海王漁港 (裝修中)

今日去將軍澳飲茶, 都係幫襯頂樓嘅海皇漁港, 㩒左張三人不搭枱, 等了又等大概20分鐘, weekend已經算好快有枱了^^.·蜜椒雞中翼 (HKD38)次次都一定食嘅雞翼, 充滿蜜糖香甜味加上微辣黑椒, 好入味的, 一碟五隻唔使爭.·金磚豆腐 (HKD33)滑滑嘅豆腐切粒, 沾上薄薄粉漿炸起, 外層非常香口, 個人覺得走黑芝麻都夠香呢.·黑金流沙包 (HKD22.8)加入竹炭嘅麵團包住滿滿奶黃, 搣開時奶皇徐徐流出, 最好個part係無「油·奶皇分離」, 仍是香甜嘅流心餡.·雞蛋叉燒腸 (HKD24.8)頗創新, 裡面嘅雞蛋🥚係預先煎好薄薄嘅蛋皮加叉燒捲成嘅腸粉.·鳳爪排骨飯 (HKD22.8)·蠔汁叉燒包 (HKD22.8)Li度嘅叉燒包好大件足料, 包身鬆軟, 係蒸起熱辣辣送到的, 好味好味點心紙.

奶奶很喜歡去這間酒樓飲茶，我就約她在這裡飲下午茶，這裡很多人等位， 在寶琳地鐵站樓上二樓， 約行七分鐘左右， 這裏的 雪沙叉燒包， 面頭脆熱辣辣好好食， 我奶奶最喜歡吃這裏的紅棗糕， 還有 椰汁雪蛤膏， 用原隻椰皇上的， 十分好味，$38一個，我奶奶最識食，最喜歡食， 還有燕窩蛋撻 也很正啊！ 這裏的 叉燒腸粉也做得不錯 ，腸粉很滑， 蝦餃皇也是大大隻的十分薄皮， 爽口彈牙， 還有 有隻鮑魚仔在上面的 鮑魚燒賣 ，也很精緻好味， 生炒 糯米飯也做得很好味，整體而言，這間酒樓的點心 都不錯，不過價錢就比一般的 酒樓下午茶貴一點， 有機會不妨一試。

同幾個老朋友返黎啲間海王漁港，已經一排無回來，因為寶林飲茶選擇衆多，這間點心質素都算ok. 不過不失。點知一回來飲又一肚氣！😡其他上點心的姐姐都很有禮貌，唯獨是離開時在收銀櫃枱遇到一位收銀員工真的很無禮貌，黑口黑面，收錢時對客人呼呼喝喝！👎🏼 希望在員工培訓方面有所改善！客人會否回頭光顧，除了食物質素，員工服務態度都係因素之一！

平時都會在這間茶樓陪家人飲下茶，每次都是平日11:00am前落單屬中午時段，這裡點心比出面的品質算不錯，價錢亦都合理。而我是常客所以已習慣香港茶樓服務（即是落單叫幾次先應你一次，粗聲粗氣）因今次要就返家人所以今次選擇了「下午茶」時段，再比中午時段較優惠，But!!!!服務態度和點心水準真的是「垃圾」，例如：叫的櫻花蝦煎餅（大概名）是凍冰冰又有點臭，芒果布甸是苦的，炸兩有奇味，茶包沖了幾轉都是淡味。所以之後都不會選擇「下午茶」時段比平時差太多了。當天是不愉快的經歷，樓面只顧執台沒有時間理會客人。想開張茶卡都很難，個個店員都扮不看到！

今次黎左呢間食聖誕飯可能聖誕冇咩人食中餐 所以唔洗點等位甘我地叫左咕嚕肉皮都幾脆身 肉就好諗啲汁都唔算太甜或酸 都叫係高質既咕嚕肉另外就叫左個椰菜粉絲煲好惹味 真係超出預期中既味道粉絲吸晒啲味 冇咩油同埋就叫左個黃金海鮮豆腐咸蛋黃味唔濃豆腐太淋身海鮮就一般般成碟野冇咩味整體都還可以既 唔係太貴只係有啲菜式唔會再試

趁一家人放假，開開心心，即刻去酒樓食返個長腳蟹，咁岩見到海王漁港有得賣，即刻夜晚去食。一入到去，諗住即刻order返個日式長腳蟹，點知話賣哂，好彩有個客cancel左，即刻變左有蟹食，心諗:I am so lucky!個蟹一尼到，即刻忍唔住拎隻蟹腳尼食，隻蟹腳真係好甜好鮮，咁大個女第一次食新鮮長腳蟹咋，除左腳，蟹身都有好多肉，食左一半都有少少飽肚既感覺。除左蟹之外，仲叫左幾個小菜，有小炒王，乳豬拼盤，蒸帶子同煲仔小菜，樣樣都不錯

extreme long waiting time (30 minutes late at least, order has not put through for at least 10 minutes - Friday night)!!!!!Serving time is way too long, it takes at least that much time to wait. Not knowing when the dish would be ready. the other tables which are next to me are served within 10 minutes. One table arrived around the same time and the other table arrived half an hour later, still serviced and completed their order first than ours.Also witness chef had time playing WhatsApp during

去得海港酒家大家都是一定系諗住食海鮮，咁你就錯啦，其實都可以試吓一啲家常小炒。今日就試咗『蜜椒薯角柳樓粒』同埋『懷舊蝦乾小炒王』　兩個家常小炒。先講『蜜椒薯角牛柳粒』，呢個牛肉都幾鮮甜同埋有牛味，但係師傅可能重手左，喊左少少，所以都不多講。至於『懷舊蝦乾小炒王』就真係好值得推介。呢味餸鑊氣夠，用料又一流，除咗有大大隻的蝦乾之外，仲有鮮蝦，鮮魷魚等等的海鮮跟韭菜花一齊快炒，就算嚟到海港唔叫海鮮食，叫呢味小炒王都可以食到海鮮，真係好味。

呢間茶樓出左名等好耐先有得食 今次等左個半鐘🤗 叫左個特價炸兩 中間油炸鬼林左 不過腸粉皮夠滑 蝦餃 好大粒 皮唔算厚 都可以接受 啲蝦真非常大粒 一粒入面仲有3-4隻 好彈牙👍🏻燕窩蛋撻 燕窩好多 舖滿成個蛋撻面 燕窩味道唔錯 沙嗲金錢肚份量偏少 不過好入味 牛肚亦都好爽口 雪山叉燒包 最中意食呢個 可能因為好多人叫 所以每次拎黎都一定係新鮮出爐熱辣辣 個皮好鬆脆 入面叉燒味道都正 👍🏻呢個係廚房小菜 沙律醬炸蠔 價錢算平 四十幾蚊 有6隻 啲蠔都幾好味 不過炸粉偏厚 蒜蓉蒸尤魚 好入味 好重蒜蓉味 好香👍🏻 尤魚好大隻 好爽口 粉絲都入晒味 正流心煎堆 入面咸蛋黃流心好好味 熱辣辣 外脆入軟 🤤 不過服務態度就有待改善

今日一早去寶琳搵阿媽補食母親節飯，佢話簡簡單單飲茶就算。之前星期六朝早去飲茶都無咁多，今日星期日9點30分去到，竟然都要等30分鐘左右呢個好普通，麻麻地好食，好似好多麵粉 煎韮菜餃，我覺得無咩特別，正常野呢個多料，都ok好食，清清地燒賣夠熱，好大料，好味！雪山叉燒包，呢個我每次必食，因為好鬆脆，正！叉燒都大碟，而且岀到來都好熱呢個都好好食，有粒飽魚幾過隱，好味蝦餃大粒，蝦就鮮呢間我覺的都幾好食，所以點心都夠熱

假期去飲茶真係好受氣話說搭枱坐左張枱3家人夾埋坐左9個人已經好迫枱上面有2個熱水壺一個有水一個得番一杯茶咁上下份量有水嗰個俾其中一家私有化左我喺完全拎唔到黎斟水咁我咪搵人黎斟冇水嗰壺點知個阿姐話:嗰壺有水點解仲要斟呀～我話:嗰壺人地攞左去，你可唔可以幫我斟返呢壺呢？說時遲那時快佢成個壺蓋砰一聲掉左落枱面話唔會幫我斟要斟你自己去斟咁話ok fine~我預左飲茶嗰加一係唔會有服務我自己拎去斟跟住落單你舉到隻手跛都好身邊啲樓面部長喺你身邊經過幾多次望左你幾多吓都好佢地都唔會收你張點心紙㗎ok fine~我預左加一係唔包幫你落單嘅我自己攞去收銀度落單仲要俾收銀質疑你係第幾次落單好啦到啲野食黎喇點解等黎等去仲有兩個點心未黎呢你又舉手舉到跛咁問個部長我問:我地仲有××同××未黎，係咪漏左？個部長好執著“漏左”呢兩隻字佢話:你查左單未？你未查單就唔好話我地漏左？你點知佢係咪黎梗？ok fine~我預左嗰加一係我要同佢say埋sorry嘅我答:咁sorry 囉～我唔識你地運作，你幫我去查單ok?個部長以勝利者嘅姿態走左去口中唸唸有辭仲問侯梗我娘親跟住過左一陣有個樓面走黎話我兩個點心賣晒ok fine~

今天北京的朋友👬來香港，當然是帶他去嚐嚐本地酒樓的海鮮啦！在服務員的推薦下叫了以下幾道菜👇👇👇第一道烤乳豬，本來想叫例牌，服務員💁強烈推薦1/4隻，說多好多，所以叫了1/4隻。乳豬整體很脆，但因為是凍的，所以有d失望緊接著兩道菜是蒜蓉粉絲蒸扇貝和蒜蓉粉絲蒸蚌。味道都不錯，海鮮也夠新鮮最後重頭戲是芝士焗本灣龍蝦伊麵龍蝦焗伊麵芝士很濃，味道好正唯一小小不足就是伊麵有點過於干身，不過總體不錯！最後買單3個人800+還是有點貴不過也算值得一試

每次有家人生日要慶祝的日子，大多數都會選擇這裡他們的食物質素保持得不錯，而且價錢合理今次點了一個11月的超值全包宴 $1598上枱就知道非常足料 份量足夠8-10人吃了先來一份鴻運乳豬全體香脆咸香的外皮 和肥美脂香的肉，沒有一次令人失望上湯焗馬拉盞蒸波士頓龍蝦烏冬龍蝦非常多，而且不是只有殼，肉質鮮美飽滿結實呢！烏冬用上讚歧烏冬，質素挺不錯！這個好像是新製法，味道不俗，他們菜式每次都讓人感到驚喜松露醬燒雞令人感到滿意的一道菜！加上松露醬的這個新製法令這道菜色昇華多了一份咸香的味道！雞肉皮脆肉嫩，肉汁豐富，十分新鮮西蘭花炒龍躉球龍躉球煎得香口，而且吃不到雪藏味道，份量也很多！枝竹生炆龍躉頭腩這個調味有點偏咸，但枝竹炆得入味，龍躉頭腩肉質嫩滑，裡面還有瘦肉絲呢！檸檬炸蝦餅蝦味鮮美，蝦餅炸得外脆內彈牙歡樂大蟠桃生日少不了吃壽包這環節，12個內有奶皇餡和蓮蓉餡，兩種味道都好吃，各有千秋！希望他們的質素和水準可以繼續保持！

今日又黎新都城二期飲茶，差不多個個星期都黎。見五張枱諗住好快啦。點知等足75分鐘。等都唔係問題，最慶係佢地分左枱比無攞飛嘅熟人。親眼見有個女人企係入面叫人比張枱佢，之後無耐佢就坐左係度。入去同經理講，經理只問邊張枱然後答。。咁唔知喎。👹😠雖然知道酒樓一向都有咁做，但次次係出面呆等但有人可以輕鬆坐，越想越氣憤。今次寫出黎係想發洩一下我現在嘅心情。並且希望有關公司能做到人人公平對待(雖然多數我有我講佢有佢地照做)但請顧及他人感受。

星期天才打8號風，浪費了一天假期和好心情，唯有和家人到附近的酒樓喝茶一般來說，星期天在寶琳喝茶不是一件易事，要有高度的耐性，更何況是颱風天新都城二期內幾家酒樓我比較滿意的是海王漁港，雖然等待的時間較長，但食物的質素也不賴我平常都喜歡點鮑汁鳯爪，這裡的調味很好，鳯爪也不會太瘦。此外，我也點了竹炭流沙包，近來興起的點心，想不到在普通的酒樓也能品嘗到，但事實上和竹炭是不是真有關係就不得而知。