海港酒家

营业中

休息中

今天來到土瓜灣海港，有燒烤餐牌是這與其他海港酒樓不同之處。燒鱔咬落有彈性，可惜味粉過多遮蓋了魚味，下次可以要求走味粉，燒菠蘿唔食得都睇得何況真係好食，其他燒烤串燒也合格，這裏的甜品芒果糯米糍也非常好吃不過今晚欠奉。

出名價廉物美，主要做街坊生意。用餐環境、服務就唔可以要求太多。鍾意食佢個阿拉斯加長腳蟹，唔貴又大隻，一家人食飯慳水慳力。最近發現晚市多咗串燒選擇，價錢貼近全港最平，性價比十足——————————黑松露醬燒蟶子 $27/隻 蟶子大大隻厚肉，勁彈牙，少少黑松露醬唔會搶走蟶子鮮味，重點係只賣$27隻🤪出面起碼收你$50-60。抵到爆磯燒金錢鱔 $48 皮脆肉嫩，表面少少焦香，送酒一流🤤$48有4件，性價比極高北海道元貝皇 $53 帶子肉偏細，調味亦太重手，呢個麻麻哋皇阿瑪鮑魚雞煲 $148 一煲有四隻鮑魚，雞件味道正常分量足，可自選辣道，飽肚之選百威酒(600ml）$18.8 一個字：平🤣——————————-海港晚市餐牌選擇繁多，想平平哋飲下啤酒、食下海鮮串燒，係唔錯選擇🍻🥲估唔到今晚係最後一日有晚市，希望快D開返😔

今日試咗黑毛豬叉燒，睇落去個樣比較淡色，原本冇乜期望，食落之後完全明白到貴係有道理嘅價值，叉燒肉味濃郁，肥瘦均勻。同一日亦都食咗鹹豬手，價錢亦都合理同埋大隻，味道亦良好，要嚟送飯一流。

吃盡土瓜灣！屯馬線開通左之後，因為交通方便，多咗好多機會嚟土瓜灣🤣 今次想介紹我覺得全土瓜灣最好食嘅茶樓點心🧆星期日一家大細都出嚟飲茶，所以平均要等10張枱以上🥺而呢間茶樓出點心嘅速度快，點心質素亦好高☺️ 總結我咁多次黎食嘅經驗，推薦嘅點心如下：1️⃣ 紫心香芋丸真係無得輸！外表炸至金黃，好鬆脆，而裏面嘅紫薯仲好濕潤💜2️⃣ 櫻花蝦煎薄罉我食咗咁多次都唔明，明明外表就咁普通，但點解佢可以整得比起其他茶樓好味咁多，究竟係材料問題定係做法👀 可能因為啲櫻花蝦？🤣3️⃣ 黑椒牛仔骨茶樓將牛仔骨煮得超入味，即使唔係特別鍾意食黑椒既我，試一次就即刻愛上左😻

試過土瓜灣區內幾間酒樓，如果以價錢，食物質数及環境乾淨度計，海港是較高的一間，無論早，午及晚市，出品是較好的一間。今日約11点到，試了早茶，全埸坐滿，等了十分鐘，才有位，俾咗近落地玻璃的枱，景觀一流，可以望到海景呢，坐低後，叫了9個点心，皮蛋瘦肉粥，粥底滑，皮蛋好食，但份量不多，約半只左右，另外咸鱼雞粒飯，算好食，日式煎餃子，不油，外脆的，贊！至於鲜竹卷，則稍為遜色！最後埋單，三位連茶錢加一共145。

假日通常都會嚟呢邊飲茶，基本上食物質素正常，環境亦唔太差，點心亦多元化。但今天食品質素大幅下降，衛生有問題，服務更加可以說是沒有。首先，員工放低茶壺後，連洗碗的器皿都沒有，再三追問下，還是自己出去拿吧。之後，問員工拿兩碟辣椒油，員工用對講機請另一位員工拿給我們，但過了一段時間，還是不見人，也是自己出去拿吧叫了一個燒鵝米線，幾碟點心。燒鵝米線中規中矩，以下午茶來說，也還可以。在進食蛋黃千層糕時，我發現了一條眼睫毛在裡面，真是什麼胃口也沒有

因為最近疫情限聚令所以晚市都係外賣。今日試咗海港酒家嘅抗疫套餐，因為有龍蝦鮑魚，而二人套餐只係需要298。所以就諗都冇諗就訂咗嚟試吓。雖然呢個價錢對二人套餐並沒有太大嘅期望，但係的而且確唔好食。特別係龍蝦，佢用上湯嘅煮法呢冇龍蝦味，伊麵亦冇乜味。以佢嘅兩隻鮑魚亦十分硬，好難咬。比較好嘅係條魚，雖然唔係新鮮，但係酒樓嘅煮法加上豉油，都算夠味。當然菜同燒味都有中等水平，以298來講，不過不失，因為佢多款式而拉返分。

啱啱下午3:00去咗土瓜灣翔龍灣間海港下午茶。落完單，成十五分鐘，壺茶都仲未有，要我開聲先至話唔記得。食到3:40話埋單先。好啦，咁諗住飲埋杯茶就去埋單啦。由坐得太耐，腳痺。忽然有個店員一手搶咗張單，就拎咗櫃檯。極之無禮貌，你當啲客係咩呀。都算啦，我跟手去counter埋單，當面兩條八婆響度鬧我，檸轉面見到先收聲。個陣先3:45，你地咁趕客，又趕住收工，不如兩點後就收啦，駛乜開下午茶時段，反正所有客人都係阻住你地收工。我去飲茶，唔係去食快餐店，諗住坐多陣，結果45分鐘就俾人趕走，你哋咁好服務，我一定會好好宣傳一下。

話說同朋友係屋企傾傾吓過咗時（本身諗住五點去食夜晚飯）唯有叫外賣朋友同我都想食燒鵝所以就叫咗海港嘅外賣（呢段時間佢哋外賣有折扣8折，但只限特定外買紙上的食品，張外賣只有啲混淆因為大部份食物係紙上價錢八折，但燒鵝就已經係折咗嘅價錢（七折））點左例牌燒鵝（$87）+欖菜肉鬆四季豆（$52）+1個白飯（$15）*非常非常搞笑地唔接受電話落單要用WhatsApp（都幾潮），這直接面對面落單.👌🏻例牌燒鵝比想像中大份，打開以為俾咗半隻我地，之前都食過幾次海港嘅燒鵝水準非常唔錯，今次好似燶咗少少及都有幾舊係無咩肉嘅.👍🏻欖菜肉鬆四季豆（小鹽）非常非常香，啲豆炒得好入味而且都爽口，回頭率非常非常高*對於有得order少鹽感覺非常好😀白飯好大碗兩個女仔share 啱啱好總結：性價比好強 ，埋單$149回頭率好高：因為性價比好強

我去咗朋友屋企打躉，天氣凍凍地又好想食羊腩煲....又唔想去咁遠又因為疫情關係想去乾淨啲嘅地方...所以去咗屋企樓下嘅海港食羊腩煲....（大家一般嘅諗法食羊腩煲一定係去大排檔食先好食....我都係本着呢個想法落去食不過冇得揀冇辦法） 點菜之後等了約10分鐘便嚟到，本身個鍋都暖暖地，煲咗約至10分鐘就食得啦～ 另外送生菜自己同朋友叫咗兩個飯（埋單$231 ,已包茶位）都真係有點意料之外（比想像中好吃）👌🏻腐竹雖然唔係好滑但係條條都好林，亦都算入味好好食👍🏻羊肉90%都係非常非常淋身，亦唔會太多脂肪，感覺像剛剛好，分量亦唔算少（對兩個人黎講，如果四個人就會覺得少啲）🌝湯底方面好搞笑😂有一半似台式藥材味算重...跟住有一半中式南乳base 湯底但係唔係好濃（成煲湯入邊特登去數有兩粒馬蹄🧐）👍🏻送嘅生菜好新鮮Overall 真係感覺唔錯食羊腩煲多咗個選擇總結：食物 6/10環境 5/10清潔 6/10服務 5/10性價比 7/10回頭率 7/10

朋友邀請我去參加佢哋嘅父親節晚餐去到全院滿座但見到嗰個魚缸好多阿拉斯加蟹 魚缸好乾淨同好新鮮 食物方面：我哋叫咗串燒牛脷，燒牛柳，燒鰻魚，半隻燒鵝，八寶齋，阿拉斯加蟹+1個燉湯，西蘭花炒雙蛘。串燒方面全部都好好食亦都好抵食，20幾蚊就有交易； 燒鵝保持一貫海港嘅質素唔錯；阿拉斯加蟹好新鮮肉質飽滿，蟹肉好雪白，冇蟹臭味。價錢亦都好實惠大概$1000左右5公斤； 其他嘢都唔錯不過唔係好記得仲叫咗啲咩。但係我發現每一枱大部份都一定會叫阿拉斯加蟹同埋象拔蚌刺身，一晚起碼出咗最少50隻，服務態度好好但係因為佢哋根本上就唔夠人手，做唔晒所以招呼都係有欠周到，碗碟次數梳落，叫好耐都冇人回應，但我好明白因為佢哋真係冇足夠人手。可能下次去就食澳洲龍蝦🦞

又系遲左寫食評，吃嘅當天系4.16。🦀🦀個陣都足足食左2、3次海港，覺得佢地質素OK先會屢次到來。今次又系蟹宴，個次嘅特價系188 1斤。(但現在5.20已經228一斤)。今次系我地自選，選得普普。啲肉無咁實同新鮮，但寫上去還可以。每人吃一隻腳同啲餸已經好飽。因我自己比較鐘意「脆皮豉油雞」，所以大多都會叫。個皮幾好食，雞肉也不錯OK👌🏻。100到真系算不錯。之後，叫左個「花膠雞響螺湯」。佢會幫你攞埋d渣上嚟，有雞腳，螺，花膠。個湯系可以接受嘅，但是飲落去都幾多味精，有點咸。⭐⭐⭐有一樣野系必叫嘅，就系「千層豆腐花膠菇煲」，$100上下。好入味，菇同千層豆腐好搭配，令到味道更加好。都系個句，無乜甜點可以叫，叫左2次都話無。個待應就提議下次如果想吃椰皇甜品，就BOOK位個陣預訂埋。我就叫左個芒果布甸，都可以嘅。曾經有一次系到試過燉蛋，芒果布甸較遜色。

有冇諗過可以係一間普通酒樓入面都可以食到高級食材?😋就係阿拉斯加長腳蟹啦!!😍大家以往對酒樓食嘅特別食品(例如唔係點心嘅食物)就會抱着有色眼鏡去睇，覺得應該唔方好食得去邊👀例如會以為喺酒樓食嘅長腳蟹就一般貨色，上唔到大台😔但係呢度嘅長腳蟹會完全顛覆左你呢個諗法🤪一個字，正！🥳動物界嘅超級名模，超長嘅42吋長腿，多汁又甜🦀甚至有好多住喺新界區嘅朋友都專登嚟呢間海港食佢啲長腳蟹💃🏻其實夜晚除咗長腳蟹嘅特別套餐之外，佢平時下午茶嘅食物都非常有水準😋福建炒飯，煎釀茄子等等都好好食🤭但係如果大家慕名而來想食佢嘅長腳蟹套餐，就記得早啲定位啦！手快有手慢冇😚

今日我又去咗令一間海港食飯，我諗應該係呢一個月嘅第三間，咁都係照舊例牌，一行五個人叫咗一隻四斤14輛嘅阿拉斯加皇帝蟹，但係今日又加咗價，我有148一斤到168斤，食到今日去到$188一斤，咁其實價錢都接受到嘅，因為自己出去街市買都應該要$200一斤，最緊要係唔使煮唔使洗呀嘛，睇怕正常又要嗌幾個小菜啦如果唔係就唔夠食，咁我今日帶咗個孖寶，就係蒜香蒸鱔同埋茄子斑腩煲，呢個蒸鱔份量真係十分之少，真係有投訴過，味道還可以正常可接受。再嚟嗰個茄子斑腩煲，上台嗰陣仲係渣渣聲，好季軍，都算好香口，不過係多咗少少，斑腩嘅份量都好足夠，茄子就有少少油膩得滯。帶多咗個西蘭花炒帶子，呢個就分量十足喎，可能係單點菜啦，不過咁樣又唔啱喎冇理由孖寶嘅份量少咁多，有啲過分燒男仔不過不失啦，但勝在份量夠多，不過脂肪部份好似多少少，比例可以再進步啲再嚟就係蟹，今日啲蟹膏有啲苦味，可能師傅開蟹蓋緊時候切爆左個膽掛，要扣分，蟹肉質素都保持水準。

海港長腳蟹做緊優惠 $148一斤 最重要係星期六同星期日都有呢個優惠即刻同家人一齊去食蟹蟹當晚蟹既size多數係4斤左右 我地好不容易先揀到一隻6斤幾重的其實一入酒樓差吾多台台都食長腳蟹 但當自己揀果隻上台時都不禁會發出嘩嘩聲蟹膏香滑蟹肉鮮甜仲要啖啖肉好好味啊埋單時見到隻蟹$960蚊 超抵食