海記合桃坊甜品

营业中

休息中

食飽就去食甜品。附近只係得呢間，之前又未食過，咪食下囉。睇menu, 款式選擇都好多。價錢都非常相宜合理。最後揀左紫薯芋圓豆腐花。芋圓好軟熟。雪糕好甜，質感結實。但豆腐花唔夠豆香，有生水味。雖然滑，但唔好食。成碗野可取之處就係大碗...另外要左個椰子芒果紫米露。椰子味唔濃，好清淡，幾乎食唔出有椰子味。如果夾芒果或紫米露一齊食，味道就會完全被覆蓋，完全食唔到有味，就似不曾存在... 芒果就好新鮮香甜又多汁。紫米露都okay. 無特別好食，唔會再嚟。一次就夠。

同個朋友吃完晚餐梗係唔食個甜品先，去左旺角ge海記.第一時間叫個女人恩物桑寄生蓮子紅棗蛋茶，不太甜而且好足料，另一個香芋雪落冰芋圓西米露，顏色好靚，芋圓好煙靱，仲有好多芋粒食添，價錢好扺

食完飯周圍搵糖水舖，經過見到好似幾多人排隊食。見到佢鋪頭嘅招牌好似係合桃糊。但係因為夏天真係太熱想食啲透心涼嘅冰個類。佢嘅餐牌入邊都有好多唔同類型嘅甜品選擇。分別有中式嘅綠豆沙芝麻糊等等，都有而家好流行嘅台灣芋圓紫薯系列，同埋有一個叫雪樂冰，未見過其他鋪頭有嘅系列。我哋三個叫咗三個唔同嘅甜品味道中規中矩芋圓嘅數量唔係特別多西米露嘅底有綠豆沙，但係綠豆沙嘅溫度熱熱地嘅， 西米露就常溫。成件事加埋有啲怪怪地又熱又唔凍。芋圓仲係暖既。味道唔差嘅係口感上怪怪地最想推介係雪樂冰見佢餐牌話好健康，用天然食材水果製造。味道比我想像中好，個冰有啲似雪芭嘅感覺。味道唔太假係似用真生果做嘅。兩份方面都好彈牙，有少少蒟蒻嘅質地。但價錢方面就有少少貴。間鋪頭都長期坐滿左人，好似都幾好生意。下次會上嚟試吓佢個合桃糊。

好奇怪喎呢間甜品鋪冇咩人寫食評嘅，間甜品鋪位於西洋菜街地點方便，而且（even平日）人流都幾多，入到去覺得用餐環境都幾企理乾淨，雖然座位就係一啲圓板凳，整體環境都係舒服嘅。Menu係我最鍾意嘅圖文並茂，睇住嘢食相揀就一定揀得岩。揀咗份甜品「冰青白玉」，原來係有雲呢拿味嘅西米露，加入小丸子、金柚肉、Q果同埋鮮忌廉，聽落個組合比較新奇，同埋材料豐富。味道整體都幾配合嘅，同埋因爲有好多唔同嘅材料，口感好豐富，小丸子亦都非常有咬口 。 不過都要挑剔一下，除咗鋪頭人流比較多，所以店內會比較嘈，未必咁適合可以傾計，同埋幫我地落單嘅店員，服務唔係咁專業，我同朋友呢只係叫咗兩樣嘢食，但係個店員呢頭聽完，轉個頭唔記得，又過嚟重新再問多次我哋order啲咩

正所謂，幾飽都好，食甜品係有另一個胃所以見就腳就黎咗海記見佢啲芋圓佔咗佢個menu咁大篇幅，我哋就叫咗兩款黎試試佢我哋要咗個紫薯雪樂冰芋圓豆腐花同紫薯香芋雪樂冰配芋圓首先評價下啲芋圓先我覺得太甜，冇番薯味，亦都冇芋頭味個紫薯雪糕，個味道有啲複雜坦白講我覺得麥當勞之前嘅紫薯雪糕好食啲（雖然都係太甜）比較覺得值得欣賞嘅係，個芋頭冰係有芋頭粒，甜度適中食落唔錯不過我諗下次有機會再嚟嘅話我都唔會食呢兩樣野🙊🙊佢話晒都叫合桃坊，可能下次你會叫個合桃甜品， 睇下可唔可以令佢係我心目中翻生😂其實重叫咗個冰青白玉冇咩好講，因為真係幾一般🙈不過呢度勝在就腳，附近糖水選擇又唔係多如果真係喺呢頭食完飯，想有下場同朋友吹下水，可能都仲有下次，不過下次會揀番啲中式糖水黎試吓，希望感覺會好啲啦👼🏻

🐹跟鼠友下午茶食得太飽，晚上來個甜品當正餐出動肥老鼠🐹的第二個胃！Wohoo~大大的招牌寫著海記合桃坊，顧名思義合桃糊是這兒的主打，當然要一試，餐牌上寫著加上合桃碎更滋味，所以就點了沙沙合桃糊。鼠友選了他最愛的返工禁食的紅豆沙，另外還叫了芒果腸粉，明顯是去完泰國還食不夠呢！芒果濕熱但又實在是太美味了紅豆沙最先上枱，亦都是最穩陣既一個甜品，上面加了蓮子增加了口感，可惜是沒有用上陳皮。不過普通的糖水店來說，這紅豆沙也是中規中矩，不錯的說。🐹：最愛還是家裡用靚陳皮弄的紅豆沙，紅豆夠軟淋成沙，陳皮夠香。合桃糊上場，單看外表幻想它會是很香濃，像芝麻糊甚至花生醬般。但一入口，幻想破滅合桃糊是很淡，沒有很濃的合桃味。口感上是糊，味道上是霜，還是沖稀了的霜唯一挽回分數的是上面的合桃碎，增加多一點口感，沒有那麼寡～🐹：如果這店叫其他名，這碗合桃糊還可以理解。但現在打正旗號用合桃做招牌，難免還人大失所望芒果腸粉 上枱時有點失望，畢竟是要$43，全場高價貨品之一，這份量未免太孤寒了。幸好芒果不酸，不過椰汁腸粉皮太厚，卷了三層，可想而知包著的芒果有多小。一入口就跟芒果分離，好像分開兩樣東西食的感覺。而且腸粉皮

海記晌同一條家有兩間分店，都已經係好耐嘅事....但係都無人更新呢到嘅？今次同同事又係忙到hihi咁之後，打算食番啲潤嘅野，滋潤一下就黎爛嘅喉嚨！而上次帶完個同事黎食....今次個同事又話要食喇...要試下個沙沙合桃咁話...我次次黎都會食芒果腸粉，但今次就無喇，***值得留意嘅係，呢間分店嘅芒果腸粉係好食過同一條街嘅另一店，上次去另一店，個腸粉皮係乾嘅....講番今次，原本係叫綠豆沙嘅不過見佢有埋豆腐花嘅綠豆沙仲平啲，於是就叫左呢個喇。但就話賣晒凍嘅，得熱嘅！味道方面不過不失，豆腐都幾滑。