海記魚蛋粥麵

营业中

休息中

**海記魚蛋粥麵**都唔記得食過第幾次了，因為勝在佢收得夠夜同埋夠平所以都成日同老公過嚟食宵夜。不過就要預咗搭枱因為都幾多人食，平時都係食麵但係今日想食好少少，我就要左碗雞粥，老公就要咗個豉汁白鱔煲仔飯。另外加咗碟油菜同埋蔥花炸腸。可能因為太夜嘅關係 D粥煲左成日所以我食嘅時候都發覺比較杰身。蔥花炸腸就唔見咗啲蔥花，但係油炸鬼都炸得幾脆！最緊要係夜媽媽都仲有得食豉汁白鱔煲仔飯，白鱔都幾彈牙幾入味，豉汁撈飯的確係一流！值得再試多次

第一次幫襯呢間海記，以屋邨食肆來講都估唔到幾有質素喎。今晚叫咗個「砂鍋鮮雞粥」（ $65 ），砂煲份量都好多，我諗三個人都夠食，我們都食淨左少少，而且粥底好綿又夠味，真係有驚喜！除咗雞肉佢仲有椰菜絲、冬菇等，雞件唔會太「鞋」而且夠入味，值得推介。另外叫個「原汁牛腩泡飯」（$38)，好似好少見到有牛腩泡飯呢樣嘢，所以就試吓啦，個湯幾好味，牛腩都幾多，而且都算腍，整體嚟講幾好味。我哋仲要咗碟大油菜（ $18 ），都真係幾大碟，夠晒綠色。

疫情嚴峻下，食飯都只會去屋企附近，今日又黎到呢間屋企附近成日幫襯既海記，鋪頭細細間，但種類算幾多，2個人簡簡單單叫左少少野食，200蚊內埋單落樓。冬天有煲仔飯真心抵食❤️💚白鱔煲仔飯$68-熱辣辣煲仔飯拼5-6件白鱔，加埋豉油汁薑蔥紅椒好入味 👍🏻 擺耐多5分鐘仲有飯焦😍$68煲仔飯真係呢d鋪頭仔先食到 😄💚牛三寶撈粗麵$72-呢間牛腩一直都好正，炆得又淋又足料，牛根牛肚先係精華所在😍中意食牛既我真係每次必點💚淨雲吞拼魚蛋+油菜 $48-屋企人就叫左個出名魚蛋+雲吞😁因為走麵，所以有生菜底，個餐仲包埋油菜，菜心全走無蠔油先食到菜既鮮味👍🏻💚新鮮油炸鬼 $9 -油炸鬼每次都會叫，$9 夠抵食，仲熱辣辣，又夠脆口 ❤️❤️呢排成日係屋企，可以去多幾間附近既小店食野❗️

Home Office多日好耐無出去食野, 今日星期六同老公去屋企附近食個brunch, 望入去海記咁啱有卡位呢, 睇睇menu有齊粥, 粉, 麵飯, 當然唔少得茶餐廳必備嘅常餐, 門口嘅20蚊包炸魚皮都好想食🤤.>金牌常餐1號. 鮮茄南瓜牛肉x米粉 (HKD45)********抵食之選*********Wow, 45蚊就有齊一碗足料粉, 多士, 奄列, 餐飲. 真係非常抵食, 湯底完全真材實料, 啖啖都有真•南瓜🎃, 蘿蔔, 蕃茄蓉, 味道天然, 米粉份量勁足, 夾起一大箸有排食嗰隻. •配牛油多士&火腿奄列驚喜塊多士係厚切兼且烘過先塗上牛油勁香, 奄列切開勁多火腿絲多到覺得有啲醎醎地.>金牌常餐5號. 芝士汁撈一丁麵配雞扒 (HKD45)老公嗌芝士撈丁食到津津有味, 塊雞扒好厚切!!! 肉質嫩滑又juicy, 芝士汁多到每條一丁麵都掛滿芝士汁🧀🧀推介🧀🧀.•配脆豬包&黑松露炒蛋其實野食未黎時我地未除低口罩, 但都聞到好大陣好香嘅黑松露味道, 炒蛋又滑👍🏻脆豬擺左一陣先食都仲係勁脆架.>炸魚皮 (HKD20)門口一包包炸魚皮原來堂食附送一碗熱辣辣湯, 浸一浸

今日個人有啲唔係咁舒服，所以就去咗買粥食，屋企附近既海皇粥店又執咗 😭 所以就唸到呢間新開既餐廳有粥食，第一次幫襯佢既粥品，叫咗荔灣艇仔粥同豬潤腸粉。荔灣艇仔粥 ($24) : 今時今日竟然重有 $24 蚊粥食，不過一分錢一分貨既 😂 只有少少肉絲、生菜、魷魚、薑絲，連花生都無粒 😂 粥底都唔錯綿綿地。豬潤腸粉 ($20) : 見到咁得意豬潤都可以做腸粉，所以叫嚟試下，可惜。。。。。。腸粉皮實在太厚喇 🥴 加上豬潤配腸粉原來都幾唔夾味，食落口好似腸粉還腸粉，豬潤還豬潤咁。

食物早夜都可以！過得去！只係次次D話事人對客及樓面員工差！次次去到見話客人啦！話樓面啦！今早見到話事嗰姊！要嗰客轉位到行人路轉湾位，嗰客話自己大件小心D！嗰阿姊仲話個客坐好D啦！跟手大叫話個客坐出行人路！好食都下次唔去了！'

聽家人食過話好味，特登去食吓點咗窩蛋牛同北菇雞飯，每煲$58係廟街價錢但出來嘅質素拍得住西環坤記(個人口味）煲係用煲仔，唔算大煲，但呢隻砂鍋好傳到熱，所以飯焦特別脆，料唔算超多但係足夠，比起廟街得幾舊已經好唔同雞係好好味，雞油仲會流落d 飯度，好香總結係性價比高嘅煲仔飯

Went for a quick bite and the cafe was busy and nearly full.  Good choices of noodles, congee and a variety of other noodle shop staples.  There is also a very popular clay pot rice section.  Service was quick and the food we ordered very well made.   By the time we finished, there was a queue forming -just goes to show how popular this neighbourhood restaurant is.    Would return and recommend.

男朋友不適，要食粥，係openrice search 到呢間。今次第一次黎食，見到附近嘅店都大排長龍，呢間暫時冇人排隊，諗住應該普普通通，唔會抱有好大期望。雖然冇長龍但都要搭枱，見到搭枱嘅大叔食煲仔飯好鬼香，睇下煲仔飯餐牌竟然有鱔食。 呢啲麻煩野唔係周圍有得食，即叫！等左一陣，服務態度都殷勤。個煲仔飯冇影相，但味道真係幾好，推介。鼓油，豆豉同鱔嘅配搭岩岩好。yummy!聽男朋友講佢個肉丸皮蛋粥都ok， 我應該要偷食一啖試下。 下次搵日黎食粥做早餐試下。

粥麵腸粉 西式咩都有。因為媽媽早餐中意食粥，我就中意食西式。一人叫一款就岩曬啦！呢份早餐有奶油脆豬包 餐肉 蛋 沙嗲牛肉麵，仲要係出前一丁 唔駛另外加錢！俾埋包味粉同麻油自己落架！試問依家有咩茶餐廳食出前一丁又唔駛加錢先？！ 個沙嗲牛肉都做得唔錯架，唔會醃肉醃到無曬肉味咁，但又唔會好un!而呢份咁大既早餐只係33 蚊咋！ 味道質素又好 價錢又平 所以連續幾個星期六都同媽媽黎食早餐呢！媽媽就叫左艇仔粥配豬潤腸 因為即叫即做 所以熱辣辣 非常正！

今日經過海記叫咗佢哋比較出名嘅牛坑腩河粉，因為我之前都未嚟過呢度食牛腩，另外再叫咗個常餐，鮮茄南瓜牛肉通粉配厚多士加火腿奄列，個鮮茄南瓜湯底真係好正，個湯底好濃郁又番茄又南瓜味，有種好fresh嘅感覺，嗰個火腿奄列入面啲火腿包到脹卜卜，又係好好味，再講牛坑腩河粉，主角當然係個肥瘦一層一層叠住嘅牛坑腩，放入口時軟時有咬口，最緊要係好有牛腩味，真係要再嚟試多次。因為叫咗兩樣嘢都太好味，所以我哋再叫多個西多士嚟試下，又係熱炙炙即叫即煮，加上牛油糖醬又係必食之選

攞完日本水果已經九點，時間比較晏，想吃味道簡單的、沒有味精的東西。本來想吃另一家新開粥店，不過差不多關門了，所以就走到樓下看看有什麼好吃的，原來海記就開在面前。進去細細聲問阿姐有沒有味精，阿姐堅決保證說不太有，雖然不太相信馬鞍山的貴租下會有足料粥，那就試試看吧。果然不錯，多料夠綿。食到最後，點解仲未食完嘅，份量真不少。炒麵以為佢漏咗俾，追單，阿姐話係即炒，所以要等等，即炒？！夠香對辦。食緊時，哥仔同隔離枱推介豬肉條 (唔記得個名)，話係同平時唔同，我食唔落啦無叫到。。 。食飽飽眼見都多人嗌煲仔飯。

馬鞍山近年多咗好多新嘅餐廳，今日就揀咗呢間嚟試吓喇。見到常餐有芝士撈丁麵，所以二話不說即刻叫咗呢個，想當年芝士撈丁真係紅極一時，但熱潮過後，好多地方已經無咗，另外再叫咗黑椒蜜糖雞中翼配薯條，蔥花蝦米腸粉。蔥花蝦米腸粉 ($15) : 估唔到咁平都有咁大碟，不過粉醬唔知係咪太稀，食落好似一堆野咁口感不爽滑。黑椒蜜糖雞中翼配薯條 ($36) : 雞翼外皮脆口，而且味道唔錯，薯條份量亦合理。雞扒芝士汁撈一丁麵、脆豬包及黑松露炒蛋 ($45) : 雞扒幾大塊，雖然芝士汁唔夠濃郁，但食到已經好滿足 ; 脆豬包用煉奶加牛油估唔到又幾好食，黑松露炒蛋份量亦幾多。

馬鞍山以前被譽為美食沙漠，基本上我對食要求就唔係話好高，但求夜晚收工返去可以有多少少選擇，唔使下下麥當勞同埋circle k或者seven，海苑嚟咗之後無疑是一個方便！佢哋嘅嘢食我覺得不過不失啦，中上程度。特別 值得提下嘅 係佢啲腸粉同埋啲粥都真係做得唔錯👍 而且招呼態度都一流！ 希望 繼續努力👍