海港酒家 (已結業)

休闲嘅星期日上午，一家人最好就系去酒楼饮茶，而我哋会拣海港酒家，因为地方够大，等位嘅时间唔会好耐，同埋都有好多啱心水嘅嘢食可以拣，一坐低我哋就即刻拣嘢食，今日拣咗八样嘢，分别系香煎芋丝糕，柠檬蛋散，鲜虾菜苗饺，雪山叉烧包，葱花炸两肠，蟹籽烧卖，香煎咸薄撑和瑶柱蛋白炒饭，（特别推介柠檬蛋散，因为唔系间间酒楼都可以食到咁好味嘅蛋散），啲食物都算嚟得快，但服务员态度就一般，上葱花炸两肠嘅时候，送餐员加豉油落炸两肠时将豉油倒到周围都系，仲要转身就走，完全冇帮手跟进，好在冇整污糟我哋，所以除咗服务质素之外，其他嘢都OK。香煎咸薄撑-馅料够多，薄撑煎得好脆蟹籽烧卖-烧卖好多猪肉加埋冬菇及蟹籽嘅味道，好食雪山叉烧包-略嫌叉烧馅唔够多，味道都唔错香煎芋丝糕-比平时嘅芋丝糕较薄，但金黄香脆，食落口一条条嘅芋丝，感觉唔会食得好滞葱花炸两肠-葱花嘅香味，脆炸嘅炸两加埋软绵绵嘅肠粉，口感一绝柠檬蛋散-蛋散非常香脆，又够厚身，加埋柠檬味嘅蜜糖又唔算太甜，非常可口瑶柱蛋白炒饭-炒饭够干身，加上脆炸嘅瑶柱放落饭上面，有趣乐乐嘅味道