影片
港铁黄竹坑站B出口, 步行约8分钟
继续阅读
电话号码
28145482
营业时间
今日营业
12:00 - 14:30
18:00 - 22:00
星期一至五
12:00 - 14:30
18:00 - 22:00
星期六
11:00 - 15:00
18:00 - 22:00
星期日
10:00 - 15:00
18:00 - 22:00
公众假期
10:00 - 15:00
18:00 - 22:00
以上资料只供参考，请与餐厅确认详情
豐富嘅晚餐～ 🪩 #北京片皮鴨 肥度啱啱好，一啖咬落去啲皮係非常之甘香我唔鍾意包粉皮嚟食，鍾意一啖咬落去油脂豐盈充斥着成個口嘅感覺⋯⋯當然粉皮熱辣辣亦都係一個好大嘅優點🪩 #蜜汁叉燒皇 靚嘅梅頭肉，瘦肉帶住少少肥肉加上口蜜糖，微微燒焦，正👍🪩 #芝麻醬涼拌雙色鮮淮山正常淮山食落去係好腍嘅 ，但係呢個咬落去係爽嘅加埋日式芝麻醬，口味好清新，又可以食到淮山嘅鮮味🪩 #八寶燉冬瓜盅 每人可以有一大碗，冬瓜湯清甜鮮味加埋好多配料有菇類、蝦仁、肉碎。。。飲完一碗，個人真係冇咁燥熱🪩 #XO醬雲南小翠瓜炒雙蚌鳳片我本身好鍾意翠玉瓜，鍾意佢嘅脆，但好多時嫌佢太淡，唔夠入味⋯⋯但係今次加咗XO醬啱啱好，同埋珊瑚蚌都非常爽口好容易食吓，食吓就食咗好多🤣🪩 #竹笙珍菌豆腐煲竹笙吸晒菌類同埋豆腐嘅湯汁再加埋絨煲仔上, 味道更加香濃。令平凡嘅豆腐和菌類加添豐富嘅味道🪩 #脆皮茶燻雞肉皮嘅脆口，包住嫩滑嘅雞肉，嫩滑嘅雞肉內清香嘅茶味，令成個餸更加有層次。好飽好飽都食咗兩件🪩 #芝麻糊 芝麻幼細甘香🪩 #懷舊蓮蓉西米布甸 真係食咗兩啖咋，好滑，但係真係好Heavy#服務態度超級好
继续阅读
上星期六好友請我到位於深灣遊艇會所的中菜廳海天閣食晚飯，門口入有蘭花及茶具佈置，很有格調，由於訂了座，所以不用等位就能進入，我地order了北京填鴨二食，支竹羊腩煲，四季豆蝦膠，生炒糯米飯。北京填鴨隻填鴨在傳菜過來時已聞到陣陣香氣，皮燒得透紅，恰到好處，非常香脆，肉質爽口，冇肥膏，配上切幼及去皮的青瓜和京蔥片，加上專用醬汁，放在薄薄的麼麼上，很有傳統北京的口味。而二手我地揀左生菜包鴨鬆，鴨鬆炒得唔油膩，有紅蘿白，栗米，疏菜粒等配料，加上新鮮的生疏，口感清爽。支竹羊腩煲配料豐富有生菜，荀子，冬菇，馬蹄等，主角羊肉雖然有只七八舊左右，比較少，但肉質好軟林林，好入味，喜歡吃羊的朋友一定要試下。四季豆蝦膠爽口蝦膠釀入開邊的四季豆，再一齊炸，入口不油膩，有點似依疏菜天婦羅的感覺。餐廳優點是沒有加上味精，少油少鹽，但味道仍然能保持在水準之上，非常難得，可惜的是只能會員才可以去幫襯，好少機會會再食到。
继续阅读
Since winter is coming, we decided to have some snack soup. It had very flavorful with a hint of the dried citrus skin and Chinese wine taste 👍🏻 not too saltyWe also had claypot rice, not too much burn rice on the bottom; wish there’s a bit more but overall this rice was ok too. One order, had 6 bowls of rice Other food were all up to standard. I heard their chef is from Summer Palace.Always a great place for family dinner. Service was great as well.
继续阅读
富貴好友約我一聚，帶我來到深灣遊艇會，有幸可以踏足一個非常尊貴只供會員享用的地方。中菜廳叫海天閣，陳設得典雅和有氣派，比三、四星酒店的中菜廳還要華麗，透過落地玻璃看著香港仔避風塘景色，悠然自得，相信在這裏吃碗白粥也是愉快的。好友與我都很關注體重，飲食都不敢放肆，但好友不會讓我吃白粥，點了這裏馳名的蜜汁叉燒，兩碗生麵，炒碟芥蘭，加個點心，以午餐來說，寫包單天天這樣吃也願意。最先送來的是叉燒，看賣相非常吸引，堆砌得像小山丘，肥瘦豐腴兼備，邊位還有些燒焦，入口鬆化而帶蜜甜的肉汁，誠是極品，而墊底的是黃豆，味道似是兒時吃過的零食，蠔油豆，很腍，很入味，甚喜歡，還勾起兒時回憶。生麵有些少雲腿絲放面，令一碗淨麵加添點色彩和身價，然而，麵本身卻不濟事，(主要是貨源問題)，鹼水味重兼麵不夠爽，可能少煮兩分鐘會較好。薑汁清炒芥蘭，以這裡的格調，當然是挑選了最好的部份才用，青綠如翡翠，菜莖爽嫩，多吃也不怕牙軟。所點的點心是鮮蝦腐皮卷，炸得細緻精巧，顏色均勻，沒半點過火，外皮脆得可人，內裏餡料好味動人，相信其他的點心也應該不錯。最後以杏仁茶作甜品，雖然我是杏仁怪，但這個杏仁茶未能令我傾心。
继续阅读
3783 浏览
在下並非深灣遊艇會會員，有幸被邀請到來慶祝萬聖節心情覺得好興奮。會所周圍既裝修都好華麗，好有氣派。今次兩圍既私人派對係喺會所入面既其中一間貴賓廳內。房內有個客廳比大家一邊飲酒一邊唱卡拉ＯＫ，Ｄ歌都好新吓架。到處一塵不染，家私餐具都亮潔如新，衛生指數爆哂燈。服務大致上ok啦，所有食物幫我地分好哂，唔洗我地夾黎夾去。不過顧得食物就顧唔倒飲品；唔知係咪我個樣唔夠重要呢，我入左房成十分鐘都冇人問我飲乜野，搞到我要好樣衰地自己去攞；另外因為uncle同auntie們飲得實在太爽快，哥哥們加酒速度配合唔倒，好多時都要主人家自己斟添。海天閣既食物質素算高，好味之餘重好睇得，都可以稱得上係色香味俱全。 鴻運乳豬全體（Barbecued Whole Suckling Pig）：乳豬皮薄但唔夠脆，而且有少少韌；肉層厚得黎帶少少硬；味道偏咸；肥膏唔係好厚，所以都冇刻意用刀切出黎；整體黎講可以做得更好。 蒜油焗珍寶大蝦皇（Baked King Prawns with Garlic）：雖然隻蝦好大隻，不過肉身一Ｄ都唔嚡，最難得既係蒜香冇搶走蝦肉既鮮甜味，認真一流。好多人食完依味咁溜既菜式已經進入左半飽狀態，當然小弟重有大把貨。 冬瓜盅（Double-Boiled Assorted Meat and Seafood Soup in Whole Winter Melon）：冬瓜燉得好夠腍，個湯都好足料，不過因為太多鴨肉，所以咸左少少。 蠔皇原條遼參扣鵝掌（Braised Whole Sea Cucumber and Goose Webs and Garden Vegetables）：長長既遼參非常爽滑，配汁既味道好夠濃；大大隻既鵝掌又滑又腍又軟熟，無得彈！ 清蒸東星斑（Steamed Whole Spotted Garoupa）：雖然條魚喺出面分，但係埋到黎都好夠熱，讚賞一。據媽咪既烹調心得所知，蒸東星唔同蒸立魚，原來好講技巧，因為如果時間掌握得唔好，條魚會好容易老，肉質就會變得嚡。當晚既東星魚肉嫩滑，咁應該代表師傅Ｄ功夫好洗得啦，讚賞二。蒸魚豉油教得好好味，有少少甜甜地，好食到爸爸要叫碗飯黎餸汁，讚賞三。 玫瑰花鹽焗雞（Baked Chicken with Rock Salt and Rose）：雞做得夠乾身，唔油膩，皮算脆，肉質唔嚡不過有少少韌；只係一Ｄ都冇玫瑰花或鹽味，所以唔係好明個名點黎。 高湯煎粉果（Pan Fried Shrimp Dumplings Served in Superior Soup）：小弟最近認識左位高人，經佢指點先知乜野叫＂高湯＂。原來一煲上湯好講究既：第一批煲好既上湯叫做＂頭湯＂，係用黎做翅既；用頭湯既料再煲一批用作烹調其他餸菜既湯就叫左＂高湯＂；再加水煲出黎既第三批湯先叫左＂二湯＂。而家終於知道點解叫＂高湯煎粉果＂lu。粉果餡個味道教得咸甜適中，只係個皮有少少硬，不過浸過湯就好容易解決左。粉果係我最喜愛的單尾，因為太耐冇食，所以當晚一氣食左八隻。主人家見我咁欣賞依味餸重比哂其餘既我攞返屋企食添；嘻嘻，今次係攞正牌＂又食又拎＂。 雜菌炆伊麵（Braised E-fu Noodles with Assorted Mushrooms）：伊麵既份量非常好，因為大家都已經食到好飽，一人一細碗，望落去起碼唔會覺得滯先。伊麵炆得唔油，味道唔會咸；成餐飯食左好多肉，所以伊麵用雜菌炆好恰當。 八寶蓮子茶（Doubled Boiled Red Dates with Dried Longan）：一款和暖既糖水，好甜，唔知係咪加冰糖時重手左，定係八寶本身就係咁甜？！其中一寶係龍眼肉，媽媽話會幫助睡眠，唔知係咪飲得太多，所以我訓得好好，每朝都唔願起身返工。 美點映雙輝（Chinese Petits Fours）：美點一之千層糕唔夠熱，夾心既鹹蛋黃好多粒粒，有Ｄ人會話有口感，不過自己就覺得整體唔夠滑。美點二係涷食既椰汁粟米糕，好清又唔會太甜，做得好過千層糕。當晚比人請，所以價錢不詳，請大家見諒；不過也正因如此，心理上覺得好低，多謝哂主人家。
继续阅读