海洋超級漁港 (深海龍躉專門店)

营业中

休息中

剛好朋友生日， 朋友最愛吃中菜 ， 所以帶他去海洋超級漁港晚餐， 中菜館推出晚市套餐，十分抵食， 仲有指定的晚市優惠 ， 加上環境舒適 ，交通方便， 與朋友聚餐一個好地方。晚市四人套餐 ＄788高湯白灼基圍蝦新鮮大隻的基圍蝦，用高湯輕輕灼熟， 可以保留了海鮮的原汁原味，搭配一點醬油， 入口鮮甜彈牙 ， 簡單而滋味。錦繡燒味拼盤燒味拼盤有我最喜歡的豉油雞、 燒鴨及叉燒，十分豐富，燒鴨很香脆 、叉燒及豉油雞， 滿滿甜甜的醬油味道，讓人一口接一口。碧綠油泡巨型龍躉球油泡後的巨型龍躉球，外脆內嫩，香氣四溢， 鮮嫩滑溜 ，配搭色彩鮮豔紅、黃椒，口感好清爽。東林扒上素菜色彩繽紛的素菜， 擺盤精緻 ， 冬瓜軟嫩， 雲耳爽脆， 西蘭花清脆，搭配薄薄的芡汁提味 ，健康又美味。紅酒燴牛尾煲牛尾經過長時間燉煮，肉質軟嫩入味，吸收了紅酒的濃郁酒香， 色香味俱全， 拌飯一流。流沙包外皮鬆軟， 大口咬下， 緩緩流出金黃的鹹蛋黃餡料， 香甜滑溜，令人驚喜。紅豆椰汁糕入口冰冰涼涼 ， QQ彈彈， 啖啖紅豆及椰汁的甜香， 甜而不膩。粉葛豬展老火靚湯老火湯火喉十足，湯頭清潤鮮甜，加上軟腍豬展，清香粉葛， 湯料豐富 ，清熱

朋友講有間食海鮮又抵又好食嘅酒樓，咁啱家人又話想食海鮮，於是就約咗去呢度食晚飯，我哋叫咗以下菜式:晚市優惠 - 晚市優惠2選1，我哋揀咗上湯西澳洲龍蝦伊麵，龍蝦很新鮮，肉質結實爽彈，鮮味十足，伊麵煮得剛好，保留煙韌彈牙嘅口感，上湯芡汁唔會過鹹，有牛油香氣及海鮮鮮味，伊麵配呢個汁好好食。海鮮孖寶推介 - 我哋叫咗果皮蒸南非鮑魚(4隻)+豉油皇干煎基圍蝦(例)，南非鮑魚肉質煙韌彈牙，簡單以果皮豉油清蒸，鮑魚嘅鮮味好突出，基圍蝦肉質鮮嫩彈牙，以豉油干煎令整體更香更惹味。菠蘿咕嚕肉 - 咕嚕肉外層只裹了一層薄炸粉，炸得外脆內軟很juicy，另外，很驚喜菠蘿是用上新鮮貨，三色椒亦很新鮮，中和了油膩感，加上酸酸甜甜嘅醬汁，很送飯。蒜蓉蒸勝瓜 - 勝瓜很鮮嫩，加了生熟蒜蓉去蒸，好惹味，勝瓜底下鋪了粉絲，索晒所有味道，又係好送飯啲一道餸。甜品 - 酒樓最後送咗紅豆沙，雖然係免費嘅，但紅豆沙是少甜，紅豆大粒又軟綿綿，呢個糖水好有誠意呀!家人對菜式及服務都好滿意，即使全晚坐無虛席，但服務周到，大讚性價比好高。

今朝帶住兩老同小朋友嚟「海洋」飲茶，呢間老字號酒樓依然保持住傳統點心水準，最啱一家大細慢慢嘆。 🫓 **甜薄餅** 阿婆最愛的懷舊點心！外皮煎得金黃微脆，內裡唔會死甜，熱辣辣上枱時，搶住要食第一件。 🍆 **茄汁燒茄子** 驚喜之作！茄子釀入彈牙魚肉，面頭淋上自家調製的茄汁，酸甜開胃。阿爸大讚：「而家好少酒樓肯做呢啲功夫菜。」 🥟 **鮑魚燒賣** 真係有迷你鮑魚仔鋪面！豬肉餡混咗蝦粒，咬落爽口，老人家話抵食過連鎖酒樓嘅普通燒賣。 🍜 **干燒伊麵** 鑊氣十足，麵條乾身唔油膩，仲有大量韭黃同銀芽。最貼心係可以要求「煮淋啲」，方便牙力唔好嘅長輩。 $300蚊埋單，食得飽仲要打包，呢種街坊價錢同家庭氛圍，先係香港飲茶文化嘅精髓！

一向都喜歡這間酒家，有空都會來食到這裏的海鮮，因為佢有好多孖寶選擇，價廉物美，海鮮新鮮，叫兩個特價孖寶， 加半隻雞一碟菜就已經係一餐很美味嘅晚宴。「海鮮孖寶」：清蒸海藍瓜子斑一條約一斤重的瓜子斑，蒸得恰到好處，魚肉雪白緊緻，筷子一撥即見蒜瓣狀的肌理。蒸魚的火候掌控精準，魚皮不破，肉質嫩滑如豆腐，卻仍帶彈性，淋上的滾油激發豉油、鮮甜薑蔥香氣，入口鮮甜回甘，美味。 薑蔥爆台山桶蠔煲台山桶蠔肥美飽滿，蠔肚鼓脹，入口爆漿，蠔味濃郁、薑蔥爆炒得極有鑊氣。「自選孖寶」： 籠仔豉汁蒸白鱔白鱔厚切，肉質肥美，魚皮膠質豐富，蒸豉汁、蒜蓉滲入魚肉，惹味而不膩。豉油皇干煎海花蝦海花蝦開背煎至蝦殼酥脆，蝦肉依然彈牙。豉油皇醬汁均勻，蝦頭膏香濃郁。 炸子雞半隻雞皮炸至琥珀色，雞皮薄脆不膩，雞肉仍保持多汁。蒜茸菜芯苗菜芯苗嫩綠爽脆，蒜香正好味，健康之選。 這是一餐讓人回味、滿足、滿足的晚飯！

今晚約了一眾好友來到這裡，因為之前吃過晚飯，覺得質素不錯，價錢亦很便宜。自選升寶— 籠仔豉汁蒸白鱔，豉油皇乾煎海花蝦豉油皇乾煎海花蝦，花蝦煎得很香，吸收了豉油王的味道，蝦肉爽口彈牙，蝦殼香脆，美味到連殼都想吃埋。籠仔豉汁蒸白鱔，白鱔份量十足，烹煮程度適中，魚肉爽口彈牙，沒有腥味。炸子雞-半只，雞皮香脆可口，雞肉鮮嫩美味，以優惠價來說，性價比高。👍👍👍👍蒜茸菜心，通常為了健康，都會點一道蔬菜來吃，蒜蓉味道十足，非常惹味。海鮮孖寶 C：清蒸海藍瓜子、姜蔥爆台山桶蠔煲。清蒸海藍瓜子斑，肉質帶點結實，廚師控制火候一流，這條魚是剛剛熟，又不會過老，配合蒸魚豉油，味道更加鮮甜可口。姜蔥爆台山桶蠔煲，桶蠔外脆內軟，肉質豐富，蠔味十足，加上姜蔥味道香濃，這個蠔桶蠔煲，完全是粵式的表表者。飯後還有免費糖水，今晚的糖水是紅豆沙，甜度適中，記得要問侍應要這個免費甜品。🥰🥰🥰🥰🥰

早排去咗佐敦海洋超級漁港同家人食飯，成間餐廳幾大，坐得算舒服，服務都幾主動。我哋點咗個上湯焗龍蝦伊麵，伊麵煮得唔錯，唔會太腍，有彈性。啲龍蝦肉幾新鮮，份量正常，唔算特別多，但味道夠鮮甜，配埋上湯都幾夾。自選孖寶就揀咗籠仔豉汁蒸白鱔同金銀蒜蒸元貝。白鱔啲肉都滑，冇腥味，豉汁味道唔會太重，啱啱好。元貝有四隻，每隻都鋪咗蒜蓉，蒜味香，新鮮。脆皮燒腩仔有驚喜，皮都真係脆，肥瘦比例適中，唔會太油膩，配啲芥末或者甜豉油食會更加好。咸排骨水東芥菜煲味道就比較家常，芥菜夠腍，咸排骨啲肉都入味，飲落去暖胃。點心叫咗香滑麻蓉包同紅棗糕麻蓉包個包皮夠鬆軟，麻蓉餡唔會太甜。紅棗糕質地煙韌，有淡淡紅棗香，都幾清新。整體嚟講，海洋超級漁港啲食物有返咁上下水準，價錢合理，環境舒服，如果想食海鮮，呢間可以考慮下。

枝竹炆龍躉頭腩龍躉頭腩色澤金黃，用煲上，上到枱仲係熱辣辣，頭腩肉質緊實卻不失嫩滑，醬汁甜甜地，龍躉頭腩色澤金黃，用煲上，上到枱仲係熱辣辣，頭腩肉質緊實卻不失嫩滑，醬汁甜甜地，煲底舖咗我愛吃嘅枝竹，炆得好淋，濃郁又入味。燒鵝皇外觀有光澤，鵝皮很油亮，入口脆脆地，充滿油花，鵝肉都算大件，入口多汁不柴，醬香味十足，例牌份量都夠四人享用。龍蝦炆伊麵晚市做緊promotion，好抵食，伊麵份量好多，麵條吸收了龍蝦鮮甜精華，每一口都好上汁，蝦肉大大件，口感彈牙，樓蝦同埋伊麵真係最好嘅配搭😍

海洋超級漁港位於佐敦鬧市，主打鮮活海鮮佳餚，及經典粵菜。環境別緻舒適。週末與家人提早慶祝父親節，超值四人套餐，有六款美味海鮮及燒味拼盤，加上晚市優惠，大飽口福!🌈超值四人套餐 768高湯白灼基圍蝦大隻的基圍蝦，灼成鮮紅色，入口鮮香，肉質爽口彈牙，沾上辣椒豉油，更加鮮甜開胃。足料粉葛豬展例湯足料的老火湯，熬煮多時，温補十足。呷一口香甜清潤，粉葛綿軟甜香，豬展入口軟腍，入口濃郁，暖胃窩心。🔥錦繡燒味拼盤叉燒厚切，邊緣焦香，帶陣陣炭燒香氣，口感蜜香、軟腍。肥美的油雞，雞皮滑溜，沾上蔥油，吃得滋味暢快! 厚身的鴨腿肉，散發豐沛肉汁，香而不膩。🥘紅酒燴牛尾煲熱騰騰的牛尾煲，飄來陣陣香氣，惹味吸引。牛尾充滿膠質，入口軟腍，燉至軟嫰入味，加上洋蔥，紅蘿蔔及香葉，增添香味風味，牛尾掛滿濃郁紅酒汁，拌飯一流，美味吸引。💋碧綠油泡龍躉球龍躉球經過油泡，外脆內軟，口感富彈性，配搭燈籠椒及蔬菜，滋味平衡。🥗冬林扒上素上素以竹笙、冬菇、羊肚菌、草菇等菌菇入饌，放入去皮扣軟的冬瓜環內，賣相吸引。鮮菌爽甜清潤，冬瓜吸收鮮菌菇香氣，更加清爽。🍧椰汁紅豆糕層層晶瑩，椰汁融合了綿密的紅豆，感香甜，椰味濃郁，充滿夏日的清涼

同朋友嚟佐敦一間酒樓食晚飯。晚飯優惠都幾多，有晚市優惠二揀一、海鮮孖寶推介和其他推介。🔸脆皮南乳吊燒雞晚市優惠二揀一，要咗一隻脆皮南乳吊燒雞，一隻雞份量很足。雞皮香脆可口，雞脾位的肉質嫩滑，雞胸肉口感少鞋，點啲醬汁，味道鹹鹹甜甜，帶酒香。海鮮孖寶推介：🔸魚湯枝竹浸魚湯枝竹浸龍躉球魚湯都幾鮮味，枝竹吸收曬湯的精華。龍躉球厚身大片又啖啖肉，魚皮充滿膠質，肉質嫩滑。🔸金銀蒜蒸蟶子皇蟶子皇鋪滿粉絲和蒜蓉，肉質彈牙，撈埋蒜蓉和粉絲食，味道濃郁惹味。🔸籠仔鮮蝦龍躉頭脯蒸飯龍躉肉和蝦的份量都幾多，龍躉肉鋪滿蒜蓉，蒜蓉味濃郁，肉質比較實，雖然有骨，但都算容易食用。飯的口感比較乾。🔸百合蘆筍炒蝦仁百合有微微甜味，蘆筍粗壯，蝦仁大隻，仲有啲紅椒黃椒點綴。

早排同屋企人去咗佐敦海洋超級漁港食海鮮，感覺真係好滿足！成間舖好旺場，服務唔錯，坐低唔洗等好耐就有嘢食上枱。啲價錢都幾吸引上湯焗龍蝦伊麵龍蝦肉彈牙又新鮮，啲伊麵吸晒上湯同龍蝦汁，食落去又滑又入味。伊麵煮得啱啱好，唔會爛晒，啲湯汁夠香濃，滿足。自選孖寶籠仔豉汁蒸白鱔同金銀蒜蒸元貝白鱔用咗豉汁蒸，魚肉嫩滑無腥味，豉汁味道又唔會太鹹，夠晒惹味。金銀蒜蒸元貝有四隻，每隻都鋪晒蒜蓉，蒜香味十足，元貝本身夠大粒又鮮甜，咬落去juicy。脆皮燒腩仔皮燒到脆卜卜，一咬落去有「卡滋」聲，啲腩仔肥瘦適中，唔會太膩，配埋芥末一齊食，一流。咸排骨水東芥菜煲啲芥菜煲得好腍，咸排骨入晒味，湯底鮮甜又清香，飲完感覺好暖胃。香滑麻蓉包好軟熟，入面嘅麻蓉唔會太甜，香氣十足，啱晒配杯熱茶。紅棗糕淡淡紅棗香，唔會好甜，清新。食完仲有紅豆沙送，好飽啊

今日同朋友去咗酒樓食飯，餐廳雖然在佐敦舊區但環境舒服又夠光猛，而且空間挺寬闊。呢次叫咗幾款招牌菜，先講籠仔鮮蝦龍躉頭腩蒸飯，蒸飯粒粒分明，鮮蝦新鮮彈牙，龍躉頭腩肉質結實，配上蒜香同香菜，食落有種滿足感。之後有百合露筍炒蝦仁，露筍爽脆，蝦仁鮮甜，百合加咗一份清新口感，真係下飯神器。海鮮孖寶D仲有驚喜，魚湯枝竹浸龍躉球湯底濃郁，龍躉球軟滑入味。金銀蒜蒸蟶子皇四隻大隻，蒜香撲鼻，肉質鮮嫩，啖啖幸福。最後試咗晚夜優惠嘅炸子雞，$88一隻，皮脆肉嫩，香氣四溢，性價比超高！服務員態度友善，推介菜式時好有耐心，總之係一個值得再嚟嘅地方，食完仲有種想即刻約下次嘅衝動！

近來多人北上消費，香港餐廳都推出很多的優惠吸引人流，尤其是平日晚上，酒樓推出很多特價小菜及套餐，有時比茶餐廳還要便宜，今晚就同屋企人去了佐敦的海鮮超級漁港食晚飯。晚市有多款特價孖寶及海鮮套餐，人少人多食都無問題。金銀蒜蒸生猛元貝新鮮熱辣的元貝表面舖滿了蒜蓉粉絲，十分惹味，帶子開邊不會蒸過火，而且鮮甜。上湯西澳龍蝦伊面龍蝦可以拼返一隻出來，而且都足秤，肉質新鮮雪白又彈牙，上湯煮伊麵又十分入味。流浮山枝竹炆龍躉頭腩煲煲仔熱辣辣滾住上枱，陣陣薑葱香味，龍躉肉結實彈牙，還有火腩及枝竹等配料。菜遠北菇扒豆腐豆腐表面略煎，入口十分幼滑。其他小菜質素中上，而且有很多海鮮選擇。

這間位於佐敦的【海洋超級漁港】，主打多款海鮮小菜，晚市亦有多款優惠及孖寶，價錢實惠而且份量十足。脆皮燒腩仔燒腩仔皮脆肉嫩，半肥瘦豬腩部位，醃得入味。上湯西澳龍蝦伊麵晚市優惠二百多就有一隻澳龍，新鮮而且啖啖肉，份量十足無偷工減料。流浮山枝竹炆龍躉頭腩煲龍躉走油，膠質豐富而且肉質彈牙，加上枝竹及火腩炆得很入味。金銀蒜蒸生猛元貝元貝即叫即做，新鮮熱辣，而且火喉控制剛好，元貝保持嫩滑。菜遠北菇扒豆腐豆腐有豆香且幼滑，加上翠綠菜心及冬菇伴碟。菠蘿生炒肉排酸甜開胃的咕嚕肉，炸至外脆肉嫩，色彩繽紛。最後還送上紅豆沙。

位於市中心的超級漁港，💕是一間結合傳統與現代特色的茶樓，提供一系列美味的點心。位置非常便利，方便食客隨時前來光顧。不僅菜式多樣，亦能感受到濃厚的傳統茶樓氛圍， 這裡的自選百搭孖賽特別受到歡迎，讓食客能夠自由搭配喜愛的點心，無論是蒸的、炸的，還是煮的，都能滿足不同口味的需求。 ✴️湯蚁球伊麵是一道不可錯過的美食，湯底鮮美，麵條順滑。✴️合桃叉燒酥的外皮酥脆，內餡香甜可口，搭配豐富的叉燒肉，非常適合作為下酒小食。✴️而古法馬拉立糕則是甜品中的經典，口感柔軟，甜而不膩。✴️另一道必試的佳餚是蒸鳳爪，經過精心醃製，蒸制得恰到好處，肉質嫩滑，口感十足，讓人回味無窮。

📍海洋超級漁港 (深海龍躉專門店)🔎佐敦佐敦道23-29號新寶廣場3樓----媽咪成日煮飯咁辛苦，得閒放假就帶下佢出街食飯。今日就揀咗喺佐敦嘅呢間酒樓，係朋友之前推介過話性價比唔錯嘅。場地係是是正正嘅長方形，晚飯時間都幾熱鬧，建議提早預約，餐牌有唔少晚市優惠同埋孖寶等等。🥢上湯西澳龍蝦伊麵（原價$488，現優惠價$248）呢道係今晚嘅主角，龍蝦份量十足，肉質鮮嫩彈牙，上湯唔會太濃，伊麵又無好碎嘅情況，整體出色。孖寶（$298兩款）🥢籠仔豉汁蒸白鱔：白鱔好新鮮，啖啖肉，而且肉質緊實，搭配米飯很夾。🥢金銀蒜蒸生猛元貝（4隻）元貝味道鮮甜彈牙，蒸得啱啱好，粉絲吸收咗元貝嘅精華同汁底嘅蒜香，食落好滿足。