海天花園酒家

营业中

休息中

當日星期六，要分兩輪：6-8或8-10 ，我們晚上8時入坐，大約7成滿。⬇️當日的海鮮加工費價錢，可接受。在附近買海鮮時，海鮮檔提議龍蝦可以在海天叫牛油脆焗，做得不錯，可惜一開口就俾侍應嚇窒，說要一小時，反建議我們食返上湯龍蝦伊面底。最先上是叉燒$188，超好吃，又厚又淋又香之後就一真等…..再上椒鹽瀨尿蝦，好香口，不會太濃味，啱啱好，不油，好食到龍蝦時都真的是下單後一小時了咁早知照食牛油焗！魚蒸得好滑砵酒焗蠔要讚，好惹味叫咗碟豆苗食到尾都未嚟，追單先話冇曬已取消唔記得通知，仲即刻收起餐牌怕我地加單阻佢收工。因為每樣餸都等好耐，已經成10點咁唯有叫甜品，叫咗桂花榚。桂花榚追咗三次又等多起碼20分鐘，咁唔等，話埋單，佢先入去拎一早入去拎我就返咗屋企瞓啦⋯⋯不過桂花榚幾好食，好似$38/4件，趕住走冇影相。*寫食評好花時間，請追蹤，點讚以作鼓勵。*總結：好食的，價錢合理，但要有耐性，會再來。服務一般同上菜好慢，想俾ok ，但個叉燒真係近年食過最好食，都係俾個笑臉

大年初三不愉快經歷，電話訂座的時候，話分兩輪入座時間6pm /8pm。訂了6pm一家五口準時入座，然後出去揀海鮮，6:30pm落單，一直等到7:15pm唔對路，問服務員跟下單，她態度敷衍話嚟緊，20分鐘後7:35pm都未有得食，再問多次呢度梳馬尾姓田既女服務員，她話等多幾分鐘就有，7:45pm成家人仍然呆等。再追佢她何時上菜，她又叫另位經理跟進，終於上齊所有菜是8:25pm，來到的海鮮其中芝士龍蝦同豉油蟶子個汁杰撻撻而且偏咸，服務態度又差，冇下次。

🕯️店名* #海天花園酒家🕯️🔮地址* 屯門青山灣三聖邨三聖街5號🔮1️⃣間分店荃灣大河道100號海之戀商場1樓1015-7號舖地區搜尋🔍🗾#pickyme_屯門#pickyme_荃灣食物類型搜尋🔍🍜#pickyme_中餐#pickyme_海鮮✴️✴️✴️✴️✴️✴️✴️✴️✴️✴️✴️✴️✴️➡️同屋企人慶祝生日🎂長輩一定最愛食中餐架啦 近近地去三聖海鮮街既酒家食海鮮拉😋➡️呢一間好似都幾出名 而且環境比較古典 有魚池 長樓梯 金光咁樣 年紀大真係適合➡️話明系海鮮街 除左酒家之外 大排檔都有得食 但當然想坐得舒服d 環境好d就揀翻室內拉 唔怕有人食煙 或者好嘈🤣➡️可以本身系酒家叫海鮮 又或者樓下有多間海鮮舖自己揀完拎上去比佢加工 不過當然建議後者拉✴️✴️✴️✴️✴️✴️✴️✴️✴️✴️✴️✴️✴️🔔購買海鮮費用大約$1000🔔🪄原隻椒鹽瀨尿蝦(四隻) 加工費$140上菜既時候好壯觀 因為系原隻上 色澤唔錯 好多蒜粒😍但瀨尿蝦系mit殼方面都比較麻煩 而且睇落去大隻 除殼後就幾淡無曬😂而且其實佢d蒜味主要系外殼 內籠就無咩味道 簡單一句 得個樣😶🪄蒜蓉粉絲蒸元貝(四隻) 加工費$58食海鮮必食 蒜蓉粉絲好足料 蒜香味好正！！如果可以多d汁就per

今日晚上6:30分到上址，看完菜單點菜後，入單時間6:55分，之後好快來咗一碟燒腩仔，再之後等咗差唔多1小時，都未有其他菜上桌，我就問樓面，樓面回覆最少要等40分鐘，我都好愕然居然要等這麼久，我氣憤地即是叫佢取消其他食物及要求埋單

今天想帶媽媽去環境好一些的酒樓飲茶，所以去了海天，上到酒樓我們站在服務台前等帶位，酒樓內的侍應說：「入嚟隨便坐啦。」媽媽看到窗外景色好靚看到海，於是想坐在窗口邊。我見窗邊有兩張八人枱都是坐著兩位客人，於是我們亦都坐在一張八人枱的位置。叫茶的時候那位侍應說：「 你哋唔可以坐呢張枱呀！你哋兩個人坐前面嗰方枱啦，一陣間有6個客人嚟，人哋咪冇位坐囉！」我媽媽就對侍應說：「 隔離張枱都係咁大張，都係坐兩個人，點解佢哋得我哋唔得。」侍應話：「呀婆！唔同呀！佢哋嗰張係四至六人枱，你哋呢張係六至八人枱。」於是我企起身望下，兩張枱的size是一樣的，還有前面有一張枱同我哋嗰張都係一樣大細，都係坐咗兩位太太啫。於是我就話：「首先，你哋冇帶位服務，你哋嘅侍應只係話入嚟隨便坐，我見有兩張枱大細一樣，都係坐兩個人，點解佢哋坐得我哋唔錯得？」個侍應只係一路執前面張方枱，就叫我哋坐過去，話：「唔同㗎，係大啲㗎。」根本成場吉枱冇人坐。我真係想起身走人，但我媽又好聽話坐咗過去。我直覺覺得，佢係想留返啲窗邊位置畀熟客坐囉！唔知個侍應係咪心虛，於是乎無啦啦喺嗰張枱度加咗塊玻璃轉盤。食物係ok嘅，但服務質素真係太差！

第二次來這裏晚飯叉燒及燒鵝都幾唔錯，跟屯門的海天水準差不多意想不到的海鮮加工上次在這裏吃魚和蝦都唔差，生炒骨幾好今次試吓自帶海鮮豉油王海蝦，有鑊氣豉油香 🦐椒鹽賴尿蝦，外脆內甜🦞清蒸石蚌，啱啱熟，成條魚連魚頭都俾我哋清晒😆下次會再嚟只可惜唔夠人做嘢，侍應服務態度OK，感謝高手廚師 🙏🏻😊

翻新後海天花園酒家.有很多獨立 vip 房。昨天是公司晚宴.價錢我們不知道.肯定是貴的。不會是經濟式但我們是先在三聖海鮮檔.買了新鮮海鮮再到酒家加工的。 這酒家海鮮沒有被換調.味道也煮得很捧。除了加工海鮮。老闆點了1支白酒。很易入口甜味果香.價錢很嚇人要600元1支腐乳通菜 味道又咸又濃很爽口通菜。一斑2味：炒斑球真的啖啖肉.肉質結實.魚皮位Q彈煙韌.真的很有骨膠原口感！頭腩骨位炸過乾身惹味.味道甜豉油蠔油味道,斑塊有肉和骨相連.很適合配酒。象拔蚌刺身爽口爽甜很薄.師傅刀功很好。 膽位煲粥很綿配上蔥花.菜葡.胡椒粉完美！開邊上湯燴龍蝦.肉質結實飽滿！開邊最安全不能少了一部份，味道這個淡一些。龍蝦底用炸脆米粉。本人比較喜歡伊麵多。鹽焗奄仔蟹超多膏 .味道好濃好喜歡！豉油王乾燒大蝦味道很夾咸咸甜甜.慢煎乾身微焦！蝦壳都想吃呢！椒鹽巨型瀨尿蝦.味道一絕外脆惹味.瀨尿蝦肉非常甜而且好飽滿.也是可以連壳咬！最後酒家有甜品送！好肯定加工費很多.加一.茶芥也完全不少。枱上小吃花生.雞腳應該再加錢。vip房也有附家費。我們自己有2支酒帶去。所以還有開瓶費。 食物加工味道很好，海鮮沒有問題，是我們買的這

呢間係屯門附近比較好坐嘅茶樓，最大賣點係有個海景！趁住放假，瞓醒嚟呢一度嘆返個海景茶先！潮州粉果$24.8呢個抵食！一籠四件，粒粒粉果飽滿，皮薄餡靚！安蝦鹹水角$24.8熱辣辣上枱，外脆糯軟煙韌生滾鹹雞粥$45佢個粥底煮得不錯，唔會太稀，粒粒米都爆花，軟綿綿。郊外油菜$52出街食菜，其實就唔建議、 不推薦嘅，始終價錢比較貴，呢個價錢，街市應該買到幾斤菜😆不過追求健康，都係食返多啲菜啦！😂亦順便當畀大家睇下，佢呢度嘅一碟菜有幾多啦！都爽甜嘅！

是多久沒有很早起來去喝早茶了🤣可能是我太懶了🤐特地去了三聖村附近的酒家，目的就是想遠離煩囂，呼吸一下大自然的空氣，都會自我感覺良好👍當中最具人氣的，就是三聖邨海鮮街，主要是售賣新鮮海鮮的集中地，可以先買海鮮再去任何一家酒家加工，享受即買即整的服務，當然加工費是多少，就根據你選擇方式材料去加工啦🤤酒家的點心都是不錯的重點是近距離近望三聖海🔹️鮑魚燒賣皇👍🔸️豉汁蒸肉排👍🔹️醬皇蒸鳳爪👍🔸️薑蔥牛柏葉👍🔹️山竹牛肉球🔸️蔥花紅米炸兩腸粉👍

生日打風，staycation 改期就嚟三聖食海鮮餐，見中午風勢唔大，又怕晚市多人，就揀平日晏晝嚟。同樣地，冇特別幫襯邊間買海鮮，都係睇貨色為主，今次得一檔有戰車（琵琶蝦）就同阿叔傾下計，又揀海鮮咁。唔講咁多，去相！海鮮盛惠$850 二人份量正呀！第一次見琵琶蝦係紫色腳，又中大隻，於是向叔叔請教，相信係菲律賓同巴西貨源巴分別。黃蟶子，一路覺得蟶子愈細隻就愈多沙，咦，唔係喎！爽彈，好食！另外買埋奄仔蟹兩隻，南非鮑魚，貨靚又新鮮，叔叔好好人，又好傾，介紹咗鋪頭養左條魔鬼魚bb 添！下次去睇吓長大幾多先🤭海天係三聖晚老字號，上年疫情禁晚市個段時間嚟，中午都唔似有開鋪，今日見一樓有人影，加上打風落雨，梗係要坐得舒服d ！依照上菜順序放相薑蔥堀南非鮑魚，熱辣辣，好香酒味，質感軟熟，一d 都唔韌界埋格仔紋，連蔥都食得！豉椒炒王聖子脆米粉底熱辣辣，醬汁濃，味道足，好好食！芝士焗琵琶蝦，熱辣辣肉質非常爽彈，好食過龍蝦啖啖肉識食一定搵琵琶蝦食鹽焗奄仔蟹，有膏有肉真係好正！連茶芥加一，$497，滿意呀！（個人認為好食過泰海鮮）餐廳闊落，坐得舒服，又有海景，正式酒樓格局同服務，貼心位：有濕紙巾提供，而家唔係

以前間中會去海天食下海鮮,無去一排又去返，點知樣樣野食都麻麻地。龍蝦就正正常常，辣酒花螺完全唔辣，炒蟹就無燶但入口就有一陣燶味最過份係元貝蒸過晒龍，粉絲入面仲有條唔屬於我地既奄仔蟹腳。

相識30年的中學同學聚會，先去同學掃管芴新居玩，夜晚一行12人，3個家庭，6大6小來到三聖揀海鮮，然後過嚟加工。印象中係第三次嚟呢間酒家食海鮮。休漁期的關係，去發記買海鮮亦不是太多選擇。買了五樣海鮮共$2680。疫情關係，分了兩枱坐，大人一枱，小朋友一枱。招牌叉燒必叫，肥瘦適中，肉質軟冧加上厚切，無得輸。👍第一樣海鮮係豉椒炒蟶子，我哋order了15隻蟶子皇，滿滿一大碟，好味的。但不知是否太多蟶子的關係，竟然沒有比到青椒🫑和洋蔥🧅。椒鹽賴尿蝦：因為呢個餸係辣的，有啲小朋友係唔食。所以只order了4隻，1開2。好有水準，十分惹味。清蒸東星班：魚肉好滑，蒸至啱啱離骨。由於多小朋友的關係，呢個原本花雕蛋白蒸花蟹🦀️就走咗花雕。味道ok, 但如果花蟹能夠排得靚啲就更加好睇。我哋order了一隻接近三斤重的澳洲龍蝦，做了清湯龍蝦伊麵，啖啖肉，但伊麵實在太少了，如果多返啲就更好。金銀蛋莧菜，普通酒樓菜式，冇乜特別。另外叫了個炒飯，上枱聞到有少少燶味，但食落又唔覺，幾好食。成餐晚飯，待應都冇過嚟換碟，呢樣扣曬分。5樣海鮮加工費，連埋1個炒飯，2樣餸埋單共$19xx.可能有少少偏貴，但是一個開心的飯局

跟朋友去完了boat trip接著去吃海鮮好像是例行的活動😂去了屯門的三聖邨那裏是吃海鮮的勝地通常人們都是在外面的海鮮檔口選了喜歡的海鮮然後再拿去餐廳加工朋友介紹去了忠仔記選海鮮然後拿去海天花園酒家加工雖然是星期天但是不用排隊👌🏻薑蔥炒花蟹新鮮是挺新鮮的但花蟹有點瘦所以沒什麼肉可吃😅👍🏻蒜蓉粉絲蒸帶子鮮甜爽口蒜蓉粉絲永遠是最佳的配搭😋👍🏻芝士龍蝦伊麵芝士很濃郁龍蝦肉質爽口彈牙👍🏻豉椒炒蟶子蟶子很鮮甜用豉椒炒很惹味美中不足是蟶子有點沙🙈結帳每人$600價錢中等勝在環境坐得舒適下次可以試試另外的酒樓，加工費會再便宜一點😌

今日天氣好正佢喺屋企附近行去飲個早茶先補償呢個忙碌充實嘅一周想嘆個休閑嘅早上👍琴日見到IG 朋友食上湯煎粉果😍流晒口水今日竟然比我遇到你熱辣辣上枱瞬間ko鮑魚燒賣皇每粒燒賣都有原粒軟腍入味的鮑魚仔燒賣皮薄 軟腍彈牙仲正係佢嘅金邊鮮蝦餃皇睇吓佢嘅摺線入口鮮味😋臨走叫埋蛋撻仔滿足第日移居一定懷念佢淡淡又唔會成口味精嘅點心

一行16人，訂位前已同經理溝通好開瓶費多少錢，經理話$100一支，結果自攜八支紅酒，當大家飲到咁上下埋單開$16,000 開瓶費加海鮮加工費，海鮮加工費$5000左右，亂篤單，其餘嘅都係開瓶費，以為我哋飲大咗會照比，其實大家都冇醉，清醒的我發現俾人篤單，所以其實係騙局一個！同經理理論，話我哋係飲咗咁多支紅酒，我自攜八支，最終我請客費事失禮，但係一定冇下次，我會幫佢落力宣傳，我當係做善事，必須公諸於世，希望大家務必小心、小心、小心此等老千行為！