海港燒鵝海鮮酒家 (已結業)

閒日一早搵阿媽嘆茶，久違了的海港，嘢食唔差，但d阿姐服務就一般般了..一嚟我壼茶已經同同枱茶客交換左，佢普洱，我壽眉，同d阿姐講錯左味，換過返嚟嘅茶，唔似換過，似求其加d壽眉嘅茶葉就算咁，勁難飲，最後我飲滾水算，唔想再換..點心紙比左阿姐好耐，都無食物嚟，咪吹下佢囉！原來我漏左寫枱號，佢就唔同我入單了...問到先比返張點心紙我寫返枱號，佢仲即調頭想走，我媽叫住佢咪走，叫佢拎埋張有枱號嘅點心紙走...白等左15分鐘..其實都係想開開心心嘆下茶啫，遇著ed阿姐，算我唔好彩啩🤷🏿‍♀️

馬鞍山酒家好多，但係大部分都好貴又唔係特別好食，呢間係其中一間好食得黎又抵既，佢出名燒鵝就唔使講啦，另外既小菜都抄得幾有鑊氣，而且分量不少，一家人如果想食飯，比較同區同集團既另一家，都係建議呢間啦。

A」燒鵝，一如既往好味B」蒜蓉粉絲蒸元貝：1.好地地蒸‘元貝’，用扇貝殼墊底，憑咁光滑的殼表面&同樣光滑的元貝表面，大家自行判斷e個元貝係咪出自同一個殼：如果認為係，咁恭喜你得到6星酒店都唔一定俾到的服務——幫你起埋肉如果認為唔係，你應該會再認真study下個殼上面d唔suppose有的漬或者痕跡，概嘆作為酒樓可以做到咁‘環保’，同今晚會唔會同飯腳爭🚽睇翻個菜名，人地叫蒸‘元貝’，唔係蒸‘扇貝’e度真係俾到你元貝價錢，扇貝的視覺享受服務方面，我地夜晚10:10左右入座，8分鐘內有4個人過來問你飲咩茶or 叫左茶未，即係大概每兩三分鐘有人埋黎問一次，亦即係話，頭三個過來其實系「問候」你，到第4個問的（見我地張臺咁耐都未有茶的經理）都睇唔過眼 問完自己去沖茶😄😄

老人家最喜歡見到D孫仔孫女，端午節當然要一家人食飯，爸爸早幾日已經自己打去海港book定枱，選定餐，今天去到，真的好多人來食飯，連停車場都排半小時才有車位，好彩爸爸之前訂左枱。酒樓好多人，枱亦擺得幾密，不過大時大節，好正常吖，齊人即叫可以起菜，但足足等了20分鐘才來一道菜，不過一來就來3碟！黑松露醬爆帶子蝦球：黑松露味不算濃，但蝦彈牙，帶子鮮甜份量亦足！凱撒沙律伴蟹鉗，蟹鉗杏仁片炸，皮硊，好食，乳豬皮硊、唔肥，配夾餅食好好食！食完豬皮之後還幫我們切開食D肉！古法雞煲翅，翅足廿兩！湯底香甜味濃！足五斤重阿拉斯加長腳蟹！兩個字，鮮、甜！好夠肉！東星斑大大條，但略嫌蒸得過火，熟左D。乾燒伊面略嫌油左少少，福建炒飯個汁好咸。總括，個餐好掋食，最緊要一家人開開心心食飯！

今晚同屋企人慶祝生日，就去呢到book張枱一齊食飯慶祝我哋散叫左：海港燒鵝皇（半隻）、脆皮燒腩仔、濃湯花膠螺頭煲雞、上湯竹笙浸菜苗、上湯焗波士頓龍蝦伊麵、金菇雲耳蒸頭腩、翡翠炒龍躉球和清蒸阿拉斯加長腳蟹。海港燒鵝皇（半隻）：個個去到海港都會叫，即管試吓，賣相幾靚，入囗真係皮脆肉嫩，皮與肉之間唔係太多肥膏，值得一叫脆皮燒腩仔：外皮脆咯咯，肥瘦適中濃湯花膠螺頭煲雞：好多花膠螺頭，好足料，湯入囗鮮甜濃郁上湯竹笙浸菜苗：菜苗嫩滑，竹笙索左湯好鮮甜爽囗，上湯好清甜上湯焗波士頓龍蝦伊麵：伊麵索左汁好腍好入味，龍蝦啖啖肉，爽囗彈牙金菇雲耳蒸頭腩：金菇和雲耳幾爽，索左魚汁更鮮甜，龍躉頭腩幾滑翡翠炒龍躉球：龍躉球肉質結實，冇乜骨啖啖肉清蒸阿拉斯加長腳蟹：隻蟹好多膏好多肉，清蒸可以食到蟹嘅原汁原味，肉質鮮甜彈牙

This restaurant is located in Ma On Shan, part of the Victoria Harbour Restaurant Group, which has quite a number of outlets in different locations. With an access directly from the car park, its decor is decent, of the Cantonese restaurant style, and overall a no-frill neighborhood design with many tables. Seated at one end near the main entrance we did enjoy the relative quietness of this section of the restaurant for our dinner.We ordered the set with three dishes: Roasted Goose, Stir-Fried G

知道海港集團二月底開始做西澳龍蝦大特價，每兩$19.8。今日同阿媽及工人共三個人叫咗一隻，想揀一隻最大嘅，望落去隻隻差唔多，揀左兩隻最大的來秤，最大嗰隻係3斤9兩。等左半個鐘，龍蝦上枱，賣相吸引（見相片），龍蝦本身很肥美，肉汁也很鮮美，如果是10分滿分的話，鮮味今次真係可以比足10分！實在係意外嘅驚喜！因為每次食澳洲龍蝦、阿拉斯加長腳蟹等，10次總有兩三次係會有唔滿意，不過今次真係好滿意，埋單大約$1400 ，真係好抵食！

新年食盆菜應該算係指定動作啦，呢間酒樓平時食開夠份量味道亦唔差，但買盆菜嚟講，呢間都算係第一次，即管試吓好唔好食啦【宣傳單張】睇相好似好吸引，我哋人唔多，買咗個$988嘅盆菜，六位用，依照佢平時午市晚市嘅份量，應該夠食嘅【醬汁，蘿蔔，支竹，娃娃菜】食得都幾講究，醬料有兩大包另外包開，膠盒裏便有白蘿蔔，已先煮熟煮淋，返熱即食，細心另外仲有支竹分開擺，唔會浸溶晒。仲送多一包娃娃菜，有啲菜中和下，減少肥膩感覺，令一個細心點【盆菜真身】廣告嘅相同事實網網佢有好大段距離，但呢個盆菜，照片同真實嘅情況，可以話係非常接近賣相擺得好靚，好整齊，望落去有好想食嘅感覺。【鮑魚】夠大隻，但可能擺喺上邊，煮得唔係咁淋【海蝦】煮左好耐，都仍然彈牙爽口【瑤柱甫】完整，大粒，瑤柱味濃郁【花菇】厚身，又入味【香芋】索晒湯汁嘅精華，夠晒粉夠入味此外仲有好多雞雞鴨鴨，豬手蓮藕，花膠海參等食材，六個人食，食到捧住個肚，除翻開一人百零蚊，抵過出街食

2019年1月10日。這次因爲想食長腳蟹，所以跟家人到了馬安山海港吃飯。因為有訂座，等了一會兒就有位。由其馬安山有蒸氣火鍋！真的是很好！蒸長腳蟹十分鮮甜！而且有魚生十分吸引！大家要記得叫粥底！粥底係全餐既精華所在！蟹蓋加價可以轉炒飯！估佢唔到既係，蒸汽火鍋既燒賣係一流！蒸海鮮時間可以自己定，而且非常夠熱。又唔會太過老！個白色既蛤蒸了非常鮮味！我們一叫再叫。還未來得及拍照就吃完了。馬安山這間的燒鵝也不錯，如果大家來的話，可以一試！

海港酒店是马鞍山的傳統酒家之一，屹立十幾二十年，有他不倒的原因。這天來吃晚市，一坐下打開餐牌，才发現原來已開始春節晚市了——價格是平時的2倍。不過既來之則安之吧。🐖咕嚕黑豚肉最先出閘。坦白說，我吃不出黑豚肉的不同，但咕嚕肉的火候掌控的非常出色。色澤鮮豔，伴以三色椒和芒果和莓汁，酸酸甜甜，非常可口。🦀蟹肉扒豆苗份量十足，蟹肉滿滿地鋪在豆苗上，香味四溢。豆苗也取以較有口感的豌豆苗。138元的價格，交足功課，絶不是哄抬價格。🥦花枝片帶子炒西兰花，也是足足一碟，花枝和帶子與西兰花各占一半。花枝片十分爽口，帶子腍口👍🏻🐟蒸斑魚一斤半，蒸的時間剛剛好，鎖住了魚肉的鮮美，点少許蒸魚豉油，送饭一流🍚買單近900元，雖是貴了double，但質素仍能保持，份量也比平時多了三分之一。

海港是我姑媽必食推介,無論飲茶晚飯團年做節都係呢度抵食夾大件今天到星期天,又和姑媽和家人飲茶的日子。頭先是炸雲吞, 沒有過份油淋淋, 鬆脆好吃!雞紮是我的必食之選,我很迷上雞紮的火腿,不明白為什麼有些地方的雞紮沒有火腿!!! 但這段時間海港的雞紮的魚肚發得不好,發不起。蝦餃也是我的最愛,滿滿的蝦子,紮實的口感,加一點點辣油, perfect match! 叉燒餐包也好吃, 包很軟熟, 饀料調味很適當。其他大路野也在正常水準!!每個星期天也會來

同屋企人食午市咩都等好耐 每隔十分鐘先嚟一樣嘢落咗單好耐先話你知某啲餸係無晒坐房都有成至少十六有多張枱但得一個人serve 忙到都唔得閒幫你追單 唯有餓住個肚一路等最後果個小籠包由落單計等咗至少半個鐘八個字有多 要拎住張單埋去同佢講 先即刻去廚房拎個出嚟 個皮蒸到乾晒 啲肉又散 得個油字 另外個避風塘魷魚係唔熱嘅，食凍炸粉米網腸個米網係嘅最後食咗兩個幾鐘先嚟得九樣點心 總共五個人食 唔飽都廢事再加單或者平時無咁差 有次晚市食過都ok但今日真係食到一肚氣

今天老豆老媽結婚51周年，兄弟姐妹話要興祝吓，近近地決定去海港食返餐，早兩日行開附近順便訂定枱和訂定一圍全包宴，見長腳蟹特價，諗住留定一隻，但支客姐姐話我訂的餐足夠食了，咁為有留返下次先食蟹啦。今天準時去到，今天都幾多人，好彩訂左枱，張枱夠大，我們十二人都不覺迫，未齊人但小朋友肚餓，為有叫些小食食吓先，蜜汁雞亦，香甜惹味，腐皮卷，皮鬆化齋做餡料，滿滿的好食。人齊了，叫起菜，乳豬皮脆，但肥左少少。上菜速度很快，杏仁炸蟹鉗，雖然好食，但個性人都是喜歡用麵包康做的炸蟹鉗。鵝掌鮑魚，雖然入味，但鵝掌末夠淋。佛跳牆非常大煲，有花膠海參、螺頭等等，計過足足有差不多二十碗，湯濃味香甜。瑤柱豆苗好大碟，清淡的豆苗菜嫰，配上濃味的瑤柱汁，好食，好快清碟，上湯龍蝦米粉，花龍肉質不夠鮮甜，煎米粉亦油左D，炸子雞炸得乾左少少，清蒸杉班亦熟左少少，不夠滑，最好食是干燒伊麵，調味好又夠乾身壽包一般貨色，分別有蓮蓉和奶黃餡。不太甜，ok la.食剩好多要攞返家！

今日和太太, 外父、外母和好友往馬鞍山海港食晚餐, 我們點了半隻燒鵝皇, 蒜蓉豆苗、泰式炸蝦餅、脆皮燒腩仔和阿拉斯加長腳蟹。半隻燒鵝皇皮脆肉嫩, 燒鵝食落有油花；蒜蓉豆苗新鮮爽口、泰式炸蝦餅炸得金黃, 蝦餅食落惹味, 脆漿食落爽脆；脆皮燒腩仔食落惹味；最後阿拉斯加長腳蟹, 蟹是外父在酒樓內的魚池新鮮揀的, 蟹好大隻, 食落新鮮鮮甜, 蟹肉入口即熔食落美味。酒樓座位舒適, 食物美味, 值得三五知己相聚好地方。

快到中秋，乘機與家人提早吃豐富晚餐。這間海港馳名燒鵝皇好吃，不過提提大家晚飯訂位後，切勿遲到，因過時不會留位，可能是太多棒場客所以有此安排。阿拉斯加蟹，约5斤半，是日重點，大家非常忙碌的拆蟹，連清蒸龍躉也忘記📸，做了蟹的背景😅，可想而知🦀美味極了！燒鵝皇半隻，唔點唔得，因燒鵝非常入味鮮竹魚肚浸勝瓜，味道清新！蜜椒薯角牛柳粒，味道較甜！椒絲腐乳炒通菜，非常惹味！鮮蘆筍帶子蝦球，材料鮮味，蘆筍新鮮！濃湯花膠煲螺頭，滋潤湯水，可以補充膠原蛋白喔！椰皇燉燕窩，必選甜品，養顏嘛