海港酒家

营业中

休息中

突然間想飲茶，中午竟然唔使等位就可以直入，我哋四個人，酒樓俾咗張大枱我哋坐，比較大風，一定要帶外套。寫咗點心紙，中午有特價點心紙，大概10分鐘先至有嘢食上枱，黑金流沙包，係我一直都推薦，今次冇失水準，繼續包軟，蛋黃心流沙，餡料足，上枱時熱辣辣。小籠包，一籠有三件，唔推薦，小籠包皮十分厚，黐住咗個錫紙皮，肉汁唔多，個餡料亦都一般。浸菜心，推薦，煮菜心個湯底好入味，菜心幼嫩，唔會好大條，容易食，份量多，抵食。

I ordered a takeaway roast pork and chicken rice for my father. The price is 32 and the portion is larger than similar shop.

疫情期間，好多餐廳都推出外賣優惠，就連蒸魚都唔使喺屋企自己蒸，方便又快捷，而且仲有外賣自取八折優惠，相當抵食🤓❣️海港燒鵝王（半隻）$220 8折$176外皮燒得香脆，肉質仍然嫩滑，可惜肥膏太多，食落好油膩😅❣️清蒸沙巴龍躉（2斤）$200 8折$160魚蒸到岩岩好，肉質保持嫩滑，配上豉油同蔥，好快就將成條魚食完😋好味度：7.5（10分滿分）海港提供左懶人之選，喺屋企唔使煮平平哋買下啲餸都唔錯嘅，佢仲有大量嘅小菜，上網預訂就最方便啦

團年飯揀左食盆菜，寓意盤滿缽滿，今次訂咗六人份量，但材料十足，八人都夠食🤓❣️新春至尊鮑魚花膠尚品鍋 $880有鮑魚、花膠、中蝦、燒鵝、香妃雞、鯪魚球、原隻元蹄等等超十幾款嘅材料，最有驚喜係蠔皇扣原隻花膠，每隻都成隻手掌咁大，但我最鍾意都係個鯪魚球同底下嘅芋頭，吸晒汁嘅精華👍🏻好味度：7.5（10分滿分）味道中規中矩，勝在價錢抵，而且海港仲有其他菜式，如長腳蟹，燒鵝，蒸沙巴龍躉等等，冇得出街食飯所以一次過買埋做節最方便

海港最近出左個抗疫2人餐。酒樓都好衛生，先測左體溫，每台都有一定距離。個餐包左龍蝦伊麵，2隻鮑魚，燒鵝拼叉燒，炒芥蘭，蒸魚。另外仲可以加叫燉湯。我地加左2個燉湯。淮己花膠燉鏍頭，花膠超大片😍飲落個湯都好老火湯味🥰入面仲超多料。又有鮑魚仔同響鏍，仲有烏雞💕好滋補。龍蝦伊麵，龍蝦超彈牙，好鮮甜，伊麵吸左上湯湯汁，好入味。鮑魚，好大隻，有用香蒜爆過，食落外層脆脆地，都幾好食。燒味拼盤，好吸引，燒鵝香脆，叉燒燒得岩岩好👍🏻😍幾大碟。蒸魚，係沙巴躉，係新鮮蒸出黎，鮮味好足😋炒芥蘭，我地覺得太好食，所以好快清哂😆

網上落單外賣自取平到笑，見過朋友post啲相上網幾吸引，今日收工唔知食乜見到原隻開邊上湯龍蝦🦞伊麵都只係78蚊一份，兩公婆就每人一份再加多個59蚊例牌燒鵝試下，初時都驚啲龍蝦唔新鮮，但食落確係唔錯，有一貫嘅水準，仲有大大隻龍蝦鉗，伊麵分量都好多，但掛住食龍蝦麵，冷落咗啲燒鵝，無咁好味，計落真係低過係茶餐廳叫兩個小菜㗎美中不足係訂餐個網頁load得唔係咁好，超慢，可能太多人一齊訂掛，同埋無得攞分囉

屋企人生日 長輩話想食中菜就揀左以前食過唔錯嘅海港呢間野以前係將軍澳中心果間分店真係好食以為寶琳呢間都會有水準 點知真係跌晒眼鏡 大失所望4個人 叫左好多野食1. 口水雞 (呢碟唔記得影)D雞好細舊 皮超厚 無咩肉而且得幾舊 屋企人之前好鐘意食 可以一個食晒成碟今次了左兩下食左一舊就放底左收$58  唔抵2. 大杉斑兩味 曾經係我地屋企嘅至愛依家完全唔掂  兩碟都勁油但咁多油頭腩依然好腥 而且無咩味望落多豉油但完全唔咸D服務仲好差落單果陣 問左個待應好耐 有冇得轉露荀講野唔正都唔緊要 (呢樣香港人遲早都要習慣)佢咦咦哦哦都唔知講乜 一時話有 一時話冇 一時又話要問廚房搞到一輪 confirm左有啦 單都出埋但最後就黎左萵筍 離晒譜3.成餐最好正就係呢碟乳豬 脆卜卜 少肥入口甘香 油份適中 但係個燒鵝就唔掂啦肥到根本得脂肪肥糕 連個脾位都無咩肉又有個小插曲個待應竟然唔知乳豬可以拼咩搞左15分鐘先確定可以拼燒鵝但..佢落錯左單入第2張枱 D野上錯晒4.呢味燒鱔唔係我影得衰 而係佢上碟真咁樣完全呆左 不過公道D講 幾好食佢用左鰻魚汁去燒 幾惹味 而且恰到好處 唔乾 仲有D汁唔計賣相值得推薦6

做節一家大細12人一圍嗌左兩隻阿拉斯加大蟹食一人一隻腳已經好飽。好大隻好厚肉夠鮮味。食完先嗌其他餸，因為已飽左一半！最後嗌左一隻燒鵝，肥膏唔多，唔會太瘦都好好食。

我同老公同個仔一家三口星期日去咗飲早茶，大概9:30到達，拎咗三人唔搭枱飛，等到9:55到就有位，星期六日10:00之前有特價點心，入去即刻填咗點心紙先，特價點心相對上都平，叫咗個點心孖寶，叫咗個菜心，份量都真係好多，叫咗最鍾意食嘅黑沙奶皇包，真係好好味，流心的。另外叫咗個炸兩，好脆口一啲都唔硬，個醬汁鳳爪好入味好冧，燒賣都好好食，紅棗糕都唔錯，但我覺得$9個茶錢有啲貴😅餐廳裏面枱之間嘅距離都充足，唔會好迫。

香港人喜歡一盅兩件，花上幾小時飲茶，慢慢嘆，享受生活的節奏。海港門口有自助探熱器，裡面地方大，冷氣強勁。雖然客人不多，但樓面工作的人也很少，看到有客人自己走去加水及倒水。潮州粉果，正宗皮薄餡靚，裡面材料豐富，有沙角，迷你蝦米，香蔥香芹，花生碎，加上胡椒粉，必食點心之一。金莎蘿蔔腸， 腸粉皮下有脆皮，香蔥香芹加滿滿的蘿蔔絲，如素者可選擇此點心。鮮竹卷一籠有三條，上湯清甜，餡料豐富好味。牛肚爽口，蘿蔔淡味，味道一般。豉汁鳳爪準備過程不簡單，鳳爪過水之後要炸，炸完要調味，再蒸，香噴噴的鳳爪就在眼前。鳳爪在茶樓如此受歡迎，就證明是不可缺少的點心。滷水鵝掌翼配上酸醋，味道一流，喜歡吃鵝掌翼的朋友不要錯過。

在四人限聚令仍然生效下去酒樓晚飯預祝母親節酒樓內的食客不多，枱與枱之間的距離疏落餐牌方面，除了一般的單點小菜與粉麵飯外，酒樓方面亦變招推出按人頭收費的套餐，有別於以往按半圍或一圍的收費～我們就選了每位$148的龍蝦伊麵套餐！龍蝦伊麵套餐當然包括龍蝦伊麵，還有一盅燉湯及一道小菜燉湯有兩款，分別是青欖燉鮑魚湯及鮮石斛燉豬腱湯～～我們四人就可點四道小菜，有竹笙如意燒豆腐﹑艇皇莧菜煲﹑脆皮醬燒雞及海南咖喱牛腩煲上湯焗開邊龍蝦伊麵，每人有半隻開邊龍蝦，算大隻，啖啖肉！龍蝦略略走油，幾香口，肉質雖不算鮮甜，但都叫爽口不會霉～伊麵吸滿了湯汁，好惹味～～～兩款燉湯的用料豐富鮮石斛燉豬腱湯的味道較清淡，普普通通，豬腱的肉質有點粗糙青欖燉鮑魚湯的味道略略鮮甜一些，每盅有三數粒細細隻鮑魚！脆皮醬燒雞，燒到皮脆肉嫩，略略帶肉汁與雞油醬料醃得恰好，不會太鹹，這道菜算是最好吃的一道菜！海南咖喱牛腩煲，咖喱醬汁算不上香濃，但都叫夠味咖喱與薯仔就是匹配！牛腩帶有咬口卻不會過韌，都算不錯！竹笙如意燒豆腐，整道菜就只得竹笙吸收了那層芡而幾好味～質感又夠爽！燒豆腐及西蘭花都是無味的艇皇莧菜煲，有魷魚﹑蝦乾﹑肉碎等配料這是最

老人家生日往年都會食一圍慶祝，但限聚令每枱唔可以超過四人，惟有少啲人分開食。入酒樓前有幫每個食客量體溫👍🏻入到去坐幾闊落，有隔檯坐做足衛生措施☺️嗌咗幾個小菜一齊食，最鍾意龍蝦伊麵🦞好足料每人一隻啖啖肉😋其他食物不俗。略嫌服務可改善，酒樓食客已經不多，但食完切蛋糕冇人收碟，堆到成檯都係。

未試過海港外賣自取，外賣自取仲有8折.........係平的！！今次叫左個上湯龍蝦伊麵折后102元。因为試過別家的外賣自取餸，通常都係好細份。。。。今次其實都差不多如果有芝士焗仲好，不過都預左龍蝦係超細隻，不過不失🤔🤔🤔🤔🤔🤔🤔🤔🤔🤔🤔🤔🤔🤔🤔🤔🤔🤔🤔🤔🤔🤔🤔🤪🤪🤪🤪🤪🤪⋯⋯..............................

見香港疫情開始緩和，終於按耐不住，同老婆出外食晚飯。地點選了屋企附近的海港酒樓。去到酒樓，只得約10枱客。二人點了泡菜煎餃子，佛跳牆，豉汁蒸白鱔及蜜味欖角骨。等了約半個鐘，餸還未到。於是叫夥計跟進。過了5分鐘，夥計才説佛跳牆巳沽清。感到有點氣憤，無可奈何，改了叫兩份淮山杞子燉鮑魚湯。再等了5分鐘，鮑魚湯先到。立刻飲一啖，味道不俗，材料亦豐富。跟住煎餃子亦到，老婆食一口，裏面竟然係凍。立刻叫夥計跟進， 但為免夜長夢多，直接叫夥計取消算了。跟住再上豉汁蒸白鱔。白鱔算肥美，食落彈牙，豉汁味濃郁，很不錯。另欖角骨味道亦不俗，蜜糖味加上欖角甘香味道，起了點化學作用，而排骨亦做得鬆化，送飯一流。其實這裏的小菜做得不錯，但服務水準很一般，令我對這酒樓印象大打折扣。

假日飲茶都預左要排隊,但無諗到咁誇張,酒樓門口企滿人,想攞排隊號碼都要穿穿插插先攞到!這裡空間非常大,雖然d枱排得密密麻麻,不過就因為咁先容易等到位,唔洗半個鐘已經可以入去!坐低後立即搵點心紙,選擇都唔少!<鳳爪排骨飯> 飯粒軟硬適中夠哂熱,淋上豉油加埋豉椒,又香又好味,可惜排骨唔算多肉,鳳爪好細隻,有點失色!<紫心香芋丸> 炸得好乾身,沒有油膩的感覺,內裡的香芋餡好味又唔甜,真係食得好滋味!<鮮蝦腐皮卷> 未食已經覺得好油膩,外皮唔係好香脆,餡料雖然有蝦有豬肉,但太油膩,食左半件已經有點濟!<翡翠筍蝦餃皇> 蝦餃蒸得好熱出哂煙,皮薄餡靚,咬開蝦餃見到大隻又新鮮的蝦,內裡還有筍,食起來好爽口!味道不錯!<蒜蓉蒸鮮魷> 除了有魷魚筒又有魷魚鬚,咬左幾下,居然食起來唔韌又爽口,下面仲放左好多粉絲墊底,吸盡蒜蓉汁,一啖魷魚一啖粉絲,十分好味!整體來講,酒樓環境雖然大,但枱和枱之間實在太密,坐得比較迫!人手又唔夠,每次點單或加水都要自已行出去搵人,服務方面仍待改善!至於食物都算可以,下午茶大中小點同價非常優惠,下次