海南餐廳

营业中

休息中

同朋友一齊食午餐，叫咗個海南雞飯，同凍0茶，覺得不錯。海南雞飯份量：適中，較多雞胸味道：好價錢$65餐湯份量：適中味道：好沒喝到味精味價錢$0凍0茶味道：茶的味道不會很苦澀味

返工飯堂之一，lunch牌既喇沙，炒野基本上都係伏，唔使試😅 咖喱合格🤏佢主打既海南雞飯我成日食，一份雞有脾胸背雞翼，份量就夠既，肉質清甜，雞胸肉大條爽滑幾意外，食佢雞既原味btw一定要配佢個油飯食.另外可以轉做全份雞脾服務就一般茶記水平，清水自己拎吧啦入門口最好問定佢有無油飯，成日都賣曬😅

呢排成日出街食飯，食D油膩食物，所以今日lunch都想清淡少少。之前我試過呢度嘅叻沙，不過就麻麻地，無奶香味，唔建議食。今次我係午市套餐入面揀左雞絲生牛肉湯河，之前通常係春捲生牛肉河。湯河黎到，無論係生牛肉定係雞絲，都比我想像中多。另外附一碟辣椒絲，加落去惹味好多。只是湯河有少少唔夠熱，生牛肉要浸落少少先完全熟晒。$48配一杯熱飲，凍飲加錢，不過不失。

有咁大隻曱甴在咖哩汁度..都冇咩好再講..我食緊啖飯真係lur都lur唔切。食物入面出現呢個size既小強都幾離譜！好嘔心....當日係下午茶時間，人唔算多，叫左個咖喱牛腩飯，好快有得食，食左幾啖發現牛腩唔熱，凍既..？我向侍應反映，我話「唔緊要，翻熱便可以。」翻熱完我再繼續食，點知攪多幾下個汁就見到條屍，手長腳長，嚇到我呆左...我只想離開個兜飯，諗起都好想嘔。大家食野之前都真係要睇清楚。如果係眼力唔好/無為意，已經食左落肚🤢🤢🤢⋯⋯

跟同事今日試吓公司附近未試過嘅餐廳，突然見到呢間海南餐廳未食過，就即管一戰。下午茶來講喺葵興區算抵食，大部份都係$38-39 內而且有飯有面，都唔錯。咖喱牛腩飯 $39份量非常大碟！牛腩亦非常多，完全足料，食到最後反而飯唔夠添。咖喱湯汁一開頭食落幾好，但食食吓覺得有少少鹹🤔另外同事叫咗香茅雞翼飯 $39香茅雞翼飯的雞翼係正常份量，一開頭比較期待試蔥油，但有少少失望，蔥花唔夠香，冇平時香口，食完想繼續食嘅感覺。而且蔥花份量唔夠多，唔夠撈飯😂基於價錢夠實惠，會再光臨，而且菜式選擇非常多，下次會再試新野！

香茅豬頸肉叻沙🍜 $55就咁睇碗叻沙已經覺得好濃😗湯底好有椰香 睇落辣但其實唔辣 不過少鹹佢有6嚿大大嘅豬頸肉 仲有索曬湯嘅豆卜加埋佢招牌溫泉蛋🥚幾足料🤩小編唔太中意濃嘅香茅味 呢到嘅就岩曬食同聞都唔太覺香茅味😛可能係比叻沙蓋過左平時中意叻沙又重口味嘅朋友可以食下😂

我呢邊返工啲，呢間餐廳都已經食過好多次，作為返工嘅食堂，覺得都係一個唔錯嘅選擇。覺得佢啲手撕雞喇沙都好好食。不過今次都忍無可忍，每次外賣落單嘅時候收銀都係態度勁差，彷彿好似得罪咗佢咁，成日都鬧人。我已經係非常有禮貌同佢解釋咗好多次，但係都好似不停咁俾人鬧。所以無論幾好食都唔會再食，無謂受氣，你話嘢食好好食都話何況嘢食都冇乜特別。 葵涌區選擇都唔算多，之前覺得佢態度差算，都選擇繼續幫襯。而家食物嘅質素都開始下降，東西都係唔夠熱，絕對唔會再幫襯了。

由於之前工作關係，會係葵芳區覓食比較多。路過呢間餐廳，發現雖然睇落殘舊，但好多客人幫襯。地方都算大，但衛生情況差少少，每張枱之間嘅空間唔算闊落。河內生牛肉河粉＄35我地係下午茶時段去食，我叫咗呢碗河內生牛肉河粉。原來都幾細兜下，食完都真係唔太夠飽。成碗野個感覺都幾有越南風味，上面鋪咗唔少香茅葉，都幾大塊。仲有洋蔥絲，加埋聞落係幾香，可惜河粉索唔到味，唔夠入味。湯底亦普通，清淡為主。生牛肉算不錯，唔會太薄身。放於熱湯中灼一灼會變半生熟牛肉，軟韌得宜。熱檸茶無咩特別，純粹唔想加錢轉凍飲，熱飲好似健康點。不過呢杯澀味偏重，飲咗幾啖就好難再飲落去。所以即使只係細細杯，我都飲唔到一半。

lunch 同事話想食喇沙，於是由佢帶路。門面完全都不起眼，好暗，好像沒有營業那樣。就連同事都以為行錯了。入到去，餐廳都好大，好多位，食物選擇亦多。我點左喇沙，同事分別選了肉骨茶﹠海南雞飯。喇沙不是正崇兩款面，但個湯底不錯，我差不多飲哂，名叫大蝦喇沙，但只是普通　size　only, 不過有6隻。肉骨茶藥味欠奉，海南雞飯都不錯，份量全部都好大份，價錢亦便宜。唯獨餐廳抽風很差，食完成頭都充滿油煙味！

Lunch時間人多都預左，其實食野最緊要都係食物。題外話，呢度係某電訊飯堂，所以人多真係一定要等位。叫左個春卷撈檬，賣相無特別，只係春卷勁細，只有4粒；收52蚊唔連野飲就有啲貴。春卷，炸過龍，好硬。最大問題係啲餐具，好大漂白水味！檬粉份量唔多，我就唔太夠。同事食越式牛肉飯，其實係干粉牛河咁，唔知點越式。野飲，正常囉！熱檸水會有啲咩問題？但係，又好勁漂白水味！好老實，真係唔會再幫襯。又，期間有啲著住「南北小館」既人行來行去，睇黎又係同一店分兩間。

*泰式豬手飯($58)推介畀咁多個人 feedback都係👍無論皮定肉 都係軟腍腍送飯一流 勁好食😋*香茅豬頸肉飯($58)d豬頸肉好爽 同埋厚切大塊海南雞飯($63)雞肉幾嫩 唔太肥羊肉飯($68)可以一試 有枝竹 冬菇墊底肉骨茶($60)冇咩特別 正正常常星洲炒粿條($58)感覺食緊星洲炒河馬來咖喱雞飯($58)咖喱好香 後勁有d辣 撈好多碗飯——————————————————————————————小食篇:*芝味牛肉卷($40)切開咗8件 真係拉到絲 推介推介*越式炸蝦餅($42)蝦餅 外脆內彈牙越式春卷($38)一般 可以留肚試第二樣——————————————————————————————冇加一堂食: 12點半前入單, 午市套餐飯粉類-$8~$10外賣/自取: 11點後每款午市套餐-$10——————————————————————————————海南餐廳葵涌華星街1-7號美華工業大厦B2舖

我公司喺樓上，所以成日 都幫襯 ，雖然呢間係 普通茶餐廳，但係都有好吸引嘅嘢食， 我覺得最吸引算係咖哩牛腩飯， 而家 好少茶餐廳 做到好食嘅 咖哩， 但呢間嘅價呢回頭率好高, 夠辣味，有椰汁味， 汁 唔會太稀，撈飯好正。牛腩有時會較瘦，但好多時叫呢個飯都肥瘦均勻，茶餐廳黎講算係唔錯。另外一讚呢度凍檸茶，茶味濃，唔多冰，所以次次我都會叫一杯。值得一提係呢度既侍應反應都幾快，唔會叫極都唔應，但有時的確太少職員，餐廳大，有時有需要就搵唔到人。

每季返工都有機會遇上不同的組長，感恩呢兩季返工的組長喜歡幫組員爭取一天留在office整理問卷，並順便請大家午餐。是日我們便到附近工廠區呢個樓上位的餐廳午餐，但睇餐牌感覺唔算平，但勝在有樓上位可以坐，大家閒談而不被催趕~~~我叫咗肉骨茶米粉，感覺唔到肉骨茶果種好重的楜椒味，感覺跟普通咸湯冇分別~~~而食羊肉的同事就好好咁讓我們一人試一件羊肉，感覺羊肉未重而唔「蘇」，真係極力推介~~~不過我意想不到飲熱柚子蜜要加$12，價錢好似冇咁合理，如果下一季再做，我自己唔會花錢幫襯呢間價錢貴dd的餐廳😂😂😂

送餐大叔對手摸完面，摸完鼻，手指插入湯河粉給你吃，很可怕..............................

葵涌一帶近年多了公司進駐入來，連帶多了一些新的食店開張。香茅豬扒飯豬扒夠入味，不會太油膩，肉質不算新鮮。調味方面頗香濃，蔥油略為不夠味，整體水準算不錯。另有一碟豬扒豉油，用來撈飯不錯。香茅豬扒撈檬檬粉不會太腍身，撈檬的調味汁是平常食慣的味道，也夏天是不錯的選擇。凍檸茶與一般茶餐廳無分別，ok。午飯來說價錢不算平，但中午1230前落單有優惠，平均平10元左右，以五十元左右來說算不錯。