海興廚房

营业中

休息中

虹橋有不少街坊美食，食物居家好味價錢也親民，最近新開了一間打冷，趁機吃上一餐看看。靚湯蠔仔粥推薦菜，蠔仔不算小巧而蠔仔份量超多，基本上每口粥也能吃上一顆蠔，鮮湯香甜配搭出健康又好味。啫啫通菜煲鑊氣可以而咸魚量多，通菜爽口惹味，醬汁豐富，整體可以。黃金海中蝦以充沛咸蛋黃爆香大蝦，蝦肉殼薄而肉厚，咸蛋黃濃郁惹味，不錯選擇。豉椒炒花甲花甲大顆飽滿，青椒爽甜可口，爆香醬汁使花甲更入味。古法火腩大鱔煲大鱔魚香肉嫩，腩肉肥瘦相間，味道不錯，不過本人更喜歡鱔煲走火腩，個人口味。

今次黎到紅橋呢間打冷鋪食晚飯作為呢到既街坊見到新店當然要支持下估唔到開店無耐已經儲左一班街坊支持店內座無虛席打冷鋪又點少得食滷水野呢選擇都幾多基本上想食既都有提供我地就簡左豬耳份量唔少而且切得好幼細個底仲有芽菜墊底添芥末牛柳粒芥末味都唔算太重牛柳粒食落啲肉質都幾嫩！豉椒炒聖子豆豉味道好重聖子食落好新鮮而且好爽口高水準！十分驚喜！潮洲粥同我哋平時食開嘅粥唔同水同米分得好開但係啲米都好林好特別下次想去食打冷唔使去到咁遠啦而且中午飯都唔算貴喎！

服務員姐姐好貼心，好好人廚師哥哥好有笑容地方乾淨又好坐，溫度夠適中。豬扒有口感、米粉夠滑溜、檸檬好新鮮、茶夠味。最勁係個多士夠豐富跟足陪料...價錢跟食物，完全合理。超整

紅橋係屯門人其中一個搵食之地，之前開親都係西餐，日本菜，甜品今次難得開左間街坊潮州中菜，店員幾有禮貌，上菜幾快__________________________🔹招牌菠蘿船咕嚕肉 $82👰🏻:🌕🌕🌕🌕🌑🤵🏻:🌕🌕🌕🌕🌑大概用左1/6個菠蘿殼，做出船既造型鮮菠蘿肉，再加少少青椒同紅椒，顏色非常搶眼咕嚕肉好脆皮，但有少少硬，要畀啲牙力咬食落肉既本身幾香口，個汁就無平時食既咕嚕肉咁重味，只係微微地酸，好輕怡.🔹金沙魷魚 $92👰🏻:🌕🌕🌕🌕🌗🤵🏻:🌕🌕🌕🌕🌗好重金沙味，鹹蛋味香，好好食鮮魷幾嫩，無咁爽脆.🔹鹵水拼盤 $112👰🏻:🌕🌕🌕🌕🌑🤵🏻:🌕🌕🌕🌗🌑拼盤都幾豐富，有豬耳，鵝片，鵝腸，豬腩肉，豆腐，紅腸樣樣都好大件，尤其係鵝腸整體味道不錯，但略為唔夠入味建議由底食起，浸到汁先正.🔹西蘭花炒班球 $92👰🏻:🌕🌕🌕🌕🌑🤵🏻:🌕🌕🌕🌗🌑西蘭花夠綠夠脆，魚肉大大件唔太班球份量好多，幾乎遮住晒啲菜調味輕手，應該落左好少鹽，鍾意重口可以自己點醬油

今日去咗屯門虹橋，嗰度一帶有好多食雞煲打邊爐，但今晚想試吓食中式小菜，去咗呢間海興廚房。基本上食小菜都係大同小異，我自己來來去去都係叫嗰幾味。首先當然係整返個滷水雜錦拼盤，有鵝腸、豬腩肉紅腸、豬耳、滷水蛋，最鍾意食佢呢度嘅豬耳，因為佢整得好入味而且咬落去好爽口，最怕係食到一啲又無味又硬嘅豬耳。跟住叫咗個椒鹽鮮魷，試過有啲大排檔炸完之後林啤啤，但係佢就夠乾身而且好重椒鹽味。同埋份量都好多。最後就係我最愛嘅金菇肥牛煲，我最鍾意佢呢一檔肥牛比粉絲分量多，因為我好鍾意食肥牛，肥牛質素都唔錯起碼唔會過肥，食埋佢個粉絲底簡直正。食中式小菜當然要整返兩支大啤，黎返個飲飽食醉。

今日收工入屯門，約咗兩個朋友吹水飯聚。特登揀呢間新開冇耐嘅海興廚房試菜，鍾意佢做街坊生意之餘，還可以坐得好自在的傾計。急不及待要點菜先，大家都肚餓，見餐牌價錢唔貴，食多兩碟都唔怕。蔥爆牛肉$76, 用砂鍋上，熱辣辣，令薑蔥味道揮發得更好，香味撲鼻， 牛肉新鮮夠滑，配葱一起吃增加爽口感，是推介的街坊小菜呢！海興小炒王$82, 分量頗大碟，見到用料豐富已經好開心，賣相超靚，入口好香蝦醬味，炒得好夠鑊氣。銀魚仔和蝦乾走過油，所以非常香口，加上有爽口的腰果，還有新鮮蝦仁、魷魚等，整道菜有口感又有香味，越吃越過癮，飲埋啤酒啤酒一流！金沙鮮魷$92, 一上桌聞到超香咸蛋黃味， 鮮魷炸成金黃色，夠乾身，食落外脆內滑，好惹味！ 我們傾計要慢慢食，傾一陣食一啖，過足口癮。呢度有潮州菜，又點兩款試下，都覺得好正宗，好味！靚湯蠔仔粥$60, 味道好鮮甜！超多蠔仔份量，還有冬菇、冬菜、芫茜、蔥一起煮， 增加爽口感覺。湯底真的好味道！有海鮮的鮮甜味，冬菇和潮州粥也吸收了湯的精華， 食到唔停得口，非常推介。鹵水乳鴿$48。鹵水得非常入味，而且乳鴿肉很新鮮，充滿彈性又有肉香， 鹵水汁又不會太鹹，食飯餸酒一流！ 這個

同女朋友行屯門市中心行到冇咩好行，決定去紅橋附近睇下有咩好野食。行行下見到間新開冇耐既菜館,我同女朋友就決定試試佢。入到去，位唔算太多，而且都成8點幾食飯時間，都幾多人。幸好唔洗等位，好快就有位坐。坐低睇佢個menu, 選擇都好多，由炒飯炒河，到小菜煲仔菜，更加有正宗既潮式打冷食！睇左陣menu, 我同女朋友決定叫椒鹽九肚魚，啫啫雞煲同馬拉盞通菜。另外叫左兩碗白飯同兩杯汽水。值得一提，佢呢間餐廳好著重衛生呀，會提供埋洗碗盅俾食客清洗餐具，值得一讚呀！先黎既係椒鹽九肚魚，賣相睇落去已經非常野味。食落去，表層酥脆，魚肉非常之嫩滑，食落去淋得黎又唔易一夾就爛。而且加埋炸蒜非常之餸到飯，正呀！！跟住黎既就係啫啫雞煲，未開煲蓋已經隱約聞到香味。一開煲蓋，香味撲鼻而來，而且仲聽到滋滋聲。佢既雞肉好滑，啲汁滲到入啲洋蔥入面非常之送到飯，而且佢仲加左啲豬潤係入面，呢個煲仔菜如果冬天食真係一流！最後後既就係馬拉盞通菜。佢食落去唔算辣，通菜都算淋，幾好味。而且入面仲加左好多蝦乾仔。3個餸，2個飯，2杯汽水。最後兩個人食左二百五十幾蚊，食到好飽好飽咁出門口😂

由於住係大西北好多時候都係係番呢邊搵食🤣發掘下自己住嘅地方附近有咩正野呀嘛！😆黎到屯門試呢間開左冇耐嘅潮式打冷，餐廳周圍都係住宅多，眼見好多都係街坊黎食😋有傾有講～野食方面除左打冷必備嘅滷水之外，仲有多款小炒、煲仔菜選擇，價錢都好合理😋.✨海興靚鵝片 $108鵝片滷水汁香味突出，亦滷得幾入味，入口肉質嫩，份量亦都唔少，不過鵝皮厚左少少，碟底附有荳芽同滷水豆腐～😊✨椒鹽九肚魚 $79九肚魚外皮炸得金黃酥脆，魚入口夠滑～加上椒鹽風味大增😆✨南乳脆香雞 $76雞件南乳味幾夠，非常香口邪惡，即使係炸都唔覺得油淋淋！✨啫啫通菜煲通菜煲內有椒絲同蝦乾，令整體更惹味及鮮味提升，通菜好嫩，完全唔會老身😊整體黎講食物質素新鮮不錯，應該係家族🏠經營，做街坊生意，支持小店

-放幾日假去一去屯門同朋友仔聚下🤗，上次去虹橋附近食過間cafe🤔，今次搵間大排檔試下先😜。海興廚房新開無耐，門面光鮮😎有打冷、小菜、燒味等等🤓。韭菜豬紅🐷（$48）食豬紅最怕唔新鮮，而且好多酒樓都已經無得食😿，就算有都係韭菜多豬紅少，但今次就相反啦，非常滿足😻。招牌菠蘿船🍍咕嚕肉（$78）賣相好靚，用上真菠蘿🍍而非罐頭菠蘿🥫，配埋酸甜醬汁，咕嚕肉外脆內軟😋，唔會得舊肥肉炸粉👍。蒜蓉粉絲蒸聖子（$128）聖子好鮮甜☺️，大大粒肉，好爽口，蒜蓉粉絲仲好惹味，送飯🍚一流，果然係晚市推介👏！金沙鮮魷🦑（$88）每次食大排檔都必點金沙系列，今次又點先得金沙鮮魷🦑。炸得好脆口乾身，仲有細細粒鹹蛋黃，真係食唔停口😋😋。全場座無虛席，價錢合理👍，份量又大👍，難怪咁多街坊叫外賣。============海興廚房 (屯門)屯門青菱徑6號富麗大廈地下A號舖

—探完舊同事 就喺附近解決埋晚餐以前成日嚟紅(虹)橋食飯滷水鵝片($98)爽彈嘅鵝皮連住大大塊肉有嚼口得嚟又有油香底下仲有滷水豆腐 暖暖地海興小炒皇($78)大概有韮菜 蝦乾 蝦仁 菇 魷魚 腰果送飯一流 炒得乾身鹹香韮菜都冇好大浸草青味 有汆到水西檸煎軟雞($72)每塊雞肉都包裹着濃稠嘅檸檬醬汁酸酸甜甜 多咗份清香 唔會覺得油膩啫啫通菜煲($72)出街食點都要嗌個蔬菜莖粗薄而爽脆 食極都唔厭——————————————海興廚房屯門青菱徑6號富麗大廈地下A號舖

今日同屋企人去红橋食打冷嘢慶中秋、真心講又ok.播、環境乾淨、價錢都算平！老闆娘話個大廚係佢老爺、家庭式一定用心煮、特別推介:鵝片同咕嚕肉……🤣🤣連我阿媽都話佢生日要再來嘆下!滿意滿意！

話說我老公好鍾意打冷～（話曬都係男人的浪漫）。不過我都好鐘意的，所以今晚同佢去食。是晚揀嘅「海興廚房」地點都算就腳，喺景峰站一落車行大概3分鐘就到。同埋小店比我感覺光猛寬敞明亮，又乾淨企理👍🏻今晚我哋就分別叫咗：❤️《清蒸大眼魚》，魚好鮮味又唔多骨，配埋個 Sauce 送飯食一流🤤（不過我哋今晚叫咗蠔仔粥😌）🧡《鮮味大墨魚》，每次打冷必點的🥰 💛《勝瓜雲耳炒鮮魷》，鮮魷爽口，勝瓜炒得啱啱好，伴碟有心思，食完見到個靚靚伴碟，心情愉快🙌🏻💚《靚湯蠔仔粥》，一上枱，比想像中大碗，2人份量，足料，有肉碎、芫荽、蠔仔同菇片，個蠔湯好入味，飲到停唔到口，蠔仔大大隻，味道不俗😽如果我住附近，一定會成日去幫襯。因為我同老公喺無飯夫婦🙈而呢間小店嘅撚手小菜真心唔錯，員工及老闆的服務態度也十分友善。讚👍🏻

老闆、老闆娘、員工，全部態度都好好，見佢open rice岩岩開，新店就已經同街坊好熟咁，有講有笑，好有人情味🥰-1️⃣椒鹽九肚魚$75⭐️⭐️⭐️看落九肚魚炸粉偏白，吃落調味不夠，但炸得香脆，可以點多一點鼓油補味😂/2️⃣招牌菠蘿船咕嚕肉$78⭐️⭐️⭐️咕嚕肉不是一細舊的，是似肉排的條條形狀，醬汁調味不錯👍🏻，由外脆到內軟，外脆就做得很好，但內偏硬，cool緊牙既關係令我咬到好痛，正常人就接受到這個硬。/3️⃣薑蔥生蠔煲$98⭐️⭐️⭐️⭐️薑蔥爆得好香，生蠔細而多，而且蠔也是脹卜卜的🥰/4️⃣馬拉盞通菜$65⭐️⭐️⭐️⭐️通菜份量好多，馬拉盞、薑、蒜、天椒炒得好香，通菜多所以有點蓋過馬拉盞的味道，如果落多一點，味道會更好😊-環境：7/10服務：9/10好味指數：8/10回頭率：7/10

同老公入屯門拍拖仔睇戲，睇完戲周圍找下野食，行行下老公話不如食呢間啦！門面唔錯，我又想食乳鴿，咁就入左去海興廚房，第一次來感覺唔錯，好有人情味的小店。老水乳鴿 ~ 個汁好濃郁香甜個八角味都好出，而我自己好欣賞佢乳鴿下面配了一點花生，芽菜和豆卜好吸味。椒鹽九肚魚 ~ 呢個菜真係好難係家煮到，所以老公去親打冷店都必叫的， 師父炸得剛好，食落好香口，又脆又滑。西芹腰果蝦仁 ~ 蝦仁夠大隻又爽，如果多返dd.腰果就仲 perfect。薑葱魚雲煲 ~ 炸過的魚雲再去炆焗一下夠哂入味。肉絲炒麵 ~ 估唔到佢個炒麵底炸得咁香口。上面好多肉絲。

我呢D無飯主婦，一日三餐都出街食🙈噚晚入左間新開嘅海興廚房，見價錢街坊咪試下。叫左三個小菜，烏頭鮮而無泥味，芥茉牛柳粒唔會有食擦膠感覺，湯無味精👍出乎意料之外，平靚正😄值得推薦服務員也很有禮貌。地區小店，喜出望外