影片
营业时间
今日营业
12:00 - 20:30
星期一至日
12:00 - 20:30
以上资料只供参考，请与餐厅确认详情
住西环好几年了，经常帮衬呢间位于西营盘嘅小店，距离地铁站只需约3分钟步程，位处皇后大道西与正街之间，地段热闹，四周食肆林立。🍛 主打招牌：去骨海南鸡饭｜下午茶套餐CP值高餐厅主打招牌去骨海南鸡饭，另外亦有红烧状元蹄及红酒烩牛尾等招牌菜。我自己已经唔止一次帮衬，平日中午会买外卖，出餐速度快，适合赶时间嘅上班族；堂食有时要等位，但轮候都合理。今次就试吓佢哋嘅下午茶套餐，比起全日套餐，份量上可能鸡件少一点，不过白饭、汤、配料基本无差，CP值依然好高。🐓 海南鸡处理得非常出色鸡饭系成个餐嘅灵魂，呢度嘅鸡饭香气十足，采用多种香料调配，唔太油腻，吃落冇味精感；而去骨海南鸡嫩滑多汁，有鸡味而唔腻，皮薄冇肥，仲有轻微啫喱层，口感好啱我口味。🌶️ 三色酱惊喜加分｜鸡饭灵魂伴侣最值得一赞系佢哋嘅三色酱：辣椒酱、姜蓉、甜豉油，每款都极有诚意，食落充满心机，建议大家可以三色齐齐捞嚟食，味道层次升级！🍚 免费添饭添汤｜用心经营感受得到值得一提系，店家提供免费添汤添饭，感受到系真心做街坊生意，实在值得支持。
继续阅读
见到餐厅名已经知道一定系专食海南鸡 冇错！但系除咗海南鸡之外，亦都有元蹄饭，四川麻辣鸡，同埋红酒会牛尾饭 今次我就是招牌嘅海南鸡饭价钱非常之相宜 $59包海南鸡饭同埋元贝冬瓜鸡汤海南鸡嘅质素好高 啲肉系超级嫩同埋滑 中间仲有少少啫喱添🤭 唔似得之前食过有啲餐厅叫做海南鸡，佢好似俾咗只白切鸡我咁😅😅饭系采用油饭 大大碗 一定食得饱总括嚟讲性价比非常之高 抵食又好食嘅餐厅之选如果我午餐或者晚餐谂唔到食乜我都会考虑呢间做我嘅饭堂
继续阅读
我一直以嚟都好钟意食鸡，几乎隔日都会食鸡嘅😋。 上星期有一次偶然喺第一街发现呢间海南🐥，舖头位置一啲都唔显眼，本著对鸡的喜爱，即刻入去，发觉店入面环境比较亲切，就叫咗个去骨海南鸡饭试下。佢地啲海南鸡嘅味道真系唔错👍🏻，啲鸡好香、肉好嫩滑、仲有层啫喱添，我好钟意😊。我一直以为食海南鸡饭最主要嘅系鸡，估唔到跟餐嘅油饭都可以咁好味，佢算系我食过咁多海南鸡嘅油饭入面，排第一🍚嘞！！佢哋嘅饭系金黄色嘅，好似鸡蛋炒饭咁嘅样，睇落已经好好味，饭入边仲有啲炸干葱，闻到香味，味道真系冇得弹🤩餐厅仲有其他的套餐，例如：四川麻辣鸡饭、红烧状元蹄饭和红酒烩牛尾饭，下次有机会我都会试下 见到人哋叫咗个元蹄饭，觉得好OK，又想食😅，可惜一次食唔到这么多啦，下次要再来先得！！仲有、仲有，佢地嘅三色酱真系好正，得闲真系会再来一次👍🏼
继续阅读
___________🏖店铺状况🏖___________ 海南店铺细细，大约有十多个座位，员工感觉似是家庭式餐厅，闲话家常。店内食物选择不多，主打海南鸡和另外数款食物。- _____________🍽食物🍽_____________🐤 四川麻辣鸡饭 $43推介指数 ■■■□□鸡肉部位是近翼的位置，肉质算嫩，鸡皮脂肪还可以接受，但不是薄皮的。麻辣酱辣度适中，有麻香味，不过只是轻轻抹过鸡皮面，所以两者没有话太过融合，而且整碟麻辣鸡凉的，新鲜感低。另外，本来以为麻辣鸡饭亦会配鸡油饭，但可惜原来只是普通的白饭。-🐷 红烧元蹄饭 $43 推介指数 ■■■□□皮非常Q弹，而且红烧汁调味适中😊不会过咸，配饭食不错。可惜肉的部分脂肪偏少，吃上来比较‘’鞋‘’口，有点像吃汤渣的感觉。-________🌶辣椒纸总结📝__________整体：🌶🌶🌶环境：🌶🌶🌶员工：🌶🌶食物：🌶🌶🌶(满分为五只🌶)- 总括来说，食物质素不俗，但未必会令🌶📝会再想光顾😂因为好吃的海南鸡大有人在，而且整顿饭也没有甚么很出众的记忆点。摆盘卖相一般，感觉有点凋零散乱😳-______________________________ 📍 海南西环西营盘第一街55号地下B号舖是次消费：$43/人-______________________________ #海南鸡 #红烧元蹄 #小店 #隐蔽 #油饭 #第一街 #西营盘美食 #852 #hkfoodlover #hkfoodie #foodiehk #foodie #hkblogger #hk #hkig #hkeat #hkgirl #mschillipaper #为食辣椒纸
继续阅读
我系睇OpenRice嘅评价嘅人，冇出过评语，今次出评语，好明显觉得呢一间餐厅好抵食，而且质素非常好，值得推介。午餐叫咗无骨海南鸡饭同埋红烧状元蹄，两个都好嫩滑，好好味，会encore。舖头冇乜客人，好宁静，好舒服，门面简单，但系食物质素很好，同埋环境整洁，店员服务态度良好，值得一试。着校服嘅，或者可以出示学生证嘅，可以送饮品。提提你，舖头嘅食物冇乜选择，似乎得四个𩠌可以拣，要有心理准备，同埋舖头得几张枱，人多嘅话，未必啱，不过可以叫外卖。
继续阅读