！但雞肉份量太少了！重要我要說三遍！雞油飯，充滿油香、黃薑味濃！隨碟有兩款汁！（鼓油和甜酸）亦伴有薑蓉！本人至愛甜酸汁！特別開胃！此外還有兩片青瓜附送！同樣清爽！買飯還有冬瓜湯附送！不要少看此冬瓜湯！香濃入味！（應該是用雞熬製）冬瓜軟淋！整頓飯！一切都很出色！除了！雞肉份量真的太少了！有衝動單點一隻雞腿！滿足一下口感！

要說說對上一次到太安樓享受美食，應該超過一年的事。嗰時太安樓還並非有名氣。但自從有某媒體公司介紹過太安樓內有很多美食後，很多檔都有一定嘅人正在排隊。不過真的要講大排長龍，一定要講講呢間店啦。而呢間店專賣海南雞飯。它的名字叫海南雞專門店。點解會大排長龍呢？我諗是明星效應啦。以前的它並非出名，只是普通的一間小店，再加上只有外賣，沒有堂食。不過今次食亦是因傳媒的影響下，才考慮食此店的海南雞飯。看看價錢後，海南雞飯的售價不太便宜，尤其是加一隻雞全翼要12元，貴到。。。。。不懂得說。不過雞有雞味，肉質嫩滑，黃油飯都香，醬汁亦不太差。唯一嘅缺點就係整碟飯嘅份量相對小。如果要加飯亦要加錢，加雞亦必定要加錢。如果為了它的海南雞而到太安樓，我認為不必啦。始終呢間嘅海南雞並非傳媒所講得咁出色，只是明星效應吧。

要說說對上次到太安樓享受美食都有一年前的事。嗰時太安樓還沒有咁多人龍排隊買嘢食。自從有某媒體公司介紹過太安樓內有很多美食後，很多檔的小店都大排長龍。如果真的要講大排長龍，一定要講講呢間店啦。而呢間店專賣海南雞飯。它的名字叫海南雞專門店。點解會大排長龍呢？可能是明星效應吧。以前的它並沒有堂食，要食到它的首本名菜必定要自取外賣到回家才能品嚐到美食。想唔到依家能夠提供堂食這個服務。不過今次食它的海南雞飯確實比以前加價了不少，或許要租兩個鋪位啦，要維持收支就唯有加價。不過加價後，幸好水準沒有下降，雞有雞味，肉質嫩滑，而且黃油飯很香。唯一嘅缺點就係飯同雞嘅份量相對小，份量小得一位女士食後都覺不飽（不是大食量的女士）。如果要加飯亦要加錢，加雞更加不用多講，必定要加錢。如果刻意為了它的海南雞而到太安樓，本人就認為不必啦。始終呢間嘅海南雞並非傳媒所講得咁出色。

之前提到我返工既目標係食晒港島既好西！所以今日就去遠少少 去太安樓買午餐～其實鰂魚涌的確係好多好野食，點解我要搭的士去咁遠買飯呢？就係因為一個字，貴。鰂魚涌果堆比OL食既餐廳太貴啦，下下都70幾蚊80蚊。我真係handle唔到。我計過，我搭的士去太安樓食飯呢都平過係鰂魚涌食足！足！一！半！下就一點幾，鋪頭已經好多人排隊，都真係幾多上班族黎食，可能係太古城返工？但邊個有我咁神心先？我諗就未必有了～如果想堂食係可以既，就係鋪頭對面，佢有個鋪仔比人堂食。話明鋪仔，我梗係爭唔蠃啦。所以就買外賣算數！見唔見到？ 三十蚊一個飯。罕見度直逼米埔d黑臉琵鷺啊！轉眼間已經返到office。真係要讚呢個飯。首先，分量好夠。我呢碗叫咗少飯既，佢本身仲多飯！佢既雞量好多，夠我餸晒成碗飯。而且，係比錢既時候先知有湯送嫁！我呢個係雞骨煲冬瓜湯，我朋友既係薏米水。應該就係隨機的。即刻慳返野飲錢！一讚：個油飯好香，粒粒分明，唔會太硬或太淋，食得出唔係cheap米。讚！二讚：雞件好食。去骨呢d都基本啦，佢隻雞無雪雞味，都幾新鮮，但要睇隻雞咩料，識睇一定睇塊皮。雞肉同皮之間無肥油，塊雞皮厚薄適中，滑，仲有好香既雞味～～～

來到平民美食天堂之一的太安樓，在芸芸眾多食店中外頭有很長排隊人龍加持的海南雞飯店，可見這店應該有別具一格的地方。這次選擇了一客馳名的海南雞飯來堂食，堂食可到對面鋪，是用自助的模式運行，需要食客要自行將餐盤清理。這裡的海南雞飯用的是油飯，油飯很香，很乾身，沒有油膩的感覺，這個油飯已將整個飯的層次提高不少，雞肉雖然算不上多，但雞肉嫩滑非常，沒有多餘的油脂在雞肉上，以一個30元的海南雞飯是很好的水準啦！

- 數個人排隊都要人等10分鐘 - 轉為堂食，俾一蚊，但將個外賣既飯照版轉碗放係個碟到？咁我俾個一蚊加個服務係要黎做咩？ 堂食個飯擺明多過外賣架bo？-  話有水轉頭話冇水供應，又係今天的你推倒昨天的你？- d 雞我淨食到有豉油味，冇其他味，你俾哂d醬落去都得豉油味- 如果唔係要再排隊 又係得幾丁友 可能都要半個鐘，我會將伊推垃圾放係佢垃圾桶到加個服務等同於原本咁 咁我加個服務黎做咩？ 要杯水，叫人去廁所自己搞？ 請問你點做生意的？ 唔會再光顧 直接掉係垃圾桶d野食啦 服務值得俾負分

因為太安樓太出名，自己都未曾去過所以我們決定出走一趟，因為太安樓太出名，自己都未曾去過所以我們決定出走一趟，去港島覓食😝這家海南雞專門店好出名，而且很多人排隊，大家可以選擇堂食或外帶，如果堂食要特地跟店員說的！這次我們叫了海南雞飯二份，一個加了雞腎，一個加了潤，味道我覺得挺不錯，CP值很高👍🏻👍🏻

提起筲箕灣太安樓，不少人都會想到賣海南雞的那小店。我朋友聽我說想吃海南雞，也推薦我吃這家所以這個週日，我們就特地來到，外賣一個海南雞飯到公園吃果然是熱店，店外有十多人排著隊等買雞飯。其實小店對也有一個小店位供客人堂食，但位子不多。海南雞脾飯加雞腎($48)：普通雞飯的售價是$30，要雞脾要加$13，相差還不少，但怕雞肉會乾或靭，所以要了雞脾。雞脾已去骨，食用方便，肉質嫩滑不過除了雞肉，飯也是海南雞飯的一大精髓。這碗飯的份量不少，但可惜嚐不到雞油香味，反而蔥油味重。個人認為，這飯比較像平日吃到的蔥油雞飯，不太impressive。

以前住港島區飲飲食食開都知道太安樓係平民美食集中地，同荃灣路德圍、葵廣都係平民餐廳既必到check pointsssss!今次路經此地，就去左排晒大長龍既海南雞飯店。食開海南雞飯都知，尤其去開九龍灣返工都知食個海南雞飯都要至少50蚊以上。而呢間只係賣緊$30，即係話佢個價錢仲係十年前水平，所以我唔會要求太高。講返個海南雞飯，師父斬雞速度都好快，排左大概5-8分鐘已經拎到自己搵位食。醬料都做足有三色醬，油飯份量都冇問題，重點海南雞係完整地去骨同埋雞油味充足，唔會覺得難咬多筋！另外我加左少少雞腎，口感互相搭配感覺唔錯。要知道街外好多海南雞都係求其俾一款醬、冇油飯白切雞當海南雞去博大霧，呢間真係性價比最高既海南雞。

有時放假都會行去鄰近西灣河站嘅太安樓買嘢食，買半隻海南雞($82)另加雞腎(+$5)返屋企做餸，亦試過加碗油飯外賣($15)，雖然呢間舖頭加過好多次價，不過價錢仍然比起好多有賣海南雞飯嘅店舖嚟講，真係唔止平咁簡單，啲雞肉仲滑好多，配埋啲醬料，簡直就好味都無得彈。如果唔想買半隻雞咁多嘅朋友，我都會建議佢哋可以試下買一個海南雞飯，可以坐係對面間舖位堂食，當然亦可以外賣，價錢都只係$30就可以知道點解有咁多人要排隊啦，而且身邊亦有好多朋友住係對面海都過海嚟買海南雞飯，又一證明真係平靚正！

西灣河的蘇豪東好多人都聽過，但西灣河真真正正的（街坊版）美食發源地非太安樓莫屬。太安樓地下是一個非常舊式的小型商場，業權非常分散，早年又管理不善（甚至可能無法有效管理），環境非常惡劣，無牌小販佔據商場內的通道；由於是私人地方，政府各部門無法作出檢控。印象中，直至10多年前，通過政府各部門、區議會及時任的大廈業主立案法團攜手協力整頓，情況才得以受控。直到今天，這個舊式商場的環境總算得以為人接受。講開又講，太安樓極有可能是香港第一個「劏舖」商場，最少有幾十年歷史！近日經常在西灣河出沒，決定逐步進擊太安樓。今晚因緣際會一家三口要食外賣，就由筆者這個一家之主肩負起買外賣的責任。於是，同一晚進擊了太安樓三間食店。小女兒對飲食有點要求（其實即是揀飲擇食），太安樓內的眾多食店當中，應該只有這一家「海南雞專門店」啱她胃口。將近走到店舖，已經見到一條10多人的小人龍。外賣檔口細細個，非常典型的太安樓「劏舖」，大部份面積做了廚房，剩下的空間只剛剛足夠安置一個斬雞的砧板位；其實砧板位已經佔據了商場行人通道，只不過管理公司沒有嚴格執例吧。雖然鋪頭細細，人氣一點也不輸蝕，既有香港本地雜誌訪問稿，也有電視演員專程

太安樓的小食有不少，當中大部份是屬於「ok la」的水準，雖然是港島東的美食地標之一，但始終還是做街坊學生的生意，成本要控制下也算炮制得不錯了，在太安樓外，還有許多真的無heart的店舖在。這裏的雞飯，完全是異數，甚至可以一爭香港最好的海南雞飯，以前買一碗就在外面站著食，現在擴充有了桌椅，更加沒有不來的理由海南雞飯，最重要當然是飯，用浸雞水/雞湯和雞油煮岀來的食有著全部雞的鮮味，味道效淡的雞則可以沾醬汁來吃，這裏的飯真是沒有可挑骨頭之處，坊間的海南雞飯名店也不是每間都能做好兩者。這裏收平外面一半價錢，質素卻不止好上一倍但真正最岀色的，是這裏的雞雜，尤其是雞肝。這裏賣的雞肝真的是無敵，甘香豐腴，絶無半點苦或鞋口，是比鵝肝美味的雞肝，加上火喉和味道都剛好的雞腎，只是賣5元，5元！其實賣得二十多元一碗，在成本上也知道沒可能用上極好的材料。但實力就是在這種情況下更能體現，用普通的材料做岀星級的味道。 這裏，可能是香港性價比最高的餐廳

平！平！平！如果俾＄30你去食晏，你會有咩選擇呢? 在於我嘅所知除咗老麥同大學嘅頹飯之外都真係食唔到啲乜嘢. 但而家話你知＄30可以食到個海南雞飯,仲要係喺港島區，真係講都無人信.地點就腳呢間野叫海南雞專門店，已經開到第二間分店. 佢嘅位置一啲都唔難搵，因為就係出名多嘢食嘅太安樓地下就可以搵到佢. 而太安樓其實就喺西灣河地鐵站A出口一上就見到.太安樓唔係好大，兜一個圈就會搵到呢間海南雞飯，因為永遠都好多人排隊. 雖然條隊長,但都係等10分8分鐘就已經排到你. 仲要係一兩分鐘之內,佢就已經可以比多個飯你.真係好啱食飯時間唔多嘅打工仔黎食晏。你可以選擇外賣或者對面嘅食堂進食。食堂𥚃大概有20張凳左右, 但大多時候都是滿滿的，不過唔使等太耐都會等到位。食堂嘅環境都算乾淨企理.重質重量雖然價錢平，但佢個飯一啲都唔馬虎.呢一個油飯油份充足，每粒飯都平均地沾上了雞油,十分香口. 而飯的份量中等，對於附近返工嘅OL來說，應該會夠飽. 佢個海南雞至係重點所在，肉質嫩滑，好有雞味；雞皮爽口又唔算太油.而且佢切到細細舊,好易入口. 而佢嗰醬汁有甜酸醬，黑醬油，同埋啲薑蓉作調味，冇咁單調.不得不提的就是對過