海港酒家 (已結業)

服務差到極點！！！沒人領位，我們4個人，坐張5人檯，已經坐下已經叫左茶，結果突然被強行拉去坐細台。點餐時整個樓層一個服務員都找不到，送餐的阿姨好似聾啞人，完全不理你！我只能自己到埋單處交點餐表，第一次見到這樣的餐廳。埋單時小朋友4歲都要收茶位費！真係第一次見到這樣差的餐廳！最後一次，海港越來越差，勸大家三思！

我今日在將軍澳遊玩，順道去位於唐俊街21號翩滙坊地庫B1樓11號舖的海港酒家吃午餐。我點左上海小籠包（2籠）$55.6，潮式糯米卷（3籠）$65.4，黑金流沙包（3籠）$83.4，鮮竹牛肉球（4籠）$87.2，茗茶每位$13。點心好味又好食，雖然是新年時節，茗茶客人多，製作點心需時，等候時間要耐左，也是值得！

休閒嘅星期日上午，一家人最好就係去酒樓飲茶，而我哋會揀海港酒家，因為地方夠大，等位嘅時間唔會好耐，同埋都有好多啱心水嘅嘢食可以揀，一坐低我哋就即刻揀嘢食，今日揀咗八樣嘢，分別係香煎芋絲糕，檸檬蛋散，鮮蝦菜苗餃，雪山叉燒包，蔥花炸兩腸，蟹籽燒賣，香煎咸薄撐和瑤柱蛋白炒飯，（特別推介檸檬蛋散，因為唔係間間酒樓都可以食到咁好味嘅蛋散），啲食物都算嚟得快，但服務員態度就一般，上蔥花炸兩腸嘅時候，送餐員加豉油落炸兩腸時將豉油倒到周圍都係，仲要轉身就走，完全冇幫手跟進，好在冇整污糟我哋，所以除咗服務質素之外，其他嘢都OK。香煎咸薄撐-餡料夠多，薄撐煎得好脆蟹籽燒賣-燒賣好多豬肉加埋冬菇及蟹籽嘅味道，好食雪山叉燒包-略嫌叉燒餡唔夠多，味道都唔錯香煎芋絲糕-比平時嘅芋絲糕較薄，但金黃香脆，食落口一條條嘅芋絲，感覺唔會食得好滯蔥花炸兩腸-蔥花嘅香味，脆炸嘅炸兩加埋軟綿綿嘅腸粉，口感一絕檸檬蛋散-蛋散非常香脆，又夠厚身，加埋檸檬味嘅蜜糖又唔算太甜，非常可口瑤柱蛋白炒飯-炒飯夠乾身，加上脆炸嘅瑤柱放落飯上面，有趣樂樂嘅味道

首先係阿拉斯加長腳蟹，真係非常好食，而且蟹膏超多㗎！不過我要提醒大家小心留意經理嘅態度，最好拍影片留低隻蟹幾重，以免同佢爭執！因為個海鮮經理脾氣真係非常差，同另一個客有唔同意見，就會喺客人面前掉蟹落地。大家不如想像下後台個衛生環境......而炒蝦仁就有少少可惜，因為有啲偏鹹，不過真係得蝦仁，無加任何配菜。如果你鍾意食蝦仁嘅話，可以試下。最後，我要推薦燒鵝例牌，肥美得嚟！味道香濃，鵝皮脆口，肉質鮮嫩，真係好正呀~總括嚟講，海港酒家嘅食物真係有好有唔好，要留意經理嘅態度同埋食物嘅鹹度。不過，如果你鍾意阿拉斯加長腳蟹同燒鵝嘅話，真係要嚟試下喇！

2023年11月12日 (星期日) 6:00pm 24°C 環境光亮整潔，餐具乾淨。 我喜歡瓷杯、瓷碟均印有紅色花卉圖案，秀麗典雅，散發一種淑女氣質 ❤_❤ 每個座位都各自提供公筷和私筷，衛生意識高，值得一讚！ 當天全場爆滿，侍應無暇收拾碟子。 人數：5 人 HK$947 家人於 1 天前訂座 不用排隊 古法羊腩煲 ( 加送唐生菜一份 ) - 羊肉完全不腥騷，肉質軟硬適中，容易咬開，枝竹煲得非常入味，不會太鹹。冬季佳餚，必吃之一！！【推介之選】❤❤❤ 咕嚕黑豚肉 - 肉排切成件狀，肥美多肉，外脆內軟，醬汁濃郁，甜甜酸酸，開胃美味。【推介之選】❤❤❤  【 龍躉兩味 】：【 第一味 】金銀蒜蒸龍躉頭腩 - 龍躉肉質新鮮滑嫩又大件，只是木耳滲入太多豉油味，鹹了一些。【推介之選】❤❤❤【 第二味 】西蘭花炒龍躉件 - 炒過後的龍躉質感及不上蒸的滑溜，但也大件的，西蘭花翠綠新鮮，紅椒不辣。 瑤柱扒豆苗 - 豆苗綠嫩，瑤柱少許，金菇與茨汁豐盛，拌飯便一流。 焦糖燉蛋 - 蛋質十分粗糙，完全不是這回事，需要改善 ~ 蓮子紅豆沙 - 傳統糖水最美味，紅豆軟綿，豆量多，無欺場！【推介之選】❤❤❤《

海港酒家今日去將軍澳唐俊街翩匯坊海港酒家飲早茶,酒家星期一至五上午十時前有早晨超值美點,十一點半前有早茶特惠,酒家室內空間寬闊,但見服務員人手緊拙,忙過不休,招呼有點兒不到位。早晨孖寶$30.8金菇牛肉腸,味道一般,魚蓉韭菜餅,太過油膩,有香口。喇沙魚片米線$16.8,米線較硬身,魚片係脆肉鯇。擂沙煎堆仔$13.8,多白芝麻夠香脆。

扣分的1。要胡椒粉说不能放枱上，只能點心車經過時給你‘’審‘’少少。2。點了一個蒜蓉蒸鮮魷，中間那些是涼的，不熟，反應過後說從新蒸一碟，出來只是用同一碟加熱，還堅持是新一碟，很為公司省錢。3。菜苗餃一夾起來皮就軟掉，夾不起4。炸兩d的‘兩’都軟軟的，跟叉燒包的皮一樣口感5。煎蘿蔔糕配甜醬，不是辣椒醬加分的1。除了鮮魷之外，其他的熱度都夠整體覺得這個價錢這個質量不過不失，有出差也是可諒解的，主要是服務質素不成，不是很街坊很親切那種，員工處理問題時給我的感覺很差。

生日🍚，同老婆兩人基本上都成日幫襯，一星期起碼一次🥺服務態度－向非常之差，但我都覺得食物質素OK，見生日所以決定試吓皇帝蟹😳之前同家人食皇帝蟹都會喺海港薈食，質素非常之好，而這間魚江一向小蟹，所以一直都冇信心食，但今次真係非常之失望，同氣憤😡😡😡因為揀蟹嗰陣時，都已經知有兩隻死蟹，所以無揀，揀到第三隻非常生猛先至落單，但最後上菜，大家都應該估到發生乜嘢事啦，七百幾蚊兩斤蟹，蒸完出嚟，全隻水蟹，啲肉梅晒🥵🥵🥵生意手法真係非常有問題😨希望海港集團認真面對這一間服務質素，這間已經決定永遠不會再去

我好少寫食評，今次一定要寫，真係好激氣，賣相差所以相都懶影。第一次去翩匯坊海港家庭聚會，龍蝦係又霉又淋，一食就知唔新鮮，食到最後我發現兩隻唔同顏色、紋路嘅觸鬚。聖子好膠，好難食。炸桶蠔炸到睇唔出係咩。燒鵝皮又係淋嘅乳豬冇味嘅淨得雜菜煲和蒸魚還可以由食材到廚房出品都好差。全場坐滿，樓面唔夠人手。唔想掃興，影響老人家心情所以無投訴。最討厭部長每張檯都叫人幫佢買月餅票，當幫佢。我係黎食飯嘅，唔係黎幫你。

叫左五個人加水，個個人都雞咁腳咁走，無幫手加水！我本身都有耐性，但呢間野真係過分！五個人都無幫手加，證明係全隊人都服務差，唔係個別服務員差而且午市點心出得好慢，不過相比起服務態度，食物出得慢都還可接受。態度真係超差勁。如無必要，千祈唔好入來食。

唔知係咪因為四點下午茶時間啱啱完結外賣一斤叉燒半隻豉油雞真不了一定唔會有下一次幫襯叉燒一條原條其餘頭頭尾尾似係賣剩搭埋一斤俾你就算。當時叫個女去攞外賣，冇諗過返到屋企打開個盒變成咁樣。阿女話見到斬叉燒叔叔係攞咗一條叉燒去秤然後就加咗好多一粒粒放上去，真係後知後覺。

早前曾經幫襯過食晚飯，食到一肚氣，說過以後不再幫襯，唯獨我家附近只得一間中菜，又想食焗龍蝦🦞，唯有再次給他機會再幫襯。今次出乎我意料之外，食物質素超出我預期，食返我以前的感覺。我2人點3個餸，有上湯焗澳龍（2斤）清蒸星班約（1斤）花膠珍箘千層腐皮煲。振興消費，食豪一點。首先嚟過上湯焗澳龍，上枱眼前一亮，色澤金黃，肉質鮮味，龍蝦肉超爽口，啖啖肉，烹調味道適中。超乎意想不到。感覺廚師用心烹調這度上湯焗龍蝦。第二度：花膠珍箘千層腐皮，賣相雖然不太起眼，但味道確實與眾不同，不太油膩，花膠、珍箘、千層腐皮本身沒有味道，全靠廚師用上湯烹調，將3樣食材吸收上湯精華，才會這樣入味，顯示大廚有這方便工㗎！假如加少量蔬菜墊底或葱段，恰到好處。第三度：清蒸星班（1斤）味道鮮甜，有魚鮮味，蒸得不過火，剛好離骨，美中不足，魚豉油淡口一點。鹹返一點點，簡直天衣無縫。再加上侍應人手充裕，招呼服務態度改進不少。令整晚氣氛更愉快渡過。

2個人嗌左碟焗龍蝦伊麵同燒豆腐，1904落單等到1944個豆腐先黎。1954黎左龍蝦，燶到咁都好意思擺低，仲要其他人果啲係完全正常。等左成粒鐘仲問我係咪要取消，真係傻L左啊？服務態度差都算，本來接待叫坐大堂，入到去阿姐要人坐門口，仲要嗌L左幾次都話等陣先，係做唔切就叫老細請人啦，拎啲咁既垃圾出黎比人食，你自己都唔食啦，做生意做服務就將心比己，完全一副愛理不理既態度，上菜又慢仲要時不時唔琴蓋，啲人係咁係側邊行過，真係好唔衛生

2022年8月13日 (星期六) 6:00pm 28°C 環境光亮整潔，餐具乾淨。 我喜歡瓷杯、瓷碟均印有紅色花卉圖案，秀麗典雅，散發一種淑女氣質 ❤_❤ 每個座位都各自提供公筷和私筷，衛生意識高，值得一讚！ 收拾碟子的速度快，服務殷勤。 人數：5 人 HK$6XX 家人於 3 天前訂座 不用排隊 港味燒鵝皇 - 鵝肉美味，完全不靱，大大塊，啖啖肉，回味無窮！【推介之選】❤❤❤ 新鮮菠蘿咕嚕肉 - 肉排切成條狀，極為肥美，外脆內軟，醬汁濃郁，甜甜酸酸，感覺開胃又美味，拌勻白飯一起吃，味道一流。菠蘿大大件，洋蔥香辣，份量不少。【推介之選】❤❤❤ 【 龍躉兩味 】：【 第一味 】 西蘭花炒龍躉件 - 魚肉依然軟滑，啖啖鮮味，西蘭花綠油油，爽口清新。【推介之選】❤❤❤【 第二味 】 陳皮蒸龍躉頭腩 - 熱騰騰，醬汁濃郁，非常惹味，魚肉新鮮又滑溜。【推介之選】❤❤❤ 蕃薯糖水 - 薯仔軟腍，薑味十分重，冬季必定暖胃。《 餐 牌 》：  一隻可愛的小熊【 溫 馨 提 示 】：❶ 接受電話訂座❷ 另收加一服務費

今天天氣冇咁凍，出門行咗一陣，便入去了，海港酒家飲早茶。我們素完安心出行，當時門口沒有知客情況下，其他客人便入去自行搵位，我們隨後入去自行搵位，但是沒有細枱，只有大枱，又唔係午餐飯繁忙時間，我們便坐低。剛有一位梳咗個髮髻年老女性侍應，走埋嚟問我們飲咩茶，幾多位，我們兩位，佢即刻變一面，又冇禮貌，語氣和態度好惡劣大聲同我哋講，叫我們我唔坐得張枱，因這張系大台，你們應該揾知客幫你搵位。都唔幫我們沖茶，咁係咪即係講我哋走呀。我都有點火，便同個女老梳髻侍應講，入嚟嗰陣並沒有知客在大門口，所以我哋先自行揾台，又冇細枱。嘩而家啲侍應咁冇禮貌，態度惡劣同客講嘢。佢淨係唔幫我哋攞茶，即係叫啲客走啦，又冇駁我沒有知客，心知道酒樓唔夠人。揾台嘅問題沒有解決，都係自己揾。如果佢當時語氣好啲，我們唔會咁嬲呀囉。搞到我當時咁勞氣，還使我有失斯文，真失禮。今時今日咁嘅服務態度，真係要問阿劉德華個廣告，這種是否接待客人嘅態度囉。嘢食同出面酒樓無大分別囉。下次可以唔幫襯，啲侍應咁嘅服務態度。