海皇粥店 (秀茂坪商場)

营业中

休息中

明明嘅備註寫明個粥要走蔥走花生，但依然照落，我要自己揀番出離。如果D備註唔會有人睇，就唔該比人落單個時揀埋唔要蔥唔要花生果D選行啦。覺得唔開心，嬲嬲豬啊，下次唔會再用app叫外賣。

對海皇粥店嘅印象仲係停留喺淨係有油炸鬼、炸兩同粥品嘅年代，估唔到今時今日嘅海皇粥店食物種類勁多！除左舊有嘅粥品、油器之外，仲有米線、火鍋等等，超多選擇；我今日就揀左$27連豆漿嘅銀針粉套餐，原先以為銀針粉好似咩餸都無，味道應該會好寡，但殊不知正相反，佢個湯底好濃味，好有中式上湯嘅感覺，加上肉碎、芫茜同芹菜呢d配料，味道一啲都唔寡，同銀針粉配搭得相當之好！另外，杯豆漿都係一個小確幸，因為我本身對豆漿嘅預期唔高，時下好多豆漿嘅味道都係好一般，即使十幾廿蚊杯果啲豆漿都無哂以前果隻豆味，好似溝左水咁；但係！海皇嘅豆漿真係非常好飲，佢仲有少少豆漿渣，好似即磨咁，超正。總括嚟講，呢個價錢食到呢種食物同飲品水平，真係相當唔錯了！！可以稱得上係窮人恩物，美中不足嘅係份量較少，自問食量比較大嘅朋友就可能唔夠食了~

早幾日個人飽飽濟濟 不如食碗粥清下腸胃 咁我就去左呢度嗌左個皮蛋瘦肉粥加左條牛脷穌 個皮蛋瘦肉粥個味都ok 而且料都幾多 同埋都夠"杰"身 而牛脷穌就夠熱同埋脆口 相信下次都仲係我食粥的選擇

今日行經附近，想找一些輕食午餐，發現海皇粥店提供嘅選擇都幾多元化，最後選了新品蔥油雞絲木耳拌菠菜麵，連細蝦米腸或半份蒸蘿蔔糕.我點了蒸蘿蔔糕。收銀員話菠菜麵要等10分鐘，即係即叫即煮。揀咗個位，等咗陣，店員都好殷勤咁幫我追單，先上蒸蘿蔔糕，口感可以，但粉比較多。味道可以！店員見我坐得耐，所以又幫我催，拌麵份量原來都唔少，醋及辣油分開上，菠菜麵好彈牙，雞絲及木耳撈埋份量好飽肚，我自己再加上白芝麻，加添麻香味。呢份午餐盛為$25。太超值！

門口落單𠴱個服務態度極差 因為第一次冇聽清楚冇奶茶 跟著佢好大聲同我講我都話冇奶茶咯！ 就咁嘅垃圾態度 送俾我都唔食 大把餐廳 要係商場食嘅都係街坊 咁嘅態度就唔好行出來返工 影響我一早嘅心情

放假又落樓下覓食近近地去左smp商場見到地下樓層間海皇粥店勁多人 於是去湊下熱鬧見到買野食啲餐牌都幾多款野食揀粥就緊架喇 但家下原來發展到有米線😱🖤蕃茄雞扒湯米線清清地 又甜甜地 一起身唔想食咁重口味 呢個都係不二之選 🙋🏻‍♀️雞扒煎得幾香口 連平時唔食雞皮既我都忍唔住連左雞皮咁食幾舊🤤🖤麻辣雞粥呀 衰鬼 又幾match開頭仲話我男友重口味添 晨早流流食乜麻辣點知 食左第一啖 佢既麻辣係令你個口麻個隻並唔係辛辣 都幾喜出望外🖤油炸鬼都係食粥必備配物 新解熱辣辣就已經好好食🖤XO醬蘿蔔糕兩條友怕唔夠食 所以加左單😌蘿蔔糕應該係蒸熟哂先再拎去煎香口佢因為食到入面有水又或者可能係xo 醬引致既整體唔錯 有xo醬 點會唔好食呢我地最後都ko 哂🤙🏽

屋企樓下新開咗間海皇粥店，都唔記得有幾耐無食過....一於去試下先由於唔係太肚餓，所以只係叫咗一份炸兩做下午茶等咗大約五分鐘就有拎到返屋企即刻開嚟食先咦? 凍哂嘅......油炸鬼部份亦都淋哂，惟獨係腸粉皮又薄又滑下次都係叫腸粉類嘅食物就算啦

偶爾要外食但又想食得平，海皇粥店肯定是必然之選。雖然而家佢地多咗好多新嘢，又有麻辣嘢食，又有韓國料理，有少少心動，但為免中伏，都係食粥就好。艇仔粥配油菜 （$34）艇仔粥係配料最豐富嘅廣州粥之一，起源荔枝灣一帶水上人家賣嘅雜錦粥。粥底煮得綿滑，一貫廣州粥水準。油炸鬼、蔥花、脆花生提升咗粥品嘅味道同口感。仲有好多我最愛嘅土魷，好爽口🤤！但油菜反而有少少失色，可能只係當生菜魚肉咁滾一滾，有部份都幾生🤔🤭。