海港酒家

营业中

休息中

食物方面：-龍蝦伊麵好高質，龍蝦大大隻，新鮮彈牙，伊麵好滑，好濃龍蝦味😋👍🏼-蝦都新鮮，唔錯-條魚都正常，魚肉都滑，但唔夠熱-甜品正常，唔特別好食，但個陳皮紅豆糕就冇乜味，可以改善下～服務方面：正常環境方面：張臺係折檯，有小小傾斜，小心倒瀉水性價比方面：酒樓食小菜，一定比較貴，呢間價錢正常如果覺得我寫既食評幫到你既話，記得follow，like，同埋share俾你身邊鍾意食好味嘢既朋友😋😆

因為要去隔離銀行排隊，所以就入左呢間野飲茶佢，真的好難食，腸粉入面個油炸鬼好硬，🥲個包個底勁實，好難食🥲鮮竹卷完全係第二樣野黎，🥲口感好嘔心，沒有下次。🥲

一踏入這家店，環境即刻俾人一種歎息，似乎家嘅感覺湧上心頭，等唔切咁撲向菜單，選幾款嘗吓。先點個關東煮牛肉鍋🥘，呢個真係嘆為觀止，牛肉Q彈得嚟唔油膩，滋味夠晒深入人心。緊接再搞個松露海皇炒飯，撥開一碟香噴噴，口感軟糯夾雜著松露既高貴氣息，真係惹味到不得了。蒜香帶子茄子🍆配合得天衣無縫，食落好似有種爆炸既口感，帶子QQ發，茄子口感滑溜，仲有隱隱既蒜香撲鼻，完全係大人小朋友都鐘意嘅款。鹵水掌翼呢個就更加勁，入口略感韌勁，不過鹵汁香味十足，令人跌入鹵水的"香"魔法之中。最後，點埋個上湯蝦球伊麵作結。蝦球就真係彈牙得嚟又唔會太過硬，同伊麵嘅嘆之配合就更加無可挑剔。簡直係把口感同味覺既享受推向極致😋。整體來講，呢個地方絕對值得一試再試，每一口都好似喺話，"再黎一碗呀！" 🤤👍🏼🍽️

阿拉斯加長腳蟹不時不食，當造的長腳蟹肉質鮮甜無比，而每人也分到不少的蟹肉，的確是海港酒家一向的招牌。鴻運脆皮皇子豬全體圍餐的乳豬全體也夠熱辣辣，惜是肥膏較多，不夠均勻。黃金蟹肉蝦球伊麵一貫酒家的質素，大堆芡汁拌伊麵，蝦球也很多，淺嘗一點就好。泰式炸蝦餅（十二件）熱辣香脆，沒有挑剔之理由。有點特別的是，蝦餅中混有星星爆炸糖片，令口感變得有趣。西蘭花炒帶子花姿片蔬菜類是清新之選，師傅的炒功也不俗，沒有多餘的油份在碟底。竹笙海皇燴燕窩濃濃芡汁的湯羹，味道較淡。蠔皇原隻鮑魚扣花菇（十三隻）鮑魚和花菇份量十足，就是濃味的蠔油醬汁把整碟菜都弄成同一味道。欖豉醬蒸蝴蝶龍躉斑（一條）吃到此時，龍躉斑已是吸引力不足，淺嚐了一點，肉質也頗滑溜，沒有蒸煮過度的問題。海港燒鵝皇（半隻）酒家的另一招牌，燒鵝皮脆而肉質不俗，伴上的甜豆也好吃。歡樂大蟠桃（十二隻）巨型版本的蟠桃包，有蓮蓉和吉士餡兩款，吃罷就是圓滿的一頓大餐。

今晚去了打邊爐，最近這家酒家工作日（週一至週五）$198任飲任食海鮮火鍋套餐！好便宜！無限時！吃到飽！套餐含：湯底2選1（麻辣雞鍋/羊腩湯鍋）+海鮮盆+安格斯肥牛一碟+鮑魚鵝掌+巨型水餃王+雜菜一碟。另有56款任食配料。性價比高～對味道不太講究的話，這餐廳值得一試～味道正常～環境乾淨！新鮮程度：一般選擇種類多，大多都是打邊爐的配料。除了他送的安格斯牛肉較好吃外。任食配料加配的肥牛好硬～我個人覺得一般～不過這裏沒有限時，你可以和朋友可以坐很久。

最近家庭聚會鍾意叫海港嘅長腳蟹同羊腩煲外賣，勁抵食！宜家平吖，外賣$228/斤，買4斤蟹其實已經好大隻，唔使$1000，再加2客羊腩煲同個鮑魚雞煲，6個大人都食唔晒！本身2客羊腩煲包2包生菜，不過太少，要自己另買好多生菜。個羊腩煲唔蘇，好多支竹，好大嚿羊肉！比想像中多！算勁抵食！個鮑魚雞煲屋企人都話好食！當然，外賣返到屋企我再滚返熱，加好多蔥同芫荽，賣相就再靚啲☺️真係抵食！4兩1嘅蟹其實都好大隻好厚肉。已經近3個月短期內叫咗4次海港長腳蟹了。

今晚兩公婆出街食晚飯 選擇新都城的海港酒家 原本想食火鍋套裝有六款供應 其中一樣是牛肉 我們都不吃牛 有點不化算所以放棄咗 改食小菜 叫左一條清蒸東星斑仔+豉椒炒莆田聖子套餐$348，加個燒鵝例牌$128，條魚一點魚味都冇淡口 莆田聖子細細隻但有沙，燒鵝上枱見皮下脂肪好肥 最失敗的是師傅刀工不夠功力 斬不斷 要用力扯斷才可夾甩 皮下肥膏多得很 鵝皮又不脆 失望，埋單$595，奇怪星期一客人都很多 做街坊生意 再如此下去 恐怕做不長了😓

海港酒樓是一間環境很好的酒樓，他們的位置近海邊，酒樓環境好舒服，設計很優美，飲茶一流。我帶了親人一起去飲茶，我們叫了很多美食，例如有：蔬菜、蘿蔔糕、豬腳薑、青椒茄子等。全部都美味的，出到來熱熱的，很新鮮的。我們食得好開心。我們一吃就吃了幾小時，聊了幾小時。我下次一定會再來。

預早落訂，2023年6月17日父親節套餐，收費3282元連加一，諗住食物唔會太差，因為以前吃過，家人諗住咁耐冇食過，未決定去試吓，點知成個套餐食物冷冰冰，乳豬又肥又凍，條魚又煮唔熟，好似煮咗擺喺度攤凍先俾你，佢仲要求要提早俾600元訂金，完全喺hea做，食物冇温度，唉～令我們過了一個非常非常冰冷的晚上。加上人手不足，上餐安排混亂，食物超難吃，不停被要求在晚上7點45分要埋單，以後再也不會再來這吃。

附近有海港, 就來試下平價任食海鮮火鍋 食物 : 亞姐話第一ROUND不用叫, 會安排送來, 就走去攞嘢飲, 最吸引是有樽裝汽水, 還有少少其他飲品, 等成20分鐘, 終於有嘢食。一次性的有鮑魚+鵝掌+海鮮拼盆+水餃皇, 味道普通, 海鮮不是好新鮮, 但第一ROUND的肥牛質數幾好, 之後再叫就差很遠, 任食的款式不多, 叫了幾樣就沒有再叫 環境 : 酒樓環境都比較嘈, 好在當天是平日, 不滿座 服務 : 姐姐有禮貌, 但比較忙, 耐心等一下就好 價錢 : HK$413.5/2人 (加一服務費)

今次來海港酒家吃了一個很豐富的晚餐。他們的晚餐很抵吃。最喜歡吃他們的龍蝦、阿拉斯加蟹、蒸魚。尤其是他們的龍蝦很大隻，食到我好滿足😀 他們酒樓的環境也很不錯，感覺好熱鬧，適合一家大大細來食。

通關後有親戚喺國內嚟香港玩幾日，為咗方便年紀最大嘅長輩，佢哋揀咗新都城嘅海港食晚飯。我哋揀咗$3880套餐，另外點咗幾個飯，龍蝦大隻啲，埋單四千六百幾，食物味道唔錯，都幾大碟。花膠螺頭燉爵士湯，個燉湯好多料。鴻運脆皮奶豬全體，好脆，唔會太細隻。上湯焗龍蝦身伊麵底，加咗錢轉大隻啲，都好多肉。日式鹽燒龍蝦頭爪。西蘭花炒帶子珊瑚蚌。茶果子百花球轉咗荔枝蝦球，用蝦球造成荔枝賣相，好特別。金華蝴蝶蒸龍躉斑，唔記條魚有冇加錢轉大條啲，都好新鮮，仲有啲配料一齊蒸。原隻鮑魚扣鵝掌。上湯杞子浸菜苗。歡樂大蟠桃，有兩種味，一種係奶黃定唔知蕃薯，一種係好似係芋茸，食咗奶黃嗰個好難食，無味。

今日過咗嚟寶琳之前喺海港食過點心同晚飯對食物質素感到相當滿意見到而家海港提供埋任飲任食火鍋估唔到質素又幾唔錯喎飲品除咗有竹蔗茅根同橙汁之外罐裝啤酒及玻璃樽裝嘅汽水全部都係任飲玻璃樽裝嘅汽水特別好汽配合埋打邊爐真係一流我哋揀咗清湯底跟餐送嘅海鮮又真係幾新鮮喎叫咗幾款菜洗得乾淨 👍特級安格斯肥牛 👍另外送嘅鮑魚都燜得好入味成個砂煲上未食之前仲可以冚住個蓋保持溫度其他火鍋配料有大約10幾款可供選擇質素對得住每位$188嘅收費最重要嘅係無限時5:30pm就可以入座眼見火鍋枱都坐唔滿生意真係難做

趁冬天即將結束，天氣早晚仍然感覺清涼，相約家人一齊去揾火鍋食，見到呢間酒樓有任飲任食火鍋仲要係冇限時，於是 book 定檯，去到唔需要等可以即時入座。任飲嘅飲品有支裝汽水、罐裝啤酒及飲品，還有濟州橙汁同自家製嘅桂花蜜及竹蔗茅根水。指定一次性送嘅有以下：1）胡椒豬肚雞湯-個湯底有好多豬肚同雞，還有炸支竹同白果。2）海鮮盆（每次供應六至八款時令海鮮）-今次共有七款包括扇貝、珊瑚蚌、蝦、龍躉頭腩、蜆、蟹同鱔片。每樣海鮮都算新鮮，較好味嘅喺蟹同鱔片。3）每位一隻巨型水餃皇-都算幾大隻，入面餡料有木耳絲、蝦肉同豬肉，味道都唔錯。4）特級安格斯肥牛-冇宣傳單張上嘅級數，但快淥幾下後食落都算唔錯。5）時令蔬菜一份-蔬菜有生菜、冰菜、車厘茄、南瓜、鮮冬菇、韮菜花、金菇同白菜仔。另外加送每人一隻鮑魚鵝掌，炆得都夠淋及入味，算幾好味。另外任叫任食嘅其他食物都算唔錯，個人覺得炸魚皮、蝦滑同鯪魚球最好食，最後要讚佢嘅烏冬都好好食。

以前中學時期成日都會去酒樓打邊爐, 一黎夠抵食, 成班同學可以圍埋一張大圓枱,方便傾計又方便SHARE野食.最近比我發現海港出左任飲任食海鮮火鍋仲要無限時!!!!緊係要試下!任飲任食海鮮火鍋成人每位$188(2位起),(聽講每星期都有D唔同)1海鮮盆 –每日唔同大約有6種海鮮, 包括蝦, 蟹, 扇貝, 珊瑚蚌, 蜆, 龍躉(根據我當日食到既)2鮑魚鴨掌煲3特級安格斯肥牛4巨形水胶皇5麻辣雞煲湯底好快就上左個清湯比我..所以我都唔知有無其他揀, 但都可以自己另外係出面拎醬油調味, 飲品種類多.樽裝汽水, 紙包飲品, 自家涼茶同啤酒都可以飲.野食都唔差, 岩哂一班人一路傾計再慢慢食,飲下野吹下水咁. 因為係無限時,所以都唔怕比人趕走.都因為咁所以最好都係要提早BOOK定位先去食. 我一開始無諗過咁多人食..6點半黎到店員已經話FULL左,,問我試唔試下等..因為我係之後既第一張..一等就等到差唔到8點先入得….所以大家記得要BOOK定位,以防萬一