海皇粥店 (已結業)

呢件事發生係兩日前，真係頂唔順立即打電話去hot-line投訴。事緣外賣蒸飯一個，可能太熱關係，阿姐拎住塊碗布起勢咁「登」出黎，問題係碗布竟然放係個飯盒到，Ｄ飯就舖向布上，仲約無其事，睇住佢咁做即場想嘔立即投訴，Cashier姐姐話退錢，我冇收，費事收左當冇件事。我好中意海皇，Ｄ人服務態度幾認真，出品水準維持（好唔好食見人見智）一個月都幫襯一至兩次，以前投訴過一次因為粥太熱搞到個蓋溶。投訴後有改善。蒸飯並非新出品，倒飯的姐姐也不是新手，希望此為個別事件。各位引以為鑑啦！

店舖整體算幾乾淨, 可惜會直接挑戰胃口既飲食工具, 成日洗得唔乾爭. 大約兩個月前, 差唔多晚晚都幫襯, 發現佢既spoon 成日留下粥粒, 最抵死係有次試過連玩三次, 先換到一個無粥粒既spoon , 唔駛食上手剩底既野.洗碗咁求其, 不如spoon 都用埋即用即棄啦. 畀個>_< 面你, 希望佢地位老闆(蔡生? ) 睇得到啦. 頂!

今日去書展前黎食早餐兩個人share炸兩($9),菜乾豬骨粥($13)同蒸蘿蔔糕($8.5)炸兩仍然係幾脆口加埋甜醬同麻醬令我好滿足菜乾粥味道唔錯菜同肉都夠多但食多兩啖覺得味精都幾重搞到我成個早上都好口渴蒸蘿蔔糕就十分失望無料而且蘿蔔絲亦唔多感覺上好粉幸好豉油味不錯所以最後都食得到食物好味與否往往因心情而異雖然只係簡單食物但因為有朋友仔陪住懷住快樂既心情下食特別覺得好味

和朋友來吃午飯，我要了南瓜肉碎粥，味道ok，勝在夠健康；朋友要了豆漿和XO醬炒腸粉，不知為什麼腸粉弄了很久才有，而且味道麻麻，兼且好油膩。我倆好像不夠飽，於是再要了炸両，味道還算可以，但不夠脆。環境衛生ok，但服務麻麻。

有說小病是福，但只限於小病也何以不用上班，或者病倒了會有人照顧的幸福人仕。對我來說，健康是最要緊。近日得了傷風，第一時間求醫，望快快藥到病除。一向沒有吃早餐的習慣，但為了吃藥，早上上班前還是要吃個早餐。早上六時多的灣仔，僅此店開了門營業，於是要了個牛肉粥。熱辣辣軟綿綿的粥底，滾在醃好的免治牛肉上，美味可口。感覺似是既溫柔又充滿活力的牛肉粥，要在這冷清的早上，為這個帶病的寂寞上路人打打氣。都說，任何時候，美食都是對我不離不棄的好知己。

上星期唔舒服諗著食粥做dinner啦，同媽媽2個人叫o左南瓜肉碎粥，菜乾排骨粥，同埋一碟蝦米腸粉。嘩! 個南瓜粥勁唔掂，唔熱(好似灘o左好耐個隻!)，d肉碎經"鞋"同好似無醃過咁! 好鬼死難食o羅! 菜乾粥好d啦，起碼唔難食o羅! 碟腸粉都係凍o既! d蝦米硬到食唔落! 咁大間鋪開門做生意比d咁o既o野人食，我覺得唔得o羅，以後唔想再去~

意大利腸仔撈腸粉幾有特色, 一個大碗, 最底層係腸粉, 上面係切片腸仔, 再加上青瓜絲及胡蘿蔔絲, 醬油另外碟上, 自己撈.口感及味道不錯, 青瓜絲及胡蘿蔔絲幾新鮮, 食粥都可以有蔬菜食.

琴日又要開OT,做到夜晚九點幾,好多地方都山左門,為有搵間就腳,食得飽就算,係公司門口行過幾個街口平時都吾會係到食飯,又見今日天氣熱熱地就去食粥呀地點:海皇粥店時間: 晚上九點半人物:自己加二個同事,三人行食物: 炒麵+蘿白糕+油炸鬼+叉燒腸+牛肉粥+雞粥+皮蛋瘦肉粥炒麵,多油,醬糧,辣椒醬,吾辣,就算D麵點好食都冇用我比六十分蘿白糕,冇味,得個大件,又係冇醬可用我比佢四十分油炸鬼都幾新鮮,咁夜去食條油炸鬼仲有少少脆,都算係咁我比八十分叉燒腸, 叉燒好少得個幾粒仔,個腸皮,都幾滑. 我比佢五十五分我就食左碗牛肉粥,大碗夠熱,牛肉都幾多下,粥底都幾綿我比八十分雞粥皮蛋瘦肉粥吾係我食比吾到分個買相都幾好服務方面,吾知係咪夜得制,個個做到黑口黑面,手腳慢左…………..算呀我都係打工仔,都明白佢地.環境都算幾乾淨,但冷氣吾夠大

因生病，故週二的早午餐都在此解決。試過其： 1. 羅漢齋炒米粉（$7）：略油 2. 蝦米腸粉（$7）：蝦米算大料，約三分二飯碗份量，味道尚可。 3. 腸粉（$7）：量少；半個飯碗份量都沒有。相對之下，蝦米腸粉較抵食。 4. 皮蛋瘦肉粥（$15）：粥夠稠身、料算多，皮蛋有近大半隻之多！ 5. 白粥（$6）：是日略稠，米味濃郁。整體味道麻麻，價錢亦較老牌粥店較些少，這可能是連鎖速食店的問題。另，此店效率較「美孚店」好些少。

十點幾十一點仲有早餐, 就一餐當兩餐食.艇仔粥加炒麵炸良雙拼.粥底唔綿但都唔會似飲粥水. 炒麵都好大碟下未食到一半就好飽,炸良仍然都係好脆, 就算唔係即刻食都脆卜卜,唔知有咩技巧keep住.十幾蚊食到三樣野都幾好, 而且好飽係個雙拼一定跟死佢指定既野死咕咕d

太過甜,甜到都唔想食不過佢既炸良keep 住好脆好正

D 粥成日只得粥水, 就算換左碗粥, 個問題依然存在, 顯示食品監控出現問題, 而且人手分配不足. 好不滿, 因為呢個問題維持已久!!

本身較鍾意鋪仔的粥鋪, 但朋友指名要黎依間, 就「捨命陪君子」.試食南瓜玉碎粥, 甜甜地幾好食. 又唔係好多肉.朋友貪得意響我極力阻止下堅持要了個日式涼拌米粉, 結果食了兩口就給掉了落垃圾桶換了炒麵.米粉好硬好似未煮熟一樣職員解釋雪過係咁.還點了一碟煎蘿白糕拼燒賣, 燒賣係街邊果d, 好腥.但有得咁樣拼黎拼去幾好, 一個人黎食都可以食幾樣.依到d亞姐唔係話好冇禮貌, 不過「今時今日仲咁既服務態度唔得」果隻

呢度比起一般粥舖坐得舒服D，舖頭光猛乾淨，所以價錢略貴亦合理。但有時會寧願搵間供應「煲米粥」來吃而非這裡供應的「壓力粥」。<br />食物普遍有水準的，油器及腸粉都屬自家製，新鮮當然好食，所以有時行過都僧買番個煎堆食，圓碌碌脆中帶軟幾好食。

粥? 味精生粉水咋? 環境又污糟, service 又唔好。食緊o野又o係到掃地, 唉~係d 炸o野食得下, 豆槳又冇豆味, 得過甜字!