海福小館 (已結業)

今晚約左為食友人們食晚餐，對觀塘非常熟悉嘅友人一手拉左我地黎呢個商場，真係未黎過未聽過，果然係地膽，呢度好多小舖，有乾淨版東門嘅感覺。坐底後大家揀好落單，比埋錢就等野食到。秘製牛腩河不得不差評，咁嘅質素都可以話係招牌菜。先講牛腩，有少少實，如果係整得好應該係爽脆而唔硬，而且份量太多，同河粉分量唔啱比例，至於河粉，一啲都唔滑，仲有個湯底，有腩汁都覺得好淡，完全唔掂。沙嗲手撕牛肉撈麵呢個係為食友人叫嘅，賣相都幾肉酸，佢食淨半碟，原來好咸，唔好味。秘製牛腩撈麵呢個雖然唔太好食，但友人都食清光，好欣賞佢唔浪費食物，而且佢真係好餓。

這一所瑟縮於觀塘廣場的小店子，主打的是藥膳清湯腩。試過後發覺真的很不俗，價錢實惠又美味。我想我之後也會成為這兒的常客....說實在，店真是細得可憐，其空間頂盡只能擺三至四張小圓桌而已。講用餐的環境，著實是輸晒....不過有時要食好嘢，實在是要忍耐一下的....一場來到，當然要會一會這兒有名的清湯腩....簡簡單單一碟清湯坑腩飯，肉肥瘦分明帶微爽而不韌，牛味超濃郁而不膩，是一流的水平....飯在沾滿惹香的腩汁底下吃，亦顯得格外引人，最後食得一粒也不剩....另外叫的芥蘭也翠綠鮮爽，咬入口嗦嗦有聲。加入腩汁同食，總被味庸俗的尋常蠔油好得多....吃完後，心裡已在盤算下次再來食牛腩的日子....後來知道這兒原來在東廣場有分舖的，而且地方也大多了....

經過觀糖廣場，緊係要搵下食，觀廣裡很多食店，行到后門，見到間專食牛的小店，坐位不多，就幾張枱，說到牛腩，即使牛腩，也分很多部分於是我就叫了碗爽腩牛筋麵，盛惠55蚊，爽腩，即牛肚皮腩位，位于牛的橫膈膜附近，由於有塊薄軟膠質，爽軟不硬，本身爽腩已由腩汁長時間煮淋，亦牛味十足，食落啖啖肉但又爽滑，而且不會覺得肥膩，至於牛筋，切得相對較大件，非常軟滑，大啖食落口，有入口即溶的感覺，對於喜愛食牛筋的我，算是做得優質了，至於麵底，就閃比較一般幼麵，麵身偏硬，可能煮的時間較短，但份量十足，對一般男仔食量來講一碗都會好足夠食飽，最后就是湯底，加了腩汁，偏咸，如果用清湯底可能會較好

今日去東廣場食晚餐，大部份餐廳人均消費係$60-70。為左慳錢，選擇得返吉野家、Mos Burger同呢間海福小館，於是就試下呢間新開嘅餐廳。真係冇後悔入到黎！價錢實惠又好味！.見到好多人都食呢個珍珠蠔仔肉碎泡飯：份量好多！好足料！勁多肉碎同蠔仔，個湯好香好好味！唯獨覺得蠔仔唔夠重蠔味，個湯同份量搭救。.另外嗌左牛腩撈麵,可以揀粗麵或者幼麵。個牛腩好出色👍🏻好入味！而且唔會太「鞋」，又軟身😍但我冇咁鐘意幼麵嘅口感。.整體黎講，物超所值，以後有機會會再黎食，好滿足嘅一餐。

今日食晏嘅時間去到，有位，真好彩！一坐低就叫碗牛雜河，唔洗5分鐘已經上枱，完全啱晒速食。湯色濃而且冇油喺面，飲落好香濃牛味。牛雜嚟嚟去去都係：金錢肚3大件，軟淋得嚟不失口感。肺大大舊3件，質感恰度好處，牛味香濃，牛粉腸三大碌，好甘香唔會食到一口油，牛大腸一粗碌，甘香脂肪塞滿腸內，一咬香油滲出，味道恆久不散，最後牛膀一大件，質地綿綿而唔鬆散，質地黏黏稠稠，唔似坊間嗰啲質地好似索水海綿咁。河粉質地一般，夾兩夾啲粉散晒。總括份量對我嚟講河粉好足夠，餸嘅件數都唔少，味道👍🏻，價錢$35，就見仁見智啦，坐位唔好旨意好舒適，速食就冇問題。

深入觀塘東廣場其中一鋪食店，這間海福小館的粉麵碓實不俗。👍種類有很多，不過我鍾情於佢地嘅牛肚撈麵。牛腩其實也不錯，但我喜愛牛肚果種爽口既感覺。而且當慢慢咬牛肚時，千年牛腩汁既味一口一口的滲透出來，非常滋味。撈麵本身都爽口，還很大碟，$38蚊已經很飽，扺食夾大件👍這小館有幾個地道特色，sell 药村膳食，不是我杯茶。另一特色係買自家制龜苓膏，不過中午食有點奇怪。另外，有不少藝人光顧，鋪面有不少藝人幫襯合照，還有Facebook post。

去官塘上興趣班，上吊環yoga前，仲有一個鐘時間，放是來到官塘廣場揾野食醫下肚仔先。在外面睇有很多人幫襯，一個人無所謂啦，入去幇襯下，見menu,有三間分店。Menu,主打食牛腩面至出名。小妹不好牛，唯有食其他野啦。今晚上空中吊環瑜珈班，不宜食太飽，於是叫左豬潤面。阿姐可能太忙，或者我講得太細聲，講完又講要豬閏麵，講左三次la。等左幾分鐘，上菜時，豬潤煮得太耐，入口不夠爽口，面底好彈牙。不過算好抵,35元一碗豬潤面，有冷氣人不算多人，坐得舒服，不會趕人走。

東廣場一向都多野食今次試左呢間TVB 介紹過的餐廳牛腩米必點湯底濃 味道正一碗$35 好多牛腩勁足料 另一碗牛雜都正同一個湯底 同樣好多餸呢間食牛為主 鐘意食牛的人唔好錯過

有段時間無去東廣場食野，今日再去食下。一行六人真係驚會無位，d 食肆間間都細細地。見到這裡有電視介紹過，就走入去試下。同事叫了清湯腩藥膳湯($75)、牛腩雲吞米線($50)，我則吃了普通的牛筋飯($42)。飲品全部另計。我的牛筋飯味道可以，牛筋亦算軟稔，最好多點牛筋。喝了一口同事的藥膳湯，不太特別，但的確有點藥材味。佢地都覺得牛腩可以，但沒有什麼特別吧！總括而言，佢地個藥膳湯係有ｄ 吸睛，但又是否值得多付$30就見仁見智了。

星期日晚諗住去東廣場搵食，點知原來好多餐廳都冇開，見到海福小館有藥膳牛腩好似都唔錯，咁就唯有試下啦。因為最吸引都係藥膳湯，毫不猶疑就揀左藥膳湯系列，而牛腩有崩沙腩同爽腩可以選擇。崩沙腩同爽腩都係比較靚的位置，爽腩口感煙煙韌韌，肉質爽脆；崩沙腩則是牛的筋膜連少少肉，肉質比較腍，肥瘦剛剛好。最後都係叫左崩沙腩跟飯。藥膳崩沙腩 - 藥膳味道唔算太濃，但都落足料，真係有黨參、淮山、淮山、杞子、紅棗、沙參等等，而且唔覺落太多味精，味道幾香。崩沙腩吃起來爽軟不硬，而且分量唔少，大大舊都唔怕難咬，雖然貴少少都值得。加底白飯 - 以加底來講分量唔算多，同埋淋左太多腩汁，反而令到個飯太濕而破壞左個飯。夏枯草 - 飯左兩啖先記得影，味道唔會太甜，同埋跟餐加$8 價錢可以接受。整體而言，藥膳崩沙腩質素唔錯，但價錢唔算特別平，性價比還算可以。

今日同同事去海福食之前食過覺得又大碗又抵食最重要可以點牛既指定部位好似我勁鍾意食牛膀咁今次叫牛膀米35元， 再加8元有杯銀菊露加1枝都係16， 都算抵。 一碗有6，7件牛膀厚切又大片我最鍾意咬落去，邊皮帶點煙銀， 中間粉粉地既感覺。 湯底超濃，好牛，所以其實都有點咸。 銀菊露係佢地自己煲，飲得出藥材味，少甜岩岩好! 初時覺得食lunch粉麵飯飲涼茶好似怪怪地，但飲落又感覺良好。 除左24味之外，下次仲可以夾其他涼茶。

其實之前嚟過，今次再嚟，呢間啲牛腩幾好味，又唔貴，不過啲河粉既味就怪怪地，唔知點解有陣蘇蘇地味，可能未整前同啲牛放埋一齊？總之啲粉好似無洗走陣味，麻麻地。豆漿都幾正常，好飲。呢間野啲職員都幾有禮貌，笑笑口咁，我好樂意再嚟幫襯。😊比較怪既地方係呢度要食前比錢，有啲似 Food Court🤔

“藥膳“二字實在太吸引我，雖然吾太好食牛腩都姑且入去試一試。呢度嘅腩部位有幾種選擇：坑腩、爽腩、筋腩……本人比較喜愛有咬口的，於是點左一碗藥膳清湯牛爽腩配粗麵。湯同麵係分上，湯好夠熱，啱晒我，亦好香，好大陣沙蔘玉竹味，而且真係幾清，吾係好油，對於天氣又凍,收工後又極肚餓，講左幾個鐘課堂超級口乾的我來說，感覺就像找到綠洲一樣~我襯佢凍之前以極速地飲晒成碗湯，已經吾得閒理碗麵了！haha…由於我無乜食牛腩嘅經驗，呢碗牛爽腩筋位腩位各半，肥瘦適中，肉也淋，不錯。不過本人焦點去左湯底度，碗麵係正常不過的粗麵，佢撈啲比較淡味嘅腩汁比我，講真，飲完碗湯再食麵就失色左，無想追住食嘅衝動，而麵亦開始結埋一舊，我食左一半就吾想食了。七十幾蚊貴左少少，我知香港鋪租貴，偶然食一餐好了，要減少出街食晏先得啦！

觀塘可以食到牛什或者牛腩嘅地方唔多，呢度係其中一個地方。依家除左觀塘廣場店，仲有新店係東廣場。一係向我都係食開佢嘅舊店，牛腩河幾好，正宗味道。今次就見佢係東廣場嗰度開咗間新鋪就特登去幫襯下。見到係大大隻海報掛咗係門口寫住話係藥膳湯嘅湯底，一向我對藥膳湯都都情有獨鍾嘅感覺，尤其是去到台灣，係我必食嘅一個湯，所以去到呢度就特登試一試你一個湯底。點知個答案話俾我聽呢度嘅藥膳湯底唔係話甘正，佢湯底味道似喺屋企煲嘅紅棗杞子燉排骨湯，但味精都唔覺落咗好多嘅，但係就冇藥膳嘅味道。我今日叫咗牛坑腩嘅部位，佢用左角切，我覺得佢切得大嚿左，要咬好耐先得。牛坑腩嘅味道就幾好，有濃烈嘅牛香。又係好，又係唔好嘅地方，就係雖然佢嘅分湯，好嘅係令到你可以集中飲佢嘅湯嘅精華，但係唔好嘅地方，佢將啲米線分開咗放而唔係米線到加任何調味，搞到米線完全冇味。另一個雲吞麵就中規中矩，啲雲吞個皮略為厚，d餡好小。但係佢蝦肉都算係爽口，有蝦嘅鮮味。13蚊加碟油菜，好一般。藥膳湯底做出嚟嘅牛類面一般上係需要＄60以上先至可以食到嘅，而普通湯底30至＄40就有交易，如果俾我揀，我都會揀返最基本個湯。

平時經過東廣場已經見呢間人流不絕，今日我遲左出去食晏，唔駛等位，就試下啦，見到金剛&小儀都去過呢間拍飲食節目，應該會不錯的仲有另外menu的，但我覺得另外既menu比較普通，要食當然要食藥膳湯粉我就揀左藥膳豬潤米粉分開2碗上的，唔會浸淋哂d米粉飲第一啖湯就飲得出好重藥材味，我覺得唔錯的，因為我平時都會養身，會飲中藥的，呢種味道對於我係ok的，豬潤亦煮得岩岩好，唔會太老，食完之後覺得全身有種暖流，相信冬天黎食會好perfect因爲我經常都手腳冰冷，食呢個一定會暖哂P.S. 不過呢，枱與枱之間好迫，每次有人經過都會郁到張枱，仲有服務員落單好亂，d單亂哂，希望之後可以改善下啦，不過他們都好有禮貌