海記合桃坊甜品

营业中

休息中

食完饭周围揾糖水舖，经过见到好似几多人排队食。见到佢铺头嘅招牌好似系合桃糊。但系因为夏天真系太热想食啲透心凉嘅冰个类。佢嘅餐牌入边都有好多唔同类型嘅甜品选择。分别有中式嘅绿豆沙芝麻糊等等，都有而家好流行嘅台湾芋圆紫薯系列，同埋有一个叫雪乐冰，未见过其他铺头有嘅系列。我哋三个叫咗三个唔同嘅甜品味道中规中矩芋圆嘅数量唔系特别多西米露嘅底有绿豆沙，但系绿豆沙嘅温度热热地嘅， 西米露就常温。成件事加埋有啲怪怪地又热又唔冻。芋圆仲系暖既。味道唔差嘅系口感上怪怪地最想推介系雪乐冰见佢餐牌话好健康，用天然食材水果制造。味道比我想像中好，个冰有啲似雪芭嘅感觉。味道唔太假系似用真生果做嘅。两份方面都好弹牙，有少少蒟蒻嘅质地。但价钱方面就有少少贵。间铺头都长期坐满左人，好似都几好生意。下次会上嚟试吓佢个合桃糊。